ZKIZ Archives


駕千萬元左軚法拉利無第三保 Juno父親罰款 停牌一年


http://hk.apple.nextmedia.com/template/apple/art_main.php?iss_id=20091219&sec_id=4104&art_id=13541184
駕千 千萬 萬元 元左 法拉利 法拉 無第 三保 Juno 父親 罰款 停牌 一年
PermaLink: https://articles.zkiz.com/?id=13502

契完即棄Juno炒陳自強魷魚

2013-10-31  NM  
 

 

入行十年,三年前轉戰電影圈的Juno(麥浚龍),有老豆揼水開戲自己捧自己,又同前成龍經理人陳自強上埋契合組公司,搵對方搭通天地線拍cult片攻日本市場,但hea足兩年有多,Juno認為契爺「幫唔到手」兼倒水,早前已將每月袋十萬的陳自強炒魷。冇乜聯絡

上週一(十月二十一日)晚,Juno籌備兩年,投資二千萬的新戲《殭屍》首映禮,新戲參加了多個國際電影節,Juno又被提名金馬「最佳新導演」,當晚有不少圈中人俾面撐場。

頭威頭勢,初做導演兼老闆Juno全晚風騷拖住日籍監製清水崇滿場飛,反而兩年前跟他合組公司的陳自強卻姍姍來遲。

過去幾年,Juno不時孖住契爺陳自強出席活動,就連加片酬、拍危險場面都問過老人家,但近日做新戲宣傳時大多單拖出現,亦甚少提及對方。原來自從有日籍恐怖片大師清水崇做扶手棍後,這一年來,Juno已經鮮有跟陳自強聯絡。

月薪十萬

「Juno幾個月前已經炒咗Willie(陳自強)魷魚!當初搵契爺一齊搞電影公司,都係想借佢老人家嘅人脈網絡同打入日本市場,不過過咗兩年,拍咗套《保衞戰隊之出動喇!朋友!》,之後話會搵關錦鵬監製一套同周冬雨合作嘅文藝片,結果又冇曬聲氣。其實○七年冇再幫成龍之後,Willie今時不同往日,就算佢親自出馬去日本,都冇乜嘢搞到出嚟,所以呢兩年都冇嘢做到;就算今次係Willie嗌惠英紅、鮑起靜同陳友幫Juno拍《殭屍》,但Juno見每個月出成十萬蚊糧俾契爺,又幫唔到幾多,梗係cut啦。」知情者說。契仔用完即棄,有過幫成龍開山劈石,到頭來不歡而散的創傷後,跟Juno只得幾年「感情」的陳自強,已不似當時,晚晚借酒消愁,首映禮當晚,更刻意悉心打扮,好頭好尾。「嗰晚Juno有dress code,叫大家著黑色襯番套戲嘅mood,Willie同佢咁少聯絡,梗係唔知,所以咪著到成身紅咁去睇首映。」Juno身邊人說。

曾經風光

72歲的陳自強,90年代被稱金牌經理人,一手將成龍由香港打入日本市場到躋身國際。事業輝煌期,手執張曼玉、鍾楚紅、張學友、王祖賢、鄭裕玲、關之琳等巨星;後期亦有為吳彥祖及陳冠希出過力。07年成龍不顧恩情,將一手打造他成為巨星的陳自強踢走,難以承受炒魷打擊的他,一度意志消沉,終日借酒消愁。11年,陳自強獲金像獎頒發專業精神獎,表揚他在業界的貢獻;張學友更在紅館個唱為他獻上一曲《My Way》,藉以感激對方。

契完 完即 即棄 Juno 炒陳 自強 魷魚
PermaLink: https://articles.zkiz.com/?id=80252

Wyman借Juno搞喊人

1 : GS(14)@2015-07-23 08:40:13

■麥浚龍與謝安琪的《羅生門》搞喊樂迷,Wyman亦指久未試過。


麥浚龍(Juno)繼11年前推出歌曲《耿耿於懷》後,今年先後推出續集《念念不忘》和《羅生門》,前日《羅》面世後在網上被洗版狂loop,不少網友聽到喊,填詞的黃偉文(Wyman)昨在電話說:「好耐冇試過,我都喊咗成晚!十萬個人問我點解咁殘忍,摧毀佢哋十年嚟嘅夢?而家你鬧我狠,但三五七年後,你醒咗會多謝我。」


Wyman 資料圖片


至於將跟Juno合唱外傳《雷克雅未克》的周國賢,就在電話中透露:「其實我只係唱最尾幾句。Juno叫我寫一首好癲嘅歌畀佢,我將畢生功力放入歌,出嚟超難唱。」採訪:皓騫





來源: http://hk.apple.nextmedia.com/entertainment/art/20150723/19228609
Wyman Juno 搞喊 喊人
PermaLink: https://articles.zkiz.com/?id=291818

Kay唱得留手開解前度《羅生門》狂熱 Juno席捲iTunes

1 : GS(14)@2015-07-26 15:06:49

■Juno盛讚Kay演繹新歌《羅生門》時,唱得好好。


麥浚龍(Juno)的三部曲《耿耿於懷》、《念念不忘》及跟謝安琪(Kay)合唱《羅生門》,短短三日在YouTube有逾50萬點擊,《羅生門》更被網友捧為神曲,一夜爆紅的Juno連舊歌都翻hit,雄霸iTunes歌曲下載榜,十二大位置獨佔九首,僅何韻詩《是有種人》及陳奕迅《無條件》能守住第五及第九位。


■Juno舊歌翻hit並雄霸iTunes歌曲下載榜,十二大位置獨佔九首。


Juno前晚在電話親自解構三部曲,他說:「其實入行第十年,咁啱我同Wyman(黃偉文)諗到『念念不忘』呢個term,如果冇一個至少十年,點稱得上念念不忘呢?我哋去發展《耿耿於懷》呢個男仔,當佢係一部電影咁,包括Karen(莫文蔚)、Kay、周國賢,甚至乎我自己,其實都係喺《耿耿於懷》個世界。」《羅生門》就是故事的里程碑,Juno說:「有能力摧毀呢個角色,我相信世上得兩個人,一個係我,一個係黃偉文,我覺得Kay唱得好好,Karen喺《瑕疵》都係,佢哋演活咗我幻想呢個世界嘅角色,我搵Karen飾演而家嘅女朋友,我係從中感受到Karen有一種淡然,而透過Kay嘅聲音,感受到嗰種不捨。」


■Juno在《羅生門》MV中輕撫Kay的臉龐。

Kay:最難係感情

歌曲女主角Kay接受電話訪問,笑言自己跟《羅生門》好有緣:「之前我有隻歌《最好的時刻》都係出自狄更斯,另一首《臨崖勒馬》係講福島地震,我又喺冰島影過封套《慢活》,做新人時,有人問我鍾唔鍾意Hello Kitty?我真係唔係特別鍾意,呢啲細微嘢咁蹺同故事主人翁一樣,我都同Juno講番,好似冥冥中嘅緣份。」問這首歌是否好難唱?Kay說:「唱就唔難,最難係感情,有啲人覺得女主角好絕情,其實我覺得唔係,我特登唔唱咁絕,我唱嘅時候都留手,想開解番前度,晚晚睇女仔fb,攞手機睇佢有冇online,令人好心酸!」採訪:盧妹、皓騫





來源: http://hk.apple.nextmedia.com/entertainment/art/20150724/19229825
Kay 唱得 得留 留手 開解 前度 羅生 狂熱 Juno 席捲 iTunes
PermaLink: https://articles.zkiz.com/?id=291827

Juno冇諗阿嬌唱《羅生門》

1 : GS(14)@2015-07-30 08:19:38

麥浚龍(Juno)和謝安琪(Kay)昨日在商台宣傳合唱歌《羅生門》,外界猜測這歌中提到跟前女友有十年之約的女主角是鍾欣潼(阿嬌),Juno否認並指只是一個角色,他說:「全件事係10年前首歌《耿耿於懷》開始架構,歸功於黃偉文,我只係一個導演。」至於唱此歌時可有想起阿嬌,他說:「我只係成日諗起Kay。」
Juno和Kay同樣感覺此次合作很夢幻,Kay謂二人差不多時間出道,大讚Juno成熟、有男人味。另外,最近有情侶分手,男方激動企圖自殺,女方用他們合唱歌的歌詞抒發感情,Juno說:「希望大家都和氣,聽眾有佢哋嘅智慧,唔好聽到自毀。」採訪、攝影:王連連





來源: http://hk.apple.nextmedia.com/entertainment/art/20150730/19236438
Juno 冇諗 阿嬌 羅生
PermaLink: https://articles.zkiz.com/?id=291881

有話兒:當電影寫延續篇Juno拆解《羅生門》

1 : GS(14)@2015-07-31 08:43:17

■麥浚龍前日接受專訪時,親自剖析在網上被熱炒的新歌《羅生門》。攝影:陳順禎


麥浚龍的新歌被熱炒,連帶出道13年以來的舊作都重見天日。《羅生門》是繼電影《殭屍》後,令他再度被網友瘋狂洗版,被抽水抽到太平洋也乾了。前日Juno接受本報專訪時,坦言如果只做一首歌回應《耿耿於懷》,他沒有興趣,要做便做六首歌講述整整12年的故事,他也笑指自己太誇張、太貪心。撰文:盧妹



【首部曲《耿耿於懷》】■《耿耿於懷》系列,第一代女主角吳日言。資料圖片

【二部曲《念念不忘》】■Juno上月推出新歌《念念不忘》,向首部曲《耿耿於懷》作致敬。互聯網圖片

【三部曲《羅生門》】■Juno邀得女神Kay合唱的《羅生門》MV昨日終在網上公開。互聯網圖片



麥浚龍(Juno)的出品雖然不多,但他的麥氏風格越來越成熟,由青澀地訴說《耿耿於懷》,害怕再沒法戀愛,到12年後幽幽地透露念念不忘的心情,淒美愛情故事中間原來隔着《羅生門》,他說:「如果只係做《念念不忘》講番12年前呢個男仔,吸引唔到我去做,我好貪心,想知道12年後呢個男仔更多嘅事。」《羅生門》令人憶起心裏的那個「她」以外,亦令人猜想Juno心中的女主角是否前緋聞女友鍾欣潼(阿嬌)?他斷然否認:「唔係,因為我哋個方向明顯係12年前《耿耿於懷》,的確Hello Kitty同茉莉香水係有解釋嘅,12年前真係興呢兩樣嘢,但係我阻止唔到人哋嘅幻想空間。」



■Juno前日帶來一支來自紐約的黑色礦泉水blk.受訪。

■做過導演的Juno,愛上以第三身角色說故事。



一早睇中Kay與Karen

其實Juno思想是「堅離地」的,他笑指自己是監製,與黃偉文同時擔任編劇:「係承接12年前個故事,睇吓可以點進化。人性好複雜,分離唔代表兩個人唔愛,相愛亦唔等於好了解對方,《羅生門》兩個人係分開但愛對方,不過唔了解對方,當中有好多誤會,就連佢哋承諾10年後相約嘅地方,竟然都係誤會,男仔以為去冰島,女仔以為去福島,去表達個男仔嗰種盲同缺點。」當過導演的Juno,明顯愛上了這個第三身的角色,為歌曲注入電影感,以六個分段集合為一齣戲:「拍完電影,我習慣咗講故事嘅模式,有得呢個12年前嘅男仔,就會想知12年前嗰個女仔,即係Kay(謝安琪)嘅相反視點,同埋呢個男仔12年後嘅現任伴侶點睇,即係Karen(莫文蔚)。」Juno直言自構思「他」的故事開始,已經意屬Kay與Karen:「我同Karen識咗好多年,佢有種淡然感覺,而Kay好叻運用把聲、有種不捨,兩個都係我第一人選。」


■Juno與女友戴庚玲感情穩定,但暫無意結婚。資料圖片

「如果結婚我會講」

提到Juno近年常涉足做導演,問他會否考慮把《耿耿於懷》系列拍成電影?Juno坦言有人邀請他把故事拍成電影:「暫時未有時間。我唔排除12年後再做,但係一定要有message畀大家,唔會為而家反應好而做。」回到現實世界,日前戴庚玲(Janine)被指在Instagram上疑似暗示二人訂婚,Juno聞言謂:「幻想力豐富,而家冇諗過結婚,但係唔特別相信愛一個人就等於要結婚,而且現實好多人結婚都可以唔牽涉愛,如果有日結婚我會講。」化妝:Khaki場地:day off cafe





來源: http://hk.apple.nextmedia.com/entertainment/art/20150731/19237672
話兒 電影 延續 Juno 拆解 羅生
PermaLink: https://articles.zkiz.com/?id=291890

Juno爆劇情:去過冰島

1 : GS(14)@2015-07-31 08:43:36

Juno的《耿耿於懷》加上新碟的六首新歌完成橫跨12年的七部曲,由《耿耿於懷》開始,然後是思念成癮的《念念不忘》、繼而是與現任女友的《瑕疵》,12年後前度坦白心聲的《羅生門》,男孩赴約到他以為相約的地點冰島而衍生的《雷克雅未克》。然後呢?
Juno預告新歌的概念:「個男仔最後有去到冰島,不過遇唔到呢個女仔,因為個女仔去咗福島,其實呢件事係幾浪漫嘅。之後《睡前服》講個男仔失眠,以為自己打電話畀個女仔,又好似唔係,好似夢遊咁。《單魚座》就真係一半真一半假,Wyman(黃偉文)有日話想寫我個星座(雙魚座),我發現有啲準有啲唔準,於是就寫咗呢個有缺陷嘅雙魚座變成《單魚座》。」 Juno又謂真的有去過冰島旅行,因為自小已經覺得那裏很美。





來源: http://hk.apple.nextmedia.com/entertainment/art/20150731/19237674
Juno 劇情 去過 冰島
PermaLink: https://articles.zkiz.com/?id=291891

Juno現身合唱《羅生門》Kay澳門騷即腩爆爛Gag

1 : GS(14)@2015-10-12 14:25:42

【不慎露腩】■謝安琪前晚在澳門開騷,着露肩裝襯半截長裙,失手露出豬腩肉。


人妻謝安琪(Kay)前晚在澳門舉行「拾回謝安琪數愛世界巡迴演唱會」,為入行十周年的巡唱揭開序幕,Kay以神奇女俠谷胸騷腿look勁歌熱舞,性感打扮令觀眾大飽眼福,不過,Kay換露腰裙跟麥浚龍(Juno)合唱《羅生門》,卻不慎即出一團豬腩肉,大煞風景。連續三屆蟬聯高登女神的Kay,一直迷倒萬千網友,前晚以六套性感戰衣登場,唱《羅生門》時着露肩裝襯半截長裙,失手露腰間贅肉,當時台上螢幕播出Juno錄像的唱歌片段,觀眾還以為兩人隔空合唱,怎知尾聲時Juno突然出場跟Kay合唱,掀起全晚高潮。
Juno自嘲不善辭令,加上沒甚台風及多着黑衫,笑說:「我喺後台諗,你可以做一個紙板嘅我,倒咗我嘅模加啲白鬚上去,公仔只要識左右郁動同揮手就得。」Kay聞言回以爛gag:「如果面前有隻猛獸喺籠入邊,我想走入個籠,你會同我講啲乜?」Juno靜了幾秒,台下觀眾搶答:「麥浚龍(勿進籠)!」全場大笑。



【世紀合唱】■謝安琪和麥浚龍合唱《羅生門》,掀起全場高潮。

【谷胸女神】■人妻Kay以神奇女俠look騷腿,在性感女舞蹈員陪伴下勁歌熱舞。

【百變形象】■謝安琪全晚換了六套性感戰衣。



觀眾盜錄擺上網

完騷後,Kay自爆有件歌衫因太大不停下滑,工作人員要衝上台為她換衫,Juno笑說:「你之後嘅演出,換衫位置可請我做。」昨有網友已急不及待將在場內盜錄兩人合唱短片擺上YouTube,指Juno似感冒唱歌好細聲:「Kay好似特登細聲啲畀Juno把聲出?」、「Juno把聲係咪畀佢pat鬚隔咗音」。此外,前晚Kay唱出十年的代表作,包括《勢不兩立》、《獨家村》、《鍾無艶》等歌曲,最後以首本名曲《囍帖街》為個唱劃上句號,而Kay的香港站演唱會將於明年4月假紅館舉行。撰文:皓騫





來源: http://hk.apple.nextmedia.com/entertainment/art/20151012/19329483
Juno 現身 合唱 羅生 Kay 澳門 騷即 即腩 腩爆 爆爛 Gag
PermaLink: https://articles.zkiz.com/?id=293076

阿嬌唔怕Juno同場

1 : GS(14)@2015-11-02 08:53:00

■阿嬌前晚與因工作缺席頒獎禮的Juno(小圖)緣慳一面。


「香港流行音樂MV頒獎禮」前晚在九展舉行,鍾欣潼(阿嬌)與蔡卓妍(阿Sa)的Twins和麥浚龍(Juno)分別憑《LOL》和《羅生門》MV攞獎,除阿Sa外,Juno亦因工作未有出席,與阿嬌緣慳一面。問阿嬌會否親自執導拍MV?她表示未有此想法,問是否喜歡拍片?阿嬌說:「真係好少。」會否怕跟Juno同場尷尬?阿嬌說:「冇呀,佢嚟唔嚟關我乜嘢事箒?見到咪Hi囉。」跟Juno是否沒聯絡?阿嬌反問:「佢唔係自閉咩?」


麥浚龍(Juno)資料圖片


同場的吳若希對於有報道指她與鄭俊弘一齊出騷合共收2萬5千元酬勞,吳若希寸爆回應:「你哋信唔信吖?呢啲新聞都係搵嘢嚟寫。」採訪:盧妹攝影:陳俊強





來源: http://hk.apple.nextmedia.com/entertainment/art/20151101/19355334
阿嬌 唔怕 Juno 同場
PermaLink: https://articles.zkiz.com/?id=293719

Juno揸波子上倉

1 : GS(14)@2016-03-01 18:57:36

【跑馬地】麥浚龍(Juno)前日下晝3點幾單拖喺跑馬地出沒,成個look好似襯晒咁款,戴住墨鏡滿面鬍鬚開住駕黑色開篷波子跑車,急煞喺一間7-11便利店門口。見佢淡淡定咁落車行入去便利店,狂掃咗大堆零食,之後仲去到櫃面要咗一包煙。Juno掃貨10分鐘後,行出嚟唔係即刻飛車離開,係行咗去附近一間出晒名嘅雲吞麵店叫外賣,等埋外賣,之後先跳上架跑車絕塵而去。採訪、攝影:朱志聰、畢紹基





來源: http://hk.apple.nextmedia.com/entertainment/art/20160301/19510768
Juno 波子 子上 上倉
PermaLink: https://articles.zkiz.com/?id=296481

【爆相爆片】Juno拖女友 京都泛舟

1 : GS(14)@2016-04-23 18:37:44

■Juno和女友被讀者發現在京都泛舟,Juno更化身攝影師拍照。


麥浚龍(Juno)同混血模特兒女友戴庚玲(Janine)以往愛得低調,不過自從三年前復合後,經常被發現出雙入對。今年初Juno趁北上開工拍電影之前,專程帶Janine到新西蘭過二人世界。


■Juno穿上白色中東裝,與女友Janine在日本嵐山拍拖。讀者提供圖片

依舊中東裝

昨日下午Juno又被本報讀者在日本野生捕獲,讀者Evan透過「爆相爆片」分享Juno跟Janine在京都嵐山泛舟的照片,Evan指當時約在香港時間2時20分左右,照片所見兩人衣着一黑一白襯到絕,加上Juno的中東裝特別惹人注目,Evan說:「佢哋喺京都嵐山渡月橋側邊嘅碼頭上船仔,一上船Juno女友就係咁幫佢影相,而Juno就負責扒艇,不過之後都有調轉。」
Evan又指Juno全程說話及動作都不多,他說:「之後我同行朋友仲大叫佢個名,佢都有同我哋點一點頭,大約玩咗40分鐘就走喇!」Juno之後透過所屬唱片公司回應表示:「Juno有工作喺日本當地傾,之後佢留低休息,至於私人事冇回應。」採訪:李察、李森





來源: http://hk.apple.nextmedia.com/entertainment/art/20160423/19582451
爆相 相爆 爆片 Juno 女友 京都 泛舟
PermaLink: https://articles.zkiz.com/?id=299583

馮仁昭四圍超:Juno執導搵番自我

1 : GS(14)@2016-06-06 03:03:22

麥浚龍(Juno)最近為護膚品牌拍宣傳短片,佢受訪時提起第一年參加頒獎禮:「當時喺台上,我感受到全場唔係拍掌、歡呼,而係噓聲,感覺觀眾想我死。」
Juno覺得跌落人生最低點,跟住變到唔識同人相處:「我希望透過創作音樂同電影,搵番自我。」終於喺2012年執導電影《殭屍》贏得口碑,事隔4年佢準備開新戲《風林火山》,Juno自豪咁話:「命運係自己創造。」撰文:馮仁昭





來源: http://hk.apple.nextmedia.com/entertainment/art/20160602/19637122
馮仁 仁昭 四圍 Juno 執導 搵番 自我
PermaLink: https://articles.zkiz.com/?id=301976

Juno人帽合一親自拆解巨帽之謎

1 : GS(14)@2016-07-06 08:11:31

大家都知潮人麥浚龍(Juno)除了鍾意着鬆身衫之外,還喜歡戴帽,人帽合一的Juno家中有超過百頂帽子收藏,但大家對Juno戴帽有不少迷思,例如黃色巨帽和如何hold住帽子等,《add》親自找來Juno親自拆解他戴帽的小秘密。
Juno接受訪問時透露,自從剪短髮之後就愛上戴帽,「其實係因為功能問題,我每隔3至4日就會剷一次頭,剷完之後往往都會覺得凍,係功能問題,戴帽通常喺室內場合,因為室內係最凍嘅地方。」
Juno戴的帽子很多時都是名牌貨,有日牌Issey Miyake、Yohji Yamamoto、意國潮牌Reinhard Plank和Acne Studios,不過Juno並不是只買大牌子,「其實我唔會花太多錢喺帽上,平同貴都會買,適合自己最重要,嗰頂超大嘅冷帽,應該係是我帽之中最大嘅一頂同最熱嘅一頂,至於數量就過百,我懷疑帽嘅數量多過我啲內衣褲,加上我好多帽都係女朋友織或者喺上面加工,年紀越大返而唔在乎某牌子先會鍾意,其實都有好多出色嘅造帽家。」
Juno戴針織帽時,通常都會戴到好後,坊間有傳聞Juno要靠黐膠紙先可將帽子hold住,Juno就拆解了帽子hold住的秘密,「大家都成日問我點解頂帽唔識甩,其實我冇貼膠紙或者黐咩,因為頭髮好短所以會啜往,冇咩技巧!」更多時尚、美容新聞,即上:http://add.appledaily.com





來源: http://hk.apple.nextmedia.com/entertainment/art/20160706/19683354
Juno 人帽 合一 親自 拆解 巨帽 帽之 之謎
PermaLink: https://articles.zkiz.com/?id=302719

Juno自殘孖薛凱琪拍MV

1 : GS(14)@2016-09-04 18:03:42

■Juno和Fiona以驚慄造型拍MV。



麥浚龍(Juno)、薛凱琪(Fiona)前晚在清水灣為合唱歌《結》拍攝MV,兼任導演的Juno,豪花6位數字製作費,為Fiona設計一個紅白女鬼驚慄造型,Fiona說:「我好鍾意,因為視覺上畀到好多刺激,可能大家唔認得我係邊個,拍時會盡量唔照鏡,因為平日睇完恐怖片都會發噩夢。」
Juno透露拍攝期間遇上很多意外:「有個巨型漏斗,啲沙淋落嚟,刮損晒我條頸,最痛苦係啲沙入眼,同自殘冇乜分別。」採訪:盧妹攝影:仇志德




來源: http://hk.apple.nextmedia.com/entertainment/art/20160904/19759167
Juno 自殘 薛凱 琪拍 MV
PermaLink: https://articles.zkiz.com/?id=307457

Juno新片金城武擔正

1 : GS(14)@2016-09-28 05:04:35

麥浚龍(Juno)執導的1.5億元大製作《風林山火》籌備了超過一年時間,是一部關於毒品的警匪片,戲中有眾多角色及多線發展,找演員也十分頭痛,之前曾經斟過梁朝偉搭張家輝擔任男主角,但偉仔推掉了,而Juno亦放棄了梁張這個配搭,後來改用金城武搭梁家輝,單是金城武的片酬就加到2,000萬人民幣,為力邀他演出,Juno也不介意支付高片酬,據悉雙方已談得七七八八,只欠動筆。由於這部戲投資大,所以Juno只會專心做好導演崗位,不會參加演出,電影預計明年初開拍,陳友會擔任監製。昨日致電陳友求證時,他表示:「好多演員都有接觸,但目前未係時候公佈,遲啲落實晒啲嘢先講得呀!」採訪:鍾國仁




來源: http://hk.apple.nextmedia.com/entertainment/art/20160928/19783734
Juno 新片 金城武 金城 擔正
PermaLink: https://articles.zkiz.com/?id=310451

Juno反

1 : GS(14)@2016-10-21 05:28:07

■Juno昨日受訪表示是Kay邀請他做女兒的契爺。資料圖片



39歲謝安琪(Kay)懷有第二胎,更親口證實今次是陀女,可以湊成一個「好」,陀B五個多月的Kay,已經為囡囡找到了契爺,昨日有報道指Kay和麥浚龍(Juno)因一首歌一拍即合,所以她決定契給好友Juno,報道又指契爺Juno預備30萬元上契大利是,相當闊綽。
Juno昨回應本報有關做Kay囡囡契爺一事,他說:「係Kay佢哋邀請我做契爺,我都答應咗,嗰晚只係去佢度食飯。」至於30萬元上契利是,Juno說:「金錢同禮物純粹係虛構幻想,當中並不存在任何金錢同禮物。」還說笑:「如果真係有關上契同金錢,應該係Kay畀我。」採訪:盧妹




來源: http://hk.apple.nextmedia.com/entertainment/art/20161021/19807268
Juno
PermaLink: https://articles.zkiz.com/?id=313028

Juno圍布拍《風林火山》梁家輝爛面迎青雲

1 : GS(14)@2017-08-02 06:15:05

■大熱天時梁家輝不但要化上爛面妝,更要穿上大褸。





【鰂魚涌】麥浚龍(Juno)導演的警匪四部曲電影《風林火山》上月初已經在香港開工,今趟中港合資過億,以Juno一向的作風自然更不惜工本。《風》片上月初已經在啟德郵輪碼頭拍了幾場通宵戲,到日前網上facebook群組貼出一張鰂魚涌海景樓與海山樓業主立案法團通告,寫着7月26至29日一間名叫晉弘影業的公司會在上址拍戲,同時貼出租用金額為91,000元,而電影公司就屬Juno所有。



■等埋位時化妝師不時要替不停流汗的梁家輝補妝。

■在戲中青雲演一名警員,跟劉永有不少對手戲。

■現場保安嚴密,Juno(小圖)的指揮車用黑白布幕圍着。


工作人員70人

根據通告《風》片安排在上月26日搭景,之後兩日拍攝。上周四拍攝當日非常大陣仗,單是工作人員眼見都有70人,服裝、化妝車亦有數部,而導演Juno安坐在一部流動指揮車內指導,四周用布幕圍實,保安非常嚴密。到傍晚大概6時左右,戲中兩位主要演員梁家輝和劉青雲出現。工作人員先安排他們上車化妝及換戲服,當日大熱天時,二人不止要穿住長袖衫,還要加上厚褸扮冬天,等埋位時化妝師不停為他們補妝抹汗,化了爛面妝的家輝相信會熱上加熱。


《變形4》曾取景

其實海景樓、海山樓幾幢建築群組在各地頗出名,特別在之前米高比爾(Michael Bay)導演的《變形金剛4:殲滅世紀》(Transformers:Age of Extinction),分別在該處的大天井及天台取景,同時引發陀地勒索事件,成為國際新聞。除了拍戲,不少拍友都喜歡在該處影相,日本男藝人野村周平亦在這裏,替日本雜誌擔任模特兒。《風林火山》除了三位男主角之外,還有很多大家熟識的演員在內,例如曾與Juno及日本AV女優蒼井空合作《復仇者之死》中、演警察的劉永,今趟他會再演差人,延續《復》片入面的角色,與青雲合演一對警察拍檔。另外更有久違香港銀幕的「大軍」程東、RubberBand阿正參加演出。採訪、攝影:黃曉程、朱志聰




來源: http://hk.apple.nextmedia.com/entertainment/art/20170801/20107641
Juno 圍布 布拍 林火 梁家輝 梁家 爛面 面迎 青雲
PermaLink: https://articles.zkiz.com/?id=339372

楊丞琳破格咀梁洛施Juno臨場被加戲錫男模

1 : GS(14)@2017-08-02 06:15:16

講起張敬仁,近日最紅嘅必數佢喺ViuTV劇《賤民20》中同吳海昕(Sofiee)女女咀,仲有激烈床戲。其實喺圈中早就有同性咀戲出現,數到比較經典嘅場面,就有何俐俐喺楚原導演嘅《愛奴》中,與貝蒂飾演同性戀者,更有女女咀嘅場面,喺當時嚟講算係相當大膽,更有指何俐俐呢場戲,引起咗國際影壇注目。而另一場女女咀戲、並登上國際影壇嘅,就係2007年推出嘅台灣片《刺青》,由當時喺台灣大紅、有「可愛教主」之稱嘅楊丞琳,夥拍憑《伊莎貝拉》獲得第27屆葡萄牙波圖國際電影節(Fantasporto)影后嘅梁洛施合演同志電影。片中兩人有激情鏡頭,而呢套戲亦先後獲得柏林影展「泰迪熊獎」及羅馬亞洲電影節「最佳影片」。男演員方面,本港歌手暨導演麥浚龍(Juno),喺2013年「重返」樂壇推出新歌《鶴頂紅》,當時佢更邀請加拿大刺青名模Zombie Boy,有指佢哋兩個場咀嘴戲係導演臨時嗌加,而呢次仲係Juno嘅螢幕「同性初吻」。




來源: http://hk.apple.nextmedia.com/entertainment/art/20170801/20108083
楊丞 丞琳 破格 咀梁 梁洛 洛施 Juno 臨場 被加 加戲 戲錫 男模
PermaLink: https://articles.zkiz.com/?id=339376

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019