鳩嗚乜乜乜：凶宅是基督徒之選？
1 :
GS(14)@2015-05-04 13:50:1713萬人瘋狂入表搶購新居屋、為咗有瓦遮頭連廁所劏房都搶住租，甚至連荃灣一個400幾萬嘅單位，地產經紀都可以叫做「窮人恩物」，就知香港樓價有幾癲！近日再有地產經理出招，新港城一個實用面積338平方呎嘅單位，賣成420萬，但地產代理喺銷售單張大大隻字話「筍」，仲有一句說話好特別，講明係「基督徒之選」。費清呢啲買唔起樓嘅蟻民，見到有人話420萬都叫筍，好自卑。不過點解層樓係基督徒之選？唔通業主係虔誠基督徒，教友買樓有折扣？費清梗係拿拿臨問吓個地產經紀，地產經紀就話個單位係新港城G座一個中層兩房單位，租客啱啱搬走，仲好坦白話係凶宅，因為之前有租客喺呢嗰單位跳樓身亡。聽到呢度，大家明晒啦！費清仲聽聞，業主唔想將單位出租，想快啲甩手，所以平市價少少放售喎！不過，睇番同屋苑樓價，實用面積平均呎價要12,741蚊，呢個凶宅單位呎價都要12,426蚊，真係好平囉。若要上車，大家可以考慮吓，老土啲講句「平生不作虧心事，半夜敲門也不驚」，人不犯我，我不犯人，就鬼都唔怕啦！費清＃要生計，也要生活＃毋忘初衷
來源:
http://hk.apple.nextmedia.com/news/art/20150504/19135029