萬南 二五中環 眾安開始Big Tea Rice
1 :
GS(14)@2014-02-25 00:53:56http://www.metrohk.com.hk/index.php?cmd=detail&id=228374&search=1
舊年11月㡳，萬南係全港首個專欄作家唱好眾安房產(672)，理據係眾安食正阿爺大搞城鎮化概念，連環公布兩個杭州新項目，都由鎮政府出地，眾安負責動遷，平整土地後再攞出市場拍賣，投行老友更即時飛杭州拜會董事長施侃成(圖)，佢結論係實食冇黏牙，等食Big Tea Rice，即係大茶飯呀！
結果呢餐飯遲遲未食出，股價一直喺$1.4橫行，成交亦得雞碎咁多，就連自己都懷疑係咪收錯風。幸好近日終於發力，8日內跳升至$2.5，累計升幅接近八成，而且棍棍有力，成交額更試過單日億億聲，似乎真係有人開始做嘢，大家可認真留意吓。
High tea唔high？教你嘆正統英式下午茶
1 :
GS(14)@2015-10-12 14:21:51舊郵筒皇冠將被遮蓋，敲響本地「去殖」喪鐘。百多年英治歷史為香港帶來物質烙印同時，亦留下文化痕跡。一個三層架，一份下午茶，殖民遺風依然瀰留在瑰麗雅廳中，散落在本地華人社會間。作為保存傳統英國風情表表者，香港文華東方酒店決將英式下午茶帶到美酒佳餚巡禮，與知音共尋久違18年之味。記者：佘錦洪英式下午茶「Afternoon Tea」，起源於英國貴族，隨殖民時代的英國精英傳入香港。香港文華東方酒店行政總廚Uwe Opocensky表示，1840年時一名英國貴族Lady Bedford因難抵晚上8時才開始的晚餐，選擇在下午時份進食各式小吃，慢慢一種成為流行文化。他指出，英式下午茶經多年演變，已成香港文化重要部份。輕輕一句「High Tea」，隨時喚醒港女潛藏心底的甜食欲望。但原來High Tea並不「High」，「Low Tea」才是身份象徵。Uwe稱當時貴族吃下午茶有專門的茶几，一般較食晚飯的餐枱矮，因此下午茶又叫「Low Tea」；相反有些人吃下午茶不甚講究，直接在高桌上開餐，因而衍生出「High Tea」。資料顯示，High Tea是英國勞工階層下午茶的統稱。正宗的英式下午餐，所有食物都會放在三層架上，由下至上分別是三文治、英國鬆餅、小蛋糕，吃法亦是由下至上吃，口味由鹹到甜。不過Uwe指出，現時餐廳已不局限於傳統，而是針對不同點心的大小及顏色去排列，以美觀行先，但進食次序仍無變，保留傳統。一杯香濃奶茶是下午茶必不可少的配搭，但原來紅茶加奶亦是因為貴族習慣所致。Uwe指以往貴族會使用來自中國的骨瓷，但因骨瓷較薄，若加入熱茶容易受熱而爆裂，所以需要一份放涼的鮮奶去中和熱力。香港文華東方酒店的英式下午茶自1963年推出至今，七成顧客為本地人。Uwe表示，最重要的原因是堅持使用最新鮮的材料及香料，又會推出新款甜品保持食客新鮮感。最近酒店聯同香港乳癌基金會「Think Pink」活動，推出以藝術品為特別造型的蛋糕及奶油卷，供應期至本月27日。文華東方今年與旅發局合作，半世紀來首度將下午茶帶出酒店，在於「美酒佳餚巡禮」的品味館活動中接受預約。「美酒佳餚巡禮」文華東方下午茶活動日期：10月24及25日節數：每日2節，每節限130人門票：每位290元，門票已於網上接受預訂。10月22日前購買，將免收「美酒佳餚巡禮」30元入場費網址：
http://discoverhongkong.com/winedine。
來源:
http://hk.apple.nextmedia.com/news/art/20151012/19330085
揈住嘆Tea前後腳走麥潔文大啖意粉 江華優雅立食
1 :
GS(14)@2016-02-15 02:20:00【十指緊扣】■江華和老婆麥潔文邊行邊揈手，非常恩愛。DV圖片
【圓方】現年53歲的江華於96年與鄧萃雯合作亞視劇《我和春天有個約會》期間傳出緋聞，差點破壞他與麥潔文的婚姻，幸得太太體諒，風雨過後，兩人更珍惜彼此感情。這對結婚24年的夫婦，前日下午4時許被發現撇低一對仔女，穿上全黑色情侶裝拍拖到圓方嘆下午茶。
【搭膊開餐】■江華搭住麥潔文膊頭，前後腳走入餐廳。
【孖住快食】■麥潔文食得好快，食飽便先行離開。
神經痛常企
姿整的江華戴上黑色帽，穿上短boots加吊腳褲扮後生，全程拖實太太麥潔文的手揈來揈去，很有少男少女拍拖感覺。之後兩人一前一後行入一間西餐廳，江華又輕搭太太膊頭，盡顯恩愛。江華曾因為軟骨壓住神經，再加上抑鬱，幾年冇工開，一家生活重擔由太太孭起。這天麥潔文亦食得好匆忙，大大啖食完一碟意大利粉後，未夠一小時便先行離去。反而江華就繼續留在餐廳內hea，或許因為神經痛不能坐太耐，江華很多時間都是站着進食，而且比起老婆他食得慢很多，吃不露齒好有儀態。江華似乎是常客，無聊時會與餐廳內侍應傾偈，見他講說話時手舞足蹈，表情十足。江華雖然一直保持後生look，但始終年過半百疑有老花，睇手機和睇書時都要先戴副眼鏡，他逗留到晚上7時多仍未離開。採訪、攝影：陳辰
【Hea玩手機】■江華轉職做保險，生活較清閒，逗留逾3小時仍未離開。
【斯文再擦】■江華疑神經痛，經常站着進食。
來源:
http://hk.apple.nextmedia.com/entertainment/art/20160214/19490229
女神tea time：炒比卡超股？先捉網龍吧！
1 :
GS(14)@2016-07-15 05:13:20作為炒友，你唔知Pokémon GO點玩唔緊要，甚至乎你連比卡超係咩都唔知，都冇問題！不過，有三樣嘢你一定要知，第一，隻game令任天堂股價六個交易日內，勁升75%；第二，隻game係採用AR技術；第三，隻game受歡迎程度係癲嘅。講咁多，自然係想派福利！冇錯，是日隆重推介網龍（777），原因四個字講晒：AR網遊！網龍本來就你一隻game股，網遊加手遊產品；同時亦大力開發教育平台業務。話說集團一早已就VR同AR作出部署，去年底已開始研發VR教育產品，今年下半年就會街。不過，公司一早已睇清形勢，副董事長梁念堅上個月接受訪問時講過，「VR是現在，AR才是未來」嘩！睇完真係覺得佢哋係先知。近幾個月，更投資兩間AR公司，分別係來自加拿大嘅ARHT，同埋本地薑Cherrypicks Alpha。網龍通過整合兩公司嘅AR技術，將用作製作內容及軟件應用到遊戲、教學、娛樂及企業等範疇。今次Pokémon GO嘅成功，完完全全幫晒網龍示範，AR技術係如何應用。他日網龍要開發AR game，無論吸用戶定係吸廣告客，一定更加容易，亦幫網龍諗埋一個廣告摸式。去一個唔覺意寫咗個大受歡迎App，廣告唔使搵都自動埋身，搵錢途無可限量！另外，網龍走在潮流尖端，率先開發結合AR元素嘅教育平台。截至去年底，網龍贏得覆蓋內地14個省或直轄市內400所學校，5,000間教室的招標，當你見到Pokémon GO強國已有老翻，就知今次Pokémon GO亦正正變相幫網龍做埋廣告，話俾廣大潛在客戶聽，「我嘅AR軟件真係好玩又好用！」公司冇錯去年業績轉盈為虧，蝕1.43億元人民幣，今年首季虧損，更由上年同期的1,091萬元人民幣，擴至1.14億元人民幣。不過，網龍的遊戲業務首季收益2.84億元人民幣，增長26.6%。網龍管理層表示，今年是公司對VR及AR的投入期，相信2017年會有收成。網龍喺周二受任天堂刺激，炒高一支大陽燭升逾6%；當任天堂都可以6日升75%，網龍冇可能已經炒完囉。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20160715/19695384
女神tea time：買科技股贏在開通前！
1 :
GS(14)@2016-08-19 06:53:24深港通公佈後，恒指再創九個月新高，升得最靚嘅騰訊（700）再創新高，市值仲打低阿里巴巴！咁已話咗畀大家聽，呢期個炒作主題係科技股！聯想（992）截至6月底止首季業績非常之好，盈利大增64%至1.73億美金，好過市場預期，呢樣已顯示公司重組做到嘢，基本因素好！好啦，咁你會問，股價由上年4月13.83元碌落嚟，插到6月最低4.285元，見底未先？講真由高空下墜，相差達七成，相信大部份基金已經打晒靶。喺靚業績支持下，就算有淡倉呢個時候都要填補番。大家另外要留意係，公司過去大跌，係因為唔buy佢收購Motorola，覺得手機市場係蘋果同三星嘅天下，有排都未到Motorola，於是大家對聯想睇法係「冇啦冇啦」。不過就算手機唔work，都唔代表佢升唔起。睇番2012年Nokia股價曾打到去最低1.2827歐元，但而家市場形勢冇變，Nokia股價已升三倍去到5歐元。除此之外，聯想9月將會推出全球首部AR手機，喺Pokémon GO嘅成功下，聯想當堂多一個超強賣點。所以係時候買入博真正轉勢！另一隻大家要望多兩眼科技股係酷派（2369），隻股已被納入深港通南下買入名單。首先呢間係一間深圳企業，第二樂視係大股東。由於酷派由於有超強有知名度，單係呢兩樣已贏在深港開通前。而喺炒作手機科技股嘅大前提下，呢隻相信會受著目！
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20160819/19741667
女神tea time：新iPhone、新能源股攻略齊發
1 :
GS(14)@2016-09-09 05:33:18蘋果iPhone7同iPhone7 Plus正式公佈，一如預期，今次新機冇咩值得預期。至於粒勁似「逗號」嘅耳機，只要唔小心唔見咗一邊，就可以為部耳機寫上句號。不過又咁，或者呢個就係庫克條橋，「你唔見咗一粒咩？買過一對啦！」係咪突然睇到蘋果條財路呢？即係咁，如果家陣用緊部機仲完好，又冇心癮想換機，就不如等多一年。話晒出年係iPhone面世10周年，所以相信蘋果應該將所有絕技，放晒喺下年部機度。同埋，或者你唔係好介意，但下年嗰部iPhone，你買咗嘅，就叫買咗「8」返屋企，而唔係買咗「7」。至於炒唔炒機呢，要炒就炒鋼琴黑128或256GB大機，最安全。講返股份推介，是日睇好隻協鑫新能源（451）。首先，近來新能源股有氣勢，中電新能源（735）、天津創業環保（1065）近來都起跳。其次係，協鑫新能源基本面來講冇得輸，上月底公佈上半年業績，純利大升1.3倍至1.67億人仔，比起8月中公佈盈喜預計嘅超過1.3億人仔仲要多。至於今年餘下月份，值得期待嘅炒作主題係深港通。今次深港通嘅港股通名單，只要係恒生綜合小型股指數成份股，同時市值有50億元以上就入圍。協鑫新能源最新市值超過80億元，相信要中選冇咩難度。咁話說佢阿媽保利協鑫（3800）一向內地知名度高，所以協鑫新能源有機子憑母貴。協鑫新能源昨日股價一突破12月嘅供股價0.45元，就一箭飆上去。不過如果大家睇耐少少，呢隻股被保利協鑫收購後，市值曾升到超過200億元，所以現時先得80億元多啲，現價安全；昨日股價先開始突破，加上仲要係毫子股，所以應該未炒完。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20160909/19764644
張文慈High Tea賀教友生日
1 :
GS(14)@2016-10-22 22:28:56■張文慈與友人嘆完茶後，三個女人一齊步出餐廳。
張文慈（Pinky）演藝事業停滯不前，上月在好友萬綺雯引薦下，終於簽約無綫兩年，心情自然好，日前Pinky被影到相約亞視舊同事「黑仔」姜皓文老婆金慧英，到又一城high tea。大約4時許，身穿淺紫色露膊上衣的Pinky獨自步行到餐廳，其間她邊行邊講電話，聲浪頗大，但她見到途人即自動將音量收細，當她抵埗後，原來金慧英與另一女友人已先到，三人邊食邊傾，實行發揮三個女人一個墟的本色。眾人嘆完tea後就分道揚鑣，Pinky獨自去停車場攞車，事後她亦有貼圖到微博，原來當日她與金慧英為教會姊妹慶祝生日。採訪、攝影：徐錦池、吳耀輝
來源:
http://hk.apple.nextmedia.com/entertainment/art/20161022/19808319
女神tea time：特朗普風險，完了吧
1 :
GS(14)@2016-11-11 08:09:26特朗普風險？係咩？碰！市場又唔係儍嘅，經歷過年中Brexit嘅黑天鵝，大市急跌後就成為買平嘢好時機，上次錯失良機今次又點會走寶，正如2003年沙士之後嘅樓市，跌少少就即有承接。所以特朗普效應玩完㗎啦，（當然如果佢突然因為唔知咩原因冇得做，就有另一隻黑天鵝飛出嚟）下一步就真係要迎接深港通。市場唔少人相信，深港通11月21日通車，That's why呢幾日中資股升得唔錯。山東墨龍（568）有同時喺深圳上市，A對H溢價275%，一個字，抵！另外係特朗普本身係個生意佬，油價跌對佢都冇着數。佢贏到大選變相對伊朗嘅政策可能有所改變，話晒佢之前曾批評西方與伊朗簽署的核協議，畀伊朗今年大幅增加石油出口。家陣油價有望獲支持，油服股自然有利。噚日資源股率先炒高，見一眾油服股蠢蠢欲動，呢隻有深港通概念，要繼續沿上升通道行，相信冇難度。此外，大家要留意，A股石墨烯炒起，金路集團漲停、珈瑋漲半成。今年9月工信部亦講明，下一步會扶持石墨烯發展。石墨烯被視為新寶藏，係一種能夠快速令電池快速充電嘅新超級材料。至於香港如果要數石墨烯概念，就要睇隻允升國際（1315），最新公佈與上海交通大學、同濟大學合作研發石墨烯儲能器材。研發上述器材，是為對應用於電動汽車的低成本節能型的儲應能器，希望可以達成「充電十分鐘，續航兩小時」的目標。股價低位反彈後守穩2.6元水平，可以留意。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20161111/19829558
女神tea time：注資賣殼概念齊
1 :
GS(14)@2016-12-03 05:09:10最近同位N年冇拍拖嘅女性朋友傾偈，佢唔係冇人追，但又呢樣又嗰樣。唔知係咪俾啲「港女語錄」荼毒得多，簡單來講，佢嘅要求係「有樣、有錢夾有品」。如果個男士真係有咁好條件就唔會係單身啦。佢竟然話，只係緣份未到。我冇佢咁好氣，同投資一樣，錢唔會自己跌落嚟，一係你自己出擊發掘！今日就推介一隻有幾大好條件股份——安寧（128）。華懋系來講，近來大家都係留意天安（028）全購丹楓（271）單刁成唔成事，不過識搵就要搵下一隻潛質殼股。安寧本身業績唔掂，上年開始勁蝕，今年上半年繼續見紅。加上幾年前結束國內的渡假村及酒店業務，今年再賣內地零售附屬，戰意有幾多剩？餘下業務就只有小量零售、證券投資及荃灣顯達鄉村俱樂部業務。隻股出路，一係大做，一係甩手。如果大做嘅，華懋輕輕注少少嘢入去，都夠炒起隻股。假如係甩手呢……就要計計數，安寧6月底止，手持4億幾現金，銀行貸款只有幾百萬，加埋1.9億元可出售投資，加加埋埋6億元，折合每股0.37元。注資、賣殼兩個概念都齊。安寧現價0.63元，只係cash已佔股價近六成。呢個計法，仲未計荃灣顯達鄉村俱樂部資產。目標價方面，龔如心早於2000年，以每股1.40元買入安寧34.6%控股權，名下最新持股已增至44.28%，如果他日有咩動作，以呢個作為指標都未嘗不可。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20161202/19851827
Next Page