ZKIZ Archives


逃亡潮走甩郭晉安TVB扮矮仔死箍陳豪

2011-4-14  NM




獨大的無綫向來只有佢唔要人,無人夠膽起佢飛腳,但隨住一姐佘詩曼決定離巢,轉簽大陸經理人公司北望神州,牽一髮動全「軍」,掀起逃亡潮。

今年即將約滿的馬德鐘、林保怡及廖碧兒等人,都決定走人,就連一度被氹掂續約的郭晉安,最終都唔落疊,只肯簽部頭。睇住一批已成氣候的小生花旦流失,六嬸 (方逸華)即刻叫負責藝員部的樂大媽(樂易玲)做嘢,強制與無綫仍有幾年合約的藝員加簽,唔聽話的,一律打入「冷宮」。仲有半年合約

無綫面臨大批一線小生花旦流失危機,今年底約滿的馬德鐘、林保怡、廖碧兒,已經放晒風聲,表明立場唔再續約,而尚有半年合約的郭晉安,原本同無綫傾續約傾 得七七八八,但突然吹起一股逃亡風暴,加上有大陸經理人公司向他招手,出手更比無綫高出五倍,以每集十萬元人民幣價錢利誘,令他急煞掣,改變主意轉簽部 頭。

「其實安仔(郭晉安)都有同無綫傾過,要賺多啲錢養家,嚟緊七月佢又生多個女,所以即使要離開大肚老婆,都返大陸拍多部劇,賺定啲奶粉錢。既然都決心要搵 人仔,佢諗諗吓都係唔簽TVB好過,起碼唔使俾公司抽佣。加上近年樂小姐淨係捧林峯一個,對其他小生都無乜做過嘢,更加令佢對TVB心灰意冷。」郭晉安身 邊人說。

問到郭晉安會否離巢,他承認有人與他聯絡過,「呢段時間係有大陸嘅製作公司搵我,但係我要睇吓佢哋對我有冇一個完善嘅plan,反而錢唔係最重要。」

唔加簽入雪櫃

留人連番失敗,令無綫揸fit人六嬸(方逸華)大為震怒,責怪有人大意,竟然無將藝員合約到期日搞清楚,無抓緊時間預先傾續約,導致大量一線小生花旦離 巢。大量失血,樂易玲近日急謀對策,一方面氹一班「仔女」改變主意,繼續留在無綫,另一方面,對尚有幾年合約的藝員亦採取高壓政策,強迫加簽合約,唔肯就 範,便放入雪櫃,直至約滿為止。「好似陳豪其實仲有差唔多兩年幾合約,但近排公司都係咁叫佢加簽多五年,不過陳豪就嫌太長,公司都讓步,縮短到三年,連原 本安排佢五月開新劇《樂府藏龍》,但因為陳豪要開咖啡店,公司都破例俾佢推劇,軟硬兼施,都係想氹掂佢續約。不過唔係個個都咁好彩,好似黃宗澤、陳法拉、 胡杏兒、馬國明同徐子珊呢一批上緊嘅藝員,就講到明一定要加簽先會力捧,有機會拍大製作。」無綫工作人員說。


逃亡 潮走 走甩 甩郭 晉安 TVB 扮矮 矮仔 仔死 死箍 箍陳 陳豪
PermaLink: https://articles.zkiz.com/?id=24143

人財兩失林忠豪搭上人妻廖碧兒絕望勾陳豪


2011-8-11  NM




「拜金女」廖碧兒,以為溝掂李澤 楷表弟林忠豪,搵到筍盤可以實現夢想做有錢太。點知,林忠豪玩厭即撇,二人情侶關係只維持大半年,今年六月,正式反面分手。回復單身四出溝女的林忠豪,上 星期更與一名人妻林淑怡結伴去ball。豪門夢碎,加上被無綫放棄拒絕續約,形象全面插水的廖碧兒,唯有隨波逐流,返大陸搵食,一出道就做慣女主角的她, 現在要淪為大茄,做行行企企大配角。走入絕路,廖碧兒仍死心不息,扮死狗搵番陳豪,她雖未至於痴心妄想反撬陳茵媺牆腳同陳豪復合,只是氹掂陳豪拍住搵錢, 貫徹她搵錢不擇手段的拜金本色。半年玩厭

去年十二月,廖碧兒被揭發秘密搞掂「富二代」李澤楷表弟林忠豪,一心就以為得米,可以嫁入豪門做少奶奶,於是極速狠撇拍拖六年男友陳豪,專心服侍林公子; 點知唔夠一年,林忠豪對廖碧兒已經生厭。「Alastair(林忠豪)成日都想溝女明星,但係無乜女肯落疊,偏偏廖碧兒以為執到寶,釣到隻肥金龜,攬到佢 實一實。最初佢兩個都以為搵到目標人物,開始三個月愛得好痴纏,點知唔夠一陣,就覺得唔對路,Alastair話佢貪錢,又唱佢其實唔係好索,唔值得喺佢 身上投資咁多,加上廖碧兒成日扮明星,唔肯陪男友出席朋友聚會,令到Alastair冇得喺啲friend面前炫耀有個花旦女友。「至於廖碧兒,佢發覺 Alastair其實唔係想像中咁有錢,淨係識吹水,咁耐都冇收過一件令佢嘩一聲嘅禮物,甚至有時廖碧兒開晒聲話鍾意邊個手袋,Alastair把口就話 買,但最後都側側膊,唔肯送。」林忠豪身邊 人說。高速煲的戀情經不起考驗,二人經拖拖拉拉,今年六月期間,林忠豪趁一次嗌交,乘機提出分手;一心以為有機嫁入豪門住豪宅做少奶奶的廖碧兒,當堂如夢 初醒。為表撇女決心,林忠豪已經連廖碧兒的電話,都唔肯再聽,近日亦不停要求朋友,介紹靚女model給他 認識。

錢情無限

陳豪與廖碧兒○四年撻着,地下情逐漸浮面後,二人以「情侶檔」姿態接job,有錢齊齊搵,深受一眾廣告客戶歡迎,有市有價。04-05年廣告:Lifeztore家具店每人$50萬活動:Bossini旗艦店開幕、地鐵商場開幕等3個每人$24萬

人妻陪去ball

上星期四(八月四日),林忠豪出席菁英會第四屆執委就職宴,原本大方接受記者訪問,被問到廖碧兒時,他就耍手擰頭:「呢啲嘢唔講!」連提都唔願。當晚,林 忠豪身邊女伴已換人,兩人全程如孖公仔黐埋一齊,當發現有記者影相,兩人又會煞有介事,馬上左閃右避。據了解,林忠豪的新女伴名林淑怡 (Mariana),是潮州商會青年委員會副主任,而林忠豪則是該會委員。林淑怡年約三十五歲,已婚,但甚少與另一半出現公開場合,相反,近日經常陪同林 忠豪夜蒲。

俾阿佘騎住

俾仔飛,加上無綫亦放棄拒絕與她續約,雙失廖碧兒黑過墨斗。為了賺錢養家供樓,之前大口氣四圍放風話要去荷李活發展的她,被逼捨遠取近,返大陸搵食,簽埋 佘詩曼同一間大陸經理人公司,繼續俾阿佘騎住。做慣女主角的廖碧兒,由於在大陸欠缺知名度,就算接拍大陸劇《深宮諜影》,但亦有機會做個行行企企,無關痛 癢的大配角角色,級數大跌,至於她過去最強的商業活動,亦因為形象插水,出騷量跌近零。

撻Q

圈中唔少女星如徐子淇、李嘉欣等成功釣到金龜,做幸福少奶奶,但唔係人人都咁好命水,花盡心思鋪路嫁入豪門,臨門先撻Q,前功盡廢的,大有人在。

鍾欣桐07年,阿嬌成功冧掂父親是中建電訊主席、身家過10億的富家子麥浚龍(Juno),但08年爆出淫照事件,Juno在父親麥紹棠多番施壓下,終於斬纜,之後Juno公開承認model女友Janine。

陳法蓉陳法蓉08年撬走陸詩韻的「油王」男友,點知朱明原來係空心老倌,被踢爆09年金融風暴後已欠下巨債,更一度失蹤。

宣萱宣萱96年由友人介紹認識中信泰富主席榮智健的堂姪榮文瀚,二人拍拖6年,並計劃結婚,後來有傳宣萱搭上有婦之夫羅嘉良,榮文瀚提出分手。

王祖賢93年,王祖賢被指介入林建岳和謝玲玲的婚姻,更獲岳少贈送幾千萬豪宅,但岳少母親棒打鴛鴦,更大鬧:「當個仔去叫雞!」二人最終不歡而散。

SMS求饒

雖然已走入絕路,但廖碧兒仍不放棄,最近更頻頻向陳豪發動SMS攻勢,懇求陳豪原諒,她明知陳豪已經同陳茵媺拍拖,根本無機會復合,但仍希望可以抽陳豪 水,助她起死回生。「Bernice(廖碧兒)知道阿Mo(陳豪)同陳茵媺拍緊拖,所以佢都唔敢奢望可以喺番一齊,只係想借阿Mo影響力,同佢拍檔一齊出 席賺錢活動,Bernice知道自己而家就算減到好平都冇人搵,但只要搵到陳豪一齊,啲廣告商覺得有綽頭,一定肯俾錢;仲有,阿Mo如果幫佢講兩句好話, 點都有幫助,諗過算過,見一定有着數,所以佢係咁『舌累』住阿Mo,提議同佢一齊做嘢,又話當俾條生路佢行喎!」廖碧兒身邊人說。可惜一切為時已晚,做了 多年老襯的陳豪,最終拒絕廖碧兒要求。「阿Mo蠢唔晒,之前Bernice傷得佢咁緊要,仲要做訪問公開唱衰阿Mo,就算自己唔計較,佢都驚萬一同 Bernice一齊做嘢,Aimee(陳茵媺)唔知會點諗!佢哋啱啱先開始,點會咁蠢自找麻煩,更何況阿Mo同Aimee啱啱傾緊情侶檔一齊合作拍廣告, 有好嘢,都益新女友啦,仲點會理舊愛呀!」知情者說。

月供四宅

曾經貴為TVB騷后的廖碧兒,過去不斷有投資物業,但多以父母名義購入,有些更是短炒用途,08年以693萬購入的凱旋門,一年後即以755萬賣出,賬面賺62萬。前後曾買賣近10個物業,現時手上仍持有四單位,由於父母已退休,全由她獨力供款,每月供款超過九萬。

 


人財 財兩 兩失 失林 林忠 忠豪 豪搭 上人 妻廖 碧兒 絕望 勾陳 陳豪
PermaLink: https://articles.zkiz.com/?id=26976

謝天華唔夠料無綫捧黎耀祥陳豪冧庄

2011-9-22  NM




距離無綫《萬千星輝頒獎典禮》不 足兩個半月時間,暫時被睇高一線做新科視帝、視后人選,只有鄭嘉穎、謝天華、陳法拉以及鍾嘉欣,相比兩屆盟主鄧萃雯、黎耀祥,差太遠。唔想頒獎禮失色,無 綫立即「做嘢」,於台慶月推出四套由一線花旦小生擔正的重頭劇,包括黎耀祥、張可頤主演的《法政先鋒III》,陳豪、林保怡、佘詩曼擔正的《天與地》,宣 萱、胡杏兒雙旦出擊的《萬凰之王》,以及由阿姐汪明荃同福祿壽合演的《荃加福祿壽探案》,製造視帝、視后爭崩頭話題。據了解,愛打穩陣章的無綫,為保持視 帝水準,大有機會再捧黎耀祥、陳豪做視帝,令大熱Laughing Sir謝天華空歡喜一場。變陣捧大熱

踏入九月份,無綫至今僅得《潛行狙擊》一劇成為視迷話題之作,即使《怒火街頭》和《點解阿Sir係阿Sir》有口碑,但收視點卻未能創歷史新高,導致視 帝、視后大熱人馬,是根本未坐穩一線的謝天華與曾經做過視帝的鄭嘉穎,以及鍾嘉欣、陳法拉之爭。「到現時為止,只係得Michael(謝天華)同嘉穎叫做 突出啲,但又未至於夠料做視帝,已經有高層開聲,話佢哋兩個攞獎唔夠noise。」一名無綫幕後人員透露。唔想頒獎禮暗淡無光,無綫內部急忙對策,決定在 台慶月前夕,陸續推出四部由正宗一線小生、花旦主演的劇集,務求在短時間內捧出視帝視后大熱。

最後衝刺

打頭陣有阿姐汪明荃和王祖藍、李思捷、阮兆祥領軍的《荃加福祿壽探案》,十月三日晚上八點半播出;至於被指有機會三度問鼎視帝的黎耀祥,同張可頤主演的 《法證先鋒III》,安排在十月十日緊接「Chok王」林峯的《不速之約》九點半檔上場。《荃加福祿壽探案》之後,就有《金枝慾孽》加《宮心計》混合版, 由宣萱、胡杏兒擔正的《萬凰之王》,十月三十一日播。至於原定今年五月出街,由陳豪、林保怡、佘詩曼主演,講人食人的《天與地》,最後變成台慶月壓軸劇, 於十一月二十一日緊接《法證先鋒III》檔期推出。

全 抄 宴

無綫劇集經常被指抄襲,近作有林峯的《不速之約》,被指明抄《死亡筆記》加《情約今生》。而即將播出的四套台慶劇,同樣欠新意,《法證》、《天與地》繼續 「老翻」西片,而《萬凰之王》、《荃加福祿壽探案》則翻炒無綫舊劇。

《法證先鋒Ⅲ》抄《CSI》演員:黎耀祥、張可頤《法證III》講述警方從科學角度破案,利用指紋、鞋印、血漬、毛髮等證據,作為破案關鍵。查案期間,又 加插男女主角愛情支線,內容橋段似足外國電視劇集《滅罪鑑證科》(CSI)。

《天與地》抄《天劫餘生》演員:佘詩曼、陳豪、林保怡、邵美琪以人食人具爭議性話題作賣點的《天與地》,擺明車馬抄西片《天劫餘生》。《天與地》講述四個 主角去旅行,在雪山遇險,最後為充飢,迫不得已人食人,後來地球暖化,雪山溶雪發現屍體,令人食人事件曝光。

《萬凰之王》《宮心計》mix《金枝慾孽》演員:宣萱、胡杏兒、陳山聰、陳錦鴻講述後宮妃嬪惡鬥的《宮心計》、《金枝慾孽》,女主角個個「奸到出汗」深受 觀眾歡迎,《萬凰之王》重抄舊橋,飾演皇后的胡杏兒,出陰招陷害宣萱,二人在宮內明爭暗鬥,完全是《宮心計》和《金枝》混合版。

《荃加福祿壽探案》演員:汪明荃、陳茵媺、王祖藍、阮兆祥、李思捷《荃加福祿壽探案》以60年代做背景,講述開偵探社的阿姐,聘請了福祿壽三人扮鬼扮馬合 力查案。無論故事背景、手法都同98年由羅嘉良、張可頤合演的《難兄難弟之神探李奇》相似,兩套劇亦同樣加入扮嘢元素。

法拉中空寶

無綫變陣迎接十二月的《萬千星輝頒獎典禮》,有視帝黎耀祥坐鎮,又有戀情帶旺人氣的陳豪,謝天華、鄭嘉穎隨時由大熱變大冷。至於視后,有指陳志雲歸位,會 恩賜迷雲黨成員陳法拉上位做視后,但據知在陳志雲涉貪污案期間,陳法拉一度變節暗投樂易玲,令封后機會存在變數。「法拉係醒目女,唔會好似 Bernice(廖碧兒)咁擺明車馬同陳總劃清界線,其實陳總出事無耐,法拉已經過檔樂易玲馬房,每次樂小姐吹雞搞飯局,都會俾面出席,好多時仲會帶埋男 朋友去添!」一名幕後人員透露。

黑馬胡杏兒

陳法拉的忠誠度,陳總心裡有數,憑Madam Jo一角爭視后的她,攞獎機會大打折扣。至於《點解阿Sir係阿Sir》的鍾嘉欣,雖然跪喊羅Sir陳豪一幕感動唔少觀眾,但有指無綫高層嫌她未夠火候, 非視后最佳人選,勝算大減。相反,被指演技一般,冏樣纏身的胡杏兒,卻被讚在尚未出街的《萬凰之王》中有脫胎換骨表現,大有可能以黑馬姿態跑出。「有份拍 過《萬凰之王》嘅導演同幕後,都話胡杏兒今次收埋晒冏樣,演技好似變咗另一個人,不過佢唔算好有觀眾緣,都要睇套劇出咗街嘅反應同高層口味,先知有冇機 會。」幕後人員說。

預測視帝視后五甲

每年的台慶頒獎禮,無綫一眾小生花旦為視帝、視后爭崩頭。今年暫以演「Law霸」的鄭嘉穎及「Laughing Sir」謝天華,被捧為大熱人選,至於視后,做「Madam Jo」的陳法拉和「Miss Cool」鍾嘉欣,同樣被看高一線,但仲有四套「台慶劇」未出街,預計十二月頒獎禮,以下十位人選,最有牙力角逐視帝、視后寶座。


謝天 華唔 唔夠 夠料 料無 捧黎 黎耀 耀祥 祥陳 陳豪
PermaLink: https://articles.zkiz.com/?id=27875

直擊恒基總部簽約作實 陳豪豪宅豪贈陳茵媺

2013-05-02  NM
 
 

 

拍拖已兩年的拖友陳豪陳茵媺,恩愛再升溫!早已鎖定對方為結婚對象的陳豪為盡快完成人生大事,近年密密搵儲彈藥,上週被本刊拍得他親身到位於中環IFC的恒基地產總部,扑槌簽約,以3368萬購入大埔比華利山4000呎獨立屋。未正式簽字結婚,但陳豪相當識做,樓契預咗加埋女友名,陳茵媺呢個「豪嫂」,走唔甩!

開聯名戶口

財經界普遍認為樓市在未來兩年向下調,但早想成家的陳豪卻不想夜長夢多,睇準時機,趁一手樓新例殺到前,以低出市價兩成,購入比華利山最後一幢別墅。單位位於屋苑內湖景道,建築面積4000呎,實用面積2461呎,共分四層連天台,飯廳客廳及主人套房外,還有三間客房及兩個車位,景觀飽覽吐露港全海景。與陳茵媺拍拖後,陳豪事事以女友行先。早前陳茵媺在大馬拍攝新劇《單戀雙城》,疑被臨時演員非禮,陳豪二話不說,即飛當地安撫。據了解,陳豪為給女友驚喜,今次的買樓大計,由搵樓、睇樓到扑槌,全盤親自策劃,更打算在樓契中加上女友名字,由二人共同持有。接受訪問時,他更透露稍後會開聯名戶口,有錢與女友齊齊使,進一步確認「豪嫂」地位。「Moses個人好穩重,Aimee就比較活潑鍾意玩,兩個性格一凹一凸,但又出奇夾,Moses同身邊啲朋友都講過,結婚係遲早嘅事,而家只係專心做好啲準備,儲多啲錢,plan好啲佢同Aimee嘅將來;又話遲啲同Aimee開個聯名戶口,反正佢哋而家啲錢都係共用,一齊開戶,反而可以更有計劃咁儲錢同投資。」陳豪身邊朋友說。

高人睇風水

近幾年開始信風水的陳豪,在麥包(麥長青)介紹下,由娛圈御用風水高人苗師傅睇風水;前年他與陳茵媺租住深井碧堤半島,今次買比華利山獨立屋,全部由高人教路。「Moses仲搵苗師傅夾過佢同Aimee嘅時辰八字,擺埋風水陣。跟苗師傅嗰批藝人,唔係住貝沙灣就係碧堤半島同比華利山,好似黎耀祥、麥長青、張兆輝、古天樂全部都係聽佢話,個個有名有利,Moses同Aimee搬咗入碧堤都真係好旺,Moses唔使講,最緊要帶旺埋Aimee,今年搵多咗好多。」

第二日扑槌

上週五(二十六日)中午十二點,一早約好地產經紀的陳豪,現身位於中環IFC的恒基地產總部,直上七十三樓的營業部,簽臨時買賣合約,只見他拎住其他樓盤樓書,詢問經紀意見,在內逗留接近兩個鐘,拎住公文袋的陳豪才與經紀離開。「比華利山呢個盤都有好多藝人住,之前徐濠縈同Eason都睇過樓,不過佢哋嫌大埔太遠,但Moses一睇就好啱心水,睇完樓第二日,就打俾經紀扑槌。」

密密買工廈

自稱穩陣派,鍾意買磚頭保值的陳豪,手上除了持有將軍澳都會駅單位及一間西貢村屋,原來早於○四年,便與家人聯名,以一百二十萬購入柴灣工業城一個寫字樓。今年二月,他與家人成立新公司「The Black Drop Limited」,準備再出擊。據了解,簽約當日,陳豪對恒地最新推出、位於黃竹坑的環匯廣場寫字樓單位,十分有興趣。「嗰日佢問經紀攞晒資料,Moses對中層嗰啲一千呎嘅單位最有興趣。其實佢一向有投資買寫字樓,全部都係同屋企人聯名持有,Moses眼光都幾準,賺唔少。」知情者說。

明星別墅

位於大埔三門仔半島的比華利山別墅,是區內最大型的別墅屋苑,屋苑分三期,共有535戶。雖然屋苑洋房建築密度高,私隱度不足,但飽覽吐露港海景,又擁有超豪會所,設施包括影院、網吧、宴會廳、泳池、緩跑徑等應有盡有,吸引大量明星客入住及投資。

方力申、鄧麗欣

拍拖八年的方力申和鄧麗欣,早年在西半山租住碧麗道洋房同居,去年以月租八萬進駐比華利山4,000呎別墅,有指二人睇中屋內有私人泳池。

黃浩、徐淑敏

11年,黃浩父親黃文霖病逝,為免觸景傷情,加上徐淑敏再誕下細女,於是舉家搬進比華利山銀地道的4,300呎別墅。

謝安琪、張繼聰

原本以4,000元租住大埔村屋,10年搬到月租28,000的比華利山翠樺道2,600呎連700呎花園洋房,租約期滿後,再搬到附近同樣呎數的單位。

舒淇

11年,舒淇以發展商超筍價1,830萬購入比華利山翠樺道2,600呎獨立屋,作投資用途。

雷頌德

09年以2,300萬購入比華利山湖景道單號屋,面積4,046呎,享有船灣海景,他更指屋苑的會所設施多,加上大埔空氣好,適合兒子居住。

信者得救

近年深受圈中人擁護的風水師苗師傅,行事低調不愛曝光,平日只能靠用傳真聯絡,追隨苗師傅的圈中藝人如黎耀祥、麥長青、古天樂、張家輝經他指點後,事業一帆風順。

張家輝

08年,搬入背山面海的貝沙灣後,轉投英皇電影,憑住電影《証人》,成為七料影帝。

何韻詩

11年,何韻詩聽取苗師傅意見搬入貝沙灣,並以綠色改運。其時何韻詩凡出席公開場合,都一身綠色打扮,國語碟也以《GREEN》命名,之後更出奇打入台灣極具分量的「金曲榜」女歌手五強。近年她主演的舞台劇《賈寶玉》叫好叫座,不時在內地巡迴公演,長做長有。

黎耀祥

早年開始跟隨苗師傅放生積福及布家居風水陣,搬住碧堤半島後,09年出現事業第一個高峰,憑住《巾幗梟雄》成為視帝,近年繼續當旺,分別在10年及12年再度奪視帝。

古天樂

02年,苗師傅建議古天樂買下京士柏山當旺屋,自此片約一部接一部。10年,古仔再依指示搬入貝沙灣,年拍七片的他賺過億,近年的《單身男女》、《竊聽風雲》等,票房大收,片酬颷升到千三萬人仔。

崑妝趕客

無綫四月劇集檔期先後推出兩套重頭劇,八點半時段,三料視帝黎耀祥主演的《神探高倫布》持續「柴九」式誇張演技,加上劇本唔掂,被網友圍插「悶到想爆電視」。九點半時段,以為久等九年的《金枝慾孽貳》可以補番數,一樣失望!花了六十萬拍攝的崑曲重頭戲,大戲妝下,平日稱得上「四正」的陳豪、關禮傑走晒樣,極之趕客;加上崑曲不為港人所熟悉,兩人表現吃力不討好,觀眾網友齊聲叫悶。《金枝貳》頭兩集十八個角色一齊出,人物關係加上對白,觀眾短時間內無法搞清;一班主要演員如鄧萃雯、蔡少芬、陳豪都算有演技之人,可惜配角不濟,葉翠翠「唸口簧」,苟姑姐廣東話唔鹹唔淡,就連主角之一的伍詠薇,都被批浮誇,講對白如「急口令」,節奏未能配合其他演員,劇集出街首週,同《神探高倫布》一樣,平均收視同得23點,比起八點播的處境劇《愛‧回家》有24點,還要低。

 

直擊 總部 簽約 作實 陳豪 豪宅 豪贈 贈陳 陳茵 茵媺
PermaLink: https://articles.zkiz.com/?id=55173

獨大橫行斷人財路陳豪俾TVB嚇窒

2013-10-24  NM
 
 

 

王維基的「香港電視」不獲發牌,激起民憤,一台獨大的無綫可以「印印腳」剝花生睇好戲之餘,霸道作風近日更變本加厲。集團總經理李寶安下令經理人部門改制,寧願抽少啲佣,決定收緊旗下藝人到內地拍劇賺人仔政策。親生仔女所有檔期要留俾公司,冇劇拍才可申請拍大陸劇,甚至連登台都要等公司批准。

就快做老豆的陳豪,與無綫的合約已進入倒數階段,一直表示恨拍大陸劇賺更多奶粉錢的他,聽到新辣招後即時嚇窒,令續約成數更低。

冇人用詐型

近兩三年無綫親生仔女如鄭嘉穎、林峯、胡杏兒、黃宗澤等,紛紛到內地拍劇賺人仔,每集片酬更高達數十萬計算,比起無綫萬幾蚊一集人工,多出數十倍,同時亦令無綫經理人部門增添過千萬抽佣收入。公司有錢賺,但大部分紅星外闖,令公司出現「真空」情況,製作部向李寶安詐型,投訴開劇時「要乜人冇乜人」,用來用去都係嗰幾個演員,例如台慶劇《法外風雲》,雙線女主角除了陳法拉,只能起用部頭約伍詠薇。女主角無人,男主角都一樣,陳展鵬、蕭正楠由二線升一線,像陳展鵬便有《戀愛星球人》、《叛逃》及《單戀雙城》存貨未出街,而「亞視人」田蕊妮亦有機會升做姐仔,在《巨輪》做完女主角,還有《舌劍上的公堂》及《忠奸人》等多套作品。

阻搵奶粉錢

有見及此,李寶安寧願損己不利人,認為一個電視台最重要始終是自家製作,公司培育出來的花旦小生,無理由只幫其他電視台拍劇,就算經理人部門收入因此大減,李寶安亦一意孤行要經理人部門改制,所有親生仔女除非公司冇劇要他們拍,才可向製作部申請到內地拍劇。一直表示滿約後希望拍更多大陸劇搵奶粉錢的陳豪,本來正與公司傾談續約問題,但辣招一出隨時被斷財路,令他對去留一事十五十六,甚至指他有意自組公司外闖。本週二(二十二日)陳豪出席《法外風雲》宣傳活動時表示暫時未有定案,但對於李寶安收緊政策,趕絕親生仔女拍大陸劇搵錢,陳豪尷尬笑一笑說:「或者咁講啦,公司係有佢自己一套策略,我諗我唔夠資格去評論,而家我自己最緊要係為新合約打算。」提到公司改制變相令收入減少,會否成為續約的絆腳石,陳豪識做話:「唔會!」據知,辣招調控內容更包括嚴禁藝人揀角色,甚至連到外埠登台接job,離港超過五天者,必須向公司申請,而掌握經理人部門話事權的樂易玲,因被削權,已無牙力為得寵藝人開聲,放期與否,一切改由製作部審批。

嘉穎林峯大鑊

雖然上月通訊事務管理局直斥無綫霸道,禁止旗下藝人在其他電視台亮相及以廣東話做訪問,最後被罰款九十萬,但事後無綫發聲明澄清冇綁死藝人,如今再推辣招阻藝人搵錢,一班已成功打開內地市場的親生仔女,最受影響。如一一年憑《步步驚心》在內地爆紅的鄭嘉穎,過去三年只幫公司拍了《怒火街頭2》及《拳王》,反而在內地狂拍《葉問》、《華胥引之絕愛之城》及《萬水千山風雨情》等六套電視劇,加埋接近二百集;而林峯在去年拍完《雷霆掃毒》後,便全力到內地掘金,接拍《紫釵奇緣》、《廣告風雲》、《陸小鳳與花滿樓》等五部大陸劇,收入千萬計算。人在無綫,一班小生花旦只能聽話照做,胡杏兒十一月要拍新劇《醋娘子》,鄭嘉穎明年回歸拍王心慰新劇,林峯與阿佘明年初又會拍大製作《使徒行者》,吳卓羲手上還有三部劇集要開,現在正為新劇《忠奸人》開工,所有檔期均被公司綁死。

霸道辣招

恃住有慣性收視,令無綫更加霸道,一眾合約藝員及歌手,個個敢怒不敢言。

禁用廣東話訪問

同無綫有合約的藝人及歌星,被禁止用廣東話接受其他電視台訪問,11年,已同無綫冇約的陳鍵鋒用廣東話上有線做訪問,節目出街後,無綫經理人部馬上發出新辣招,嚴禁一眾合約藝人以廣東話、普通話、英語接受有線訪問。

封殺四大歌手

09年爆發「四大版稅風波」,無綫即時封殺四大唱片旗下歌手,令李克勤、陳奕迅、謝安琪等歌手全部絕跡無綫,更在無綫的勁歌頒獎禮上食白果,歌神張學友因此公開炮轟無綫,過往對歌手的支持及資源投放太少。

獨播世界盃

今年5月,無綫成功以4億投得世界盃廣播權,將會免費轉播22場賽事,觀眾要睇足64場,便要俾錢安裝無綫收費台,更表示未與亞視等電視台商討播放權,即被立法會議員批評霸道。

斷星夢幫米路

《星夢傳奇》播出後,鄭俊弘爆紅,不少廣告客戶搵上門,無綫竟下旨嚴禁參賽藝員在比賽期間出外接job,之後再成立唱片部,逼得獎藝員簽「賣身契」自肥。

 
獨大 橫行 斷人 財路 陳豪 豪俾 TVB 嚇窒
PermaLink: https://articles.zkiz.com/?id=79778

阮成發任雲南省副省長、代理省長 ,陳豪辭去省長職務

雲南省第十二屆人民代表大會常務委員會第三十一次會議12月13日表決通過關於接受陳豪辭去雲南省人民政府省長職務的決定,決定任命阮成發為雲南省人民政府副省長、代理省長。

12月11日,中央決定,阮成發任雲南省委委員、常委、副書記。

資料顯示,阮成發,1957年10月生,曾任湖北省政府副省長,湖北省武漢市委副書記、代市長、市長等職,2011年1月任湖北省委常委,武漢市委書記、市人大常委會主任。

阮成發簡歷

阮成發,男,漢族,1957年10月出生,湖北武漢人,1982年6月加入中國共產黨,1975年9月參加工作,華中師範大學科學社會主義研究所科學社會主義與國際共產主義運動專業畢業,在職研究生學歷,法學博士,現任湖北省委常委,武漢市委書記、市人大常委會主任。

1975年9月至1978年12月,湖北省武漢市民眾服裝廠工人、市服裝鞋帽工業公司宣傳科幹事;

1978年12月至1982年2月,湖北省武漢市二輕局辦公室、秘書科秘書;

1982年2月至1985年2月,武漢大學經濟管理系工業經濟管理專業學習;

1985年2月至1992年2月,湖北省武漢市政府辦公室調研處、秘書處幹部、科長,市政府辦公廳綜合處副處長、處長;

1992年2月至1993年6月,湖北省武漢市政府辦公廳副主任(1989年2月至1993年2月,武漢大學哲學系辯證唯物主義與歷史唯物主義專業在職碩士研究生學習);

1993年6月至1994年4月,湖北省武漢市政府副秘書長;

1994年4月至1995年9月,湖北省武漢市政府副秘書長、市證券管理委員會辦公室主任;

1995年9月至1997年12月,湖北省武漢市武昌區委書記;

1997年12月至1998年3月,湖北省武漢市委秘書長;

1998年3月至2001年11月,湖北省黃石市委副書記、市長(其間:1998年9月至2001年6月,華中師範大學科學社會主義研究所科學社會主義與國際共產主義運動專業在職博士研究生學習);

2001年11月至2002年12月,湖北省政府秘書長、辦公廳主任;

2002年12月至2004年9月,湖北省襄樊市委書記、市人大常委會主任;

2004年9月至2007年6月,湖北省政府副省長;

2007年6月至2007年12月,湖北省委常委、副省長;

2007年12月至2011年1月,湖北省武漢市委副書記、代市長、市長;

2011年1月,湖北省委常委,武漢市委書記、市人大常委會主任;

2016年12月,雲南省委委員、常委、副書記。

中國共產黨第十八屆中央委員會候補委員。

阮成發 雲南省 雲南 省長 代理 陳豪 辭去 職務
PermaLink: https://articles.zkiz.com/?id=227455

陳豪羨慕林峯有富爸爸

1 : GS(14)@2014-11-09 13:34:25



陳豪日前接受商台《1圈圈星光背後》主持梁泰來訪問,即將榮升第2任爸爸的他,分享與太太陳茵媺將迎接第二個兒子的心情以及工作點滴。20年前由模特兒跳到電影圈的他,對於林峯、陳法拉等相繼離開無綫,但自己卻選擇留下,因為想要穩定工作環境及收入,所以陳豪坦言羨慕林峯有個有錢爸爸。他說:「我唔再係單身,要以妻兒為先,身為一家之主、老公同爸爸,唔可以再咁自私乜都只諗自己。」此外,3年未夠便抱兩的陳豪最近常被問到生仔秘方,他笑說:「冇乜秘方,最重要心境開朗。」他又讚老婆為家庭付出很多,所以她計劃修身後繼續演藝事業陳豪亦心存體諒。撰文:麥萍萍



【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141109/18928406
陳豪 羨慕 有富 爸爸
PermaLink: https://articles.zkiz.com/?id=286365

萬南 二五中環 摩通高層大戰陳豪

1 : GS(14)@2014-11-09 18:45:41

http://www.metrohk.com.hk/index.php?cmd=detail&id=251615&search=1

呢排中環豬朋狗友吹水,話題已唔敢涉及佔中,因為藍黃之間,隔條大峽谷,傾親都面阻阻,倒不如風花雪月講吓八卦嘢,A君問大家有冇留意藝人陳豪同大埔比華利山老外鄰居鬧交,老外穿上自製T恤寸陳豪,成為娛樂版頭條,不過從來冇人提老外身份。







  
             A君話老外名叫Chris W,係投資銀行摩根大通高層,不過因為佢管轄IT部門,毋需出外見人,所以行內唔算太多人認識。A君話Chris來港多年,更娶個港女做老婆,早已視香港為家,雖然廣東話唔叻,但聽得明鬧人港式粗口。講番呢單陳豪同Chris爭拗,原來每幢比華利山獨立屋只設兩個泊車位,陳豪同老婆陳茵媺又朋友多,經常屋內開P,不過朋友又貪方便將車亂泊,屢次阻到Chris車出入,向管理處投訴亦冇符,最終Chris着上自製T,寫上「MOSES CHAN STOP PARKING IN FRONT OF MY CAR PARK YOU CXCK」貼上fb,將呢件事揚開去。據聞事件曝光後愈搞愈大,陳豪兩公婆對外話係一場誤會,不過Chris卻企硬唔罷休,比華利山管理處於是搞一次調停,以為雙方都係派兩公婆出四四六六傾掂佢啦,點知陳生只派陳太,仲要係陳老太出席,令Chris覺得冇誠意,拖到依家仲未解決件事。
萬南 二五 中環 摩通 高層 大戰 陳豪
PermaLink: https://articles.zkiz.com/?id=286407

陳豪茵媺鬥脹囝囝剝帽見人

1 : GS(14)@2015-01-19 09:02:41





【挺肚開餐】■陳茵媺日前挺住巨肚抱住囝囝跟脹爆陳豪到圓方開餐,兩公婆越脹越幸福。








【圓方】陳茵媺(Aimee)前年十二月為老公陳豪生下大仔陳梓燁(Aiden)後,去年六月又為陳豪懷有B仔,預產期為今年三月。雖然Aimee懷孕七個月,但仍頻頻外出,日前記者便見她陀住巨肚偕陳豪、Aiden和陳媽媽一起到圓方食晏。當日下午一時半,陳豪一家由司機駕駛七人車抵達圓方後,陳媽媽第一時間抱住Aiden走入商場。由於Aimee因為抱B而患上筋膜炎,所以左手仍要戴住手托保護,戴上黑超的她落車後即穿上外套免着涼,並負責推BB車,而陳豪則孭住裝有奶樽的奶粉袋,平時螢幕上型爆的小生即時變身湊仔公。



面紅紅似爸爸

最搞笑的是陳豪身形跟大肚Aimee一樣越來越脹爆,當日他穿上一件頗貼身的冷外套襯白褲,行路時不時「唧」出腰間贅肉,可謂越脹越幸福。陳豪一家人走到圓方的Nahm食泰菜和越南菜,擦足四十五分鐘便埋單,繼而一家人帶埋B仔走入育嬰室,估計是為B仔換片。擾攘了十五分鐘後,Aimee便抱住囝囝離開,見Aiden眼仔睩睩、面珠紅卜卜,跟容易面紅的陳豪十足餅印。不過,Aimee為不想囝囝入鏡,於是拉起囝囝外套的連身帽遮掩,豈料活潑好動的Aiden左閃右避扭扭擰擰之餘,還跟媽咪鬥力似的用手扯開帽子,在旁的嫲嫲惟有不停又哄又
陳豪 豪茵 茵媺 媺鬥 鬥脹 脹囝 囝囝 囝剝 剝帽 帽見 見人
PermaLink: https://articles.zkiz.com/?id=287349

【壹週刊】荃灣工廈搞研究所陳豪開咖啡店

1 : GS(14)@2015-03-01 15:49:30





【壹週刊】4年前已喺馬來西亞開咖啡店嘅陳豪,踏入羊年佢將係開香港開新店。仲係荃灣搵工業大廈做研究室,想知陳豪呢間研究室做啲咩?記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150228/19056059
週刊 荃灣 灣工 工廈 廈搞 研究所 研究 陳豪 豪開 咖啡店 咖啡
PermaLink: https://articles.zkiz.com/?id=288086

陳豪再圓咖啡夢

1 : GS(14)@2015-03-05 19:27:40





陳豪再添丁,又開舖,二子Nathan Lucas Chan上月二十六日出世,他又即將再次成為咖啡連鎖店老闆,真是喜事成雙。曾有「咖啡王子」之稱的陳豪於二○一一年在馬來西亞開設自家品牌的咖啡店,可惜最終結業。不過陳豪的咖啡夢未了,在上月尾他被發現在灣仔利東街,一棟正在重新裝修的商場「囍歡里」睇舖,而灣仔利東街(囍帖街)拆卸後,會變成豪宅「囍匯」和「囍歡里」,而「囍歡里」現正招租。陳豪在租務代理陪同下跟友人一起到「囍歡里」睇舖。當日戴上安全帽的陳豪在地盤出現,在其中一間舖內指手劃腳。陳豪早前接受訪問直認開咖啡店一事,但未有透露詳細計劃。撰文:非非





來源: http://hk.apple.nextmedia.com/entertainment/art/20150305/19063534
陳豪 豪再 再圓 咖啡
PermaLink: https://articles.zkiz.com/?id=288232

【壹週刊】倒數開工陳豪氹老婆半島嘆法國餐

1 : GS(14)@2015-04-09 19:10:13

【壹週刊】陳豪熱愛家庭,更加享受做湊仔公,陪產假即將結束前,特別趁老婆陳茵媺34歲生日,Book定半島食法國菜氹老婆,想知更多?記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150409/19105257
週刊 倒數 開工 陳豪 豪氹 老婆 半島 法國
PermaLink: https://articles.zkiz.com/?id=289411

陳豪避躁茵媺搬返舊居

1 : GS(14)@2015-05-06 23:15:05

■陳豪(左)為集中精神開新劇,最近搬回將軍澳舊居暫住。資料圖片


陳豪和陳茵媺(Aimee)生了兩個仔,出院當日揚言會繼續生。日前Aimee出席公開活動,提起老公和兒子眉飛色舞,昨日卻有報道指Aimee產後躁底,陳豪難忍,二人疑似半分居。報道指陳豪努力賺奶粉錢,不過Aimee自細仔Nathan出世後,脾氣開始暴躁,加上陳豪在家未有幫手湊仔,陳豪慘變出氣袋。下周開新劇的陳豪為了集中精神,不想給細仔的喊聲影響,陳豪最近搬回將軍澳舊居暫住,Aimee跟兩名兒子繼續住在比華利山,展開短暫的半分居生活。撰文:非非





來源: http://hk.apple.nextmedia.com/entertainment/art/20150506/19136867
陳豪 豪避 避躁 躁茵 茵媺 媺搬 搬返 舊居
PermaLink: https://articles.zkiz.com/?id=290197

陳豪茵媺抱仔攞出世紙

1 : GS(14)@2015-07-22 09:01:13

【爆相爆片】陳茵媺在今年2月為陳豪再添一個囝囝Nathan Lucas,直到生B後3個月,陳茵媺再透露細仔已改了中文名叫陳浩鋒。昨日本報讀者韓小姐經過「爆相爆片」報料,指見到陳豪夫婦在下午1時左右,與5個月大的細囝鋒鋒現身上環入境處辦理領取出世紙。當時因為是午飯時段的關係,人流不算太多,孭住鋒鋒的陳茵媺以及戴帽的陳豪全程親力親為,亦未見有工人姐姐同行,跟住陳豪去櫃枱交錢後,會合陳茵媺離去。另一邊廂,陳茵媺前晚在微博上載了為囝囝設計兼自製的家具相片,兩張凳仔油上黃色,凳腳位白色,分別配上兩隻不同的貓頭鷹的坐墊,製成品令網友激讚!採訪:唐心悠



陳豪、陳茵媺資料圖片

■陳茵媺在微博上載自製家具的過程。



來源: http://hk.apple.nextmedia.com/entertainment/art/20150722/19227519
陳豪 豪茵 茵媺 媺抱 抱仔 出世
PermaLink: https://articles.zkiz.com/?id=291556

陳豪茵媺孭大細B嘆世界

1 : GS(14)@2015-08-09 11:55:39

■陳豪和茵媺各孭一仔,閒逛精品首飾店。讀者提供圖片


【爆相爆片】出名恩愛的陳豪和陳茵媺,婚後努力造人,三年抱兩,生了可愛的大仔陳梓燁(Aiden)與細仔陳浩鋒(Nathan Lucas)後,恩愛程度有增無減,不時見到他們一家四口出巡周圍去。經常開口話太太照顧小朋友很辛苦的陳豪,忙完手頭上的宣傳工作,加上咖啡店的準備功夫又已經七七八八,於是一家人去旅行嘆世界,享受一下家庭樂。而陳豪夫婦早前更被本報讀者目擊到入境處為細仔辦理證件,原來是為了今次旅行做足準備。



■陳茵媺在微博晒老公拖着大仔行沙灘的照片。

■陳豪夫婦早前被目擊到入境處為細仔辦理證件。資料圖片

■日前陳茵媺抽空外出Shopping。資料圖片



踢拖行精品店

前晚有讀者透過「爆相爆片」,直擊他們一家四口去旅行,但未有透露他們身處的地點,只見到陳豪夫婦身穿T恤短褲兼踢拖,陳豪負責孭着大囝,陳茵媺則孭着細囝,他們在一間賣首飾精品的店中被捕獲,當時陳茵媺專心地看飾物,細仔看起來處於半夢半醒的狀態,陳豪似乎發現有人偷影他們。其實陳茵媺日前在微博已經貼了旅行晒B相,有一張見到陳豪拖實大仔行沙灘的背影相,兩父子手牽手在沙灘漫步,其後她又再貼細囝瞓吊床的相片並說:「Baby Prince relaxing on a hammock。」陳茵媺除了當時生B在微博貼過囝囝的相片後,甚少再貼囝囝相,似乎今次很滿意旅程,所以貼圖分享。採訪:張曦彤





來源: http://hk.apple.nextmedia.com/entertainment/art/20150808/19247512
陳豪 豪茵 茵媺 大細 世界
PermaLink: https://articles.zkiz.com/?id=291973

【生得就生】陳豪速變一家四口

1 : GS(14)@2015-08-17 18:57:41

陳曉東與太太兩年抱兩千金,圈中有不少藝人也喜愛密密生,兩年抱兩。「幸福典範」的陳豪與陳茵媺,前年誕下長子梓燁,今年再誕下現時半歲的次子浩鋒;「盛女」Whitney去年6月為老公莊家傑誕下8磅囝囝後,近日亦再陀B女,預產期下個月;而周家蔚前年1月誕下長子洪大仁後,今年4月再誕下二仔洪大義;混血名模Cara G.去年3月為老公Jesper誕下長女India,本月初再生細女Freija。不過最厲害可算是梁洛施,2009年她為李澤楷誕下李長治,翌年再生孖仔,兩年抱三。





來源: http://hk.apple.nextmedia.com/entertainment/art/20150817/19258312
生得 就生 陳豪 速變 一家 四口
PermaLink: https://articles.zkiz.com/?id=292028

茵媺陀第3胎陳豪:會畀老婆副偈唞吓

1 : GS(14)@2015-11-02 00:08:26

【三年抱三】■索爆人妻陳茵媺生完第二胎八個月,昨又宣佈第三度懷孕,三年抱三,生產力相當驚人。



陳豪近日不但開行turbo工作頴銀,原來更開行turbo跟老婆陳茵媺(Aimee)造人。今年2月才為陳豪生下二仔Nathan的Aimee,昨日又宣佈懷孕三個半月,三年抱三,雙陳生產力可謂極度驚人。Aimee昨日谷咪上陣出席活動,腰肢圓潤。至於三度一擊即中的陳豪,昨被讚勁力十足時鬼馬地以「hehe」回應,並笑說:「生完三個之後會畀佢副偈唞唞㗎啦。」


陳浩民早前宣佈太太蔣麗莎第四度懷孕,還以為他五年抱四最勤力,但原來一山還有一山高!34歲陳茵媺跟44歲陳豪結婚才兩年多,已三度懷孕,前年12月產下大仔Aiden陳梓燁的Aimee,今年2月再誕下二仔Nathan陳浩鋒,原以為她月前約滿無綫後全力湊B,但原來她又準備生第三胎,三年抱三,生產力極度驚人。



【追B成功】■陳豪與陳茵媺認兩個未夠數,所以繼續造人,成功製造第三B。資料圖片

【谷出巨咪】■懷孕三個半月的陳茵媺昨谷咪上陣,腰肢顯得十分圓潤。

【友人扶實】■上落樓梯時均由前經理人嘉莉小心扶實。



「三個夠喇,四個太攰」


昨日Aimee穿上低胸晚裝襯五吋高踭鞋出席在九龍環球貿易廣場舉行的ASHOKA鑽飾品牌活動,身上佩戴過億鑽飾,閃爆全場,但最「爆」的,還是她宣佈第三度懷孕消息。Aimee昨上落台時均由前經理人嘉莉小心扶實,記者問她老公可有送她甚麼貴重禮物時,Aimee笑指兩個兒子,並大爆:「嚟緊就會有第三個!呢份係一份最大嘅禮物。有咗喇!三個半月!未知仔定女,仔女冇所謂,最緊要健康。」昨見Aimee腰肢圓潤,她指今次懷孕並非意外,自言跟老公都早已有共識生三個小朋友,並有預感今胎也是囝囝,她說:「因為阿Mo(陳豪)嗰邊都係三兄弟,我自己都有細佬,仔女都冇所謂,都係嗰句,好開心!」記者笑指她三年抱三豈非很辛苦時,Aimee則表現輕鬆說:「屋企已經有兩個小王子,加埋阿Mo有三個小王子,所以知道點照顧,多一個都冇問題。」三度懷孕的Aimee,不但不會推工作安胎,還揚言會繼續出席商場活動賺奶粉錢。Aimee今年8月舉家到蘇梅旅行,至上月到大馬與杜汶澤拍攝電影《開飯喇!》,當時又跑又拍通宵的她還未知道懷孕,直至拍攝完返港後才獲悉。問BB是否在蘇梅製造?Aimee表示未敢肯定,並說:「其實我同阿Mo係plan咗要三個小朋友,三個夠喇,四個太攰,而且我自己想繼續演戲。」



【狂影愛女】■陳茵媺父親昨日在活動上不停為愛女拍照。

【又係大馬】■陳茵媺前年在大馬拍攝劇集《單戀雙城》(左圖)時未知自己懷有第一胎身孕,豈料上月到大馬拍攝電影《開飯喇!》又是懵然不知懷有第三胎,還毫無顧忌喪跑(右圖)。



陳豪:多啲嚟密啲手


密密造密密生的陳豪,昨日透過WhatsApp回應本報說:「I'm rather happy to share this joyful news of ours to the public.(我很開心可以同大家分享喜訊)」記者笑指他「好勁」,陳豪即鬼馬回應「Hehe」,揚言會加倍努力搵奶粉錢。之後他再於電話分享喜悅說:「自己一直希望五年生三個小朋友,而家係快咗啲,比預期嚟早咗,但呢啲係上天賜畀我哋,多啲嚟密啲手囉!」問為何不讓老婆「副偈」唞唞時,他笑說:「趁佢後生快啲收工吖嘛,生完三個之後會畀佢副偈唞唞㗎啦。」今胎是否想生女?陳豪謂:「如果係女就固然好啦,但我同Aimee仔女都冇所謂。」採訪:譚倩宜、魯吉攝影:陳志嵐





來源: http://hk.apple.nextmedia.com/entertainment/art/20151031/19354522
茵媺 媺陀 陀第 胎陳 陳豪 會畀 老婆 副偈
PermaLink: https://articles.zkiz.com/?id=293679

阿澤:陳豪應該好強壯

1 : GS(14)@2015-11-02 00:08:53

陳茵媺剛復工,上月到馬來西亞拍攝由杜汶澤執導兼演出的電影《開飯喇!》,原來當時已懷有身孕,阿澤昨日在電話中也表示不知情,他說:「咁生得?搞啲咁嘢呀,真係嚇死我!佢老公應該好強壯,陳豪真係唔畀人唞喎,哈哈哈,嫁着佢……真係……都好幸福嘅,我見佢都買好多嘢畀老婆。」阿澤直言用到茵媺好盡,除通宵戲外,還要連拍兩晚街頭跑步,他說:「始終大台訓練出嚟都好刻苦,佢又好犀利,唔使兩個禮拜就減到好似選美嗰陣咁,着泳衣都冇嘢喎。」有冇後悔找茵媺拍高難度鏡頭?阿澤笑笑口說:「佢都冇話我聽,唔通拍親戲都估女主角懷孕咩?」會否送禮給將出世的BB?阿澤說:「要即刻去買藥材畀佢補身,我而家好驚呀!」採訪:嵐山





來源: http://hk.apple.nextmedia.com/entertainment/art/20151031/19354542
阿澤 陳豪 應該 強壯
PermaLink: https://articles.zkiz.com/?id=293683

陳豪賺錢畀茵媺追夢

1 : GS(14)@2015-11-06 15:02:20

陳豪有心有力,3年抱3,但為多賺奶粉錢要頻頻接工作,他昨日在尖沙嘴出席歐陸嘉年華記者會,一副慈父樣手持公仔亮相,他笑說:「以前攞2個,而家要攞3個。我已經夢想成真,有3名成員,遲啲到太太(陳茵媺)追求夢想,我會努力搵錢,小朋友係我哋嘅指標。」被公認為好男人好老公的陳豪揚言工作重要,但家庭亦不可忽略,要見證小孩成長時刻。他表示太太身體狀況良好,主力照顧兩子。雖然夫婦二人忙於照顧兩小孩,但陳豪亦不會錯過和太太過二人世界的機會,他大賣關子說:「去二人世界嘅地方,做二人世界嘅事,我並唔係一個浪漫嘅人,但會學習。」採訪、攝影:卓寶花





來源: http://hk.apple.nextmedia.com/entertainment/art/20151105/19359916
陳豪 賺錢 畀茵 茵媺 媺追 追夢
PermaLink: https://articles.zkiz.com/?id=293752

陳豪囝囝狂收禮

1 : GS(14)@2016-01-04 14:57:28

【馬鞍山】即將榮升做第三任爸爸的陳豪與胡定欣及田蕊妮一齊倒數,他說:「小朋友7點幾就瞓,我臨出門口時都錫咗佢哋同講happy new year,近日好多朋友都送禮物畀囝囝,唔想令佢哋太過物質,做家長要節制吓。」





來源: http://hk.apple.nextmedia.com/entertainment/art/20160102/19435790
陳豪 豪囝 囝囝 囝狂 收禮
PermaLink: https://articles.zkiz.com/?id=294076

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019