黃偉文究竟約咗何韻詩定盧巧音食飯？
1 :
GS(14)@2016-08-13 14:50:21何韻詩...盧巧音...何韻詩...盧巧音...究竟佢係何韻詩定盧巧音呀？前晚瓊姐喺facebook上載話係黃偉文同盧巧音食晚飯時影嘅合照，但就有網民話唔係喎，明明喺何韻詩fb見到佢話同黃偉文食飯喎，瓊姐仲反問嗰位網民，做咩改圖，耶.....咁究竟佢係何韻詩定盧巧音啫？我好亂呀！正所謂人有相似，物有相同，相信大家仲記得，去年盧巧音喺中山舉行演唱會，但唔知點解有大陸嘅玻璃心網民見到佢張海報，誤以為佢係何韻詩，咁何韻詩喺大陸被禁嘛，網民以為自己好叻豬咁，發起罷睇，盧巧音嗰次真係躺着也中箭喇！當時何韻詩喺fb講番呢件事，留言話：「據說，微博天國子民謠傳我要去中山表演，令大家情緒激昂非常，真係令人有點不好意思。總括來講，我的感想是，俾人認錯我係盧巧音咁多年，終於有人認錯盧巧音係我喇，yeah。」估唔到前晚又再發生誤認事件，咁究竟黃偉文係同邊個食飯啫，疑團終於解開喇，睇番黃偉文嘅ig同何韻詩嘅fb，黃偉文係約咗何韻詩食飯，並唔係盧巧音，其實黃偉文不如試吓約齊人妻盧巧音同何韻詩一齊食飯，睇吓佢哋係咪真係咁似，影埋三人合照，等網民再估過吖，笨！
來源:
http://hk.apple.nextmedia.com/entertainment/art/20160812/19733377
控制贊助商hold個唱門票何韻詩成立基金助小店創作人
1 :
GS(14)@2016-08-13 14:50:24何韻詩近年因政治取向，連事業都受到一定影響，雖然失內地市場，但阿詩仍然熱愛音樂，近日她利用「集體獨家贊助」方式成功集資，並於10月8日及9日在紅館舉行「Dear Friend何韻詩2016演唱會」，門票今日公開發售。
製作費不計成本
獨立歌手阿詩獲230個贊助商支持，昨日她在九龍城的香港兆基創意書院舉行記者會，並有百多個贊助商帶着紀念品來撐場，其父母也有出席，阿詩感謝所有贊助商說：「好多謝咁多人嚟支持我，相信香港有咁多好嘅人，好有人情味。」對於宣傳海報選用黑色，她說：「黑色都好多層次，包含好多顏色喺入面，好似咁多人對我嘅支持一樣。」阿詩已開始為演唱會做籌備，她說：「度rundown同舞台，每場製作費幾百萬，今次開四面台，台燈聲都不計成本。」
■10月舉行兩場騷的阿詩會留意賣飛情況。
■何韻詩父母現身撐女兒。
■阿詩昨宣佈成立「十八種香港基金」推動社區。
阿詩的兩場騷會否考慮再加場？她說：「未知住，睇賣飛情況，我控制住贊助商唔可以hold太多飛，保證最靚最貴啲飛，街係有得買，起碼有七、八成飛出到街。今次我打破舊有方法試新嘢，聽日開始賣飛，睇住啲飛去成點，先決定加場，觀眾真金白銀買，兩場嗰度都二萬幾人。」關心社會的阿詩，昨日同時宣佈成立「十八種香港基金」，她說：「我將部份贊助錢撥入基金，有20幾萬，我加啲錢入去到30萬，啲錢會幫助社區、創作人同小店，呢個唔係慈善基金，係社企為主，咁樣靈活啲，但正式點做都未知，我先搞好演唱會先。」
「將紅館歸還群眾」
此外，阿詩昨在社交網貼出演唱會座位表並強調「反黑海」：「今次將紅館完全歸還群眾手上，唔單止贊助名額，連座位表亦一樣。接近八成門票完完全全公開發售。」採訪：曹家誠 攝影：葉君海
來源:
http://hk.apple.nextmedia.com/entertainment/art/20160812/19732564
何韻詩個唱加開兩場
1 :
GS(14)@2016-08-13 14:59:44獨立歌手何韻詩利用「集體獨家贊助」方式成功集資，將於10月8日及9日在紅館舉行兩場演唱會，演唱會昨早公開售票，開賣短短3小時便售罄，阿詩在facebook報喜：「三小時內完全爆滿，無花無假，話唔感動就呃你嘅。」阿詩昨午宣佈加開兩場：「為杜絕黃牛，為咗確保人人有show睇，坦蕩蕩，迅速加開最後兩場！兩萬幾張飛，再次全部交到大家手上！」阿詩成功開騷，好友杜汶澤都出力支持，他前晚高調在fb公告要應徵做阿詩演唱會的大會攝影，阿澤昨日貼文：「感恩，終於搵到工。」阿澤還留言要添置新相機開工。撰文：楊定
來源:
http://hk.apple.nextmedia.com/entertainment/art/20160813/19734005
何韻詩住芬蘭民宿遭性騷擾
1 :
GS(14)@2016-08-15 22:51:34【本報訊】入住Airbnb的安全問題值得關注，事實上，過去曾發生旅客遭屋主性騷擾和非法禁錮性侵事件。藝人何韻詩（圖）今年3月獨遊北歐，在芬蘭入住Airbnb民宿時，遭男屋主性騷擾。她於驚恐下半夜冒着嚴寒徒步30分鐘回到市區，形容經歷是「在芬蘭rovaniemi竟然上演入住恐怖公寓，遇上鹹濕屋主要上演午夜冰海逃亡」。
美19歲青年被禁錮性侵
她事後致電Airbnb舉報屋主，以防再有旅客受害；Airbnb其後全數退款，及其Trust and Safety Department兩日內徹查事件，證實無訛後，將變態男戶主永久剔除Airbnb。她提醒，女性若單獨出門旅遊，一定要小心選擇住宿。另外，去年美國一名19歲青年於馬德里出遊時，慘遭Airbnb男屋主以利刀威脅，禁錮性侵。旅遊達人小斯表示，Airbnb在部份地區其實不合法，所以存在一定危險。他建議，「揀屋嗰陣睇多啲其他人comment（評語），事前最好同屋主溝通，睇下（對方）有冇奇怪，同親友講定會住邊同地址，都係自保嘅方法」。■記者張文鈴
來源:
http://hk.apple.nextmedia.com/news/art/20160815/19736444
何韻詩出計 杜絕黃牛黨
1 :
GS(14)@2016-08-20 11:41:49■阿詩昨日在fb發文指買賣黃牛是犯法。
何韻詩由10月7日開始一連4日，於紅館舉行名為《Dear Friend》的個人演唱會，今次採取了「集體贊助」形式這個新方法，內部認購反應很好。據知黃牛黨已經開始行動，而一向最憎炒黃牛的阿詩昨日在facebook發出兩段文，叫人不要買賣黃牛。阿詩引用了《公眾娛樂場所條例》（香港法例第172章）第6條，指「超過該東主、管理人或籌辦人就活動所定的款額的票價，售賣或要約出售該等門票或門券」即屬犯罪。她更提醒想買黃牛票的歌迷，「千個萬個唔好幫襯黃牛，我哋會嚴密監控一切售賣黃牛活動（亦歡迎大家舉報），一經證實係炒賣活動，會void了該門票，閣下如果購買了，有可能入唔到場。」
Fans主動放蛇
阿詩透過助手回應，表示不希望有人買賣黃牛：「好多fans都好主動報料，佢哋仲主動自發幫我哋放蛇去捉黃牛黨。」她更指一經發現黃牛票，不會作任何賠償：「其實麥當娜演唱會都好似試過，其實8月26日會有正式門票發售，我哋都留咗多過5成門票，同埋仲有A行（第一行）嘅飛賣。」採訪：李森
來源:
http://hk.apple.nextmedia.com/entertainment/art/20160820/19743187
何韻詩五區快閃謝票
1 :
GS(14)@2016-09-17 17:52:56何韻詩下月在紅館舉行「Dear Friend，何韻詩2016演唱會」，昨日親自走訪5區其中16間贊助商戶進行「集體獨家五區謝票」。她於社交平台透露行蹤，吸引不少粉絲「追捕」，她笑謂：「我覺得自己好似啟暴龍咁。」昨日下午2時許，她到達觀塘工廠區小店，10多名粉絲「追蹤」到場集郵。對於假日有不少有心人到場，何韻詩感意外，她說：「平日我都成日嚟觀塘，因為自己公司都喺呢度。其實好想答謝番啲商戶，一直諗點樣可以幫到佢哋，如果只係上網又見唔到啲商戶，所以就利用social media等大家知道喺邊，又可以宣傳吓。」謝票活動進行逾10小時，阿詩大呼好好玩，希望商戶能收到她的心意。採訪、攝影：盧妹
來源:
http://hk.apple.nextmedia.com/entertainment/art/20160917/19772907
何韻詩畏高腳仔軟
1 :
GS(14)@2016-09-27 08:02:24何韻詩最近推出新歌《親愛的黑色》，事隔15年再找來葛民輝執導MV。阿葛要求阿詩於凌空數十尺的吊橋上做出不同高難度動作，畏高的她未踏出第一步已經雙腿發軟，阿葛為了鼓勵她，決定親自上陣示範，並叮囑她：「幾驚都要做得到同做得好。」最終她亦克服心魔。歷時超過12小時通宵拍攝，經歷心驚膽戰時刻後，阿詩笑說：「我着住三層厚嘅衫行上吊橋，原本已經好熱加腳震，再加上阿葛一路叫我做啲高難度動作嘅同時，身邊又有爆破、火、濃煙，經過今次之後，我簡直覺得自己可以做新一代動作女星。」撰文：陳以晴
來源:
http://hk.apple.nextmedia.com/entertainment/art/20160927/19782681
何韻詩紅館騷開鑼鄧九雲起舞
1 :
GS(14)@2016-10-10 00:43:49■何韻詩昨晚在紅館開騷，以全黑飛機師造型出場。
獨立歌手何韻詩近年因政治取向，事業受到一定影響，她早前幾經努力集資，昨晚在紅館舉行一連四場的「Dear Friend何韻詩2016演唱會」頭場，近乎座無虛席。內地粉絲昨晚不避嫌拉着寫上「內地菇徒撐你到底」的橫額在場外力撐，密友鄧九雲、盧凱彤和黃偉文亦到場睇騷，阿詩於昨晚8時44分開騷，她從台邊的一架爛飛機步出，一身全黑飛機師造型登場，先唱了《舊約》，再自彈自唱《韻律泳》，緊接還演繹《艷光四射》、《光明會》、《勁愛你》和《拋磚引玉》等，鄧九雲更站起來隨着快歌起舞。舞蹈員和音樂人台上玩樂器，各人形成小社區，驟眼望去有點似雨傘運動時在佔領區的感覺。此外，演唱會場外有紀念品出售，當中以紀念tee最受歡迎。採訪：盧妹攝影：陳順禎
■鄧九雲特意入場支持阿詩，又舉機拍照。
■阿詩一邊彈結他，一邊投入唱《韻律泳》。
■盧凱彤在觀眾席睇騷。
■昨晚阿詩的演唱會開四面台，幾乎座無虛席。
來源:
http://hk.apple.nextmedia.com/entertainment/art/20161008/19794440
Next Page