ZKIZ Archives


垃圾站餐廳 左丁山



2010-11-04  AD


 

貨幣理論有MV 等於PQ嘅一條公式,M就係貨幣供應,V係貨幣流通速度,P係價格,Q係交易量。M乘V等於P乘Q,當人民對前景冇信心,唔肯消費,一於積穀防饑嘅時候, 或者恐懼銀行系統不穩,索性提走銀行存款,放在床下底嘅時候,貨幣流通速度就會大跌,將印銀紙嘅預期效果完全抵銷。

餐飲M話畀左丁山聽,香 港嘅V相信唔會降低,以佢日夜在蘇豪區做生意所見,每日消費量好大,銀紙轉手好快噃。佢知道左丁山係蘇豪大鄉里,於是吃過午飯,就帶左丁山往史丹頓街一 行,由中環街市對面嘅上山自動行人道直上,到咗史丹頓街,好快啫噃。呢條上山通道好鬼有用,帶旺晒附近,益晒沿線業主。美中不足之處就係只得一條單程道, 如果有一條上、一條落,就夠晒完美。餐飲M話:「想當年,好多人反對興建呢條通道,本來係起兩條,一上一落嘅,因有人反對,港英政府最後只興建一條,o依 家諗起嚟,當年嘅反對派,十分短視。」係咁嘅嘞,香港初起地下鐵路之時,咪又係有人反對!

 

上到史丹頓街,向右行去上環方 向,只見餐廳多到不可勝數。下午兩時許,大部份已經得番一兩枱客,一啲已見拍烏蠅,餐飲M逐一介紹,話租金甚貴,有兩三間冇乜特色,幾難經營下去,但一路 行到街市,街市傍仲有垃圾站,環境不佳。但垃圾站對面就有一間餐廳,佔地二萬呎,嘩,內裏仍有九成上座,九成人客係白色人種。餐飲M話:「嗱,學習經營餐 廳,就要嚟呢度取經嘞,點解街市垃圾站對面,條街又窄,仍然有人經營餐廳如此成功,星期五六日爆到七彩,平時生意亦好,賺到盤滿缽滿呢?」又係嘅,由中環 去到必列啫士街街市,幾唔方便,經營者確係藝高人膽大,同一條史丹頓街上,有處於位置更好嘅餐廳,反為生意差好多。史丹頓街中游位置,有信和置業招牌,餐 飲M話信和已經買晒幾個舖位及樓上,預備重建為酒店,有不少人反對。呢度路窄人多汽車流量大,他日地盤泥頭車一架,已足以阻住成條街,嚴重影響交通,餐廳 東主梗係唔鍾意信和重建舊樓啦。


PermaLink: https://articles.zkiz.com/?id=19040

Next Page

ZKIZ Archives @ 2019