ZKIZ Archives


大教授芝加哥DVD騷 宗菁華

2008-07-24  NextMagazine

七 月十四日,法國大革命紀念日。喺花旗芝加哥,則有個一連五日之盛會誌記另一場大革命 —— 中國走資三十年。呢個盛會由產權宗師高斯(Ronald Coase)主催,另外仲有蒙代爾、Robert Fogel及Doug North呢三位諾貝爾經濟學獎得主,及一眾中外經濟學者出席。

咁嘅場面又豈可冇大教授?事實上會仲未開,佢已經喺《信報》連載佢會宣讀之論文。大會嘅規矩係每個講者有二十分鐘發言 —— 大教授例外。

會議由高斯講過開場白後就輪到大教授開聲,不過唔係真人騷,而係放DVD。佢成篇論文講咗足足兩粒鐘(喺《信報》都連載咗八個禮拜)。分量甚足,故此學者、專家都唔多頂得順,放咗一粒鐘DVD,大家要抖一抖,飲杯咖啡、伸伸對腳再放埋下半場。

除咗大教授DVD騷,港大首席副校長王于漸亦有親自臨場參與,講香港對促進中國開放作出之貢獻。王副校長外,高斯又特別突出理大蔡鴻達對安排成個五日會議付出之努力。

於此可見,香港對中國開放之貢獻又絕對唔只資金、人才、意念思維而已,呢三十年之經驗得以成為下一代之教材、樣板,香港之學者由大教授以降都出咗唔少力也。

米王走得開心

正是寧欺白鬚公,莫欺少年窮。經銷金香、金象等品牌嘅金源米業創辦人林拔中細個喺新加坡打工,餐餐食芽菜,發誓有朝發達唔再食芽菜。果然佢大半生都冇再食過芽菜。

細 個之時有次佢行經間貴價西餐廳,出於好奇喺門口偷望,可能睇得入神過頭,俾個南亞裔司閽踢屁股(剛啱通過反歧視法,唔得亂咁稱呼人也),仲嘲笑佢唔使指擬 有機會幫襯。六八年林拔中舊地重臨擦其大餐,臨走垂詢個司閽:「你阿爺係咪喺度看過門口?」兩年後,米王遁歸道山,相信佢一定去得開心。

魚王失婚

魚王、Ricky San鄭威濤絕少向人提起自己嘅感情生活,原來佢未開板前壽司,係同前妻李少玲拍檔賣日式手捲班戟,搵到第一桶金者。

當時佢哋鬼咁恩愛,拍住做生意,聯名揸住間公司,仲生咗一對仔女,成個好字。

可惜佢哋可以共患難,而唔可以共富貴。最後搞到離婚,後來其前妻李少玲改嫁味千拉麵個淥麵師傅。試問世間情為何物?俾你做到魚王都未必知也。

金牙大狀講嘢有聰明冇智慧

同樣係派糖,隔籬梳打埠何特首採取一視同仁政策,由細路仔到伯爺公,只要係澳門居民,見者有份,搞到唔少遷居咗香港嘅澳門居民搭船返去分錢。

煲呔亦都係派錢,為數更加一啲唔少,達一百一十億元之多,但就派到天怒人怨,班中產就鬧佢玩歧視,電油咁貴,政府抽稅如儀;免徵外傭稅又諸多動作,以致啲僱傭公司硬晒軚;代繳電費又完全幫唔到冇自己電錶住板間房之五無居民,總之人人唔順超。

何以派糖都搞到唔順超?無他,一以貫之,係都玩親疏有別嘅手腕,咁有乜辦法唔令人覺得佢大細超?

一心以為派糖收買人心,聰明絕頂,點知搞出個大頭佛。真正之大智慧又莫非好似何特首咁有派無類?你幾時見過要麻煩習副主席捉住何特首隻手教佢做嘢要「親自掛帥、親自過問」?

思捷環球去邢李『火原』化

潘祖明同思捷環球結束達九年賓主關係,副主席都唔做,掛冠而去。前此,米高‧邢李『火原』就已於今年一月辭任非執董,佢雖然仲執住八個巴仙股權,但喺間公司並無一官半職,同實際日常運作冇乜關連。

潘 祖明走人之際,佢仲有超過兩百萬股認股權並未行使,當中有超過一百萬股係以四十二個五毫八認購者,以當今之股價,淨係呢度佢已經犧牲達四千萬矣。佢最後一 趟以呢個價錢行使認股權係兩年前。自此佢就再無認購過矣。除咗潘祖明,米高‧邢另一個得力助手黎壽昌就已喺○六年走人。

二千年,米高‧邢仲係主席之時,佢執住間公司四成五股權,跟住一路減持,○二年三成八;○四年三成;○六年一成六,至今只剩番唔到一成。與此同時,佢嘅得力伙記逐個走頭。各位精明嘅投資者,呢一切嘅一切究竟講緊乜嘢俾大家知呢?

甘泉將成永別

唔經唔覺,甘泉執笠咗三個幾月,但佢哋幾架飛機則一直响停機坪日曬雨淋。上個禮拜四,兩架甘泉飛機突然間有動作。

起初人哋仲以為係例行維修,原來唔係。唔知大家知唔知,每架飛機都有個好似車牌咁獨有嘅冧把,以資識別唔同公司嘅飛機。到咗禮拜四,呢兩架甘泉飛機已經換咗冧把,成為一間花旗商業銀行嘅資產,當日係佢哋派人嚟接收飛機。

甘泉飛機一去,將成永別,分分鐘唔會再返嚟。唔少見證呢個歷史時刻嘅機場員工,都不禁忍住淚,同佢說聲goodbye!人始終係感情動物嚟者。
教授 芝加哥 DVD 菁華
PermaLink: https://articles.zkiz.com/?id=1481

超級DVD容量增21萬倍

1 : GS(14)@2014-11-09 14:00:44



澳洲科學家成功研發新一代超級光碟(DVD),容量比舊有版本多21.2萬倍,儲存40,000齣高清電影綽綽有餘。斯威本科技大學科學家掌握新技術,利用兩道激光,以一上一下的形式,將資料刻在容量只有4.7GB的傳統光碟(圖)上,刻紋寬度小至只有9納米,儲存量立即激增,高達1,000TB(1TB等於1,000GB),比傳統光碟大增21.2萬倍。不過由於製造成本高昂及製作耗時,超級光碟何時能夠上市仍是未知之數。英國《每日郵報》




來源: http://hk.apple.nextmedia.com/international/art/20141109/18928842
超級 DVD 容量 21 萬倍
PermaLink: https://articles.zkiz.com/?id=286402

栢芝自認任性變霉后儲《河東2》DVD自勉學謙卑

1 : GS(14)@2016-03-15 16:07:55

張栢芝近日上咗好友謝娜嘅內地節目《娜就這麼說》,除咗講離婚同兩個囝囝,仲提到自己由23歲的事業高峯,到32歲直插谷底。佢又帶咗自己主演嘅《忘不了》同《河東獅吼2》嘅電影DVD上節目,直認因自己任性,令佢由金像影后變成金話梅最爛女主角,並坦言:「23歲的時候我太任性了,所以我就一直保存這個(《忘不了》同《河東獅吼2》兩隻DVD),我要告訴自己,我們要做人,起碼我自己,要懂得怎麼去學謙卑謙虛。」佢仲話自己一直都好幸福、好樂觀,即使唔開心,喊完好快就會重新振作。





來源: http://hk.apple.nextmedia.com/entertainment/art/20160314/19528562
自認 任性 變黴 黴後 後儲 河東 DVD 自勉 謙卑
PermaLink: https://articles.zkiz.com/?id=298024

F Cup巨乳寶寶搵大眾募捐 籌360萬拍水着DVD

1 : GS(14)@2016-05-19 02:23:04

現年20歲嘅日本水着偶像長澤茉里奈,靠住童顏、巨乳兩大優勢,令佢深受當地麻甩佬歡迎。單睇長澤茉里奈外型,加上一副楚楚可憐嘅樣貌,唔少人都以為成未成年,更有人覺得佢個樣似得12、13歲,所以日本傳媒形容佢嘅粉絲係「合法孌童」。長澤茉里奈係女子組合「放學後Princess」成員之一,擁有F Cup上圍嘅佢發育健全,下星期又有個人水着DVD上架,至今已推出四套之多,可見佢喺宅男圈的確大受歡迎。長澤茉里奈稍後更會自己首次擔任監製,最近喺網上籌集資金,結果獲粉絲踴躍支持,截至上星期四,累積總數高達360.7萬日圓(約25萬港元),比起初時定下嘅250萬日圓(約17萬港元)多出8萬港元,令佢如願以償有足夠成本製作一套有水準嘅水着DVD。





來源: http://hk.apple.nextmedia.com/entertainment/art/20160516/19614048
Cup 巨乳 寶寶 大眾 募捐 360 萬拍 拍水 水著 DVD
PermaLink: https://articles.zkiz.com/?id=300261

坤哥湊數出DVD

1 : GS(14)@2016-08-14 14:29:25

剛完成紅館騷的吳業坤(坤哥)昨日在尖沙嘴出席活動,踏過紅館台板的他是否身價暴升?他說:「都係咁上下箒,今日呢個係演唱會之前接嘅,錢對我嚟講係浮雲,夠食就得。」坤哥又透露想為演唱會出DVD:「其實個騷係拍咗,本來諗住留個紀念畀自己,但如果我遲啲出嘅post,歌迷喺facebook上share人數夠二千個就會出。」




來源: http://hk.apple.nextmedia.com/entertainment/art/20160814/19735261
坤哥 哥湊 數出 DVD
PermaLink: https://articles.zkiz.com/?id=305805


ZKIZ Archives @ 2019