ZKIZ Archives


生意拍檔李月讚靚冇水腫Mandy日日運動 等B仔出世

1 : GS(14)@2016-06-01 11:36:57

■Mandy上年為洗米華誕下一女周願。資料圖片


已為周焯華(洗米華)誕下一女的Mandy Lieu,一直被指再陀「華種」,但消息從來未經證實,昨日Mandy Lieu生意拍檔李月(BoBo)在金鐘出席電動方程式記者會,她先自爆懷孕三個月,再爆Mandy跟洗米華的孩兒即將出世,李月說:「佢都快,本來話係5月尾,但BB唔一定準時出世,而家仲未收到消息,有消息會話畀大家知。」過往三緘其口的BoBo,提起Mandy突然口若懸河,除了確認Mandy今胎是仔之外,還直指Mandy會在英國生B、坐月之後就會回歸香港,BoBo又大讚好友非常幸運,還多次提到Mandy為女兒慶生:「會一家返嚟,佢好好彩,之前佢幫個女慶祝一歲生日,見到啲相好開心,佢懷孕都好靚,冇水腫,仲日日做運動,好勁,我都要向佢學習吓。」已經育有一個4歲囝囝的BoBo,會不會跟Mandy對親家?BoBo笑說:「希望啦,做好朋友先,一齊長大生活。」



■Mandy生意拍檔李月昨講個不停,大談Mandy即將誕子。

■李月(左)之前出席活動,對好友Mandy近況都三緘其口。資料圖片


■李嘉欣希望成為囝囝榜樣,身體力行凡事要盡全力。

李嘉欣:冇用雪卵

同場的李嘉欣(Michele)表示囝囝Jayden得知她出席活動,有機會在模擬賽道賽車想一齊出席,她說:「佢好興奮呀,睇吓真正比賽日會唔會一家去欣賞,如果佢大個想試,都會畀,唔應該阻止佢嘅愛好。」Michele表示成為囝囝榜樣增添不少壓力,她說:「攀石其實我唔想做,不過要做畀佢睇,因為做每件事都要盡力去做。」早前有報道指Michele雪卵追女,Michele說:「成日都有呢啲新聞,都有留意好多人希望我有女。」是否已經雪卵?Michele說:「唔知過咗期未,不嬲都冇計劃會實現。」據知上星期許晉亨堂哥許晉平23歲兒子心臟病離世,她說:「係有家屬有啲事,但係唔方便講。」採訪:羅慧敏攝影:陳順禎





來源: http://hk.apple.nextmedia.com/entertainment/art/20160601/19635589
生意 拍檔 李月 月讚 讚靚 靚冇 水腫 Mandy 日日 運動 出世
PermaLink: https://articles.zkiz.com/?id=301606

靚靚冇拖拍去荔園

1 : GS(14)@2017-06-10 13:30:38

袁詠儀(靚靚)昨日與森美到尖沙嘴出席荔園茶餐廳開幕活動,老闆邱達根一家六口與邱老太裘錦蘭均有主持開幕禮。靚靚直言荔園帶給她無限童年回憶,笑言父親是警察,故當時沒有男士敢埋身。



■邱達根(右三)舉家與媽媽裘錦蘭(左四)為荔園茶餐廳剪綵。

靚靚之前一家到英國旅行睇波期間,囝囝玩直播時靚靚黑面,她說:「嗰日早餐都未食,佢哋就喺度研究點做直播,已經好抗拒。個仔係讀國際學校,中文唔係佢母語,我一直都只會同佢講中文,點知老公仲叫個仔負責講英文,嗰刻真係嬲到想一嘢劈佢。」但靚靚沒有後悔讓兒子入讀國際學校:「因為佢好快樂、好正面!知識交畀老師,父母就要身教。」而在英國期間遇到恐襲,靚靚坦言有陰影。採訪:羅慧敏攝影:仇志德




來源: http://hk.apple.nextmedia.com/entertainment/art/20170609/20049355
靚靚 靚冇 冇拖 拖拍 拍去 荔園
PermaLink: https://articles.zkiz.com/?id=335098


ZKIZ Archives @ 2019