ZKIZ Archives


「大隻佬」MK賣細蓉

2014-05-01  NM
 
 

 

不少真正MK人的集體回憶、在黑布街冷巷經營了三十年的「龍記麵家」,去年七月租約滿,老闆龍哥乘機退休。結業當天,大排長龍,半日內已將店內所有麵食清倉!

上月,龍哥的十弟賴義芳(阿細),在舊檔對面重出江湖,改名「大隻佬麵家」。已五十歲的阿細,講明「一做,就要發大嚟做!」目標是一變二、二變四、四變八……,跟著搞特許經營;他最後的夢想,又怎會不是《食神》般將牛丸雲吞搞上市?阿細認為第一步先要打入後生仔市場,故實行了多項改革。其中一樣,就是將其谷盡四十吋巨胸「炒炸醬」及出力以十五吋老鼠仔「攪豬手」的秘技,作為其生招牌。

新店三月開張,阿細擔心無客,不斷WhatsApp老友幫襯。一開舖,不少舊客專程支持,開業第一個月,已賺五萬元。不過阿細未敢鬆懈,他每朝七點半便衝落樓,走到屋企對面的鋪頭開門,「原先睇咗好多鋪,後來喺屋企望見對面有吉鋪,即刻問價。而家真方便,禮拜日都可返工!」回鋪首要任務是煲湯,「啲湯起碼煲四個鐘先夠味!」阿細邊說邊將十五斤豬骨、八條燒香的大地魚、幾塊果皮等放入不銹鋼煲內,裡面還有浸了一晚的冬菇水。「其實呢啲材料唔係秘密,老師傅個個識做,睇你願唔願花咁多功夫!有啲落味精就算。」除了煲湯,阿細還要洗菜、切蔥、炆豬手、炆牛腩、炒炸醬等,全部工序趕在十一點半午市前完成,分秒必爭!「出面師傅返足十個鐘就收工。好多嘢要自己跟番。」說時遲,那時快,阿細又一手拎起一袋重五十磅的豬手,倒進大煲內汆水,「啲豬手要汆水,加埋柱侯醬、花椒、八角等調味料去炆,炆一個鐘再放一晚等佢入味。」為令豬手均勻受味,阿細必須用其「強而有力的臂彎」攪拌。年輕時,阿細愛玩健身,練得一身肌肉,加上誇張的紋身,吸睛指數爆燈,「當年去沙灘,實有人吹口哨!」那時他要威,肌肉愈練愈大隻,紋身也愈來愈多,「你舉啞鈴舉一百磅咩?我就舉夠百五磅!唔輸得呀!」到現時五十歲,他一身肌肉依然結結實實,做生意同樣野心不小,但因此亦將生意「風險」浮了上面。

風險一:租約三年又三年

阿細身上,是典型的基層香港人故事。他做製衣出身,但七十年代行業式微,他轉幫做雲吞麵、豬手麵的大哥手,在大哥的龍記麵家幫手。他最擅長煮麵,執麵及計算烹調的時間。一煮,便三十年。阿細極重視兄弟情,這個大哥與阿細一樣練到周身肌肉,志趣相投,「只要大哥一直做落去,我就會一直幫佢o架!」直至大哥退休唔撈,阿細才決定另起爐灶。龍記三十年老招牌,積落名氣,「商譽」有價。開舖前,不少人向阿細主動招手,「香港、大陸都好多人搵我開舖,有啲連鋪都搵埋,只要我俾個名出嚟就得。但做生意始終顧慮好多嘢,又驚人哋食咗你嗰份!」最終,阿細決定肥水不流別人田,和三哥再組兄弟班開舖。阿細第一次自己做老闆,未開舖已諗定生意做大之後的情景:「我想香港人個個都識我!目標係開好多連鎖店!」單是揀鋪,阿細已走勻港九新界,「沙田、元朗、大埔、佐敦、銅鑼灣,通通睇曬!」最終阿細撲槌以月租十萬元,租下舊鋪對面一個約一千呎舖位,「之前做龍記,為方便工作,買埋樓上單位住。而家可日日對住新鋪,仲可以吸納之前班熟客!」阿細打算長線投資,為免好像其他老店一樣,因加租而被迫結業,他特地簽下長約,「三年生,三年死。總之三年又三年!」雖然這樣可限制租金加幅,但同時香港經濟差他亦未能減租;萬一蝕錢唔做,要賠的錢更多!為了應付貴租,「大隻佬」每碗麵的價格比「龍記」年代,每碗貴了五元,毛利有七成。

風險二:棄用龍記老招牌

在「麵界」打滾三十年,看盡無數麵鋪起落,阿細知道不能單靠老街坊,而是必須有新客,「我要吸啲後生仔客!老嗰輩啲客人,怕肥膩,quota又細,食碗麵就話飽,叫佢食多碟菜都食唔落。後生仔唔同,唔怕膽固醇,唔怕三高,咩都敢食!」所以今次開店,阿細決定走年輕人路線,棄用擁有了三十年歷史的「龍記」招牌,「叫咩記咩記,個感覺好老土,我個招牌都係得『大隻佬』三個字,特登唔寫『大隻佬麵家』!」不過記者訪問了多個食客,其中六成都是龍記舊客,「認得」阿細才進來。棄用「龍記」招牌,似乎有點嘥。另外阿細亦從裝潢下手,營造「新潮」感覺,「地方要夠光猛,我特登整啲吊燈,仲加咗啲卡位!」阿細滿意地說。為了跟年輕人拉近距離,阿細特地將餐牌卡通化,在餐牌加入WhatsApp的「哈哈笑」等圖案,又在facebook開page宣傳,對一個五十歲的中年人來說,已算是接受了新事物。想令「大隻佬」這個主題深入民心,阿細又在鋪頭張貼不少肌肉猛男照,「我哋個招牌、裝修,全部都搵設計公司整,希望俾人耳目一新感覺!」雖則左搞右搞,但記者仍然覺得格局與一般茶餐廳無異,最基本的落單、結賬,仍然不靠電腦,全人手搞掂,鋪頭又保留傳統,繼續用公雞碗,至於員工方面,阿細依然採用傳統家庭式開店,老婆、姐姐、阿嫂,全家總動員,改革只屬「一半半」。

風險三:用錯力無sell人情味

今次開業,阿細其實期望很高,「壓力很大!始終掟咗過百萬,我想做番啲成績出嚟!」阿細坦言開舖初期晚晚「瞓唔著」,花盡精神和心思改革,但採訪多日,記者覺得阿細力求現代化及新裝潢,但「大隻佬」最殺食的,始終是旺角老街坊的人情味,阿細未有特別把握及下功夫。其實去鋪頭幫襯嘅客人,阿細近一半也叫得出名字。見有記者採訪,一個五十多歲的中年男子食客藉機調侃阿細:「大隻佬好靚仔!我要大隻佬!」阿細靦腆地說:「啲食客好多時落嚟食嘢,都係搵我傾偈,仲有好多後生女話要同我影相,搞到我都唔係咁好意思!」事實上,阿細亦是一個重感情的人,採訪期間,阿細曾以不想公開營業資料等敏感數據為由,拒絕訪問,但經記者多次落鋪傾談,他說:「唔想你俾老闆鬧,令你難做!」最終亦決定繼續訪問。阿細也講笑說:「其實我啲嘢食,做七分已經夠,其餘三分係感情!」「新舊」兩難全,本刊找來兩年間開了三家分店、專做潮人生意的龍鳳冰室老闆暨藝員林子善,點評「大隻佬」,教阿細吸「young」客。

開業資料(3/14)

租金^$400,000裝修$800,000入貨$90,000雜費$10,000總投資$1,300,000^三按一上

營業資料(3/14)

營業額$ 400,000人工#$105,000 租金$ 100,000入貨$ 100,000雜費$ 45,000盈利$ 50,000#包兩名老闆及五名員工

一點意見

1.評裝修、格局「新鋪比舊鋪光猛好多,而且地方闊落咗,以前舊鋪喺條巷入面,啲人又紋曬身,新客真係未必敢入嚟!而家用卡通公仔,牌餐又係,成件事cute咗!叫多啲明星來食,鋪頭出面貼曬啲同明星嘅合照,可以吸引啲後生仔試。」2.評大隻佬主題「大隻佬係阿細哥嘅特色,如果係我仲會放大啲大隻佬相,貼曬成間餐廳,整個大隻佬主題。鋪頭仲可以加番啲食物相,同喺餐牌加番啲英文,吸引外國客。另外,阿細哥要美化facebook,加番啲instagram,有咩免費宣傳方法都要用盡佢!」3.評發大經營「我落嚟食嘢,其實都係為咗同阿細哥傾偈,如果第時要開連鎖店,想同佢傾偈又唔喺度,我諗唔多唔少會流失一班熟客。不過我梗係望人哋富貴,唔通睇死人哋開得一間咩。屆時佢可以喺facebook打卡,講明自己『巡場』時間,方便同熟客見面拉關係。」

大隻 隻佬 MK 賣細 細蓉
PermaLink: https://articles.zkiz.com/?id=97998

100歲大隻佬 手瓜起

1 : GS(14)@2012-03-21 00:28:48

http://hk.apple.nextmedia.com/te ... 335&art_id=16171486
阿伊奇生於 1912年 3月 17日,身高僅 1.5米( 4呎 9吋),小時候因看到有人玩摔角,所以熱衷做運動,即使長大後因參加反殖民示威入獄,他每天都在監獄狂練 12小時。 1947年印度獨立,他隨之獲釋。
重獲自由後,阿伊奇與妻子咬緊牙關,給四名子女供書教學,直至三年後勝出「大力士先生」比賽,才踏上比賽之路,在英國贏得「世界健美先生」亞軍(右圖)。退休後,阿伊奇在兒子開設的健身中心做教練,直至去年輕微中風,才無法再舉重。他說平日會喝牛奶、多吃蔬果、魚、豆類和米飯,最大心願是與地球上另一名「大隻佬」阿諾舒華辛力加見面。
英國《每日郵報》
100 歲大 大隻 隻佬 手瓜 瓜起
PermaLink: https://articles.zkiz.com/?id=278350

樂香園:大隻佬破釜沉舟

1 : GS(14)@2012-08-17 11:50:24

http://hk.apple.nextmedia.com/financeestate/art/20120817/16611832
近期若果有事要在中環出沒,都會刻意不經過 A&F,主因是本人對「大隻佬」興趣不大,不過因為好奇,始終也忍不住走入舖頭「」。店內音樂節拍強勁,光線暗沉,充斥著濃烈香水味,幾步便有一名「大隻佬」或「索女」在原地跳舞,感覺似夜店多過時裝店。
產品方面,簡單而言是產品種類狹窄,男裝就賣「貼身」,總之著到「好大隻」;女的不是「 low cut」就是「喱士」,價格偏貴,美國長期賣300元左右的 Polo恤,來到香港就變成700大元!香港國際時裝品牌多如繁星,只得「 Sexual Appeal」一個賣點,好懷疑可以「紅幾耐」。
翻看 A&F最新一季業績,不難理解一個曾售賣暗示「黃種人或華人都是在洗衣店工作」 T恤的品牌,為甚麼要「洗底」進軍亞洲。現時約68%收入來自美國的 A&F,上季同店銷售跌10%,9.5億美元營業額,僅賺1600萬美元,純利率只有1.6%。 A&F已計劃在兩個年度內關閉135家美國分店,目標是在2015年關閉150間。
今次真是破釜沉舟,「大隻佬」前景如何要看強國反應了。
密西比
2 : Sunny^_^(11601)@2012-08-18 09:15:38

我諗係香港賣3都好難.

有太多既品牌.D中價3根本就好難做得住.

再+上A&F想入年青人既圈子內絕不簡單...
3 : GS(14)@2012-08-18 11:23:36

2樓提及
我諗係香港賣3都好難.
有太多既品牌.D中價3根本就好難做得住.
再+上A&F想入年青人既圈子內絕不簡單...


你想法是點?
4 : Sunny^_^(11601)@2012-08-18 23:12:12

3樓提及
2樓提及
我諗係香港賣3都好難.
有太多既品牌.D中價3根本就好難做得住.
再+上A&F想入年青人既圈子內絕不簡單...

你想法是點?


佢會敗走
5 : GS(14)@2012-08-19 10:58:51

4樓提及
3樓提及
2樓提及
我諗係香港賣3都好難.
有太多既品牌.D中價3根本就好難做得住.
再+上A&F想入年青人既圈子內絕不簡單...

你想法是點?

佢會敗走

水土不服
香園 大隻 隻佬 佬破 破釜 沈舟
PermaLink: https://articles.zkiz.com/?id=281073

收Apple Watch只得包裝大隻佬被整蠱開心到喊?

1 : GS(14)@2015-09-18 02:11:17

以奢侈品包裝盒盛載便宜禮物,是不少人作弄朋友的技倆,外國一名太太以Apple Watch包裝盒載著只要幾十塊港幣的禮物,卻令收禮的丈夫放聲大哭,只因她送上的是證實懷孕的驗孕棒。一段長約一分鐘的影片,於周一放人上載到YouTube,影片中太太要丈夫先閉上眼睛,她再送上一個白色長方盒子,丈夫張開眼後立刻問「這是Apple Watch嗎」,層層包裝拆開後卻不見手錶,只有一支顯然兩條紅線的驗孕棒。丈夫即時明白太太已懷有二人愛的結晶品,激動得低頭大哭。片段沒有說明主角的國藉與拍攝日期,不少網民於影片下留言恭喜,亦有網民笑說:「這不是喜悅的眼淚,是他真的很想要Apple Watch,而且養小孩要花很多錢。」英國《每日鏡報》





來源: http://hk.apple.nextmedia.com/international/art/20150917/19298987
Apple Watch 只得 包裝 大隻 隻佬 佬被 被整 整蠱 開心 到喊
PermaLink: https://articles.zkiz.com/?id=292235

英大隻佬舉半噸槓鈴爆腦血管當場跪低

1 : GS(14)@2016-07-13 05:15:42

「這幾乎要了我的命,加諸我身上的壓力是超現實的……但我成功了,相信很長的一段時間內我的名字仍在紀錄上。」英國大力士、綽號「野獸」的霍爾(Eddie Hall),在世界硬舉錦標賽舉起500公斤重量,打破自己保持的紀錄,但完成後因腦血管爆裂而暈倒,幸最終無甚大礙。從片段所見,28歲的霍爾俯身雙手抓緊杠鈴,成功舉起500公斤的重量,亦是完成直腿硬舉(Deadlift)半噸重量紀錄的第一人。不過滿臉通紅的霍爾後來突然單膝跪地,再慢慢倒下,賽會職員緊張上前察看。他事後稱當時他暈倒並流鼻血,形容是「幾乎要了他的命」,又謂除非有人打破他的紀錄,否則短期內不會再挑戰這個重量。他的壯舉影片上載不足一周,已有逾357萬人次觀看。霍爾身高6呎3吋(1.9米)、體重達184公斤(406磅),他數月前便以硬舉465公斤創下紀錄。目前他有另一個目標,就是贏得「最強壯男人」的美譽,「獲得這(頭銜)一直是我的夢想,我會不斷挑戰極限直至成功為止,這一天將會來臨。」英國《每日鏡報》





來源: http://hk.apple.nextmedia.com/international/art/20160713/19693003
英大 大隻 隻佬 佬舉 舉半 半噸 槓鈴 腦血管 腦血 當場 跪低
PermaLink: https://articles.zkiz.com/?id=303535

有人魚線兼識打筋斗 童顏大隻佬fit到漏

1 : GS(14)@2016-08-07 02:03:40

來自英國倫敦、現居瑞典的尼爾森(Donavon Nelson),出外喝酒時多次被人查身份證,以為他「未夠秤」,但原來他今年已56歲。能夠渾身肌肉、六塊腹肌及人魚線兼備,全靠他每年花1.8萬鎊(約19萬港元)扮靚健身。尼爾森每周花300鎊(3,000港元),聘請3名私人教練指導健身;另每月花175鎊(1,800港元)打理頭髮,但最誇張是他一定要坐飛機由瑞典飛往倫敦理髮。除了健身、打理頭髮,他亦添置了不少護膚品美容。他坦言自己如此努力保養,因為娶了一個年輕21年的妻子安娜(Anna),他亦成為對方保持體態的動力。安娜說:「我們盡力保持健美及健康,丈夫勤力養生,亦令我不敢偷懶。」尼爾森努力保持青春,但亦讓他常常有尷尬情況。他曾試過登機時被安檢人員截停,因為懷疑他的護照是偽造;出外喝酒時,亦多次被人查身份證。他承認自己也討厭如此嚴格地管理日常生活,但當他到西班牙度假時,可以脫掉上衣;與妻子出外時獲年輕女生搭訕;成為一對子女眼中的「最時髦父親」,便覺得一切都值得。「其他學生的父親都較我年輕,但我是唯一一個可在操場翻筋斗的人。」英國《每日鏡報》





來源: http://hk.apple.nextmedia.com/international/art/20160805/19724066
有人 魚線 兼識 識打 打筋 筋鬥 童顏 大隻 隻佬 fit 到漏
PermaLink: https://articles.zkiz.com/?id=304564

【大隻佬出動】Le Creuset開倉 OL必掃10大

1 : GS(14)@2016-09-17 16:11:22

法國廚具品牌Le Creuset昨日起開倉,LC聲稱橢圓形鑄鐵鍋及燒烤盤低至750元及650元有交易,小焗盤及大小碗碟等由60元起,由於每節購買時間只有45分鐘,本報為大家綜合10件勁抵必掃貨品!1、18厘米圓形鑄鐵鍋原價2,368元,開倉四折價980元,據稱為鎖水炆燉的首選煲。2、26厘米淺底鑄鐵鍋淺底鍋適合無水蒸,原價4,058元,開倉四折價1,600元。3、24厘米無蓋深底鑄鐵鍋新出無耐,居然開倉都可以見到,盛惠開倉價1,100元!4、長方形鑄鐵燒烤盤中秋節最好天台BBQ大結局團圓,由1,998元減至880元,減足56%。5、蘋果形鑄鐵焗盤同樣新出無幾個月,開倉都有得平,開倉價980元!6-10、粉嫩色碗碟由150元至280元,並非開倉的黑、啞、沉色,顏色清新,好想買晒返屋企!同場加映中秋節精選,要食下月餅飲杯茶先似過節嘛!茶具套裝包括茶壺以及四套茶杯賣450蚊;加多隻紅噹噹花花大碟190蚊,640蚊就可以應個節喇!




來源: http://hk.apple.nextmedia.com/financeestate/art/20160915/19771549
大隻 隻佬 出動 Le Creuset 開倉 OL 必掃 10
PermaLink: https://articles.zkiz.com/?id=309187

大隻佬健美比賽輸唔起一掌打到裁判碌地

1 : GS(14)@2016-12-03 04:42:38

希臘雅典一名大隻佬參加健美比賽以為自己「贏硬」,怎料最終冠軍不是他,竟大發雷霆,揮出重拳將裁判擊倒在地上,報道指他後來更露出生殖器抗議。馬戈斯(Giannis Magos)參加國際健美總會(IFBB)的比賽,贏得100公斤(220磅)級別冠軍,他滿心以為自己可再下一城,奪得2016國際健美總會「鑽石盃」殊榮,怎料當大會宣佈時,冠軍得主不是他。馬戈斯立即暴跳如雷,神色兇狠地走近裁判,揮拳擊中裁判馬克斯(Armando Marquez)臉部,對方應聲倒地,落地後幾乎向後翻一圈,可見力度之大。現場立即有人上前攔阻他,以免他繼續「行兇」。報道指,馬戈斯打人後,更「露械」以示抗議,不過片段未有拍到。事後一個專門報道健身新聞的網站「Evolution Of Bodybuilding」猛烈批評馬戈斯的行為,形容被打裁判是「真正的紳士」,要求IFBB對馬戈斯處以「最嚴厲處罰」。英國《每日郵報》




來源: http://hk.apple.nextmedia.com/international/art/20161203/19853843
大隻 隻佬 健美 比賽 輸唔 唔起 一掌 打到 裁判 碌地
PermaLink: https://articles.zkiz.com/?id=317926

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019