ZKIZ Archives


國美影響力大中央破格批准黃光裕坐監照簽文件 李華華

2010-6-1  AD





 

國美電器 (493)大股東黃光裕竟然可以喺監獄入面投反對票,謎底終於響噚日解開。呢件被稱為財經界「不可思議的真人真事」,原來係阿爺(即係國家)特別批准佢咁 做o架!根據《新京報》引述北京高級法院人員話,佢哋係考慮到國美實際經營情況,破天荒俾黃光裕喺看守所入面簽文件喎!

錄低全程有問題就罰

呢 位法院人員響一個叫「涉刑企業家民事權利的行使與保障」嘅研討會,第一次透露可以咁做。個位仁兄話,其實以前都唔可以咁做,但o依家制訂咗監督機制,全程 錄低簽署儀式,有乜問題就會即刻處罰,但點罰同點解要罰,佢就無講到。

報道又搵咗北京中銀律師所律師趙志成解讀,佢話俾黃光裕簽名,應該係 司法機關考慮到國美數十萬人嘅就業,同埋對市場嘅影響,所以先會破格決定喎!超鍾意陰謀論嘅華華就覺得件事冇咁簡單嘅,會唔會好似傳聞咁,國家唔想國美落 喺外資手上呢?一句講晒,共產黨啲嘢,你係無法子諗到嘅。

點都好啦,覺得判坐14年監係罰得太重嘅黃光裕,上個禮拜已經正式提出上訴。另一 邊廂,條街又傳緊佢會減刑期,呢場國美爭奪戰如箭在弦,唔知會唔會同世界盃同步開波呢?!

李華華

[email protected]



PermaLink: https://articles.zkiz.com/?id=15906

中環在線:黃光裕看守所照簽文件 李華華

2010-10-04  AD




 

雖然係國美電器(493)爭奪戰黃光裕(圖)一方落敗,但黃家喺股東會前做嘅一切其實都好有部署,噚日《第一財經》就踢爆黃光裕雖然成為階下囚,但做過中國首富嘅黃氏依然可以行使股權、簽署公司文件,指點江山,唔知今次嘅行動係咪佢自己喺幕後一手策劃。

報道仲話,佢依然羈押喺看守所,未移送監獄服刑。

北京市高級人民法院刑二院庭副庭長王海虹話,法院係考慮到國美公司的實際經營情況,先至畀黃光裕行使以上權力嘅申請。

佢話換轉係以前一定唔會有呢啲事出現,但佢話咁樣做有利國美嘅正常運作,亦反映司法機關服務型意識喺度強化緊。

 


PermaLink: https://articles.zkiz.com/?id=18437

Next Page

ZKIZ Archives @ 2019