ZKIZ Archives


怨冇碟出提早解約JW撇黎明:我想唱歌

1 : GS(14)@2015-04-11 11:45:00

■JW想當年因為靚聲被賞識,但多年來推出的作品寥寥可數。資料圖片


黎明(Leon)和林建岳於04年成立的唱片製作公司A Music,繼衞蘭於今年年初約滿離巢後,再爆出另一女歌手JW(Joey Wong)嗌走,JW早前曾透露與A Music仍有一段時間合約,但原來她已經解約。換言之,A Music目前只剩Leon及主力在內地拍劇的李治廷兩個男丁!



未有新公司都走

據知情人透露,JW本來尚有兩年合約,突然提出解約,是不滿唱片公司管理層答應過她的事,統統不兌現,終於谷到爆向Leon提出斬纜要求。知情者說:「衞蘭啱啱走,唱片公司高層即刻揾JW傾偈,話會將公司資源擺喺佢身上,講到天花龍鳳,每次向Leon匯報都好多plan,但Leon行轉背去拍戲,就好似失憶當乜都無講過,JW覺得唔可以再咁落去先提出解約要求。」
JW於10年加盟A Music,當年Leon花費過百萬,務求將JW打造為衞蘭以外另一位靚聲王,第一首主打歌《掛念好友》更出動當年仍是「黎明嫂」的樂基兒擔任形象顧問。雖然JW不負眾望,唱功獲一致好評,無奈五年來她只推出過兩張唱片,作品僅得十多首,令她感到極失望且失去方向,個多月前她在Instagram留言:「其實我真係好鍾意唱歌……我都好希望可以快d有新歌比大家聽……!Stay with me.」對自己遲遲未有新歌,明顯感到不滿。



■JW曾是黎明力捧新人之一,可惜今日解約收場。資料圖片

■左起:文詠珊(Janice Man)、JW、衞蘭曾被封為3J,但先後離巢,現只剩李治廷(右)仍跟隨黎明。資料圖片



日前Leon被問到歌手約滿都離去,曾表示唱歌要迎合齒輪,新人要講運數。據知,JW今次主動提出解約,Leon亦一口答應,未有留難。本報昨日致電JW求證解約一事,她直認不諱:「我而家已經係自由身喇!」是否不滿三年多冇唱片出?JW說:「總之係和平分手,內容唔想講咁多喇!多謝關心!」問JW有甚麼新計劃?她坦言有唱片公司跟她接觸:「而家傾緊好多嘢!唔心急,我好鍾意唱歌,一定會繼續唱。」採訪:小米



【逐個走】

緣盡就分手,黎明揸旗的公司A Music,繼早前衞蘭約滿離巢後,連JW也宣佈要同黎明分手,目前A Music所剩的歌手,除了黎明本人外,就只有轉到內地發展的李治廷。




楊千嬅

千嬅07年由金牌過檔後,屢傳出與黎明意見不合,09年約滿即走。



衞詩

衞詩09年於日本因藏毒被捕,黎明其後以「特工論」宣佈結束合作關係。



應昌佑

05年加入時獲力捧,但發展麻麻,曾拍港視劇集《還來得及愛你》等,去年約滿。



王歌慧

06年加盟,只有兩首作品《聽說》及《大話精》,亦有拍港視劇,今年年初約滿。



衞蘭

被黎明形容為「肥過電單車」的衞蘭,離巢後不時
怨冇 冇碟 碟出 提早 解約 JW 黎明 我想 唱歌
PermaLink: https://articles.zkiz.com/?id=289479

JW煎糕拋鑊失手

1 : GS(14)@2016-02-10 14:19:28

王灝兒(JW)去年簽約新公司,第一首派台歌《矛盾一生》好評如潮,令她信心大增,立即趁新年許願,希望新一年步步高陞。不過,歌藝獲讚的JW原來是地獄廚神,日前她隨港台DJ及有「少年食神」之稱的Michael(林澄光)一齊跟大廚學煎糕,結果雞手鴨腳,學大廚拋鑊連環失手令全場捧腹大笑。JW笑說:「我好少入廚,通常呢啲日子親戚嚟拜年,佢哋喺客廳傾偈、打麻雀,我都會好乖咁幫手煎糕,所以我都識少少㗎!」問JW今年新年願望,她說:「希望多啲人鍾意聽我唱歌,快啲有個唱,最緊要係家人同朋友都身體健康。」她又透露新歌會於情人節前推出,當是送給自己的情人節禮物!撰文:李察





來源: http://hk.apple.nextmedia.com/entertainment/art/20160210/19485247
JW 煎糕 糕拋 拋鑊 失手
PermaLink: https://articles.zkiz.com/?id=295738

馮仁昭四圍超:JW慨嘆冇人追

1 : GS(14)@2016-02-18 08:56:17

JW(王灝兒)噚日喺商台宣傳新歌《多少年》,佢話首歌係《矛盾一生》嘅延續,仲話好多女仔聽完會有感受,希望佢哋能終成眷屬。唔知佢有冇擔心好友何超蓮同鄧紫棋(G.E.M.)嘅感情生活?佢話:「佢哋咁靚唔使擔心,超蓮又靚又聰明,G.E.M.又有才華,反而我自己矛盾一生,要多少年先可以終成眷屬,但而家冇人追,不過屋企人冇催婚,反而希望我多啲陪佢哋。」撰文:馮仁昭





來源: http://hk.apple.nextmedia.com/entertainment/art/20160218/19494926
馮仁 仁昭 四圍 JW 慨嘆 嘆冇 冇人 人追
PermaLink: https://articles.zkiz.com/?id=296139

馮仁昭四圍超:JW怕咗G.E.M.尿片褲

1 : GS(14)@2016-03-30 14:42:16

王灝兒(JW)噚日喺新城宣傳新歌,講到佢好友G.E.M.早前以高腰尿片褲look現身內地頒獎禮,劣評如潮,JW維護老友話:「我有睇新聞,呢啲好難去comment,大家對衫嘅口味都唔同,我覺得有自信咪OK囉!」問佢敢唔敢着?JW即刻表示唔得。問佢會唔會向對方畀啲意見?JW話:「我哋冇乜傾衫。」撰文:馮仁昭





來源: http://hk.apple.nextmedia.com/entertainment/art/20160330/19549363
馮仁 仁昭 四圍 JW 怕咗 G.E.M. 尿片
PermaLink: https://articles.zkiz.com/?id=298782

JW評G.E.M.蛆蟲裝:口味唔同

1 : GS(14)@2016-04-13 17:09:06

前經濟發展及勞工局局長葉澍堃的細仔葉瀚華(Ian)的法越餐廳昨日在灣仔舉行開幕活動,Ian的父母、好友何倍倩、丁子高、何傲芝、JW王灝兒和向佐都有出席支持。JW被問到好友鄧紫琪(G.E.M.)日前出席活動時穿着的白色長裙,被網民批評其裙上的花紋有如蛆蟲上身,她說:「我有睇報道,但係我哋好少傾工作同着衫,見面嗰陣都想大家輕鬆聚一聚,佢係一個好strong嘅女仔,可以應付。」對G.E.M.的衣着品味,JW坦言:「好難去評論,個個人口味唔同。」
Ian透露今次投資了7位數字並說:「呢次唔算係第一次創業,不過飲食方面係第一次,屋企人都好支持,我未有諗幾時先可以回本,反而希望建立多啲口碑。」採訪:羅慧敏攝影:陳慧安





來源: http://hk.apple.nextmedia.com/entertainment/art/20160413/19568422
JW G.E.M. 蛆蟲 口味 唔同
PermaLink: https://articles.zkiz.com/?id=299238

馮仁昭四圍超:衛蘭JW唱好舊老細

1 : GS(14)@2016-05-21 17:49:45

衛蘭同王灝兒(JW左)將會喺商台天台舉行音樂會,佢哋噚日到商台宣傳,交由網民投票想佢哋唱舊老細黎明邊首歌,而佢哋自己就最想唱《Sugar In the Marmalade》。黎明扮打工仔拍嘅咖啡廣告,引爆網上點擊,JW話:「第一日洗版,我睇咗幾次,但平時唔係叫佢阿明。」黎明4D騷出Blu-ray碟,佢哋都話會支持。撰文:馮仁昭





來源: http://hk.apple.nextmedia.com/entertainment/art/20160519/19617602
馮仁 仁昭 四圍 衛蘭 JW 唱好 好舊 舊老 老細
PermaLink: https://articles.zkiz.com/?id=300743

【馮仁昭四圍超】JW減肥上圍縮水

1 : GS(14)@2016-08-07 01:48:28

JW(王灝兒)噚日到尖沙嘴海港城為雪糕店擔任客席店員,即場製作雪糕畀客人享用,可惜JW要為即將舉行嘅演唱會節食,所以噚日有得睇冇得食,JW話:「而家每日排舞、做gym同練歌,感覺到開演唱會壓力。」由於極速減磅,上圍豐滿嘅JW話,感覺到上圍縮水,JW話:「我都有少少驚,feel到係細咗,不過我身形唔係特別高,啱番自己身形,暫時未跌cup,唔使轉bra。」撰文:馮仁昭





來源: http://hk.apple.nextmedia.com/entertainment/art/20160804/19721651
馮仁 仁昭 四圍 JW 減肥 上圍 縮水
PermaLink: https://articles.zkiz.com/?id=304501

【馮仁昭四圍超】蔡立兒欣賞JW有特色

1 : GS(14)@2016-09-01 06:12:30

蔡立兒噚日喺商台宣傳新碟,提到近年有不少樂壇新人,蔡立兒話最欣賞JW同AGA:「我覺得佢哋好有特色,而且能歌擅舞,我知佢哋都有自己演唱會,希望佢哋加油。」佢仲話而家香港多咗好多地方演唱,鼓勵大家無論舞台大小都用心唱就得。提到早前蔡立兒有份演出Slide the City音樂會,樂隊神奇膠遭不禮貌對待,佢話:「live show就係live,隨時會變動,歌手最緊要做好演出,情緒嘅嘢應該事後再溝通。」撰文:馮仁昭




來源: http://hk.apple.nextmedia.com/entertainment/art/20160831/19754839
馮仁 仁昭 四圍 蔡立 立兒 欣賞 JW 有特色
PermaLink: https://articles.zkiz.com/?id=306930

JW開騷叫周國賢除衫

1 : GS(14)@2016-09-01 06:24:32

王灝兒(JW)前晚在九展舉行音樂會,獲父母、緋聞男友Mark、李蘊及何超蓮捧場,周國賢擔任嘉賓。JW翻唱了多位歌手的歌,而自己的《矛盾一生》則唱了3次。周國賢出場時,她要求對方除衫騷肌,周國賢尷尬地說:「你爹哋媽咪喺度㗎!」完騷後被問到緋聞男友捧場,JW即否認說:「陳年舊事唔好再提,今日好多朋友嚟支持我,暫時冇拍拖。」採訪:盧妹攝影:葉君海




來源: http://hk.apple.nextmedia.com/entertainment/art/20160901/19755694
JW 開騷 騷叫 叫周 周國 國賢 賢除 除衫
PermaLink: https://articles.zkiz.com/?id=307047

【馮仁昭四圍超】JW放縱食慾唔敢磅重

1 : GS(14)@2016-09-09 05:37:03

王灝兒(JW左)同衛詩(Jill)噚日到時代廣場為Coach推出新香水宣傳,JW演唱會後即休假旅行,大吃大喝,每日薯條、咖哩撈飯,之後仲會到韓國放縱,佢而家完全冇勇氣上磅,下月又話要收拾放假心情令狀態回勇。相反Jill仲好忍得口,只食蘋果、蔬菜減肥,成效大過家姐衛蘭,Jill呻:「本身好鍾意食嘢,減得好辛苦,會同家姐互相鼓勵,唔敢偷食,好餓就食梳打餅。」撰文:馮仁昭




來源: http://hk.apple.nextmedia.com/entertainment/art/20160909/19764874
馮仁 仁昭 四圍 JW 放縱 食慾 唔敢 敢磅 磅重
PermaLink: https://articles.zkiz.com/?id=308376

JW認同黎明見好收

1 : GS(14)@2016-09-11 05:50:36

王灝兒(JW)與樂隊RubberBand昨日在會展的i.t時裝騷擔任表演嘉賓,提到買衫扮靚,原來JW是慳妹一名,她表示買衫會選classic易襯款式,貴買平用,一穿就5至10年。JW說:「我細個時着嗰件T恤,而家瞓覺都仲着緊。」談到前老闆黎明的明福俠預告即將消失,JW謂:「鍾意嘅係佢嘛,做得多唔會珍惜,要見好就收。」




來源: http://hk.apple.nextmedia.com/entertainment/art/20160911/19766949
JW 認同 黎明 見好
PermaLink: https://articles.zkiz.com/?id=308633

拍拖入馬場 愛駒跑尾三JW新歡大揭秘 家族擁12億 被封僆模殺手

1 : GS(14)@2016-10-10 04:28:23

■JW(右圖左)昨陪新歡Tarzan(左圖)現身沙田馬場,見記者影相,不發一言匆匆進場。攝影:譚日華



現年26歲的中菲混血兒王灝兒(JW)近日被指與市值12億的卓悅太子爺Tarzan Ip拍拖,前日有讀者爆Tarzan的風流史兼愛炫富,傳他與媽模陳靜儀(Mia)、「藍莓」劉俐、唐貝詩等有過短暫戀情,令人擔心JW今次「落錯注」!但JW一於少理,昨現身馬場支持男友的愛駒「一支梅」出賽,可惜最終跑尾三。



黎明舊將王灝兒(JW)出道以來鮮有緋聞,一直傳她與關之琳首任丈夫王國旌的外孫Mark相戀,近日卻突爆JW與城中富二代、坐擁市值12億的卓悅太子爺Tarzan Ip拍拖。據悉Tarzan數年前由英國讀書返港後,現幫手打理家族生意。昨午3時許,JW一身「sharp醒」橙色上衣現身沙田馬場,同行還有兩名女友人,原來男友Tarzan早已在馬場內,其出賽的馬匹是第六場7號「一支梅」,賽前Tarzan行落沙圈與練馬師及友人密密斟,JW未有跟隨。惟「一支梅」向來戰績麻麻,昨只跑尾三,Tarzan未能讓女友拉頭馬攞威。



■Tarzan在愛駒出賽前,落沙圈與練馬師及朋友傾偈,但JW則沒有陪伴。

■Tarzan的愛駒「一支梅」昨日只跑尾三。


讚男友勤力工作

不過JW日前受訪仍大讚Tarzan性格謙虛、夠貼地,對於男友疑是僆模殺手,她前日透過短訊表示百分百信任Tarzan:「我信任Tarzan,無論家人,好朋友或男友好,我一直都係信任行先。」問會否公開戀情讓男友封盤?她說:「感情事公唔公開唔係重要,都係嗰句,我信任身邊嘅人,開開心心就好啦!Tarzan係一個好勤力工作嘅人,我唔想影響佢嘅工作!」至於被指與Tarzan有過一段情的唐貝詩則說:「我喺英國讀書時識Tarzan,同佢係普通朋友,clubbing都係一大班人,完全冇追過我!以我所知佢係專一嘅人,唔係風流,係怕醜仔嚟!」採訪:唐如、小米攝影:譚日華


【父拉頭馬】■Tarzan的爸爸葉俊亨亦是馬主,旗下馬匹「齊大勝」去年贏出賽事,一家人一齊拉頭馬。

【水着船P】■JW曾貼出三點式的船P相,未知是否與Tarzan拍拖出海。互聯網圖片

■早前JW開騷,Tarzan(右三)入後台力撐女友。微博圖片



來源: http://hk.apple.nextmedia.com/entertainment/art/20161009/19795409
拍拖 馬場 愛駒 駒跑 跑尾 尾三 JW 新歡 揭秘 家族 12 被封 封僆 僆模 殺手
PermaLink: https://articles.zkiz.com/?id=311278

細細個已經做馬主JW有米男友最愛玩車

1 : GS(14)@2016-10-10 04:28:24

【傳戀貝詩】■唐貝詩在英國讀書時認識Tarzan(右),直指對方是怕醜仔!

豪畀一千蚊貼士

前日有讀者爆料,指外形肥嘟嘟的Tarzan為人花弗,未與JW拍拖前經常媾僆模,包括媽模Mia及「藍莓」劉俐,亦傳與唐貝詩有短暫戀情。據知情人士透露,Tarzan曾經常流連中環的Volar、Play等夜場,與友人爭畀錢埋單,有傳他試過一晚請全場人飲幾round Dom Perignon名貴香檳,一個周末玩兩日,分分鐘豪使20幾萬。據曾經去過party之一的僆模爆料:「佢同成班富二代好鍾意請人飲酒,又將啲名車車匙擺喺枱面,可能想人知佢揸靚車,去廁所唔想排隊,會畀一千蚊貼士工作人員。」Tarzan亦不時在Instagram分享他的海陸空奢華生活,坐私人飛機、開遊船P、晒名車等,絕對稱得上是一位富貴kidult。


【澳門攬女】■Tarzan被爆情史一籮籮。互聯網圖片

【僆模舊愛】■有指「藍莓」劉俐(左圖)及媽模Mia曾是Tarzan的女友。



來源: http://hk.apple.nextmedia.com/entertainment/art/20161009/19795643
細細 已經 做馬 馬主 JW 有米 男友 最愛 玩車
PermaLink: https://articles.zkiz.com/?id=311279

超蓮:佢同JW好sweet

1 : GS(14)@2016-10-10 04:28:24

■超蓮(右)戥JW開心,大讚Tarzan人品好。微博圖片



卓悅太子爺Tarzan曾在英國讀書,喜歡去中環夜場Volar、Play蒲。為人疏爽的Tarzan鍾意爭埋單請客,在圈中廣結人緣,認識吳雨霏、胡杏兒、陳敏之及何超蓮等。對於有讀者爆Tarzan經常媾僆模,超蓮表示不認同,前日在電話中說:「我識咗Tarzan都好幾年,大家都有共同friend,我覺得佢個人怕怕醜醜,好有禮貌,其實好nice,我又唔覺佢成日媾女,但每一個人都有過去,最重要係佢而家對JW好就得囉,我見佢哋都好sweet,我都祝福佢哋,因為Tarzan個人好好,佢哋都係好好嘅男仔同女仔。」採訪:唐如




來源: http://hk.apple.nextmedia.com/entertainment/art/20161009/19795415
超蓮 佢同 JW sweet
PermaLink: https://articles.zkiz.com/?id=311280

「樣唔緊要,最重要係億萬富翁」JW遭舊愛針對 貪錢戀闊少

1 : GS(14)@2016-10-10 16:14:30

【舊愛Mark】■JW向來低調處理感情事,有指她於兩年前因不滿Mark花弗而決心分手。互聯網圖片



王灝兒(JW)入行6年緋聞不多,最近爆出與市值12億的卓悅太子爺Tarzan Ip拍拖,繼有讀者報料指Tarzan為人風流兼愛炫富,JW亦被指為錢飛起拍拖兩年的Mark Ngai。Mark則在社交網借用《美女與野獸》圖片貼文,矛頭直指JW。不過,本報獲悉JW與Mark兩年前已分手,被屈為錢移情,JW昨說:「唔回應喇!總之識我嘅人都知我係點!」



歌手JW去年12月被爆有位拍拖兩年、外公是關之琳前夫王國旌的男友Mark Ngai,惟JW一直未有承認戀情,除希望低調處理感情事外,原來還有另一個原因,就是她與Mark早已分手,但再見亦是朋友,二人不時相約大班共同朋友聚會,兩個月前JW開騷,Mark更落力在社交網助她宣傳,儼如男主人。


引用美女與野獸

惟近日JW與闊少Tarzan戀情曝光後,Mark曾在Instagram貼文:「唔應該對放棄你嘅人感到傷心!」然後又說:「雖然喺『你』面前,我不值一文,但將來有一日,『你』會明白,我對其他人會變得冇價。」Mark更轉貼《美女與野獸》的圖片,並有一段英文留言,意思是:「《美女與野獸》呢個故事,教曉我哋一樣嘢,就係無論你個樣係點,唔重要,最重要你係億萬富翁!」似暗寸有人貪錢戀闊少!



■Mark日前借用《美女與野獸》暗寸JW為錢移情:「無論你個樣係點,唔重要,最重要你係億萬富翁!」

■Mark經常在社交平台晒腹肌,對自己的身形頗有自信。

不過,Mark前晚將所有相關貼文刪除,包括JW與Tarzan拍拖消息曝光當日,他在facebook寫:「得啦!朋友,夠啦,唔需要再話我知佢變咗,同埋傳關於佢嘅嘢畀我睇,我已經知道啦!」至於被指為錢移情,JW昨在電話中坦言不想再回應感情事:「多謝大家嘅關心,但我真係唔想再講喇。」然後再說:「唔回應喇,總之識我嘅人都知我係點!」



【新歡Tarzan】■JW前日入馬場陪男友Tarzan,離開時找兩友人掩護。DV圖片

■JW與Tarzan離開馬場後,座駕直駛加多利山。

■JW前晚在Ig貼與曹星如的合照,原來她到會展睇拳賽。


不滿Mark狂媾女

據知,JW與Mark拍拖兩年期間不止一次分手,主因是JW不滿Mark經常夜蒲媾女,但JW每次都被口甜舌滑的Mark氹掂復合,直至約兩年前,JW決心與Mark終極分手。知情人向本報爆料:「佢哋嗰時拍拖經常離離合合,主要係JW忍受唔到Mark經常夜蒲媾女,完全當佢冇到,因為唔想再傷心,所以提出分手。」至於Mark早前落力為JW宣傳演唱會,態度突然有所改變,知情者說:「因為佢以前次次都氹得番JW,可能以為今次都一樣,到JW演唱會嗰日先知Tarzan嘅存在,所以唔甘心!」採訪、攝影:朱志聰、黃曉程、小米


■Mark外公王國旌與關之琳在81年閃婚,9個月後離婚。

■JW與Mark拍拖時,出席過男方的家庭聚會。



來源: http://hk.apple.nextmedia.com/entertainment/art/20161010/19795870
樣唔 緊要 重要 億萬 富翁 JW 舊愛 針對 貪錢 錢戀 闊少
PermaLink: https://articles.zkiz.com/?id=311380

超蓮深夜安慰JW

1 : GS(14)@2016-10-10 16:14:31

■超蓮戥好姊妹JW慘,直指她是好女仔。



JW被舊愛Mark在網上疑揞名數臭,何超蓮昨到中環出席Formula E賽車時,力撐好姊妹JW:「其實佢哋分咗手之後,女仔冇乜點講過嘢,唔知佢(Mark)點解咁講,以我所知佢哋分開好耐,JW係一個好女仔,噚晚佢深夜都打電話畀我,覺得好唔開心。」問JW是否向她哭訴?超蓮坦言:「佢唔開心囉,把聲好攰咁。」超蓮惟有安慰JW會過去的,她說:「識佢嘅人就知唔係事實,希望報道唔好影響佢哋,佢同現任男友好sweet,但未發展到穩定階段,新聞過咗去又唔係事實,對佢哋好唔公平,亦對JW男友唔好,好慘!」採訪:卓寶花攝影:仇志德




來源: http://hk.apple.nextmedia.com/entertainment/art/20161010/19795872
超蓮 深夜 安慰 JW
PermaLink: https://articles.zkiz.com/?id=311381

JW陪12億太子爺睇馬 友人掩護衝紅燈鬆人

1 : GS(14)@2016-10-10 16:14:31

前日JW現身沙田馬場撐男友Tarzan愛駒「一支梅」後,約於黃昏6時左右離開,等車期間,JW全程保持高度戒備,除有兩位友人作掩護,她亦不時四圍望,上車後更與Tarzan分開坐,其後發現有記者在場,最後更衝紅燈走人。




來源: http://hk.apple.nextmedia.com/entertainment/art/20161010/19796399
JW 12 太子 爺睇 睇馬 友人 掩護 紅燈 鬆人
PermaLink: https://articles.zkiz.com/?id=311382

【馮仁昭四圍超】JW擇偶睇個心

1 : GS(14)@2016-10-13 08:09:41

王灝兒(JW)、江海迦(AGA)同衛詩(Jill)噚日喺銅鑼灣出席Coach香水活動,近日傳新戀情嘅JW,被前男友暗指揀男友貪錢唔睇樣,佢否認話:「當然啦,睇內心嘛。」對於前男友嘅說話佢不願多談:「好難控制人哋點諗,總之而家對得住自己。」Jill清減咗少少,佢話而家控制飲食收身:「試過做激烈運動都減唔到,戒口反而減得快啲,而家55.9Kg。」撰文:馮仁昭




來源: http://hk.apple.nextmedia.com/entertainment/art/20161013/19798807
馮仁 仁昭 四圍 JW 擇偶 睇個 個心
PermaLink: https://articles.zkiz.com/?id=311873

【馮仁昭四圍超】JW男友面前扮細食

1 : GS(14)@2016-11-18 17:56:40

JW噚日喺新城做訪問,透露同許廷鏗喺中學已認識,佢話:「以前參加歌唱比賽時識嘅,仲見過佢以前嘅女友。」許廷鏗喺讀書時期係咪已經好多fans?佢話:「又唔係喎,正正常常囉,不過我哋唔係同一間學校,唔知佢喺學校係點。」自爆好為食嘅JW,以前喺前男友面前扮細食,佢話:「出去之前喺屋企打定底先,不過而家唔會啦,一樣照食。」撰文:馮仁昭




來源: http://hk.apple.nextmedia.com/entertainment/art/20161118/19837320
馮仁 仁昭 四圍 JW 男友 面前 扮細 細食
PermaLink: https://articles.zkiz.com/?id=316143

【馮仁昭四圍超】JW嘆新人冇收入難捱

1 : GS(14)@2016-12-06 03:56:25

王灝兒(JW)噚日喺沙田中心以前輩身份出席《2016樂壇新人大激賞》,為今年樂壇新人安俊豪、菊梓喬同黃千庭等打氣。JW話最支持好朋友潘伯仲,因為中學時已識佢,成日一齊玩。
JW話做新人最難捱:「爺爺教我呢行要浸嘅。我都試過真係成個月冇嘢做冇錢。嗰時就做啲小生意,等自己收入冇問題,再自我增值,因為眼見好多人停咗落嚟就會沉。」撰文:馮仁昭




來源: http://hk.apple.nextmedia.com/entertainment/art/20161205/19855099
馮仁 仁昭 四圍 JW 新人 收入 難捱
PermaLink: https://articles.zkiz.com/?id=318363


ZKIZ Archives @ 2019