ZKIZ Archives


【馮仁昭四圍超】「佢嘅家庭唔鍾意我」李泳漢戰立會 怨鼎爺潛水

1 : GS(14)@2016-08-19 06:55:46

■李泳漢話媽咪施明都好撐佢選立法會,但老竇李家鼎就冇理佢。互聯網圖片





李家鼎同前妻施明生嘅一對孖仔,現年38歲的大孖李泳漢做過童星,曾聲稱同鍾欣潼(阿嬌)係宿世夫妻,不過佢今年初奉子成婚娶嘅係圈外女友嚴佩鈺,6月仲生埋囝囝。升呢做老竇嘅李泳漢最近以獨立人士身份,夥前泛民人士符偉樂出戰立法會九龍西選區,向「元秋」蔣麗芸、梁美芬、狄志遠、黃碧雲、毛孟靜、譚國僑、黃毓民、吳文遠、劉小麗、朱韶洪、何志光、林依麗、關新偉、游蕙禎挑機。



■李泳漢今年初奉子同圈外女友嚴佩鈺結婚,6月已升呢做埋老竇。互聯網圖片

李家鼎,資料圖片


經費有限呻好窮

李泳漢噚日話媽咪施明都好撐佢,但阿爸鼎爺就潛咗水:「佢(鼎爺)一直都冇打過嚟,佢有第二個家庭,佢嘅家庭唔係好鍾意我,我都唔鍾意佢嘅家庭,佢由細到大都唔係點理我,所以冇乜感覺。」李泳漢嘅政綱係反對特首梁振英連任,要求撤回人大831同反對港獨。有周刊報道身形發脹嘅李泳漢落區派傳單,但街坊反應唔大,佢都繼續打親民牌,佢噚日話:「街坊對我好好,特別係深水埗區,如果將來我當選,搵人派飯畀露宿者。」李泳漢今次冇政黨支持,經費當然有問題:「5萬蚊報名費仲可以畀,但選舉團好靠義工幫手,相信我喺15張候選名單裏面最窮嗰個。」撰文:馮仁昭




來源: http://hk.apple.nextmedia.com/entertainment/art/20160819/19741729
馮仁 仁昭 四圍 佢嘅 家庭 鍾意 李泳 泳漢 漢戰 戰立 立會 怨鼎 鼎爺 潛水
PermaLink: https://articles.zkiz.com/?id=306508

鼎爺唔知李泳漢參選

1 : GS(14)@2016-08-20 11:41:48

■李家鼎(小圖)昨回應指不知道兒子李泳漢參選立法會。資料圖片



李家鼎和前妻施明所生、現年38歲的大孖李泳漢,近日以獨立人士身份出戰立法會九龍西選區,向「元秋」蔣麗芸、毛孟靜及黃毓民等挑機(該區其他參選名單詳見A6版)。李泳漢大呻參選經費不夠,幸得媽咪施明街站幫手派傳單,可是老竇李家鼎就零關心。李泳漢前日爆料怨鼎爺潛水:「佢嘅家庭唔係好鍾意我。」鼎爺昨在電話中表示沒收過囝囝參選通知:「唔知佢選,係朋友同我講先知。」鼎爺謂不會落區助選:「佢咁大個仔,識自己揸主意。」對於李泳漢揶揄鼎爺只關心離婚後組織的新家庭,鼎爺沒好氣說:「佢鍾意講乜都好,唔該。」採訪:劉敏




來源: http://hk.apple.nextmedia.com/entertainment/art/20160820/19743106
鼎爺 爺唔 唔知 知李 李泳 泳漢 參選
PermaLink: https://articles.zkiz.com/?id=306626

拍拖年多 女友與孖仔相處OK71歲鼎爺傳再婚「隨緣啦!」

1 : GS(14)@2016-12-28 08:12:15

【心情麻麻】■被指秘婚的李家鼎昨日傍晚返回西貢寓所,心情看來麻麻,一度踢開車前雜物發洩。




【西貢】武功了得的李家鼎(鼎爺),近日主持《阿爺廚房》大顯精湛廚藝刀法而人氣大升。儘管他年屆71歲,但原來跟80歲的謝賢一樣仍要愛情滋潤。昨日有報道指鼎爺年前已覓得第二春,跟一位年近60、貌似楊思琦的女友秘密結婚。鼎爺昨日否認秘婚,但承認已有女友,又指女友跟兩兒子關係很好,問會否再婚時,他說:「隨緣啦!」



鐵漢也有柔情一面,性格火爆的71歲李家鼎便是表表者。入行逾50年的鼎爺,一直被公認武功身手了得,直至近日與譚玉瑛主持節目《阿爺廚房》教煮餸,始知他原來打得又煮得,令他即時人氣急升,連教烹飪數十年的方太方任利莎也大讚鼎爺廚藝出色。



【狂撳電話】■頭戴帽子的鼎爺邊行邊撳電話。DV圖片

【單拖回家】■鼎爺昨日單拖駕車回家,未見新女友陪同。

■喜歡養雀的鼎爺,在寓所外掛了雀籠。


戒掉粗口

原來鼎爺事業得意之餘,亦情場得意,昨日有周刊報道指他94年與施明離婚後一直想復合,但被施明拒絕,直至7、8年前鼎爺才面對現實,放棄舊情重新出發,終在年前覓得第二春,結識了一位年近60歲、貌似細仔李泳豪舊愛楊思琦的女友,女方同樣經歷婚姻失敗,二人一拍即合,並已秘密結婚。報道又指鼎爺雖然性格剛烈,但在現任太太面前卻陰聲細氣盡顯溫柔,連粗口也不講半句。報道又指新鼎嫂本身亦有子女,也有外孫女,鼎爺當正是自己孫女般愛錫,又帶新鼎嫂睇細仔李泳豪賽車,泳豪對父親新任太太亦相當接受。相反,鼎爺跟大仔李泳漢關係麻麻,月前李泳漢出戰立法會選舉,曾埋怨鼎爺未有支持,惟鼎爺努力修補父子關係,於今年9月現身泳漢兒子浩榮的百日宴,三代同堂開心合照。



■李泳漢與太太嚴佩鈺月前為兒子舉行百日宴,促成三代同堂合照。資料圖片

■鼎爺近日與譚玉瑛主持《阿爺廚房》,令人知道他原來打得又煮得。資料圖片

■鼎爺愛雀如命,但前妻施明有哮喘對雀仔敏感。資料圖片


黑面返家

被指秘婚的鼎爺昨傍晚6時許駕車返回西貢寓所,未知是否因為新鼎嫂被曝光而影響心情,他不但面黑黑,而且見到車前有雜物時,更即刻一腳踢開,未知是否趁機發洩。記者昨日致電鼎爺問他是否秘婚,他禮貌地說:「唔好意思,唔方便答你哋。」其後他回應傳媒秘婚一事時,否認再婚:「周刊鍾意點寫都得,唔信去婚姻註冊處查。」不過,鼎爺承認拍拖,但不肯透露與新女友拍拖多久,只表示彼此關係很好,女友與兩個兒子泳漢和泳豪相處亦不錯。被問到會否再結婚時,鼎爺說:「隨緣啦!都幾十歲咯!」記者曾分別致電施明和李泳豪,但未獲回覆,而致電李泳漢時,他太太嚴佩鈺代答說:「我都唔得閒,湊緊仔,我叫佢打番畀你,唔該晒。」至於譚玉瑛被問到拍檔鼎爺秘婚傳聞時表示不清楚,亦未有見過新鼎嫂。問鼎爺有否終日提起老婆時,譚玉瑛說:「冇喎,但成日提起佢小朋友,我聽日會見到佢,真係要問吓佢。」採訪、攝影:羅德光、朱志聰




來源: http://hk.apple.nextmedia.com/entertainment/art/20161228/19878477
拍拖 年多 女友 與孖 孖仔 相處 OK 71 歲鼎 鼎爺 爺傳 再婚 隨緣 緣啦
PermaLink: https://articles.zkiz.com/?id=320330

鼎爺撚雀買外賣返家

1 : GS(14)@2016-12-31 01:06:38

■鼎爺一手攞雀籠,另一手攞着外賣。



年屆71歲李家鼎憑《阿爺廚房》精湛廚藝人氣急升,最近有周刊爆料指鼎爺跟成熟版楊思琦再婚,組織新家庭,之後鼎爺否認,不過談到婚事,他表示一切隨緣!前日鼎爺如常外出工作,直至晚上7時半,他獨自開着白色Toyota返回位於西貢的寓所,天氣雖然轉冷,但鼎爺只是頭戴cap帽穿上皮褸,手上拿着圍上白簾的雀籠,似乎擔心愛雀着涼。除了雀籠,鼎爺手上還有一袋外賣,雖然鼎爺廚藝高超,仍幫襯外賣,鼎爺早前接受傳媒訪問時已經講過,女友是「無飯主婦」,廚藝是零。採訪、攝影:羅德光、黃曉程




來源: http://hk.apple.nextmedia.com/entertainment/art/20161230/19880799
鼎爺 爺撚 撚雀 雀買 外賣 返家
PermaLink: https://articles.zkiz.com/?id=320679

《閃電傳真機》主持去向譚玉瑛拍住鼎爺繼續上

1 : GS(14)@2017-01-06 02:07:49

《閃電傳真機》入面《殭屍爺孫》的殭屍爺爺個外孫女張沅薇,現已洗盡鉛華,轉行於一間菜館任職,而佢昔日嘅舊拍檔,發展又如何呢?譚玉瑛兒童節目始祖嘅譚玉瑛姐姐,自從離開兒童節目後,佢就轉咗去做主持,最近孖住李家鼎(鼎爺)主持嘅《阿爺廚房》。不過鼎爺大受歡迎,譚玉瑛姐姐就被殿堂烹飪主持方太(方任利莎)嫌佢說話多咗少少。麥長青上月麥包終於離開無綫,結束29年嘅賓主關係,但麥包話同大台係轉換另一個合作形式。朱茵朱茵自2012年10月為黃貫中(Paul)生咗愛女黃鶯(叉燒包)後,專心在家相夫教女,眼見囡囡開始大,朱茵就復出北上搵銀。黃智賢入行超過20年嘅黃智賢,由兒童節目《閃電傳真機》做起,之後加入處境劇《真情》,飾演容向海一角而備受注目,直至11年,憑《潛行狙擊》中飾演因臥底黑社會「辣薑」一角而人氣急升,成為大台嘅小生之一。




來源: http://hk.apple.nextmedia.com/entertainment/art/20170105/19886553
閃電 傳真機 傳真 主持 去向 玉瑛 拍住 住鼎 鼎爺 繼續
PermaLink: https://articles.zkiz.com/?id=321501

譚玉瑛撐鼎爺慈祥

1 : GS(14)@2017-01-07 07:08:13

譚玉瑛昨日到商台接受訪問,最近她跟李家鼎拍烹飪節目《阿爺廚房》,有指拍攝期間她曾被鼎爺惡言相向?譚玉瑛笑說:「我又唔覺喎,佢拍嗰陣已經慈祥咗好多。初初拍嗰陣,都有叫佢唔好咁惡㗎,同埋如果佢惡我,我實會話番佢,不過我哋都好講得笑嘅。」對於方太指她在節目太嘈?譚玉瑛坦言有點不開心:「因為方太係我好尊敬同好鍾意嘅烹飪節目主持,我明白佢可能想專心睇鼎爺點煮,不過做節目係咁囉。」並表示沒想過會主持飲食節目:「一個人做好大壓力,?家都有幫TVB拍幾集劇,但啲時間始終唔係咁稱心,所以唔會有戲癮。」採訪、攝影:盧妹




來源: http://hk.apple.nextmedia.com/entertainment/art/20170107/19888860
玉瑛 撐鼎 鼎爺 慈祥
PermaLink: https://articles.zkiz.com/?id=321779

險遭阿姐毀容 黃淑儀離婚鼎爺:冇地方可搬過嚟

1 : GS(14)@2017-01-08 19:02:47

當年入讀麗的訓練班晉身娛樂圈的黃淑儀,1968年以女主角身份跟馮淬帆演出全港首部長篇電視劇《夢斷情天》,其後演出多部經典作品,包括《倚天屠龍記》、《書劍恩仇錄》及《紅顏》等等,與汪明荃、李司棋、趙雅芝曾被喻為無綫四大花旦。自認戀愛大過天的黃淑儀,19歲嫁俾大過佢廿幾年嘅無綫高層劉芳剛,生下一對子女,惜婚姻只維持了7年。80年她遇上讀醫的徐景清,翌年結婚,之後退出娛樂圈,85年舉家移民加拿大,至00年先至返港客串幕前。有關於昔日大台呢四大花旦,不和傳聞傳到今時今日仍然為人津津樂道,好似話傳黃淑儀同司棋姐冇偈傾、阿姐汪明荃同趙雅芝又爭餐死咁樣樣,花生一地都係。但原來黃淑儀同阿姐都傳過唔妥,件事又去番黃淑儀同李家鼎結緣嘅劇集《書劍恩仇錄》度喇。有指當年黃淑儀同阿姐曾爭做《書劍恩仇錄》女主角霍青桐,最後阿姐爭贏。及後拍攝期間,有一場兩人比劍的戲,阿姐劍指黃淑儀額頭,唔小心整傷佢,啲血涔涔而下,仲爭啲毀容,兩人自此傳不和。當日送黃淑儀入院嘅,就係身兼演員同武術指導兩職嘅鼎爺。昨日有周刊刊登黃淑儀嘅最新訪問,除澄清番李家鼎唔係佢烹飪師傅之外,又同大家分享佢同鼎爺嘅緣份——包括嗰次受傷。黃淑儀話佢嗰陣俾阿姐把劍刺傷,鼎爺一把抱起佢,由錄影廠一直跑跑跑跑出去廣播道總台門口上車。鼎爺係硬錚錚真漢子,心口掛住個義字,兩脇插刀。當年黃淑儀拍完《書劍》後同劉芳剛離婚,嗰陣鼎爺二話不說,就同黃淑儀講,問佢有冇地方住,如果冇,可以搬去佢度。當時鼎爺已經同施明結咗婚。正常男人都唔會咁樣伸出援手——老婆唔殺咗佢先偷笑啦,但鼎爺真係義字行頭,其他婆媽嘢反而冇諗;今時今日黃淑儀提番此事,仍然感激當日恩情,雖然佢最後都冇寄居鼎爺屋企。鼎爺就話,當年施明都好支持佢幫助黃淑儀,正所謂朋友落難,自是義不容辭。果然人間有情。




來源: http://hk.apple.nextmedia.com/entertainment/art/20170108/19890189
險遭 阿姐 毀容 淑儀 離婚 鼎爺 地方 可搬 搬過 過嚟
PermaLink: https://articles.zkiz.com/?id=321878

黃淑儀冇向鼎爺學廚

1 : GS(14)@2017-01-08 19:02:48

資料圖片



日前有周刊報道指廚藝了得的黃淑儀,其實是師承李家鼎,之後黃淑儀接受訪問澄清從未跟鼎爺學廚,故對報道大惑不解。黃淑儀透露2013年邀請鼎爺擔任烹飪節目《吾淑吾食》嘉賓,由那次開始就知鼎爺是有料之人,所以曾推薦他主持飲食節目,她個人從不介意別人廚藝比自己好,反而更想向高手偷師。此外,鼎爺接受傳媒訪問,坦言黃淑儀的推薦當時遭現已退休的男高層拒絕。




來源: http://hk.apple.nextmedia.com/entertainment/art/20170108/19889858
淑儀 冇向 向鼎 鼎爺 爺學 學廚
PermaLink: https://articles.zkiz.com/?id=321881

奇妙電視招兵開台 鵬哥試咪杜汶澤住家菜 挑機鼎爺

1 : GS(14)@2017-01-09 08:11:23

■杜汶澤識飲識食又識煮,將為奇妙電視主持節目《杜汶澤食住上》教煮餸。互聯網圖片



【電視風雲】亞視去年「熄機」,免費電視ViuTV接棒,不讓無綫一台獨大。今年5月中將再掀起一股電視風雲,有線寬頻旗下的免費電視奇妙電視(77台)啟播,為了令觀眾有新鮮感,奇妙電視吼準李家鼎近日主持的無綫節目《阿爺廚房》受歡迎,馬上邀請「小杜大廚」杜汶澤教煮餸挑機,同時盧海鵬會親到的士台試咪。



有線寬頻旗下的免費電視奇妙電視將於今年5月中開台,近日招兵買馬做準備,秘密武器有廚藝了得的杜汶澤教煮餸,以及盧海鵬到的士台試咪。奇妙電視到時會24小時高清播放,並主打「合家歡」節目,希望吸納一家大細觀眾黐實螢幕。


公開家傳秘方

阿澤一向會搞家宴招呼好友,朋友都稱他是「小杜大廚」,阿澤將於月底開拍一連13集的《杜汶澤食住上》為開台響頭炮,他昨在電話中說:「我每集教一味餸,總之係我拿手菜,同大家分享吓。」是否如李家鼎的《阿爺廚房》?阿澤謙虛說:「當然無法同鼎爺比較,佢高深莫測,我呢啲係師奶仔,點同佢比?」阿澤還會碌人情卡邀好友撐場,他搞笑說:「咪我喺娛樂圈僅餘嘅朋友,好似鄭中基、鄧麗欣同薛凱琪。」問阿澤正菜會有甚麼?他說:「我煮西餐多,拿手有24小時慢煮牛肋骨、薯茸同麵包布甸,仲會煮番外母生前家傳秘方,外母最叻燉元蹄。」他謂還會有一環節評劣食,他說:「我會搜羅城中劣食,希望大家唔好中伏。」



【鼎爺熱潮】■李家鼎在節目《阿爺廚房》技驚四座,觀眾大讚有料到。資料圖片

■有線寬頻旗下的奇妙電視5月中啟播,執行董事張家龍稱該台會主打合家歡節目。資料圖片


碧兒捐窿尋寶

鵬哥則與前新聞主播趙海珠和林小珍主持實況節目《放試》作真人測試,包括如何作出雙重標準、貪小便宜和愛投訴等不同體驗,鵬哥更會被安排到的士台試咪。而廖碧兒、河國榮和李尚正將主持《香港有寶證》,發掘鮮為人知的香港寶物。廖碧兒近日為ViuTV拍劇集《瑪嘉烈與大衛系列前度》,現轉頭又助奇妙電視做節目,食盡兩家茶禮,不過奇妙電視和ViuTV對藝人自由度較大,不如無綫綁死藝人。廖碧兒昨表示:「我鍾意拍劇,又鍾意主持,唔同平台見到我,係我2017年好開始,呢次奇妙電視新節目係介紹香港一啲大家少見地方同人才。」對於又有免費新台供觀眾選擇,河國榮昨說:「應該啦,多啲選擇,每間電視可以勤力啲拍好嘢。」此外,奇妙電視亦重視旅遊及資訊節目,將邀李司棋與女兒葉子青到東非拍攝《帶阿媽去旅行》;黎燕珊和被喻為「史上最美麗女主播」的曾美華拍住主持《潮拜傲媽》,節目將邀城中媽咪分享教子女心得。採訪:魯吉、楊定


【闖的士台】■盧海鵬會為奇妙電視新節目《放試》到的士台大玩「試咪」。

【發掘寶物】■河國榮與自由身的廖碧兒合作主持新節目,介紹香港的寶物。

【媽媽心聲】■同為人母的黎燕珊與主播曾美華於新節目《朝拜傲媽》訪問一班叻媽咪。



來源: http://hk.apple.nextmedia.com/entertainment/art/20170109/19890661
奇妙 電視 招兵 開臺 鵬哥 哥試 試咪 咪杜 杜汶 汶澤 住家 挑機 機鼎 鼎爺
PermaLink: https://articles.zkiz.com/?id=322024

鼎爺爆粗鬧為錢變心楊思琦分手一年即誕女

1 : GS(14)@2017-01-14 12:25:39

楊思琦係地地道道嘅屋村妹,不過有幸喺01年贏到港姐冠軍、最上鏡小姐在內嘅6個獎項,一登龍門,成為咗炙手可熱嘅大台花旦。思琦妹人氣唔錯又形象入屋,05年就獲頒「最佳女配角」,不過翌年拍嗰套《人生馬戲團》就失蹤咗兩個鐘頭,傳聞四起,甚至有指思琦係遭到性侵犯。前年思琦妹講番起件事,話係唱完K見到一大班兇神惡煞嘅人衝出嚟,嚇到佢哋要搵地方匿埋,仲話係最接近死亡嘅一次。至於思琦妹嘅感情生活,傳過嘅緋聞唔多,02年佢拍劇邂逅咗「鼎爺」李家鼎嘅公子李泳豪,拍拖9年後,11年6月思琦妹單方面提出分手,有指當時港隊跳水隊成員吳帥介入,成為分手導火線。之後李家上下不滿大數思琦不是,尤其係鼎爺爆粗大鬧思琦為錢變心,只係當個仔係司機咁使喚。同一時間,吳帥好快被起底,絕非有錢之人。分手未夠一年,思琦妹喺12年3月宣佈已經誕下女兒Krystal,冇透露爸爸係邊個,只係講咗BB女會跟母姓楊。思琦妹5年嚟都係獨自湊女,絕對係單親媽媽嘅模範。




來源: http://hk.apple.nextmedia.com/entertainment/art/20170114/19896424
鼎爺 爺爆 爆粗 粗鬧 鬧為 為錢 變心 楊思 思琦 分手 一年 年即 即誕 誕女
PermaLink: https://articles.zkiz.com/?id=322648

【馮仁昭四圍超】李錦聯想孖鼎爺賣滷味

1 : GS(14)@2017-02-02 02:34:16

李錦聯前晚擔任陳喜蓮(左)喺文化中心舉行嘅演唱會司儀,黃夏蕙同張立基就做嘉賓。約滿無綫嘅李錦聯話嚟緊會去福岡旅行,聽日就會同「鼎爺」李家鼎一齊拍食品廣告,廣告口號有「問李點鼎」同「鼎李唔順」。問李錦聯會唔會同鼎爺合作搞食肆?佢就講笑話要賣滷味同燒味,個名叫「鼎李滷味」。佢又主動講傳不和嘅安德尊,話今年唔使派利是畀佢。撰文:馮仁昭




來源: http://hk.apple.nextmedia.com/entertainment/art/20170201/19913881
馮仁 仁昭 四圍 李錦 聯想 孖鼎 鼎爺 爺賣 滷味
PermaLink: https://articles.zkiz.com/?id=324984

鼎爺拍思琦怕尷尬

1 : GS(14)@2017-02-05 10:39:45

■鼎爺相信公司不會安排他與思琦合作。



現年71歲的李家鼎去年憑《阿爺廚房》人氣急升,早前他被問到不少網民希望他跟楊思琦做第二輯《阿爺廚房》時,鼎爺表示一切由公司安排,不過補充說相信公司不會這樣儍,暗示不想跟兒子泳豪前女友合作。



思琦

鼎爺又謂如果表示不想與思琦合作,會給人小器的感覺,但思琦是否願意亦是另一問題,他舉例在錄影時,假如自己言詞過重令對方落不到台,大家都會非常尷尬。鼎爺強調他與泳豪都不會怪責思琦,感情事合則來不合則去。撰文:李森




來源: http://hk.apple.nextmedia.com/entertainment/art/20170203/19915886
鼎爺 爺拍 拍思 思琦 琦怕 尷尬
PermaLink: https://articles.zkiz.com/?id=325316

不滿被指合股開「鼎李滷味」鼎爺勞氣 轟李錦聯抽水

1 : GS(14)@2017-02-05 10:55:22

■鼎爺昨日出席新春活動時,不滿李錦聯抽水事前未有通知他。



李家鼎與金剛昨日到屯門V City出席新春活動,兩人即席下廚整福袋及「撈起」。提到日前李錦聯笑指要與鼎爺開食肆「鼎李滷味」,他聞言即大爆不滿被抽水,鼎爺說:「黐線啦!佢抽我水,原本影張相冇所謂,點知佢爆呢啲嘢,我唔鍾意。兩個加埋都百幾歲,話佢又唔好意思,搞笑、搞gag冇所謂,不過我唔知呀嘛!有共識就冇問題,佢事前又冇同我講。」



■李錦聯,資料圖片

■鼎爺(右)在活動上教觀眾整賀年小食。

■金剛最近戒煙暴肥達206磅,但依然受歡迎。


開食肆嫌辛苦大壓力

原來抽水事件之後,鼎爺曾和李錦聯聯絡,他說:「過咗去啦!我有話佢有冇搞錯呀?佢自己都話係抽我水,唔講都講咗喇。」至於可有興趣開食肆?鼎爺笑謂:「何來巨款?唔會啦!好多人搵我合作,不過我冇答應,都要睇吓啱唔啱。如果自己搞,真係20%興趣都冇,好大壓力㗎!打和就辛苦,蝕就PK,真係要『鼎佢滷味』呀。」鼎爺早前曾表示不介意與楊思琦合作,昨日他再說:「如果公司安排,我冇所謂,我唔想打爛人飯碗,我唔鍾意咁樣。」


李錦聯:未問佢磅水

李錦聯昨日回覆本報笑說:「呢排鼎爺紅吖嘛,搵佢合作大家有着數,同佢係自己友,佢講乜咪由得佢囉,我?家做宣傳顧問,之前拍廣告,推出鮑魚餐『問李點鼎』,都係我欽點鼎爺一齊拍,咁我咪構思吓可唔可以同鼎爺開間『鼎李滷味』囉!話我抽水,我都未問佢磅水呀。」採訪:盧妹、王梓嫚攝影:陳俊強




來源: http://hk.apple.nextmedia.com/entertainment/art/20170205/19918076
不滿 被指 合股 鼎李 滷味 鼎爺 爺勞 勞氣 轟李 李錦 錦聯 抽水
PermaLink: https://articles.zkiz.com/?id=325538

被鼎爺鬧抽水李錦聯:欽點佢拍廣告都未抽佣

1 : GS(14)@2017-02-05 10:55:41

李錦聯冇同大台續約後,連講嘢都變得灰諧有創意,早排佢出席活動時,就話想同呢排爆紅嘅李家鼎合作賣滷味,個名都改好咗叫「鼎李滷味」。李錦聯搞搞綽頭,點知換嚟一盆冷水照頭淋。事緣昨日鼎爺出席活動時,就鬧爆李錦聯抽自己水,仲話對方冇事前同佢講,如果開舖,蝕咗就真係要「鼎佢滷味」啦!《蘋果》昨日就搵過李錦聯,得知鼎爺向自己開火,李錦聯不怒反笑喺電話中講:「呢排鼎爺紅吖嘛,搵佢合作大家有着數,冇所謂啦,同佢係自己友,佢講咩咪由得佢囉,我o依家做『小肥牛』宣傳顧問,咁之前拍廣告,推出個鮑魚餐叫『問李點鼎』,都係我欽點鼎爺同我一齊拍廣告,咁我咪構思吓可唔可以同鼎爺開間『鼎李滷味』囉!哈哈,話我抽水?我都未問佢磅水呀。」李錦聯又話為咗慶祝小肥牛今個月10號喺創業版上市,已經向公司提議到時加兩道菜式,一道叫「鼎心鼎肺豬雜麵」同「鼎李個肺豬肺湯」,佢仲不忘話要整多道菜式俾舊拍檔安德尊。李錦聯話:「佢(安德尊)係半個西人嘛,送個燒羊鞍俾佢,以前啲恩恩怨怨咪燒埋佢囉!」




來源: http://hk.apple.nextmedia.com/entertainment/art/20170205/19918613
被鼎 鼎爺 爺鬧 抽水 李錦 錦聯 欽點 佢拍 廣告 都未 未抽 抽傭
PermaLink: https://articles.zkiz.com/?id=325540

鼎爺打穿門成離婚源頭

1 : GS(14)@2017-02-19 13:59:42

李家鼎昨日在屯門蝴蝶街市向街坊示範炒斑球,提到早前楊思琦表示想和他合作,又謂喜歡飲鼎爺煲的湯,他回應:「如果有咁嘅安排我冇所謂,以前係有煲嘅。」此外,鼎爺日前接受車淑梅主持的《舊日的足跡》訪問,自爆一生最大的失敗就是離婚:「當年施明生日,有學生打畀我話想學騎馬,佢唔開心匿埋入房,我想打開門,但竟然打穿咗個窿。自此佢就唔再理睬我,後來就提出離婚。」




來源: http://hk.apple.nextmedia.com/entertainment/art/20170219/19932808
鼎爺 爺打 打穿 穿門 門成 離婚 源頭
PermaLink: https://articles.zkiz.com/?id=327020

鼎爺搞私房菜爆滿

1 : GS(14)@2017-07-29 03:23:57

李家鼎昨日在北角出席烘焙工房開幕,他透露跟該公司合作推出自家製奶黃月餅。問到酬勞?鼎爺指是開心價。提到將於9月開張的私房菜,鼎爺說:「只做3個月,但已經俾人訂爆晒,有官、大集團老闆,邊個就唔方便講,到時我日日都要喺度,因為係我親自主理。」鼎爺常獲邀出席活動,是否賺到豬籠入水?他笑謂:「都唔算,麻麻啦!」還會推出甚麼產品、湯包?他說:「得罪講句湯包係呃人,湯係一定要滾,所以我一定唔會做,但係如果推出湯料包就得。」鼎爺表示明日過澳門準備演出兩場烹飪騷,他說:「兩場煮四個餸,仲要即買即做。」採訪、攝影:黃曉妍




來源: http://hk.apple.nextmedia.com/entertainment/art/20170727/20102441
鼎爺 爺搞 私房 爆滿
PermaLink: https://articles.zkiz.com/?id=338931

【馮仁昭四圍超】鼎爺做譚玉瑛代言人

1 : GS(14)@2017-08-02 06:15:21

李家鼎(鼎爺)同譚玉瑛噚日喺銅鑼灣出席宣傳活動,即場示範整叉燒。最近有傳譚玉瑛已秘密結婚,譚玉瑛就話:「有乜嘢好講,講嚟無謂。」而身邊嘅鼎爺即刻幫手擋駕:「我係佢嘅代言人,有乜嘢事問我就得喇!」鼎爺講到自己有份投資嘅餐廳下個月開張,而佢又接咗啲同飲食有關嘅工作,所以忙到連孫仔都冇時間見:「孫仔仲未識叫爺爺,但就識得詐嬌,?家學緊行。」撰文:馮仁昭




來源: http://hk.apple.nextmedia.com/entertainment/art/20170801/20107575
馮仁 仁昭 四圍 鼎爺 爺做 做譚 玉瑛 代言人 代言
PermaLink: https://articles.zkiz.com/?id=339389

【阿爺廚房】鼎爺私房菜訂座排到出年 真係咁好食?

1 : GS(14)@2017-09-17 16:36:32

鼎爺最近與朋友開設私房菜,只是試業個多星期,訂座就已經排到明年。



鼎爺最近與朋友開設私房菜,只是試業個多星期,訂座就已經排到明年,吃過的人紛紛在instagram、facebook打卡,更放出與鼎爺合照,有網民就道出重點:「係咪真係咁好食先?」。


連續兩晚都有去光顧的羅霖,亦大讚私房菜菜色好吃。

想知食客如何點評?睇片啦!



記者:莊芷君




來源: http://hk.apple.nextmedia.com/su ... t/20170912/20149783
阿爺 廚房 鼎爺 私房 訂座 排到 到出 出年 真係 係咁 咁好 好食
PermaLink: https://articles.zkiz.com/?id=341135

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019