ZKIZ Archives


復牌搞骨灰龕發 尹揚明癮起

1 : GS(14)@2015-05-14 12:22:32

2015-05-14 NM
○五年淡出娛樂圈後,尹揚明跟隨胞兄經營殯儀業,並早觸先機全力發展骨灰龕,入股位於屯門青山村的佛緣精舍,短短幾年,發過豬頭。除了發死人財,尹揚明還在港澳兩地開餐廳,生意上晒軌道,近年終於癮起,抽閒客串拍戲過癮!阿哥賣棺材

出道以來,尹揚明多在電影中飾演黑社會角色,當中包括在《古惑仔》系列中的韓賓、十三妹吳君如老公一角。港片在九六年開始走下坡,機會大不如前,○五年,尹揚明決定轉行。「佢拍戲都搵到錢,又無拍過劇有人識,但到○四年,直情冇人搵,佢要養家搵食,所以跟佢阿哥做殯儀,佢大佬紅磡有晒地鋪賣棺材,死人生意,冇得輸!」尹揚明身邊人說。

入股私人骨灰龕場

有生意頭腦的尹揚明,睇準骨灰龕市場供不應求,於是全力搞骨灰龕。「佢轉行做兩年,就同佢大佬話要身發展骨灰龕,○七年仲入股佛緣管理有限公司屯門青山村佛緣精舍,做咁多年,賺唔少!佢有唔少內地客,所以成日會返大陸傾生意,唔係齋做香港。」

港澳開餐廳

除了發死人財,五十七歲的尹揚明去年底還投資開日式餐廳。「唔好睇馬騮(尹揚明暱稱)粗粗魯魯咁,佢好鍾意煮請朋友食,十年前已經澳門投資小飛象葡國餐廳,上年再掟二百萬深水搞日本。見生意上晒軌道,時間多,佢都開始出番拍戲,過癮。」知情者說。幫香港電台拍《監警有道》外,又客串電影《壹獄壹世界:高登闊少監日記》,尹揚明重新入市。

同期熟男

跟尹揚明差不多時間出道的熟男,大多已經轉行營商,就算偶然參與幕前演出,也只是玩票性質。九十年代專做黑幫人物的張耀揚,06年踩單車受傷要全面休息後,一度被指由密友蔡一傑照顧,兩年多前,張耀揚轉戰澳門,在賭廳做疊碼仔,去年爆出在北京藏毒被捕,至今鮮有在公眾場合露面。

詹秉熙與梁朝偉同期的詹秉熙,當年有翻版劉德華之稱,第一次拍劇已經夥拍張曼玉做男一,其後因唔聽話被大台雪藏,及後過檔亞視;近年偶然在香港客串拍劇的他,多年前投資娛樂公司返內地搞騷做製作,更是福建省政治協商會議委員。
復牌 骨灰 龕發 尹揚 揚明 明癮 癮起
PermaLink: https://articles.zkiz.com/?id=290328

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019