ZKIZ Archives


每日一鳩嗚 每個OFFICE都有的人

1 : GS(14)@2014-09-24 09:37:04



你有沒有發現,每個OFFICE都有一個這樣的人,每次和女同事吃飯都特別多說話,突然講很多政治,而且永遠只有他說,沒有人說?在他們眼中,有錢就是偉人,追求民主就是搞事,就要鎮壓?有時,其他人沉點,他們會越講越過火,越講越涼薄?你,有沒有叫他收聲的衝動?而其實,每個OFFICE都有這樣的人,每個OFFICE都需要一個看不過眼,站出來說不的人。




來源: http://hk.apple.nextmedia.com/news/art/20140924/18877544
每日 一鳩 鳩嗚 每個 OFFICE 有的
PermaLink: https://articles.zkiz.com/?id=285703

千語BB響應旺角鳩嗚

1 : GS(14)@2014-12-01 22:22:03





■吳千語前晚在旺角出席新戲首映,笑言會買汽水爆谷響應鳩嗚。


吳千語、林德信(Alex)、盛君及黃玉郎等,前晚在旺角出席新戲《青春鬥》首映,旺角佔領區因清場爆發衝突,不過特首梁振英就呼籲市民出旺角「鳩嗚」,千語BB一於響應,她笑說:「我喺度(戲院)買汽水爆谷算唔算呀?」他們前往旺角時亦早做好準備,千語說:「因為驚塞車,預早個幾鐘到。」Alex則說:「自己揸車經過油麻地,嚟嗰時冇事,架車泊咗喺停車場,如果晏啲走時多人,會坐港鐵。」


■林德信與吳千語(左)及盛君大耍花槍,未知會否怕女友松岡呷醋。


Alex戲中角色造型誇張惹笑,他說:「好多朋友睇完個造型,都叫我keep住,因為個頭好似頭盔咁。」問到女友松岡李那有何評價?Alex避忌說:「好多人睇咗海報都唔認得我。」採訪、攝影:藍文浩





來源: http://hk.apple.nextmedia.com/entertainment/art/20141201/18953322
千語 BB 響應 旺角 鳩嗚
PermaLink: https://articles.zkiz.com/?id=286637

鳩嗚乜乜乜:fb有難 八方抽水

1 : GS(14)@2015-01-28 19:09:08





號稱有超過13億用戶嘅社交平台facebook,噚日癱瘓近一小時,Instagram都死埋,「民不聊生」,一眾網民可能咁啱食緊飯、去緊旅行,竟然唔可以即時上facebook分享,幾咁大件事呀!另一平台Twitter就相安無事,多個品牌就乘機出文出圖瘋狂抽水,趁機宣傳。可口可樂就打友情牌,話人生有起有跌,大家一起度過,仲配咗張印有facebook同Instagram字嘅罐㖭(圖);Red Bull相關品牌賬戶就話為facebook「加油」,請佢飲杯能量飲品;另有啤酒商就話大家不妨趁機會找個朋友,攞杯啤酒聚一聚,唔好掛住做低頭族。上述都算係靚抽,但有時抽水可能隨時抽到電油,例如PUMA,不解釋。費清 #要生計,也要生活#毋忘初衷





來源: http://hk.apple.nextmedia.com/news/art/20150128/19019444
鳩嗚 嗚乜 乜乜 fb 有難 八方 抽水
PermaLink: https://articles.zkiz.com/?id=287522

鳩嗚乜乜乜:撈麵碗湯點樣食?

1 : GS(14)@2015-02-24 23:33:40





撈麵,都會奉上一細碗湯(圖)。呢碗湯,成為同事之間嘅新春話題。「每夾一啖麵,都要浸一浸啲湯」、「唔係,將啲湯淋落去啲麵度,冇咁乾吖嘛」,同事阿川同大家七嘴八舌,呢個時候,好鍾意食嘢嘅Carmen好肯肯定咁講,「一乾三濕囉,咁都唔識」?大家立即Google乜嘢係一乾三濕,之後一齊扮麒麟撞佢。(大家自己Google吓就知佢同某人一樣,惡果係自招嘅。)



#食家:免食客鯁親

呢個時候,又係要費清請教專家。食家劉健威話,理由好簡單,碗湯係畀食客唔使鯁親嘅,因為撈麵比較乾,食多幾啖,就好易鯁親,所以飲啖湯潤番吓。佢又話,如果直接倒啲湯落撈麵,或者放啲麵喺湯,「咁仲使乜食撈麵箒」,而且啲麵好易變腍,啲人食撈麵都係鍾意啲麵硬身啲,彈牙啲。佢仲話,講究嘅人連食湯麵,都唔鍾意啲麵太腍,好似以前雲吞麵叫細蓉,因為細細碗,湯少啲,啲麵冇咁易腍。其實,碗麵係你嘅,你鍾意點食都得。如果你願意,你都可以相信網上嘅利瑪竇版、袁崇煥版、馬拉版解釋,但千奇唔好信一乾三濕,一切後果,費清絕不負責。



費清 #要生計,也要生活#毋忘初衷





來源: http://hk.apple.nextmedia.com/news/art/20150224/19053070
鳩嗚 嗚乜 乜乜 麵碗 湯點 點樣 樣食
PermaLink: https://articles.zkiz.com/?id=287969

鳩嗚乜乜乜:賓客反擊 出擺酒溫馨提示

1 : GS(14)@2015-03-05 08:49:39







近日網絡流傳一位準新娘畀婚宴賓客嘅短訊溫馨提示,詳細列明「2015年人情公價係$600」,呼籲親友「避免少於公價」。收到短訊嘅網友話同新娘其實唔熟,但新娘講明係分開兩張請帖畀網民同佢女友,所以人情要「雙份」。網上鬧爆新娘勁cheap。公司議論紛紛,因同事黃老闆快將小登科。大家話賓客都應該整番篇「擺酒溫馨提示」。明明姐劈頭話,「唔該準時開席,餓到肚痛,成十一點幾先走得!」女版成龍就「好心」提醒新人唔好嘥時間諗回禮禮物,「送個有你哋兩個樣嘅公仔畀我,唔知點處理」。咁又係,萬一唔小心整爛就大吉利是。佢哋又話張帖唔使夾埋新人2R結婚照,散席時都唔使送上相片,「上網睇得㗎喇,環保吖嘛」。真係環保咁偉大?費清好懷疑囉。



#酒樓公價六百元

婚禮顧問歐惠芳話,酒樓人情最新公價六百元,酒店八百元,但佢話人情係視乎交情;收到喜帖唔出席一般都會畀三百至五百元。不過如果不幸收到新人咁無禮嘅溫馨提示,佢話如果其實同新人唔熟大可以「人唔到禮唔到」。大家討論得興高采烈,做開調查新聞嘅黃老闆,行事一向神神秘秘,只係似懂非懂咁笑咗一笑。其實大家都係講笑箒,去飲係贈興唔係交易,唔使明買明賣嘅。



費清 #要生計,也要生活#毋忘初衷





來源: http://hk.apple.nextmedia.com/news/art/20150305/19064126
鳩嗚 嗚乜 乜乜 賓客 反擊 出擺 擺酒 溫馨 提示
PermaLink: https://articles.zkiz.com/?id=288216

鳩嗚乜乜乜:TVB播武媚娘CG封胸

1 : GS(14)@2015-03-27 00:55:24





「只准州官荒淫,不准百姓睇波」嘅內地劇《武媚娘傳奇》,可以話係「自由開放」嘅指標。估唔到《武》喺本港播,同封建嘅內地一樣被封胸,反而台灣就誓言絲毫不剪,為廣大觀眾福祉着想。本地大婆台毫無新意,又靠外購劇搶收視,可惜買番嚟即將播放嘅《武》,都係唔准百姓睇波。雖然唔似內地咁剪成大頭娃娃,但就用CG後期製作幫咁多位低胸女星「着衫」,喺胸口加塊薄紗。聽講話好高科技喎,塊紗真嘅一樣。真係多謝晒囉,咁使唔使報名參加奧斯卡最佳特技獎吖?



#台稱絲毫不剪


台灣就唔同,中視和中天確定3月30日播出《武》,仲強調係「絲毫不剪、完全呈現」。係咪全見版要到時先知,但費清喺中視宣告片,睇到國際范「忠於史實」嘅低胸裝確係「重出生天」,包括娘娘出浴嘅top shot(圖),仲有熟女版武則天啲霸氣女皇谷胸裝。不過,據講發行商唔准播足本,台灣係咪可以企硬要拭目以待。香港觀眾咪冇眼福?其實喺網上,都有一啲收睇台灣電視嘅網址,但費清絕對唔建議大家咁做,因為可能涉及版權問題。唉,唔怪得越來越多港人要移民台灣啦。費清 #要生計,也要生活#毋忘初衷





來源: http://hk.apple.nextmedia.com/news/art/20150326/19090411
鳩嗚 嗚乜 乜乜 TVB 播武 武媚 媚娘 CG 封胸
PermaLink: https://articles.zkiz.com/?id=288962

鳩嗚乜乜乜:澳門麥記蝦堡餐貴$6.3

1 : GS(14)@2015-04-10 08:40:31

周末心郁郁想過大海玩吓,不過澳門生活指數越嚟越高,連船飛一個人使費閒閒哋過千。費清好多馬交friends呻到樹葉都落。最近,連麥記都「蝦」馬交friends,新產品蝦堡餐喺澳門賣貴過香港$6.3。麥當勞新出嘅「菠蘿滋味蝦堡」同「滋味蝦堡」,香港澳門同步發售。不過,澳門《愛瞞日報》facebook專頁話,澳門菠蘿滋味蝦堡套餐賣澳門幣$34.3,比香港賣港幣$28貴近港幣$6.3(按1港幣兌1.03澳門幣計算,圖),同一個價錢,喺香港足夠買多一個蘋果批。



#連廿蚊餐都冇

而家香港麥當勞仲有3款$22套餐,但《愛瞞日報》話澳門早已取消所謂「廿蚊餐/廿幾蚊」優惠,「澳門食嘢要搵平嘅真係越嚟越難」。唔少澳門網民喺fb留言,羨慕港人有「22蚊餐」優惠,感嘆當地消費指數越來越高。資料顯示,澳門人嘅入息中位數約澳門幣$13,300,港府早前公佈去年5月至6月本港僱員入息中位數每月為港幣$14,800。



費清 #要生計,也要生活#毋忘初衷





來源: http://hk.apple.nextmedia.com/news/art/20150410/19107337
鳩嗚 嗚乜 乜乜 澳門 麥記 記蝦 蝦堡 堡餐 餐貴 6.3
PermaLink: https://articles.zkiz.com/?id=289433

鳩嗚乜乜乜:多啦A夢精品送到家

1 : GS(14)@2015-04-28 01:55:43

■時間布冷氣氈印有多啦A夢同老鼠大戰故事,售$280。


自從叮噹改咗名叫多啦A夢,惘然若失,好似隔籬屋由細玩到大嘅陳大文,改個法文名叫Pierre咁。不過,費清最近發覺有個多啦A夢網購站,叫做「DING DONG宅配便 X多啦A夢」,唔通大師兄返咗嚟?叮噹重出江湖?



#今日起接受預訂


非也,網站負責人SK話,個網站嘅名係讀叮「檔」,「大牌檔個檔,即係撳門鐘嘅聲,叮檔」。(吓?)佢話呢個網購站開業頭炮,搵嚟多啦A夢合推精品,由於係實驗階段,所以產品各限量發售1,000件,包括3款情景圖案印花瓷碟(一隻$160,一套$400)、造型匙叉套裝($150)、時間布冷氣氈($280)。時間布前後兩面印上以多啦A夢同老鼠大戰嘅故事;瓷碟印有空氣炮、受老鼠驚嚇時逃跑情景及百寶袋圖案。購物滿500元免費送貨,多啦A夢唔會嚟「撳鐘仔」送貨,但就會有一個多啦A夢宅配便收納盒。所有貨品今日起早上11時正式喺網頁www.dingdongtakuhaibin.com接受預訂。藤子·F·不二雄遺願「希望亞洲地區統一改以日本音譯」,90年代尾台灣、香港等陸續正名,好多細路仔淨係知道多啦A夢,叮噹將成為熟男熟女嘅回憶。(唔好以為費清真係會信咩叮「檔」先得㗎,SK擺明係熟男啦。)費清 #要生計,也要生活#毋忘初衷





來源: http://hk.apple.nextmedia.com/news/art/20150427/19126949
鳩嗚 嗚乜 乜乜 多啦 精品 送到
PermaLink: https://articles.zkiz.com/?id=289974

鳩嗚乜乜乜:凶宅是基督徒之選?

1 : GS(14)@2015-05-04 13:50:17

13萬人瘋狂入表搶購新居屋、為咗有瓦遮頭連廁所劏房都搶住租,甚至連荃灣一個400幾萬嘅單位,地產經紀都可以叫做「窮人恩物」,就知香港樓價有幾癲!近日再有地產經理出招,新港城一個實用面積338平方呎嘅單位,賣成420萬,但地產代理喺銷售單張大大隻字話「筍」,仲有一句說話好特別,講明係「基督徒之選」。費清呢啲買唔起樓嘅蟻民,見到有人話420萬都叫筍,好自卑。不過點解層樓係基督徒之選?唔通業主係虔誠基督徒,教友買樓有折扣?費清梗係拿拿臨問吓個地產經紀,地產經紀就話個單位係新港城G座一個中層兩房單位,租客啱啱搬走,仲好坦白話係凶宅,因為之前有租客喺呢嗰單位跳樓身亡。聽到呢度,大家明晒啦!費清仲聽聞,業主唔想將單位出租,想快啲甩手,所以平市價少少放售喎!不過,睇番同屋苑樓價,實用面積平均呎價要12,741蚊,呢個凶宅單位呎價都要12,426蚊,真係好平囉。若要上車,大家可以考慮吓,老土啲講句「平生不作虧心事,半夜敲門也不驚」,人不犯我,我不犯人,就鬼都唔怕啦!費清#要生計,也要生活#毋忘初衷





來源: http://hk.apple.nextmedia.com/news/art/20150504/19135029
鳩嗚 嗚乜 乜乜 兇宅 宅是 基督徒 基督 之選
PermaLink: https://articles.zkiz.com/?id=290102

鳩嗚乜乜乜:香港有屋無人住

1 : GS(14)@2015-05-12 23:00:03

呢排私樓癲價無極限,政府成日話香港地少人多,住宅供應少樓價自然貴,呢啲說法費清由細聽到大。偏偏有網民喺fb開咗個「吉宅名捕」群組,專門搜羅「空宅」(圖)。費清發現香港地唔單止好多人冇屋住,同時亦有好多屋冇人住。



#政府未反映實況

呢個群組噚日先至開張,已經野生捕獲咗好多空置樓。呢啲空宅並唔係「凶」宅,部份係發展商收樓後丟空。例如10年前已經開始收樓嘅西環大廈、炮台山木星街舊樓群等等。最詭異嘅莫過於新界東北20幾幢3層高「鬼屋」,起好丟空近10年,唔知道仲以為係大陸啲爛尾樓。費清問過群組發起人Camille,佢話政府統計全港私樓空置率只係得4.1%,所以政府認為唔駛討論點處理空置房屋。不過佢話政府只係巡查全港3%私樓單位去計算空置率,近年仲要冇巡村屋,所以呢個數未必反映到實況。加上唔少人平時又發現有好多空置單位,於是搞呢個群組,呼籲一眾網民幫手影低長期冇人住嘅私樓,一齊解構吓空宅之謎。



費清 #要生計,也要生活#毋忘初衷





來源: http://hk.apple.nextmedia.com/news/art/20150512/19144689
鳩嗚 嗚乜 乜乜 香港 有屋 無人
PermaLink: https://articles.zkiz.com/?id=290268

米蘭鳩嗚名牌袋平四成水貨客年賺半球

1 : GS(14)@2015-05-15 01:45:09

歐遊順便鳩嗚,買入兩、三個名牌包包都可以抵返一張來回機票。就以一個PRADA的City Sport皮革手提袋,米蘭售價除稅前1,750歐元(約15,149港元),若成功退稅則約為1,531.25歐元(約13,256港元),若在香港 PRADA的售價則為20,900港元,價錢相差7,644港元。又以Louis Vuitton(LV)經典款式Alma Monogram中袋為例,米蘭售價除稅前1,290歐元(約11,168港元),若成功退稅則約為1,108歐元(約9,595港元),香港售價則是14,900港元,價錢相差5,305港元。另一個LV的紅色clutch bag,米蘭售價除稅前1,800歐元(約15,583港元),若成功退稅則約為1,547歐元(約13,388港元),香港售價則是20,500元,價錢相差7,112港元。有近四成折扣,「搵食」的水貨客當要把握時機,剛從LV鳩嗚出來的蕭先生,身上揹着大背包及環保袋,看似「收獲」甚豐。記者上前訪問,來自上海的他直言「幫人家帶的」,而且一年都有5至6次來米蘭帶貨,每一次都會帶上5至6個名牌包包,而且專吼高檔價位,每個袋價值約5,000歐元至6,000歐元(即約43,285港元至51,942港元)。他指在米蘭買的名牌包包,相關於內地六折至七折,即每個包包一轉手即賺逾2萬至3萬幾港元不等,一次帶貨賬面最少賺10萬元,一年賬面最少穩袋50萬元。身上揹着LV的台灣旅客蘇小姐,記者上前問及會否打算買入名牌包包,她笑不攏嘴地連連點頭說,「是,看到喜歡就順便買,多多少少都會買」,家裡有媳婦又有女兒可以一起交換用,身上的LV包包也是在歐洲買的,換算台幣大概三萬多(約8,000港元),如果台灣就要4萬至5萬元台幣(約10,097港元至12,622港元)。記者︰吳美茸





來源: http://hk.apple.nextmedia.com/financeestate/art/20150514/19146916
米蘭 鳩嗚 名牌 平四 水貨 客年 年賺 半球
PermaLink: https://articles.zkiz.com/?id=290345

宗教界抽籤 鳩嗚團員殺入選委會 親政府管浩鳴、徐錦堯出局

1 : GS(14)@2016-11-21 00:00:39

■任建峰(左一)昨指雖未能成為選委,但仍替當選的葉慶祥(右二)高興。何頴賢攝



【本報訊】天主教及基督教昨抽籤,各自抽出10名特首選舉委員會委員,競爭激烈的天主教組別在318名教友抽籤,曾三度當選、並於上屆投票支持梁振英的徐錦堯神父落選,而表明要踢走梁的「鳩嗚團」成員葉慶祥則首度當選;基督教組別,立場親政府的聖公會教省秘書長管浩鳴出局。「基督徒反圍標抽籤選委大聯盟」表明,會要求當選選委盡快向教友交代提名和投票立場。記者:林俊謙



■大會展示參選人名牌及抽籤箱供參選人檢查。

宗教界在選委會中有60席,分別由六大宗教平分,而天主教及基督教以抽籤方式各產生10名委員,他們昨於政府總部閉門抽籤,記者未獲政府安排採訪選舉過程,全程只能在政總出入口等候參選人出入。由於非建制陣營動員教友參加抽籤,令兩個組別選委競爭較上屆激烈,天主教有318人爭10席,基督教經首輪抽籤後,仍有33人進入最後抽籤,而參與天主教抽籤的非建制人士,包括法政匯思成員任建峰、香港民進黨楊繼昌、身兼全國政協委員的前民政事務局局長藍鴻震,以及曾支持梁振英的徐錦堯等均未抽中,首度參選的「鳩嗚團」成員葉慶祥、上屆曾提名梁振英參選特首的張俊挺,以及8名教友當選天主教選委。



團體促盡快表態


葉慶祥會後表示,希望能為「黃絲」和爭取真普選的港人出一分力,「我有信仰,所以感謝主」,他最希望下屆特首能實踐真普選,表明不會提名梁振英參選下屆特首,「我一定唔會(提名梁振英),Anyone but CY!」任建峰形容葉當選「仲開心過自己抽中」,稱最開心是成功鼓勵更多非建制教友參與選委,令該界別選委非全由建制派佔據,又指不少教友對「梁粉」徐錦堯不再當選感高興,又呼籲當選的非建制派選委要求下屆特首盡快重啟政改,爭取真普選。基督教選委方面,角逐連任的上屆選委中,只有上屆曾提名梁振英參選的朱世平成功連任,立場親政府的聖公會教省秘書長管浩鳴則落選,其他9人均為首度當選的教友。早前絕食抗議協進會選委產生方法不公平的「基督徒反圍標抽籤選委大聯盟」發言人林子健昨日表示,親建制的管浩鳴雖然落選,但大部份教友都未清楚昨日當選選委的政治立場,表明會要求他們盡快交代提名和投票特首標準,「唔可以抽完籤就走咗去,乜都唔使交代,咁係不負責任」。




來源: http://hk.apple.nextmedia.com/news/art/20161120/19839690
宗教界 宗教 抽籤 鳩嗚 團員 殺入 選委會 政府 管浩 浩鳴 鳴、 、徐 徐錦 錦堯 出局
PermaLink: https://articles.zkiz.com/?id=316305

【東京直擊】9百億買爆日本強國人鳩嗚愛用微信支付

1 : GS(14)@2017-05-28 10:38:02

在日本購物,用手機「嘟一嘟」就完成付款,難怪記者在東京街頭採訪時,每位中國遊客都興奮地高呼:「方便!」中國兩大流動支付平台騰訊旗下的「微信支付」及隸屬阿里巴巴的「支付寶」進軍日本,其中微信支付在日本的代理商Fullpay株式會社更表明看好中國遊客的購買力,希望一年內在日本的機場、鐵路、酒店及百貨公司安裝微信支付平台,全力為人民幣服務。中國金融科技先進,兩大流動支付平台騰訊旗下的「微信支付」及隸屬阿里巴巴的「支付寶」融入巿民生活,用手機App付款已成為習慣,上海遊客王小姐坦言在內地即使買2元一杯的豆漿,也會用手機付款。中國遊客在東京街頭拿著大包小包的「爆買」以成過去,但訪日遊客依然增加,去年有630多萬名中國遊客訪日,總消費金額亦創新高,達1.4萬億日圓(約977億港元)。Fullpay株式會社看準商機,將中國人慣用的消費方式帶到日本,為零售商安裝微信支付平台,商戶其後分出部份營業額給予微信支付、Fullpay及結算銀行分賬。目前Fullpay已跟5至10間日本集團合作,主要是中國遊客購物熱點,包括電器及百貨公司等,預計一年後增加至跟1,000間商店合作,日本最大電器零售商山田電機與Fullpay簽約後,旗下分店安裝微信支付個多月,營業額已經有單位數百分比增長,負責人坦言對前景有信心,相信很快會有雙位數百分比增長。《蘋果》記者鄭悅童王心義




來源: http://hk.apple.nextmedia.com/international/art/20170528/20036579
東京 直擊 百億 億買 買爆 日本 強國 人鳩 鳩嗚 愛用 微信 支付
PermaLink: https://articles.zkiz.com/?id=334303

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019