【add】紅人主場：一年 蘇麗珊
1 :
GS(14)@2016-02-04 17:24:43Chanel飛機圖案針織衫閃石手
《十年》的明日想像，可能是最壞的時代。但同一時間，23歲的蘇麗珊卻正創造她最好的時代，因為《哪一天我們會飛》上映而由無名小女生躍升成為影壇新星，一年內，極速的成名歷程對她來說，卻仍然像一場超現實的夢。統籌：林妙萍造型及撰文：趙潔恆攝影：郭賢興化妝：Jan Chan of Annie G. Chan髮型：Nat Chan蘇麗珊一片成名，在電影《哪一天我們會飛》中演年輕版楊千嬅，演清純學生妹自然討好，繼早前獲台灣金馬獎提名後，也剛獲提名香港電影金像獎最佳新演員，「之前去金馬獎都過咗幾個月，都仲覺得好似唔係真嘅一樣。」出戰金像獎，她不好意思地笑着說：「我覺得（得獎）機會真係唔大，因為今年實在有好多實力更好嘅演員呀！」即使沒有獎座加持，蘇麗珊卻賺了不少工作機會，更被封為新一代宅男女神，「的確好感恩，身邊有好多人幫我，不過我又唔覺得知名度高咗而令生活有大轉變，我出街又唔會特登化靚啲妝，着靚啲衫。如果喺街度有人望住我，可能係因為我着得好醜樣，哈哈！」
Red Valentino黑色皮外套車厘子圖案短褲Love Moschino白色恤衫Giuseppe Zanotti黑色高踭鞋
Alice+ Olivia間紋襯衣間紋長裙Giuseppe Zanotti桃紅色高踭鞋
Lanvin藍色連身裙
■蘇麗珊形象清純，出道即被封宅男女神。
Po文要小心
蘇麗珊不怕開始被大眾認得而沒有私隱，但發覺在網上世界，自己原來post甚麼都有可能成為新聞，「試過有媒體會拎我喺facebook寫嘅嘢做報道，好似有次係一張無聊嘅自拍，話我心情唔受影響之類，我發現原來咁樣都會引起興趣喎。都覺得喺網上要慎言，因為媒體係水能載舟亦能覆舟，可能會將我句說話解讀成唔同意思，都要小心。不過我又好少發表啲好激烈言論嘅，都冇呢方面嘅顧慮。」
■去年11月參加金馬獎首次行紅地毯。
男神要靚仔
因為《哪》片，蘇麗珊還得到了愛情，跟戲中拍檔游學修戲假情真，講到當初公開戀情又笑笑口：「我諗係唔識死啩，其實又唔係主動公開，係黃修平導演喺訪問中唔覺意講咗出嚟，咁我哋抱住唔想講大話嘅心態。」早前男友在港台節目《我係乜乜乜》中競選男神，在她心目中的男神卻不是游學修，「我又唔好男神呢一味，不過真係要我揀一個，咁我揀彭于晏啦，因為佢好靚仔，男神係觀賞嘅，唔可以親近。揀男朋友就係另一回事啦，要睇性格啦、價值觀啦。」那麼男友游學修為甚麼會得到女神芳心呢？「佢好好笑囉！我好鍾意做無聊嘢，佢又會同番我講白癡嘢，啱channel呀！」
唔同港女爭
有些人選男友要看package，蘇麗珊都對這樣的用字反感，「的確係要睇好多方面，但又唔可以用package呢個字，好似唔係好尊重，好似貨品咁sell。我又唔會有張checklist，有家底嘅剔，有樣剔，我唔覺得要係咁。」對於有些港女被看成好現實，她也有自己的見解，「其實冇問題㗎，每個人都有自己想要嘅嘢，可能佢哋成長嘅時候被灌輸一啲想法，佢哋冇錯，係價值觀唔同，仲好啦，大家唔使爭。」
■在IG公開同男友的合照，甜蜜放閃。
理想情人節
情人節就到，女士們都愛收花，但蘇麗珊卻耍手擰頭：「我唔鍾意收花呀，因為送花唔環保。如果種嘅花都得，不過要易種嘅，因為我試過連仙人掌都種死。」至於要怎樣過情人節，「一諗起浪漫嘅地方就會聯想起沙灘，兩個人行沙灘係好浪漫，不過唔知咁嘅天氣行沙灘會唔會凍死？」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160204/19477950
睇好春夏白只贏金像新人蘇麗珊J.Arie自封敗將
1 :
GS(14)@2016-03-28 14:16:14■蘇麗珊和游學修戲假情真成一對，她感謝男友的支持。劇照
【第35屆香港電影金像獎新演員篇】影壇年度盛事《第35屆香港電影金像獎》頒獎典禮將於下周日舉行，本報將一連6日推出各獎項參選人的專題訪問。首先登場的是角逐最佳新人獎的蘇麗珊及雷琛瑜（J.Arie）。23歲的蘇麗珊憑處女電影《哪一天我們會飛》中的清新自然演繹爭最佳新演員，但她坦言自己未必能在金像獎成功突圍。看了四位對手的電影，蘇麗珊最愛《踏血尋梅》：「白只同春夏做得好好，我只係好彩入到圍。」問她看好誰獲獎？她說：「好難揀，我可能會揀春夏，自己一路睇戲會諗點做佢嘅角色，佢感覺捉得好精準。」
多謝游學修
蘇麗珊指若落敗，應該不會哭：「而家有心理準備，到時攞唔到唔會失望。」如果幸運獲獎，蘇麗珊要多謝黃修平、陳心遙和泰迪羅賓，當然還有男友游學修：「嗰陣我哋仲係friend，上年我去美國進修戲劇，好猶豫不斷問身邊人去唔去好？大部份人叫我唔好去，一來好嘥錢好貴，將來做唔做到演員都唔知，我直接打畀佢問意見，佢好支持、畀好大動力我。」
■J.Arie出身名校，想不到演粗口爛舌的港女讓她殺出一條新血路。攝影：沈健程
■J.Arie接拍《死開啲啦》，圓了兒時的演戲夢想。劇照
碩士扮爛口
至於憑《死開啲啦》中的粗口爛舌港女角色角逐新演員獎，26歲的J.Arie，畢業於傳統名校，大學讀法律，卻因在面試時同監製林家棟「爆粗」而獲此機會：「第二次見家棟時問我識唔識講粗口，我話會同相熟嘅音樂人講，跟住就用粗口對答，佢話『你啲粗口都master級喎』。」從小就想演戲的J.Arie今次圓夢，但她沒想過獲獎，她認為今次的對手白只和春夏都實力強橫，但她指若真的能捧獎，會感謝師傅家棟，因為從未諗過演戲係咁豁出去。」採訪：余燕儀、何永寧
蘇麗珊場地：Habitat（皇室堡） 服裝：MOUSSY
J.Arie化妝：Frances Ho of Jessicachan make-up髮型：Kenki of Queen's Private I
【最佳新演員提名名單】
雷琛瑜《死開啲啦》蔡思貝《陀地驅魔人》蘇麗珊《哪一天我們會飛》
白只《踏血尋梅》
春夏《踏血尋梅》
來源:
http://hk.apple.nextmedia.com/entertainment/art/20160328/19546968
蘇麗珊南丫島火辣啜冰半裸游學修亂入放閃
1 :
GS(14)@2016-07-06 07:59:03無啦，無喇。點啫，顏卓靈已經有白只發展白靈戀。蘇麗珊同游學修呢Pair，等極佢哋都唔分手。兵一早已經唔收，估唔到就連FF機會都唔肯俾人。前日，蘇麗珊喺FB貼咗張南丫島嘅相…喺南丫島影嘅相。蘇麗珊寫道:「是次遠征南y島的原因是要看風車。原來是很很很大舊的！在山上食了一條吱吱冰，很爽皮噢！！—感到滿足。」蘇麗珊喺相中，著住白色Bra Top形上衣，露腰，超短熱褲仔。蘇麗珊喺相中，係得佢一人。係嘅，點會得佢一個去南丫島吖……但，阿游生唔使游出嚟㗎！有網民問蘇麗珊:「點解唔飲寶x力水特？」蘇麗珊回應係，貼一張圖…一張佢同半裸游學修嘅合照。兩個都係著軍綠色褲……夠了！……唉，更殘忍在後頭:游學修留言：她說我沒能拍到她的全身蘇麗珊回覆：然後有人在山上不作聲直至下山^_^有人搭爹：風車咁高，要影到全身，要趴地至得囉....亦有人話：個波好大……遊學修平常有做Gym嗎？點解連少少幻想空間都唔俾人……Sosad。
來源:
http://hk.apple.nextmedia.com/entertainment/art/20160705/19681706
蘇麗珊陪男友剝衫
1 :
GS(14)@2016-07-09 06:47:37林建岳、唐英年及葉澍堃投資的中菜餐廳唐人館第三分間店昨日在尖沙嘴開幕，周汶錡以透視bra top到賀。剛加盟到林建岳旗下的蘇麗珊，早前在社交網貼性感行山相，她昨解釋：「嗰日去行山因為好熱，游生（男友游學修）率先除咗件衫，我見佢好似好涼爽咁，於是就除咗件衫涼吓。」她甜笑指男友有肚腩，平時會一齊跑步減肥。林德信月底將擔任緋聞女友AGA的音樂會嘉賓，他昨否認與AGA拍拖：「我同AGA一直都係音樂關係，冇呢個感情，唔係戀愛，只係欣賞。」他又否認與AGA大胸朋友的緋聞，更揚言自己現時是單身。採訪：盧妹攝影：陳慧安
來源:
http://hk.apple.nextmedia.com/entertainment/art/20160708/19685789
游學修蘇麗珊勵志post變晒恩愛網民：放閃可恥！
1 :
GS(14)@2016-07-14 08:09:49點解好地地一個DSE勵志post會成閃post㗎？媽，我對眼呀！昨日係DSE放榜，游學修同蘇麗珊呢對平日都已經sweet到爆嘅情侶都有出post同考生打氣，不過搞搞吓就變咗喺度放閃咁囉，有網民都頂唔順話：「偽勵志...實放閃...可恥呀！」游學修喺自己個fb貼咗佢同蘇麗珊18歲時嘅相，話自己當時係一個瘦削自大運動型mk，仲要話自己係「木契」o添，使唔使咁盡呀……另外，佢又話蘇麗珊係佢中學時期唔敢講半句嘢嘅校花，但係今日佢成功同女神一齊，仲話：「故事教訓：18歲嘅成績唔係咁重要，係咪好勵志呀!?!?」網民睇到個post就大讚蘇麗珊似李心潔，又話佢「放閃可恥」；不過都有道德衛士出嚟話：「價值觀有問題，考試成績好唔係為媾女，係前途，唔好搞亂，媾靚女沒有咩了不起」，游學修就即刻秒殺回應：「唔好搞亂，媾到佢肯定係我最大成就」。嘩！咁識講嘢，啲女俾你媾晒啦！蘇麗珊都有出手留言話：「你話你好多女仔鍾意嘅」，但係唔知係咪游學修驚講錯嘢呢？竟然冇回應到！喂...說好的幫DSE考生打氣呢？
來源:
http://hk.apple.nextmedia.com/entertainment/art/20160714/19693695
蘇麗珊慶生玩壞手機
1 :
GS(14)@2016-08-09 07:10:54前日是女神蘇麗珊前日24歲生日，男友游學修好識做，一早便帶蘇麗珊去主題樂園慶祝。戴上壽星女襟章、曬到塊面紅卜卜穿上背心的蘇麗珊，熱到用手撥風，在城堡前影相，又在Instagram貼相，她留言說：「PS電話壞咗，覆唔到msg，拜拜網絡世界。」未知男友可會識做，送上手機做生日禮物呢？另外，兩人玩了不少機動遊戲，游學修亦在Instagram貼連環圖，指機動「不可怕」，又指女友蘇麗珊「她剛剛克服了根本不恐怖的跑車海盜船」，又貼心請大家送上祝福，在Ig留言寫上：「大家來跟她說聲生日快樂吧！」撰文：嵐山
來源:
http://hk.apple.nextmedia.com/entertainment/art/20160808/19726907
撇低男友游學修蘇麗珊約仔 捽手臂談心
1 :
GS(14)@2016-09-24 23:30:48【好啱嘴形】■蘇麗珊日前撇下男友游學修，與顧定軒約會。
【中環】憑《哪一天我們會飛》走紅的蘇麗珊，戲內外都揀了游學修做男友，更不時在Instagram貼拍拖相放閃，又情侶檔合體接工作。名花有主的她日前竟撇低男友，與一名貌似《哪》片中另一個追求她的吳肇軒男子現身中環ifc，當日大概下午5時多，二人去平台揀了偏僻位置長凳坐低。
忘形自拍
「A貨吳肇軒」拿出沙律醫肚，與坐在隔籬的蘇麗珊邊傾邊食，而她亦拿出唇膏和粉盒出來補妝，二人全程笑笑口密密傾。之後，蘇麗珊拎手機玩自拍，再拎相機與A貨吳肇軒走到開揚的地方互相影相，全程逗留了45分鐘。二人影完一輪相後回到商場，蘇麗珊去廁所，男方就乖乖玩手機等她，二人再會合時，蘇麗珊突然用雙手捽男方右臂調笑，公眾場所公然親暱，關係非比尋常，未知她有否向游學修報告。
【補妝笑晒】■顧定軒食沙律醫肚，蘇麗珊則在他面前補妝，表現自在。DV圖片
【互影靚相】■顧定軒為蘇麗珊影相，二人甚有默契。
【捽臂調笑】■蘇麗珊去完廁所會合顧定軒，即捽對方手臂調笑。
貼慶生相
原來「A貨吳肇軒」都是演員，名叫顧定軒，今年22歲，曾參與過陶傑執導的《愛．尋．迷》，於戲中飾演女主角羅霖同性戀囝囝，亦有演過香港電視的《大眾情性》。二人的Ig都盡顯親密，蘇麗珊4日前貼了為顧定軒慶祝生日的相，二人齊齊戴上彩色假髮，她留言：「這個人竟然忘了自己的生日，生日快樂哦，最可愛的小朋友。」而顧定軒3日前亦有貼合照，未見在場有其他人。而游學修最近在女友Ig現身，要數到三星期前他飛去台北探她，短聚了一天。採訪、攝影：羅德光
游學修，資料圖片
■蘇麗珊日前為顧定軒慶祝生日，齊齊戴彩色假髮搞笑。互聯網圖片
來源:
http://hk.apple.nextmedia.com/entertainment/art/20160924/19780077
蘇麗珊男友有料到 游學修幕前幕後都咁勁
1 :
GS(14)@2016-09-24 23:30:48蘇麗珊喺《哪一天我們會飛》演出之後，立即就成為大家嘅女神，可能做咗女神一陣，就爆出佢同游學修拍拖，仲好大方咁認愛，當時蘇麗珊就話鍾意游學修有才華同埋可以0氹佢開心。其實游學修真係好有才華，喺2014年嘅時候，喺YouTube以「學舌鳥 Mocking Jer」為名拍片多咗人認識，去到14年9月，接拍咗《哪一天我們會飛》，就令到更多人認識，仲因為呢套戲同咗蘇麗珊一齊，之後仲拍咗《十年》其中一套《自焚者》。除咗電影上嘅發展，佢都有拍ViuTV嘅《瑪嘉烈與大衛系列綠豆》同o依家播緊嘅《三一如三》。除咗喺幕前嘅演出，游學修作為一個創作人，都非常之出色，現時佢係網絡頻道CapTV嘅合伙人，唔少嘅片佢都有份創作，最為人熟識嘅就係《港產誠實預告系列》。仲有就係由游學修自編自導自演嘅《Jer人現身》，將蝙蝠俠加入雨傘運動為主題，仲搵埋導演黃修平、柳俊江參演。又有一次，游學修同華人置業主席兼行政總裁、青年事務委員會主席劉鳴煒一齊上港台節目《我係乜乜乜》，搵咗一班香港女士去揀佢哋兩個，首先就唔畀啲香港女士睇佢哋個樣，又唔講佢哋嘅背景，當時14個香港女士有11個揀游學修，但當公開咗佢哋個樣同背景之後，就只剩番6個女士揀游學修，所以話，其實游學修好有內涵。
來源:
http://hk.apple.nextmedia.com/entertainment/art/20160924/19780491
游學修網上爆分手蘇麗珊：係冷靜期
1 :
GS(14)@2016-10-02 13:35:28■游學修和蘇麗珊拍拖不足一年，前日他忽然在Ig（小圖）暗示分手。
蘇麗珊與游學修去年因合作拍攝黃修平執導的電影《哪一天我們會飛》，戲假情真擦出愛火花，戀情被揭後，女方率先大方承認戀情，兩人愛得高調且甜蜜。兩個月前蘇麗珊24歲生日，這對小情侶還在網上晒恩愛。可惜甜蜜日子維持不到一年，近日爆分手危機，蘇麗珊坦承二人正處於冷靜期。
■蘇麗珊早前被拍得撇低游學修，與其他男子行街。
「唔方便交代」
事緣游學修前日忽然在Instagram放了一張全黑色的照片，留言：「無奈地分開」，似乎暗有所指。他昨日接受本報電話訪問，被問到「放黑」原因？游學修沒精打采說：「呢個唔方便交代住。」追問到是否和女友的感情發生問題？他繼續迴避：「我遲啲答你，你會知幾時再搵我。」再問是否已和蘇麗珊分手？他即說：「唔會答呢啲嘢住。」至於蘇麗珊早前被影到與一男子行街，她昨日回覆分手問題時，就大方回應：「我哋而家係處於冷靜期，繼續努力工作，多謝關心。」以游學修的無奈，似乎是被飛的一方。採訪：何永寧
來源:
http://hk.apple.nextmedia.com/entertainment/art/20161002/19788174
Next Page