ZKIZ Archives


MK夫婦賣男裝密食當三番

2012-12-27  NM
 
 

 

三十多歲的藍穎詩(阿詩)○二年成立男裝品牌Cubic,獲丈夫蔡銘賦(Patrick)「瞓身」支持,婦唱夫隨,合力經營,現有七間分店。這盤生意,不但幫他們還了四百多萬負資產,還能住名城、揸靚車。成功的因素,有從小耳濡目染的街頭智慧,包括在生意最旺的地區,多開幾間分店,「霸得就霸」;另外,就是摸通做自家品牌的竅門,透過包廠掌控生產流程,再開鋪散貨。除新開未賺錢的荃灣店外,其餘每間鋪每月只賺約兩萬元,但六間加起來已有約十二萬落袋,跑贏不少行家。

在旺角人流最旺的西洋菜街(行人專用區)附近,Cubic便有四間鋪,包括瓊華中心和對面街的Chic之堡,街尾的潮流中心,以及朗豪坊,全都是在○二至○五年間開的。「香港後生男仔買衫都首選旺角,呢四個商場賣嘅嘢可以話係佢哋嘅潮流指標。」一身中性打扮的阿詩表示,公司的貨倉亦租在旺角女人街的商業大廈內,方便出入貨。「旺角塊餅咁大,就算四間鋪隔得咁近,都唔會自己打自己。」阿詩自信道。

街頭智慧

這是她從媽媽身上學來的做生意竅門。「媽咪九十年代初已經喺女人街擺檔賣衫,當時女人街除咗做遊客生意,仲有好多香港人會去執平嘢。佢開第一檔時,一個月賺到三﹑四萬,但競爭大,貨品相似,生意難再有增長,所以佢就諗到開多幾檔。」阿詩指,女人街有三個街口,媽媽就在不同街口內租下三個檔口賣衫,每月收入增加至十萬元,更可供阿詩去澳洲的大學讀工商管理。「道理一樣,以前喺三個街口做三檔就會有三檔收入。講到爭生意,都只係同隔籬檔爭﹗」阿詩解釋。因此,她集中火力攻旺角區。「男仔來旺角,通常都會行勻呢四個商場,比較一輪,先做決定。每間鋪門面擺設嘅衣服都唔同,令客人既熟悉又有新意。而且,男仔行街懶得返轉頭,分店多亦方便佢哋。」阿詩指。

包 廠

Cubic的出品八成是自家設計,再於虎門承包的工廠生產。這是阿詩花了十年時間才定下來的模式。○二年,阿詩獲媽媽打本,在瓊華中心開設第一間Cubic。「個名係個行家唔做俾我嘅,我見簡單易記就拿來用。」當時她學媽媽向批發商攞貨,但發現難以突圍。「喺女人街做生意,成條街賣嘅嘢差唔多,主要係鬥平。但商場唔同,行得商場就係想搵較個人或特別嘅款式。」阿詩表示,向批發商攞貨,不但會同其他店鋪「撞衫」,還要硬食一些不喜歡的款式,「變相將責貨風險俾咗我﹗」所以,她開始在服裝上加入自己創作,如要求轉吓顏色或配件。」阿詩指,批發商會多收取約一成五的服務費。至○五年,Cubic大部分款式衣物都由阿詩設計。「我無讀過設計,只要周圍睇吓興啲乜,睇多啲雜誌,再搵師傅畫紙樣就得。唔使直接抄款,通常換咗布料、顏色,或將圓領變尖領,就變成一個新款。」為節省批發商的服務費,阿詩開始四出找廠做衫。「透過批發商將設計交俾廠做,隔咗一層,自己搵廠,成本可以慳一至兩成。例如從批發商攞件二百蚊嘅衫,我哋會賣四百蚊,直接搵廠做,成本只係一百八十,咁咪賺埋嗰二十蚊。」阿詩分析。

統一生產線

○九年之前,Cubic有九間鋪,兼賣男女裝等。為方便生產,她決定不賣女裝,「男裝款式較簡單,重視用料,生產上較易控制;而且近年男仔愈來愈貪靚,街上嘅男裝仍以T恤牛仔褲為主,我希望走斯文休閒路線。」其間,她先後關了四間生意較差的分店,節省資源找工廠,試過同時用幾間廠,分布廣州﹑中山及江門。「在內地生產一定要自己去檢驗,但生產線分散,無咁多時間兼顧,試過遲交貨、做錯貨。有次訂咗批鮮紅色布,但布廠送咗棗紅色,加工廠就用批布做咗成批貨出來,咁就蝕咗﹗」阿詩嘆氣。最後,她透過朋友介紹,在虎門包了一間十數人的細廠,派遣一名跟單員工長駐廠房。「包廠可將錯誤減到最少,做錯貨都可以免費改,最麻煩係內地成日停電,搞到遲出貨。」阿詩說。包廠雖方便管理,但每個月都要「硬食」二十萬貨,所以分店要夠多才可散貨。

商場散貨

為節省開店成本,阿詩瞄準商場鋪。「地鋪租貴,仲要花錢花時間裝修,開一間鋪起碼要幾十萬,商場鋪唔使點裝修,最大支出係租金,俾完三按一上,擺少少貨,只要十幾萬,好快便開到鋪。」今年九月及十一月,阿詩分別於銅鑼灣地帶及荃灣悅來坊加開兩間分店。「近年地區商場開始旺,改變咗港人消費模式,好像沙田新城市廣場,吸走咗一班地區客。」阿詩說。商場鋪面積小,Cubic的分店沒有用人形公仔,只是用衣架展示產品。「除了慳地方,還容易轉款,鋪頭有咁多衫褲,就算一日轉三次display都無問題。公仔一般較高大,咁身形較細粒嘅男仔見到就未必會入來。」現在,鋪頭每日都會轉一次擺出來的衣服。每間店只安排一名員工,阿詩傾向請新人,她解釋﹕「試過請喺大公司出來嘅,有啲大公司會叫sales唔好主動sell客,但我哋呢啲細鋪頭,一定要主動銷客。」

夫婦孖咇做生意

訪問時,總是阿詩在回答,丈夫Patrick一直只是陪伴在側。二人如影隨形,無論巡鋪﹑看布料等,都在一起。第一次見阿詩,丈夫還沒到,她講起話沒什麼自信,老重複﹕「我講得唔好,都係等我老公來啦。」有Patrick在旁,她即侃侃而談。二人自中學相戀,拍拖十八年,兩年前才結婚。Patrick開過酒吧,做過保險,○九年阿詩媽媽患病,他便辭工幫阿詩打理生意,成為公司的模特兒兼設計師。大學主修會計的Patrick話不多,他表示﹕「唔一定要係設計師先可以做自家品牌。Cubic走大眾化路線,款式或顏色太特別,一般客人反而接受唔到,不如用自己一個普通用家嘅眼光去改款同配搭,仲貼近市場。」為取得設計靈感,二人經常一起逛街,看時裝雜誌,或到日本、韓國旅行兼取經。「見到件衫靚就會買返來,睇吓可以點加入自己創作。喺雜誌見到靚衫,會撕下來俾廠家睇吓點做。」Patrick補充。他們亦會去深水埗布行發掘新布料,「男裝款式改變不大,唯有喺不同布料嘅配搭及撞色方面下功夫。」現在,夫婦倆做任何決定都會問對方意見,阿詩媽媽去年因病去世後,Patrick便成為她的倚靠,她挨着丈夫甜笑道﹕「全靠媽媽我先有今日,未來我希望在全港各區都有Cubic分店,唔會辜負佢教我嘅所有嘢。」

開業資料10/2002

工具:$20,000裝修:$30,000租金:$96,000*雜項:$15,000總投資:$161,000*三個月按金,一個月上期

營業資料

11/2012

營業額:$120,000

人工:$18,000 △

入貨:$42,000

租金:$40,000

水電:$800

雜項:$1,000

盈利:$18,200

△一全職,一兼職

MK 夫婦 男裝 密食 食當 當三 三番
PermaLink: https://articles.zkiz.com/?id=41973

好彩旺角不再MK 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130216/18166385

左丁山小時候住在洗衣街,靠父親一人薪水支持家庭,在洗衣街住板間房,及後年紀漸大,父親租多一個冷巷(房外走廊)床位俾左丁山,以免三人繼續同睡一張木板床。阿媽死慳死抵,不停到樓下附近如香海、其記、妙佳餐室蒐集麵包皮,麵包邊,浸過糖,搬上天台曬到乾曬,硬曬咁,一袋一袋收起,每年兩次幫佢抬上旺角火車站搭火車返鄉下,鄉下有阿嫲與兩個家姐,在大饑荒時期,要靠食樹皮先至僥倖生存下來,阿媽抬浸糖麵包乾返去俾佢地食已經當係食禁果。點解左丁山可以出嚟香港,佢地仍然留在鄉村呢?因為阿嫲阿媽都一同意見,一定要培育家中男丁,想盡辦法帶左丁山來港,女兒可留鄉下捱苦。每諗起呢件事,就感嘆不已,因一齊玩大嘅一位同鄉男丁,冇機會來港,後來在饑荒時餓唔死,反在文革時死掉,可見命運弄人。
風水輪流轉,今時今日見到大量內地鄉下人、城鎮人來港自由行,血拼廣東道,到旺角中心排隊睇醫生,豪氣過香港人,總覺得it is long overdue,如果唔係有老毛呢隻魔鬼弄權,劉少奇鄧小平可能令到中國早十幾二十年改革開放,避免咗文革,中國死少好多人。中國富起來,人民開始有自由旅行權(仍然未夠,將來應撤銷一切出外旅遊限制,人民可完全自由來往世界各地),梗係好事,永遠不是壞事。茲有人焉,對此睇唔過眼,竟然在網上搞甚麼「光復運動」,甚麼旺角不再MK,左丁山認為完全多餘,香港從來冇資格講保護主義,不應搞保護主義,二次大戰後香港經濟飛快發展,全靠一套政府不拖後腿嘅outward looking(向外看)政策,上下以做大個餅,不以塘水滾塘魚為目標,內向內看之社會(inward looking),常懷想過去,排斥外來投資者、外來消費者,其實係失敗主義者,會累死香港,必定搞到香港逆水行舟,不進則退,被時代拋在後頭,威尼斯、利物浦、曼徹斯特皆是活生生例子。旺角過去50年不斷變化,創造流行文化,被視為香港活力之象徵,依家竟然有人嘆息旺角不再MK,講乜嘢呀,今日嘅洗衣街如果仍然係左丁山兒童時代嘅洗衣街,香港就執笠都得啦,好彩大部份香港人仍然奮勇向前,香港不再是HK!

好彩 旺角 不再 MK 左丁 丁山
PermaLink: https://articles.zkiz.com/?id=44097

「大隻佬」MK賣細蓉

2014-05-01  NM
 
 

 

不少真正MK人的集體回憶、在黑布街冷巷經營了三十年的「龍記麵家」,去年七月租約滿,老闆龍哥乘機退休。結業當天,大排長龍,半日內已將店內所有麵食清倉!

上月,龍哥的十弟賴義芳(阿細),在舊檔對面重出江湖,改名「大隻佬麵家」。已五十歲的阿細,講明「一做,就要發大嚟做!」目標是一變二、二變四、四變八……,跟著搞特許經營;他最後的夢想,又怎會不是《食神》般將牛丸雲吞搞上市?阿細認為第一步先要打入後生仔市場,故實行了多項改革。其中一樣,就是將其谷盡四十吋巨胸「炒炸醬」及出力以十五吋老鼠仔「攪豬手」的秘技,作為其生招牌。

新店三月開張,阿細擔心無客,不斷WhatsApp老友幫襯。一開舖,不少舊客專程支持,開業第一個月,已賺五萬元。不過阿細未敢鬆懈,他每朝七點半便衝落樓,走到屋企對面的鋪頭開門,「原先睇咗好多鋪,後來喺屋企望見對面有吉鋪,即刻問價。而家真方便,禮拜日都可返工!」回鋪首要任務是煲湯,「啲湯起碼煲四個鐘先夠味!」阿細邊說邊將十五斤豬骨、八條燒香的大地魚、幾塊果皮等放入不銹鋼煲內,裡面還有浸了一晚的冬菇水。「其實呢啲材料唔係秘密,老師傅個個識做,睇你願唔願花咁多功夫!有啲落味精就算。」除了煲湯,阿細還要洗菜、切蔥、炆豬手、炆牛腩、炒炸醬等,全部工序趕在十一點半午市前完成,分秒必爭!「出面師傅返足十個鐘就收工。好多嘢要自己跟番。」說時遲,那時快,阿細又一手拎起一袋重五十磅的豬手,倒進大煲內汆水,「啲豬手要汆水,加埋柱侯醬、花椒、八角等調味料去炆,炆一個鐘再放一晚等佢入味。」為令豬手均勻受味,阿細必須用其「強而有力的臂彎」攪拌。年輕時,阿細愛玩健身,練得一身肌肉,加上誇張的紋身,吸睛指數爆燈,「當年去沙灘,實有人吹口哨!」那時他要威,肌肉愈練愈大隻,紋身也愈來愈多,「你舉啞鈴舉一百磅咩?我就舉夠百五磅!唔輸得呀!」到現時五十歲,他一身肌肉依然結結實實,做生意同樣野心不小,但因此亦將生意「風險」浮了上面。

風險一:租約三年又三年

阿細身上,是典型的基層香港人故事。他做製衣出身,但七十年代行業式微,他轉幫做雲吞麵、豬手麵的大哥手,在大哥的龍記麵家幫手。他最擅長煮麵,執麵及計算烹調的時間。一煮,便三十年。阿細極重視兄弟情,這個大哥與阿細一樣練到周身肌肉,志趣相投,「只要大哥一直做落去,我就會一直幫佢o架!」直至大哥退休唔撈,阿細才決定另起爐灶。龍記三十年老招牌,積落名氣,「商譽」有價。開舖前,不少人向阿細主動招手,「香港、大陸都好多人搵我開舖,有啲連鋪都搵埋,只要我俾個名出嚟就得。但做生意始終顧慮好多嘢,又驚人哋食咗你嗰份!」最終,阿細決定肥水不流別人田,和三哥再組兄弟班開舖。阿細第一次自己做老闆,未開舖已諗定生意做大之後的情景:「我想香港人個個都識我!目標係開好多連鎖店!」單是揀鋪,阿細已走勻港九新界,「沙田、元朗、大埔、佐敦、銅鑼灣,通通睇曬!」最終阿細撲槌以月租十萬元,租下舊鋪對面一個約一千呎舖位,「之前做龍記,為方便工作,買埋樓上單位住。而家可日日對住新鋪,仲可以吸納之前班熟客!」阿細打算長線投資,為免好像其他老店一樣,因加租而被迫結業,他特地簽下長約,「三年生,三年死。總之三年又三年!」雖然這樣可限制租金加幅,但同時香港經濟差他亦未能減租;萬一蝕錢唔做,要賠的錢更多!為了應付貴租,「大隻佬」每碗麵的價格比「龍記」年代,每碗貴了五元,毛利有七成。

風險二:棄用龍記老招牌

在「麵界」打滾三十年,看盡無數麵鋪起落,阿細知道不能單靠老街坊,而是必須有新客,「我要吸啲後生仔客!老嗰輩啲客人,怕肥膩,quota又細,食碗麵就話飽,叫佢食多碟菜都食唔落。後生仔唔同,唔怕膽固醇,唔怕三高,咩都敢食!」所以今次開店,阿細決定走年輕人路線,棄用擁有了三十年歷史的「龍記」招牌,「叫咩記咩記,個感覺好老土,我個招牌都係得『大隻佬』三個字,特登唔寫『大隻佬麵家』!」不過記者訪問了多個食客,其中六成都是龍記舊客,「認得」阿細才進來。棄用「龍記」招牌,似乎有點嘥。另外阿細亦從裝潢下手,營造「新潮」感覺,「地方要夠光猛,我特登整啲吊燈,仲加咗啲卡位!」阿細滿意地說。為了跟年輕人拉近距離,阿細特地將餐牌卡通化,在餐牌加入WhatsApp的「哈哈笑」等圖案,又在facebook開page宣傳,對一個五十歲的中年人來說,已算是接受了新事物。想令「大隻佬」這個主題深入民心,阿細又在鋪頭張貼不少肌肉猛男照,「我哋個招牌、裝修,全部都搵設計公司整,希望俾人耳目一新感覺!」雖則左搞右搞,但記者仍然覺得格局與一般茶餐廳無異,最基本的落單、結賬,仍然不靠電腦,全人手搞掂,鋪頭又保留傳統,繼續用公雞碗,至於員工方面,阿細依然採用傳統家庭式開店,老婆、姐姐、阿嫂,全家總動員,改革只屬「一半半」。

風險三:用錯力無sell人情味

今次開業,阿細其實期望很高,「壓力很大!始終掟咗過百萬,我想做番啲成績出嚟!」阿細坦言開舖初期晚晚「瞓唔著」,花盡精神和心思改革,但採訪多日,記者覺得阿細力求現代化及新裝潢,但「大隻佬」最殺食的,始終是旺角老街坊的人情味,阿細未有特別把握及下功夫。其實去鋪頭幫襯嘅客人,阿細近一半也叫得出名字。見有記者採訪,一個五十多歲的中年男子食客藉機調侃阿細:「大隻佬好靚仔!我要大隻佬!」阿細靦腆地說:「啲食客好多時落嚟食嘢,都係搵我傾偈,仲有好多後生女話要同我影相,搞到我都唔係咁好意思!」事實上,阿細亦是一個重感情的人,採訪期間,阿細曾以不想公開營業資料等敏感數據為由,拒絕訪問,但經記者多次落鋪傾談,他說:「唔想你俾老闆鬧,令你難做!」最終亦決定繼續訪問。阿細也講笑說:「其實我啲嘢食,做七分已經夠,其餘三分係感情!」「新舊」兩難全,本刊找來兩年間開了三家分店、專做潮人生意的龍鳳冰室老闆暨藝員林子善,點評「大隻佬」,教阿細吸「young」客。

開業資料(3/14)

租金^$400,000裝修$800,000入貨$90,000雜費$10,000總投資$1,300,000^三按一上

營業資料(3/14)

營業額$ 400,000人工#$105,000 租金$ 100,000入貨$ 100,000雜費$ 45,000盈利$ 50,000#包兩名老闆及五名員工

一點意見

1.評裝修、格局「新鋪比舊鋪光猛好多,而且地方闊落咗,以前舊鋪喺條巷入面,啲人又紋曬身,新客真係未必敢入嚟!而家用卡通公仔,牌餐又係,成件事cute咗!叫多啲明星來食,鋪頭出面貼曬啲同明星嘅合照,可以吸引啲後生仔試。」2.評大隻佬主題「大隻佬係阿細哥嘅特色,如果係我仲會放大啲大隻佬相,貼曬成間餐廳,整個大隻佬主題。鋪頭仲可以加番啲食物相,同喺餐牌加番啲英文,吸引外國客。另外,阿細哥要美化facebook,加番啲instagram,有咩免費宣傳方法都要用盡佢!」3.評發大經營「我落嚟食嘢,其實都係為咗同阿細哥傾偈,如果第時要開連鎖店,想同佢傾偈又唔喺度,我諗唔多唔少會流失一班熟客。不過我梗係望人哋富貴,唔通睇死人哋開得一間咩。屆時佢可以喺facebook打卡,講明自己『巡場』時間,方便同熟客見面拉關係。」

大隻 隻佬 MK 賣細 細蓉
PermaLink: https://articles.zkiz.com/?id=97998

$利信達集團(00738)$ 是MK還是Lulu? Extreme

http://xueqiu.com/6382272526/29683281
$利信達集團(00738)$ 是MK還是Lulu?
$Michael Kors(KORS)$  $lululemon(LULU)$
自從劉小姐重新回歸利信達,這個從買手Merchandiser起步到CEO 的美女強人,請了個男明星(古天樂)做廣告,把低端虧本的CNE 品牌搬上網(關閉實體店), 再努力新開一個走Wealthy & Sexy 的高端品牌 Linea Rosa(主力賣富婆),http://www.linearosa.com.hk/trend.html
經濟不景氣背景下,只有這10%的消費者才有心有力買數千元的鞋。盯這些肯掏錢的
比做低端的效率高得多了,成功就不得了,貌似想向「Affordable Luxury"挺進。

LeSaunda 似乎有聲有色,股價也一浪高過一浪,創了近年新高,正朝北方5點前進, 真是好樣的不負所托的主力之一,有興趣的可以翻查以前的記錄。
(看來著名的VP金手指兩年前2元清倉真的是有負金手指這名頭)。

參考:
利信達(00738):一刀切將CNE線下店舖全轉型電子商店
http://money18.on.cc/finnews/related_news_content.html?type=1&cat=exp&aid=exp_20140527125543 
男星代言殺出血路
http://hk.apple.nextmedia.com/financeestate/art/20131030/18485173 

問題:
在時裝這曇花一現劇烈競爭的行業,$利信達集團(00738)$ 是MK還是Lulu?這個時候是應該加倉還是見好就收?MK在北美打得COACH 鼻青臉腫的故事是否在重演?

具體財務分析本人就不獻醜了,有人做得更好,參考:

買方觀點:財通國際:利信達集團評級累積2014-06-13 14:22:05
http://finance.sina.com.hk/news/-4110-6766846/1.html 
賣方觀點:
沈振盈:利信達(00738)前景有憂慮2014/03/13 17:46:55 3月13日 閱讀(66)
ontv東網電視財經台網友珍姐於4元追入利信達(00738),問現在應如何部署?訊匯證券行政總裁沈振盈稱,該股的業務並不吸引,前景亦有憂慮,如跌穿3.5元就要離場。詳情請收看ontv東網電視財經台。
沈大師的確觀點是1)女鞋零售是競爭劇烈的紅海, 除了殺價(打折)還是殺價. 
        2)同業$達芙妮國際(00210)$ $百麗國際(01880)$業績慘不忍睹,
          根本沒有止跌的跡象
        3)網購的價格競爭
這兩年的好景應該是曇花一現,不值得投資。
看起來好像是有道理,這也是PE還在單位數, 吹不起來的 原因之一吧。

作為買方(本人持有738 大量倉位,意見未免有傾向性),有以下看法:

1。女鞋零售確實是紅海,而且幾十年前市場早已飽和,利信達憑什麼做了幾十年還
屹立不倒?就我所知: 是口碑,真的真皮,耐用,以及還可以的款式

百麗的質量門(有個牛的分析員一年前就憑百麗的一雙鞋看出1880的敗局,真的是
一葉知秋。 達芙妮更別提了,PU, 收回加盟店。。。。。(百度GOOG一下)

738的老闆以意大利皮鞋為榜樣,用的是歐洲真皮,不減料,雖然鞋子穿不破,消費者
再次購買的時間就拉長了(頻率慢了),這個跟手機充電池一樣。
雖然款式不是特別「潮」,但是LeSaunda 的目標顧客是上班族,有口碑, 款式簡單又「正正經經」,應該是俘獲不少「銀行妹」等「商務女性」的心。

2。行業確實差,而且也不是「朝陽行業」,但在整體蕭條的行業,做出增長的業績:只能說明738搶了不少對手的市場分額,而且是中高端的。

3。網購的威脅:我不知道網購怎樣威脅上千元一對的女鞋實體店(不用試),也許
  CNE作為低端, 成本是首要考慮,如果能轉虧為盈,那麼,738的PE 就不是單位數了。

總結:第一點,優勢可以維持, 第二點,注意對手的反擊(很難維持), 第三,50%的概率。
一句話:有效率的增長,不SEXY, 不熱門,適合不貪心的

有意外嗎(黑/白天鵝):

1。歐元貶值,原材料跌價(現在歐元負利率,美元看升),利好毛利率
2。經濟持續不景氣,MM們沒錢了,少逛街, 利淡 (貴的賣不動)
3。網購消滅實體店(購物商場人流大幅下降)
4  。 Linea Rosa 成功搶走對手的份額(這個確實不容易,$九興控股(01836)$搞了這麼久
的 Stella Luna 好像沒什麼起色)
最大的意外是老頭子要做點別的,剛好有土豪想買個品牌(06年已經在傳了,劉小姐去年還說不賣,估計嫌出價低)

喜歡738的是:
1現金多多 2 CAPEX 少  3 自由現金流強勁 4 品牌口碑好 5 有賣盤概念

不喜歡738的是:
1 款式不夠「潮」 
2 男鞋(LeSaunda Men)貌似堆在角落鋪塵 (HK實體店考察結果,浪費貨架空間

3 手袋似乎不怎麼搶手(好像沒本地Salad流行,$包浩斯國際(00483)$旗下品牌)

技術上,看圖:是Cup with handle還是頭部,留給高手解毒。
查看原图查看原图查看原图


此文並非投資建議。本人持有738, 並隨時買入/賣出。(最近又加倉)
信達 集團 00738 MK 還是 Lulu Extreme
PermaLink: https://articles.zkiz.com/?id=102228

警聲稱金鐘去MK一個鐘

1 : GS(14)@2014-10-05 12:34:01




■旺角前日發生衝擊事件後,逾千市民再度聚集,重新佔領旺角彌敦道。江寶龍攝



【本報訊】警方搭地鐵從金鐘到旺角支援,需要多少時間?答案是一小時。警務處高級警司郭柏聰昨表示,因佔領者在多處設置路障,令警察增援受阻,一大隊藍帽子花了一小時,才可乘港鐵由金鐘抵旺角。一小時搭港鐵之說受到質疑,保安局局長黎棟國昨午解釋,搭港鐵要上上落落,加上警員帶着大量裝備,認為有關說法合理。


「仲要徒步落徒步上」


郭柏聰昨凌晨4時半召開記者會表示,對於有報道指警察到場支援時間緩慢,是因港九多個地方因集會而在路面放置障礙物,因而影響警員到場時間,「我話畀你哋聽,我哋有一個大隊嘅藍帽子同事,佢哋用咗整整一個鐘時間,由香港島嘅金鐘到旺角,原因係佢哋唔可以用車,而要乘搭港鐵,如果平時交通暢順,一定唔使用一個鐘」。黎棟國昨午在記者會上被質疑金鐘到旺角的地鐵車程只需10分鐘,一小時才能增援是否失實?他解釋,「你講嘅係地鐵行車時間,我哋要徒步落、徒步上,仲要帶住裝備」。保安局稱前日在旺角衝突共拘捕19人,當中8人有黑社會背景。




來源: http://hk.apple.nextmedia.com/news/art/20141005/18890069
聲稱 金鐘 MK 一個
PermaLink: https://articles.zkiz.com/?id=285836

孖師兄BabyJohn巡迴謝票君如落MK篤魚蛋

1 : GS(14)@2015-03-04 08:38:02





吳君如從美國度完假回港後,忙於為電影《12金鴨》宣傳兼謝票。前日君如、劉浩龍(師兄)及蔡瀚億(BabyJohn)一起出動,下午三時許先去到尖沙嘴跟觀眾見面,之後到圓方及旺角謝票,跟觀眾互動合照。在完成旺角戲院的謝票活動後,一行人正打算到戲院樓下等車轉去下一站時,君如見到戲院附近小食店林立,她忽發奇想說:「不如我哋掃街囉,都好耐冇掃過。」身旁的師兄及BabyJohn即時響應,師兄更提議旺角最好的莫過於「篤魚蛋」。



■君如一行三人在旺角街頭掃街。

■論搞笑及抵死,鵬哥的功力絕不低於君如。


■盧海鵬、姜皓文等出席在又一城的謝票活動。

下周大搞慶功

坐言起行,君如一行三人連同助手及保安落到戲院樓下,隨意走到就近一間小食店,自言已有多年沒有掃過街的君如,對於小店內每一樣小食都非常好奇,忽然變成每事問,反而師兄似乎掃街經驗豐富,逐一向君如介紹。最後他們點了一碗辣魚蛋、雞蛋仔等經典街邊小食,其間更引來數十名街坊圍觀及拍照。掃完街之後,他們一行三人去到又一城會合盧海鵬及姜皓文繼續謝票行動。戲中鵬哥的角色為「鵬于晏」除了玩台灣藝人彭于晏之外,原來君如到台灣參觀一間鴨店時,確是有一位上了年紀的鴨,拿了一張明星相出來訛稱是自己後生時的照片。鵬哥笑言自己靚仔過彭于晏,他說:「呢個肯定㗎啦,不過你哋唔信箒。我後生都好大隻㗎,我以前喺羅湖游嚟香港嘅。」君如豪氣表示下星期會再搞慶功,她說:「上年煞科都擺十幾圍,勁過我結婚擺酒。」採訪、攝影:黃曉妍





來源: http://hk.apple.nextmedia.com/entertainment/art/20150303/19060973
師兄 BabyJohn 巡迴 謝票 票君 君如 如落 MK 篤魚 魚蛋
PermaLink: https://articles.zkiz.com/?id=288174

MK組合FAITH再退成員Dawn貼半裸相被叮

1 : GS(14)@2016-06-06 03:17:40

MK組合FAITH去年10月先至退咗個成員Wave,佢仲係自己「被退出」之後至知自己已被out嘅!罪名係佢私務繁多,無法兼顧FAITH的工作,令唱片計劃延誤,故才加入楊柏麟(River)及鄧鈞耀(Dawn)代替。最爆嘅仲係,Wave本人根本唔知被暫停工作,要fans話佢知「你out咗喇」,佢至知。到昨日,又有成員被out喇!根據其所屬唱片公司宣佈,罪名包括:1.多次綵排及表演失場2.未經公司與客戶接洽及授權批准的情況下,瞞騙公司多次私自應邀接洽攝影及出席活動等工作;3.另外,由於FAITH歌迷年齡層非常年輕,但在公司多次勸喻之下,仍然堅持在其社交網站上張貼各種半裸照片,除了影響公司及團隊形象之外,甚至多次引來「有心人士」向本公司查詢鄧之「不正經交易價格」,令本公司不勝其煩!唱片公司聲稱,「鄧(Dawn)此舉實在讓FAITH的理念與清新健康形象大受傷害,多個廣告及形象大使工作亦被煞停,亦令公司團隊以致其他成員蒙受嚴重的損失!」又表明公司會就之前Dawn私下接過嘅job同私影保留法律追究權利,包括向Dawn本人,以及各大「『明知故犯』的涉事客戶」。除咗Dawn被出局,另有成員可能被「停牌」。邊個?唱片公司唔講,只係喺聲明尾段寫道:「在經過公司內部評估之後,FAITH其餘成員亦曾犯下個別過失,但嚴重程度不一,因此除了鄧之外,本公司亦已經向有關之成員作出了「雪藏」(即暫停一切活動及工作)的警告,而表現良好的成員仍會繼續活躍。」即係點????其實22歲嘅Dawn,去年5月加入之初(3+2=4),已經俾網民起底貼佢嘅全裸照,張相更喺同志網瘋傳,社交網站自貼大量僅穿小三角泳褲晒肌嘅相。網民又爆佢之前叫做Edmond,2012年曾選《FACE》UStar校花校草選舉,大前年由港大食物及營養學,轉校到理大職業治療,表演慾極強,中學時期年年參加「全港中學校際歌唱大賽」,就連聯校歌唱比賽,同nowTV主辦嘅「快樂男聲」都唔放過。因為貼半裸照,俾人問價同影「私影」,破壞Dawn同唱片公司嘅合約精神?而FAITH又係「歌迷年齡層非常年輕」,就係因為咁,而成為出局理由之一?咁Dawn點回應?佢喺fb冇回應,只係最擔心公公健康。亦有人話:「恭喜最睇得最唱得嘅Dawn脫離Faith!一個鍾意唱歌,又有啲技巧嘅人,留喺入面真係浪費咗!」





來源: http://hk.apple.nextmedia.com/entertainment/art/20160605/19642057
MK 組合 FAITH 再退 成員 Dawn 貼半 半裸 裸相 相被 被叮
PermaLink: https://articles.zkiz.com/?id=302051

【關仁隱事】MK妹怕有手筋唔抱B

1 : GS(14)@2016-07-17 16:01:42

娛樂圈好多女星都要keep身形,就算陀B同生完B,身材好似都冇乜嘢走樣,其實佢哋背後都付出好多,除咗陀住B都要做運動同節食之外,連生完B之後都有好多禁忌。好似「MK妹」咁,生咗個好可愛嘅BB之後,因為驚抱得多重磅B會有手筋,搞到隻手唔靚,忍痛唔敢抱自己個親生骨肉,不過而家個個星都鍾意喺社交網晒幸福,有時佢作狀都會抱住個B一陣影張相,但影完就第一時間放番低。撰文:關仁





來源: http://hk.apple.nextmedia.com/entertainment/art/20160717/19697922
關仁 隱事 MK 妹怕 怕有 有手 手筋 筋唔 唔抱
PermaLink: https://articles.zkiz.com/?id=304078

【韓風又吹】劉在錫炸雞攻入MK 香港限定芝士拉絲雞

1 : GS(14)@2016-08-11 06:09:00

錫代言的炸雞店NeNe Chicken即將開幕,推出香港限定的芝士潘朵拉炸雞,$198。



多得《星星》熱,韓國炸雞店去年在港開完一間又一間,原來這股熱潮還未平息,最近又有一間殺到港!有韓國國民MC之稱,兼且是港女大愛綜藝節目《Running Man》主持劉在錫代言的炸雞店NeNe Chicken,將於8月12日在朗豪坊開幕。


NeNe在韓國、澳洲及新加坡已有過千間分店,主打多款口味的炸雞及烤雞,香港店除保留韓國的餐牌,如招牌炸雞、初雪炸雞、韓式甜辣炸雞等,還加上多款香港限定,包括芝士潘朵拉炸雞及忌廉芝士炸雞伴泡菜炒飯等。做法跟足總店,先將雞件與18種天然香料用機器醃10分鐘,然後蘸上秘製炸漿及韓國直送的菜油,以攝氏250度高溫炸熟,全部即叫即製,更有分無骨及有骨選擇。店家暫時供應七款口味,記者較喜歡韓式甜辣炸雞,味道有點像咕嚕肉,但外皮炸得香脆,雞肉肉質不粗糙兼保留了肉汁;醬汁則較坊間其他韓式炸雞店濃味,吃多幾件會有飽膩感,最好配杯啤酒一同吃。提提大家炸雞放久了脆皮會變腍,記得要趁熱食呀!
NeNe Chicken地址:旺角朗豪坊11樓30號舖記者︰黃依情攝影︰伍慶泉



有韓國國民MC兼《Running Man》主持當代言,店舖來到香港估計亦會引起熱潮。

另一款香港限定的忌廉芝士炸雞伴泡菜炒飯,$188。

記者最愛的無骨韓式甜辣炸雞,$168。



NeNe招牌無骨炸雞,$168。

韓國人推介的綠豆芽無骨炸雞,據說連綠豆吃可下火,$174。

NeNe Chicken將於8月12日登陸朗豪坊。



來源: http://hk.apple.nextmedia.com/su ... t/20160811/19731292
韓風 又吹 劉在 在錫 炸雞 攻入 MK 香港 限定 芝士 拉絲
PermaLink: https://articles.zkiz.com/?id=305429

【爆相爆片】父子檔拍戲 老友達明傍實吳鎮宇帶囝囝MK槍戰

1 : GS(14)@2016-08-20 11:41:49

吳鎮宇自導自演的電影一連數日在旺角銀行中心對開的行人專用區取景,不過早前就發生過有人高空擲物,又有人攔阻拍攝,最後要差人到場,總之多災多難。前日鎮宇的新戲繼續在旺角開工,今趟就順利很多,郭小姐透過本報「爆相爆片」拍到鎮宇在鬧市拍開槍戲的鏡頭,搞鬼的是槍聲是由現場工作人員即場配音,鎮宇做開槍的反應,相信在後期製作時會補上火光及真槍聲。郭小姐表示前晚11時許她在行人專用區演員用作休息的帳幕內,見到鎮宇、鎮宇囝囝Feynman、老友張達明及谷德昭在內休息。



■鎮宇拍開槍戲時靠現場工作人員即場配音,引得途人大笑。

■張達明(右)與谷德昭(中)到旺角探班為鎮宇打氣。

■直到凌晨時分,拍攝現場仍有超過二百多人圍觀。


二百人圍觀

未正式埋位時,現場已有超過二百名圍觀者聚集。當鎮宇步出帳幕時,圍觀者都把握機會紛紛舉機拍攝。劇情先是講述持槍的鎮宇,身後有幾名同樣持槍的外籍人跟隨。鎮宇一臉殺氣步向一名打扮花俏的男子,其後他做樣連開數槍,槍聲則由現場工作人員「砰!砰!砰!」配音,花俏男就隨着「槍聲」做中槍反應,每次停機後鎮宇跟在場人群都忍不住發出笑聲。鎮宇及囝囝Feynman以父子檔上陣拍戲,Feynman打扮似足迷你版的鎮宇,全程由老竇及工作人員傍實,鎮宇不時都會教囝囝做戲。



■古仔昨透露拍戲時亦曾遭人掟水彈。攝影:仇志德

此外,古天樂昨於柴灣為日本健康食品拍攝廣告,提到日前吳鎮宇劇組在旺角街頭拍戲時遭滋擾,古仔謂曾經遇過有人掟水彈,幸好他並不在場,他說:「大家都唔會知意外發生,大家小心啲。」採訪:李森、羅慧敏




來源: http://hk.apple.nextmedia.com/entertainment/art/20160820/19743103
爆相 相爆 爆片 父子 拍戲 老友 達明 傍實 實吳 吳鎮 鎮宇 宇帶 帶囝 囝囝 MK 槍戰
PermaLink: https://articles.zkiz.com/?id=306636

楊冪30歲生日孤伶伶?單拖飛紐約睇MK騷

1 : GS(14)@2016-09-13 08:04:24

楊冪與劉愷威婚後多次被傳離婚,不過早前楊冪就現身香港湊囡囡小糯米開學,兩公婆不時分隔異地,實在不易維繫,湊女的重任就暫時交給祖父母身上。工作忙碌的楊冪,日前又飛,今次就飛美國紐約出席當地舉行的Michael Kors時裝騷,在臨飛前於微轉po機場look,楊冪一向愛穿短褲短裙上機,不過今次就穿MICHAEL Michael Kors的豹紋上衣配闊身皮褲,腳踏白波鞋,孭了綠色皮袋,亮點是圓框眼鏡,一身打扮悠閒又不失型格,其實昨天是楊冪30歲的生日,今次要離開老公和女兒,未知她臨飛之前有沒有跟家人提早慶祝生日呢?




來源: http://hk.apple.nextmedia.com/entertainment/art/20160913/19769027
楊冪 30 生日 孤伶伶 單拖 拖飛 紐約 MK
PermaLink: https://articles.zkiz.com/?id=308919

林敏驄出手填詞 E-kids MK騷等加場

1 : GS(14)@2016-11-29 07:55:27

■MK-Pop始祖E-kids拆夥十年後翻生,將於明年1月殺入旺角開騷。



由阮民安(Tommy)、林詠倫和郁禮賢組成的MK-Pop始祖E-kids拆夥十年,今年宣佈重組兼開演唱會,原來三子開騷不是發白日夢,將於明年1月21日踩入旺角麥花臣場館舉行「E-KIDS3XL演唱會」,有「樂壇小強」之稱的成員Tommy前日在電話表示:「如果賣得晒飛又可以加場,證明香港樂壇仲有希望,連我哋三個都可以開騷,原來呢個世界只要堅持,唔放棄就有奇蹟發生。」


放棄九展檔期

身為MK-Pop當然想辦法在MK開騷,E-kids本來一早取得下月的九展檔期,最後都放棄,寧願押後一個月都要佔領旺角場館,Tommy說:「我哋E-kids係MK-Pop,梗係要喺番MK開騷啦,咁啱呢幾年MK有麥花臣咁好嘅場地,好似迷你版紅館。我哋本身12月3日有一個期喺九展,算喇,我哋唔要,一直等到1月21日麥花臣有期,咁MK組合梗係要喺MK開騷啦,係咪先?」



■E-kids重組開騷有新搞作,邀請了林敏驄(右)為新歌填詞。資料圖片

■E-kids緊張開騷,昨日到麥花臣場館視察。


親到場館視察

昨日E-kids到麥花臣場館視察,Tommy表示:「而家好擔心,因為明日開始優先訂飛,如果賣飛唔理想,個場就好似盂蘭勝會咁。而家舞台效果同製作費都未有,希望資金充裕啲,否則到時回歸大自然,只係得個台,我哋三個就咁上去唱,所有製作、舞台效果、咪全部冇,希望唔會出現呢個場面。」此外,E-kids早前更到日本錄了三首新歌,Tommy說:「三首歌都係我作曲,其中一首搵咗林敏驄填詞,林大師同我哋識咗好耐,我哋入行前喺餐廳表演已經識佢,我哋又一齊喺明星足球隊踢波,又幫佢做過演唱會嘉賓,今次我哋重組,膽粗粗問林生可唔可以幫我哋寫詞,佢一口答應咗,亦好快send咗歌詞畀我哋。」採訪:皓騫




來源: http://hk.apple.nextmedia.com/entertainment/art/20161129/19848543
林敏 敏驄 出手 填詞 E-kids MK 騷等 等加 加場
PermaLink: https://articles.zkiz.com/?id=317514

MK活地亞倫呈獻《大心口》真實預告

1 : GS(14)@2017-01-07 00:29:05

MK活地亞倫葉念琛早排又有新作,趁住普世歡騰聖誕節同新年檔推出電影《失戀日》,慌死情侶睇完唔夠應景,大時大節先來嗌失戀大攬炒問你識驚未。導演一向在MK界站穩陣腳,雖然今次沒有福將万刀甲,只得Stephy獨挑大樑,電影在一片爭議聲中錄得超過700萬元票房,唔到你唔服。《蘋果動搞作》特意炮製這條真實預告,獻給還在掙扎入唔入場的讀者,等大家有個心理準備。預告一:好奇心戰勝心魔入場睇葉念琛電影,相信大部份人都經歷過思想掙扎。但講到尾,好多人又好奇想睇吓今次阿寶有乜下場,最後好奇心戰勝心魔,乖乖買飛入場。預告二:沒有万刀甲火花不再?方力申和Stephy由《獨家試愛》開始,一直合作拍《十分愛》、《我的最愛》和《紀念日》,《失戀日》沒有方力申,張繼聰、Stephy配搭雖然新鮮,但被批默契和火花略嫌不足。預告三:御用賤男入型入格劉浩龍演賤男有驚喜,完全做齊葉念琛電影一貫賤男三部曲:扮乖氹女;曳曳偷食;現形分手。預告四:金句繼續氾濫葉念琛電影怎可沒有金句撐場?今次就有「失戀會傳染」、「女人嘅青春好似將銀紙擺入銀行咁會貶值」、「女人要搵嘅係出口,唔係藉口」等等。預告五:儼如無綫大電影電影有大量TVB藝員上陣,阿Bob、孫慧雪、陳婉衡、林穎彤同麥明詩,儼如無綫大電影。順帶一提,首次拍戲嘅麥明詩,角色喊多過乜勁煩膠,形象唔太討好。預告六:一人拯救整齣電影戲名叫《失戀日》,但其實講Stephy點樣復仇,叫《復仇日》仲貼切。成套戲有個亮點就係金燕玲,嗰場母女戲真係做得出色,雖則同《踏血尋梅》嘅演繹方式如出一轍。




來源: http://hk.apple.nextmedia.com/entertainment/art/20170106/19887646
MK 地亞 呈獻 心口 真實 預告
PermaLink: https://articles.zkiz.com/?id=321643

E-Kids復出MK開騷阮民安哽咽悼亡母

1 : GS(14)@2017-01-24 03:00:15

■E-Kids三位成員(左起)Tim、Tommy及Alan前晚在旺角舉辦一場復出騷。



由阮民安(Tommy)、林詠倫(Alan)、郁禮賢(Tim)組成的MK-Pop組合E-Kids拆夥逾十年,去年重組,前晚在旺角麥花臣場館舉行一場復出騷,入座率有9成半,譚詠麟拍片鼓勵他們:「E-Kids到今時今日竟然再開演唱會,做人要鍥而不捨先成功。」


Tim奉子成婚


三子在台上抽水笑同晚的BIGBANG騷混亂遲入場,Alan唱了幾句太陽的《eyes nose lips》,而早年抄G-DRAGON造型的Tommy就唱《Crayon》惡搞版《踩唔死我》。演唱會上,E-Kids亦有玩時事,Tommy獨唱《差一點我們會飛》時,更播出佔領運動片段。接近尾段,Tim宣佈與女友結婚,更將會做爸爸,實行同Tommy睇齊。Tommy又自彈自唱《錯愛》紀念去年因癌病過世的母親,他哽咽說:「我由98年加入娛樂圈,組成E-Kids,去到06年,人生出現咗好大嘅錯誤,令到好多喜歡我、唔認識我嘅人對我有呢個標籤。而呢個標籤,相信除咗我最難受,就係我爸爸媽媽,因為我媽媽一路唔贊成我入娛樂圈,18歲時送我去紐西蘭讀書,但當時我決定返嚟做歌手,媽咪好失望,試過食飯嘅時候,故意唔擺我個位。我知道佢離開時仲係好擔心我呢個衰仔,我今日好努力想做好自己,即使媽咪唔喺度,我相信佢都會好開心,我會乖㗎喇!」



■Tommy含淚向亡母承諾會乖,又90度鞠躬。

■Tim宣佈與女友結婚,並將會做爸爸。


三人零歌酬

完騷後,E-Kids在後台做訪問時透露今次是零歌酬:「自願將啲錢放落製作度,其實演唱會搞手話我哋咁窮,勸我哋收番啲錢,不過我哋最後都冇要,希望出嚟效果滿意。」採訪:曹家誠攝影:仇志德


■前晚演唱會入座率有9成(下圖),Tommy更跑上觀眾席唱歌。





來源: http://hk.apple.nextmedia.com/entertainment/art/20170123/19905641
E-Kids 復出 MK 開騷 騷阮 民安 哽咽 悼亡
PermaLink: https://articles.zkiz.com/?id=323816

每年買一物業 70後MK仔分享《Hea富學》

1 : GS(14)@2017-02-05 10:47:08

■郭釗將異於常人的經驗寫成書,稱此書適合「想為將來打算,或者受過社會折磨嘅人睇」。



【本報訊】窮家子、中七畢業、科科肥佬……典型廢青?郭釗(Steven)自有一套理財哲學,打工儲首期、每年買一層樓,至今夫婦名下有超過20間香港、海外物業,每日只工作兩小時,每個月去旅行,他將自己經驗命名為《Hea富學》,但講到明適合被社會折磨過的人讀,未摸索到自己路向的年輕人,若果想靠自己致富,還請大家繼續努力。郭釗自稱是70後的MK仔,小三那年父親不幸中風,只剩母親支撐家庭。從小與書無緣,中七之後理所當然地打工養家。推銷過A4紙、再轉行至建材業,適逢得老闆傾囊相授行內竅門,郭釗努力學、努力做,但老闆開始有私心,扣起他的佣金。郭釗以為自己學滿師,公司生意又大多靠他跑回來,毅然自立門戶當老闆,豈料是現實摑醒他的第一巴掌。打工與做生意又怎能混為一談?兼顧銷售、管理、入貨、甚至收貨款都是難題,性格難以與人合夥,唯有事事親力親為,「朝早七八點已經有人打嚟,要你解決問題。到夜晚八九點電話都未停。」勤勤力力賺到笑,但賠上的是健康,偏頭痛、失眠、肩膊痛纏繞至今。「寧願搵少啲,身體好啲,多啲時間做自己鍾意做嘅事。」誰不想?郭釗的做法是,將積蓄繳首期,2001年借六成按揭買下太子一間約300呎的小單位,時價117萬元。當年他可以借盡九成,但當時覺得市況未明,借得較保守「無借盡」,但亦無法挽回到2003年時,慘變負資產,樓下地產代理標價僅80萬元,「好在銀行冇Call loan。」


避免年息5厘以上借貸

銀紙貶值,磚頭保值,2006年起站穩陣腳,每年購買一項物業,3、4年前更進軍海外,出售一兩家香港物業後,在日本、澳洲、馬來西亞等地都留下「腳毛」,最近冷門到留意紐西蘭,貪其升值快、未被人發掘。他的投資心法包括:以槓桿投資,但避免年息5厘以上借貸,以免資金周轉不靈;買入優質資產Buy and hold,例如在香港有3個左右收租物業即可「印印腳」。何謂優質資產?起碼要提供高、穩定的現金流,而資產本身亦有「爆發力」,例如2012年的細價樓(400萬元以下),今日已升值幾倍,若4年前配合按揭買入放租,今日不但賺租金回報,更大賺樓價達20倍。選擇買樓收租,保障有90歲命的生活質素,令自己「爆」一段、Hea更大段時間,騰空思考下一步試甚麼、玩甚麼。「做人最開心就是有得揀。香港嘈緊咁多聲音,都是因為冇得揀。打工開心,可以做得好開心。但如果唔返工唔得,咁咪冇得揀,咁咪唔開心。」買樓致富,就是想自己有得揀,可以早起為喜歡的事努力工作,亦可以睡至11點才施施然起床飲茶按摩通淋巴,每個月去旅行。郭太透露,夫婦倆單是一月份已去了兩次日本滑雪。將異於常人的經驗寫成書後,郭釗反而不鼓吹年輕人跟車太貼,此書適合「想為將來打算,或者受過社會折磨嘅人睇。」雖然他仍相信今時今日年輕人只要稍為努力,不難獲得機會賺得第一桶金,但郭釗對想「Hea富」的讀者亦有要求,「太後生,未搵到自己條路,未知自己想做乜,(對此書)共鳴冇咁多。」記者:黃翹恩、陳家恩




來源: http://hk.apple.nextmedia.com/financeestate/art/20170204/19917723
每年 買一 物業 70 MK 分享 Hea 富學
PermaLink: https://articles.zkiz.com/?id=325374

創業賺第一桶金 MK仔投資Hea富

1 : GS(14)@2017-02-12 00:21:07

2017-02-04 HJ
農曆新年剛過去不久,「不勞而獲」、「Hea足十年」或許是不少打工仔女的心願。七十後生意人郭釗,每月營業額7位數字,擁20多個香港及海外物業,每月收租約10萬元,每日只返工兩小時,其餘時間旅行遊山玩水,生活令不少人「葡萄」。郭釗的營商之道一反傳統,認為做生意不應大展拳腳,賺到第一桶金,便應儲蓄至「磚頭」,做包租公,利用被動的租金收入,開展「Hea富」人生。

郭釗由月入兩萬元的銷售員,用10年時間創立事業及物業投資組合,擁有今日的「Hea富」人生。他憶述小學三年級時,父親不幸中風,失去工作能力,靠母親工作撑起頭家。他自稱「MK仔」、天生「Hea底」,自細鑽研練精學懶之道,沒用功讀書,中七畢業即投身社會賺錢養家,做「多勞多得」的銷售員,賣過A4紙、健康產品到建築材料,磨練出優秀銷售技巧,漸漸成為Top Sales。

郭釗曾為公司爭取過千萬元生意額,卻遇着無良上司,扣起他應得的100萬元佣金,氣得他2003年自立門戶,經營建材生意,人生從此走上不一樣的路。他現時擁有建材、健康產品、護膚品及網購等生意,每月營業額約7位數字,並將這套營商理念寫成《HEA富學》一書。

生意四不做 日返兩個鐘

讀者或會問,郭釗憑甚麼出書教人做生意?原來他有一套個人生意理念,目標並非「做大做強」,他將生意做出口碑,擁有一群固定熟客後,便轉搞其他不困身的生意,每日只返工兩小時。他坦言若一直做銷售員,只是庸庸碌碌、工字不出頭,相反投身創業雖然經歷不少跌跌碰碰,一度遇過經濟低潮、又試過被生意拍檔欺騙,但他漸漸摸索出「生意四不做」--成功後辛苦、成本高、沒有爆發力、沒有控制權的生意統統不做。

他舉例,其建材生意其實可由建材銷售再一條龍擴展至包辦工程,賺得更多,但他寧可不做。因創業之初有客戶請他包辦工程,當時為賺更多利潤,承接下來,結果裝修師傅手工不佳,花了不少時間跟進,令他精神緊張,「做工程要找工程經理跟進,要管理更多人很煩,不如簡簡單單賣一些特色的牆紙和材料,做好品牌,可騰出時間再做其他的業務。」他開始經營不同業務,更可分散風險,一旦建築行業低潮,也有其他業務可度過難關。

郭釗現時每項生意只有三四個員工,一個負責下定單,一個負責船務(Shipment),一個員工送貨,各業務可共用人手。他說若將生意做大,要管理一大群員工,「咁多人跟你搵食,會不好意思走咗去,一個月去一次旅行!」

他父親壯年中風的童年經歷,亦讓郭釗體會人生無常,與其處處賺到盡,賺到錢不如及時行樂。郭釗的深井海景單位擺滿了機械人模型,他和太太也差不多每月離港外遊,「人生無常,如果我下個月過身,起碼賺到錢也享受過。」

賺錢變實物 年年買磚頭

為了支持現有生活水平,他鍾情「磚頭」儲錢法,將每年從生意賺到的作為首期,至少買一個物業。「我不知自己有沒有90歲命,要維持現時的生活水準,所以賺到錢都要識投資!」郭釗試過買股票,但嫌太花心機和時間睇市,不符合他的「HEA富」原則,相反投資物業需要的知識較簡單,每月印印腳享受被動的租金收入,加上買樓有槓桿,賺幅較股票大得多。

郭釗2006年在葵興買入投資組合首個住宅物業,樓價不足200萬元,當時他以生意的收入,支付了三成首期約60萬元。過去10年樓價飛升,物業已升值至600萬元,除了生意收入,他亦有加按物業,滾大置業本錢。現持有約20個物業,包括住宅、寫字樓及車位,當中超過一半是海外物業(見另稿)。物業每月租金收入達10萬元,扣除約一半收入償還按揭,其餘用於支付他和太太的生活費。即使郭釗現在結束所有生意,單靠收租已足夠兩口子過活。不過談到目前香港樓市,他直言要等樓價回落20%才投資,屆時或考慮鐵路站上蓋的三房大單位,他相信家庭客由兩房換樓升級三房有剛性需求。

鼓勵年輕人 副業作起步

跨國調查說港人要不吃不喝近20年才能買樓,港人買樓甚艱難。郭釗鼓勵年輕人仿傚他創業,賺取第一桶金,但不建議大家貿貿然辭工,應透過正職累積經驗和人脈,或可發現創業機會。然後從副業起步,時機成熟再由一人公司做起,「至少無包袱,無嘢可以輸。」他回想自己幾乎是零資金創業,建材生意最初也是落實生意才訂貨。他建議創業者善用香港的轉口港優勢,經營貿易生意。

而無論哪一個行業,最重要是建立自己的品牌,當擁有忠實的顧客追隨,可減少心神打理生意。踏入社交媒體時代,他提議善用fb專頁創立個人品牌,並舉例有朋友本是中學教師,生了3個孩子後辭工湊仔,常在fb分享小朋友練琴、表演、攞獎等相片,吸引其他家長向她請教育兒心得,終成親子KOL。他認為,生意有了個人品牌,才不易被取代。

郭釗自言創業和買樓投資只是手段,終極目標不是賺錢,而是賺回人生,「搵到錢多了選擇才是自由,晚飯去五星級酒店又得、落樓下快餐店又得,這才是自由!」

郭釗 Profile

70後,已婚

經歷:

?生於廣州,6歲來港,中七畢業入行做Sales

?2003年創業經營建材生意,現時擁有建材、健康產品、護膚品及網購等生意,每月營業額約7位數字

?2006年起,每年將生意收入投資房地產,現持約20個物業,包括住宅、寫字樓及車位,逾半為海外物業

?著有《HEA富學》一書

日本樓水尾 澳洲買地起屋

別以為郭釗每日只返公司工作兩小時,終日無所事事,公餘時間他下了不少功夫在物業投資。既在香港四出睇樓,出外旅遊也沒有放過考察投資機會。郭釗早在2010年在日本睇樓,其時東京核心區住宅租金回報高達15厘,只是當時日圓滙率達9算,才打消念頭。到了4年前,日圓開始回落,他先後在東京和大阪買住宅及樓上舖。現時他持有的20多個物業,當中逾半是入場銀碼較細的海外樓,主要都是日本樓,其餘在澳洲及馬來西亞。

他認為即使近期日圓回落,日本樓投資價值已到尾聲,「現在來香港賣的,都是日本人不要的樓,是核心區以外樓盤。3、4年前賣新宿和池袋,現在賣一些聽也沒聽過的車站,還要行10分鐘,很難租得出。」他又指日本租金回報下滑,表面回報5厘,但七除八扣管理費後,可能3厘也不夠;尚有投資價值的是買整幢物業改做民宿,但至少要1000萬港元,港人不能造按揭,很難入場。

長遠看好新西蘭樓市

近期郭釗將投資眼光移向澳紐,早前在澳洲悉尼近郊買下一幅地皮,地價約1,000萬港元,造五成按揭,再花200萬港元左右,建兩層高共2,000多平方呎的獨立屋。「買地的爆炸力勁過買Apartment(公寓),Apartment租金最多升十多巴仙,自己起屋可賺更多。」他說澳洲有很多承建商幫人建屋,屋頂和牆壁等等來來去去也是幾款,「砌」一間屋很簡單,反而最複雜是向政府入圖則,他因在澳洲有相熟華人朋友探路和打點建屋事宜,才毅然一試,否則不宜隔山起樓。

相比澳洲,他長遠看好新西蘭樓市,如當地經濟向好,也是移民國家,出生率為正數,「大家一直視她為澳洲細佬,現在紐元跟澳元也打平。而且澳洲有政策出台,針對華人炒貴樓,所以買新西蘭前景好過澳洲。」但當地人口稀少,物業流通量較低,賣出單位未必有人接貨。
創業 賺第 第一 一桶 桶金 MK 投資 Hea
PermaLink: https://articles.zkiz.com/?id=326457

【飲食籽】我是金毛培 MK魚檔揸弗人月賺十萬

1 : GS(14)@2017-10-09 00:02:32

金毛培在旺角開魚檔6年,月賺十多萬,富豪如劉鑾雄(大劉)、黎智英(肥佬黎)都是他的客人。



【飲食籽:追源尋味】買賣海鮮,是高風險的生意。投資金額高,損耗大,但卻是越危越有機。旺角奶路臣街街市,是有名的海鮮街,又名魚仔街。昔日賣海鮮的街邊檔至少廿、三十間,相繼入舖後至今仍有約廿間。眾多檔口,偏偏有間和豬肉檔分租一半舖位的魚檔,老闆月賺十多萬,富豪如劉鑾雄(大劉)、黎智英(肥佬黎)都是他的客人,他究竟靠甚麼殺出重圍?



入海鮮行業其實好簡單,但你賺不賺到錢就是一個問題!」「培仔海鮮」老闆劉樹培說。他樣子很易記認,一頭金毛,髮型倒有點像明星鄭伊健,街坊都叫他「金毛培」。他對自己的秀髮特別有自信,「這個髮型已經有廿幾年了!以前我落魚欄戴條大金鏈,都有幾両重,要幾萬元。落到魚欄買貨,見到條大金鏈肯定有數找,點會不賒貨給我!後來啲汗搞到條頸皮膚爛了便無戴金鏈,之後就染金毛。之前試過染黑髮,點知有人認錯我是我阿哥,所以都是染回金毛吧!方便人認得我來買貨。客人食完後,認住我金毛仔,都可算是生招牌!」


入貨打破傳統 大劉肥佬黎係客仔

金毛培,流浮山水上人,在家族排第十一,是么仔。「我整個家族都是做海鮮,20、30年前做蠔,流浮山人多數都是做蠔,但做蠔只得一季,得天冷做,好難維皮,後來便轉型做海鮮生意。我幫家族做了廿多年,6年前在旺角開了間魚檔。」魚檔門市、交貨給酒樓的生意各佔一半,現供貨給油尖旺30間海鮮酒家,如北斗翁、百利火鍋、潮福等等。「一日平均生意額都有11、12萬元,另外計埋交貨都成廿萬生意,每個月都有十多萬元賺。」連前華人置業主席劉鑾雄、壹傳媒創辦人肥佬黎都是他的客人。「他們喜歡食海魚,又食得精,知我每日都會去魚市場,搵些刁鑽海魚,我一有靚魚便通知他們食,賺不是賺好多。」「為甚麼我會在這街市突圍到?我不會像傳統般墨守成規,只賣本地貨,六點收工關門,七點便無貨。像我家族做的海鮮生意,仍用一個好傳統的模式去做。例如某樣海鮮跌價,我們叫做有水位,每斤蝦原本賣60元,突然賣不出跌到得30元,他們便趁機大手買入,出去博街客買。如果可以用正常走貨便賺錢,但一無死雞執的時候,生意便自然賺得少。我喜歡找各類海鮮,不止是本地貨,還有外國貨,我自己直接第一手入貨,另外如果酒樓有生意叫貨,我九點都會加到貨,有彈性,所以我有好多酒樓生意。」他如數家珍地說。


十號風球做18萬生意 勝在有貨

早上六點,我們跟他到流浮山走了一轉,這是他每日的行程,另外兩架車則到香港魚市場入貨。「流浮山位處鹹淡水交界,有三寶:蠔、三刀、九蝦,另外奄仔蟹也是常見的。」他有不少相熟的批發商,「這個是三刀,要早到魚市場才有,如果太遲給人家買了便沒有,今日就只有三條。這些是九蝦,每日在艇仔捉完後來交收,價錢僅次於花竹蝦,最平要每斤百幾二百元。」海鮮行業會否有行內術語?「以前講價是用『枝晨斗蘇馬令候張關響』,即是12345678910,不要給人知道議價時幾錢。但現在已經少講了,因為現在明碼實價,來來去去都是那班人買,用手機落單都方便了。」買賣海鮮,風險大,有時少不免「坐艇」。「知識要慢慢浸的,看天氣、看貨質量,像之前十號風球魚檔無開,只是交貨,我都做到18萬元生意。剛打完風人們會出街食飯,酒樓不能無貨。朝早已經無交收,而我仍然有貨在,酒樓寧可貴些都要幫襯你。」膽大入貨,「我有門面就有優勢,『坐艇』之後有時肯蝕點都會賣得到,就不會存貨,拉上補下。相反,客人又買到平價海鮮。」對於海鮮檔呃秤時有發生,他說:「現在街市佬好開明,又有公磅,呃秤已經好少。有些魚檔賣的貨不太靚,靠質素參差的貨去賺多些。」每日朝六晚九,一年只有農曆年初一休息,他說希望過多八年十年退休,將盤生意轉讓給夥計。我問,你不想兒子入行嗎?「不想,太困身了!如果可以,我寧願他發展另一條路。」



金毛培是流浮山人,家族原本做蠔,後來轉型做海鮮生意。

奄仔蟹以流浮山的質素最靚。

九蝦,殼硬,但鮮甜,是流浮山三寶之一。


流浮山魚市場是本港最大的交收蟹場,碼頭18小時都好熱鬧,貨如輪轉。

流浮山對面是深圳蛇口一帶。

培仔海鮮旺角奶路臣街2N地下



記者:何嘉茵攝影:蕭志南、鄭明川編輯:翟純恩




來源: http://hk.apple.nextmedia.com/su ... t/20171006/20173567
飲食 我是 金毛 MK 魚檔 人月 賺十 十萬
PermaLink: https://articles.zkiz.com/?id=341810

【MK少女】8°C着短裙唔怕凍 「出嚟旺角梗要打扮吓」

1 : GS(14)@2018-01-15 02:57:28

呢幾日天氣咁凍,但街頭依然搵到唔少「寒冬戰士」嘅蹤影,想知佢哋係愛靚唔愛命、天生係個西伯利亞人,定身懷秘技?即刻去片啦!


 


Aspyn(左)笑指Livia(右)愛靚唔愛命,自己怕凍就唔會短裙上陣。

Celine只係着咗兩件衫,但佢表示唔凍,仲有少少熱,絕對係「寒冬戰士」典範。

鄧小姐上身着咗四件衫,下身雖有絨毛嘅長靴保暖,不過佢直言其實唔夠暖。



記者:鄧天蔚攝影:張志孟全新旅遊專頁,即like籽想旅行:https://fb.com/travel.appleseed



來源: https://hk.lifestyle.appledaily. ... e/20180113/20272824
MK 少女 短裙 唔怕 怕凍 出嚟 旺角 梗要 打扮
PermaLink: https://articles.zkiz.com/?id=346694

【飲食籽】專攻MK年輕人 冰室賣平靚正火燄鐵板餐

1 : GS(14)@2018-01-15 03:31:35

鐵板燒新西蘭牛柳,$118。套餐包括了蒜茸包、餐湯和飲品,性價比高。

【飲食籽:識飲惜食】旺角通菜街近日進駐了一間新餐廳,名為「水蜜桃冰室」。雖然叫冰室,但打開門入去便會發現別有洞天,裝潢不是一般的港式風格,反而是走西洋風,餐牌上的食物各有特色,選擇非常多。


「其實為何叫冰室?是因為我們想食物種類廣泛一點。我們的廚師主打西餐,但他很博學多才,各個國家的食物他都會做,我們會有一些韓式、日式、越式的食物,所以我們的店名不想太接近西餐。」水蜜桃冰室負責人陳勝(Franco)表示。火燄鐵板餐是水蜜桃冰室招牌,幾乎每枱必點。其實在香港要吃到鐵板餐非常容易,一般茶餐廳,甚至是快餐店都會有,所以Franco與大廚在研究菜式時大花心思,「我們在開業前跟大廚溝通,我們想出鐵板但不想跟坊間一樣。大廚很有心機,告訴我說:『不如我們試試特別的東西,可以試試火燄鐵板。』」

自創爆爆飯 夾起會拉絲

為了做出不一樣的火燄鐵板,他們揀酒也花了心思,例如牛肉類會淋上玫瑰露,羊肉會淋上Gin酒。淋上酒後再在客人面前點火,不少客人見到火燄都會感到非常驚喜,紛紛取出手機拍照。店內另有不少創意食品,例如偏韓式風格的石板燒和牛,讓客人自己動手去燒,生熟程度都由自己掌控,燒好後用生菜包住肉片進食,玩味十足。又或是店內新品鐵板龍蝦三文魚爆爆飯,龍蝦以鐵板上,保持熱度,旁邊是炸過的飯,上面再配上三文魚和蟹子,夾起飯粒還會有拉絲效果,相當特別。餐廳大部份食品價錢都是百多元,而且全部是套餐,連餐湯、蒜茸包、飲品,性價比相當高。定價相對一般西餐便宜,全因Franco認為旺角區比較多年輕人,希望能提供到「平靚正」和新奇的食品以吸引更多客人。「在香港做生意賺得多賺得少,並不是我們心目中想要的事,我們希望客人進來後能夠開心地走。所以我們不需要賣太貴,現在的客量足夠維持,我們的利潤雖然低,但是賺到錢那就足夠了。」Franco最後說到。


火燄鐵板餐淋上酒後,再在客人面前點火,燒完後不留酒味,反而帶一點甜。

鐵板龍蝦三文魚爆爆飯,$159。套餐包括了蒜茸包、餐湯和飲品。

DIY石燒澳洲和牛M7,$238。套餐包括餐湯、生菜包、珍珠飯和飲品。


菠蘿雪葩,$42(跟餐)。

番薯雪葩,$36(跟餐)。

餐廳用西式裝潢,主打創意多國菜。


水蜜桃冰室負責人陳勝(Franco)。



水蜜桃冰室旺角通菜街2Q-2Z號鴻輝大廈地下2R號舖


採訪:葉浩昇、賈碧嘉@Foodcaptain.hk攝影:張志孟編輯:施明慧



來源: https://hk.lifestyle.appledaily. ... e/20180112/20271516
飲食 專攻 MK 年輕人 年輕 冰室 室賣 賣平 平靚 正火 鐵板
PermaLink: https://articles.zkiz.com/?id=346831

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019