ZKIZ Archives


騷價千五 賣身十年 陳展鵬低薪阿哥

2011-8-25  NM
 
 
 

捱咗十四年,一連兩劇都擔正做主 角的陳展鵬終於「中獎」,在新劇《ATF反恐》中,更將吳卓羲壓到變大茄。不過,一朝得志,陳展鵬馬上嚟料打橫行,對茶水、化妝阿姐,擺晒款再呼呼喝喝。 以超低價續簽無綫十年,一個騷得千五元,每月底薪幾千的陳展鵬,其實得個殼,囂唔起!似劉華為榮

初出道時,陳展鵬曾被形容劉德華、梁朝偉混合體,做「替身」,對星途毫無幫助,直至被無綫戲劇組總監曾勵珍及監製王心慰器重,開始被捧,陳展鵬仍不忘自詡 似劉華。「佢成日同人講話自己似劉華,話好多人都咁講佢,不知幾得戚,不過,佢都話自己條命無華仔咁正,一出道就紅,如果今次有機會可以好似華仔咁就 好!」知情者說。劇集《真相》有口碑,令劇中飾演大狀的陳展鵬意氣風發,在近日拍攝中的新劇《ATF反恐》,得監製王心慰射住,陳展鵬力壓同劇的吳卓羲, 戲份多一大截,令他更加飄飄然。「佢擔好重戲,連喺《反恐》做PA嘅Amigo(崔建邦)都叫佢阿哥,佢咪以為自己好掂囉!其實,佢同阿Ron(吳卓羲) 早已唔妥,喺記者面前先扮friend。不過,對住自己人,佢就連表面功夫都唔做,有次佢喺化妝間行開去攞衫,返嚟發覺之前擺喺位個背囊俾人攞咗去第二 邊,佢即刻發老脾,鬧班化妝阿姐,話人哋做嘢無手尾,唔知定,依家班工作人員,都怕咗佢。」一名場務說。

續約條件差

忽然被公司視為大將,全靠曾勵珍背後發功,下令各監製俾多啲機會陳展鵬,不過,受捧有代價,繼無綫寶貝仔林峯加簽五年合約,陳展鵬近日亦同公司新續十年賣 身契。「咪以為佢好風光,今次簽十年,條件好奀,每個騷錢先得千五蚊,拍一集劇當兩個騷計,得三千蚊。仲有喎,無綫有新制度,就係一個騷三十分鐘,如果出 鏡唔夠一半(即十五分鐘),就無騷錢計。咁計法,隨時買少見少。」知情者說。

打橫行

恃住有高層撐腰,無綫不少小生如馬浚偉、林峯、王喜等,出名態度差,打橫行,經常與同劇演員傳不和。

馬浚偉人緣好麻麻,早前有指他拍劇扮大哥,寸其他演員演技差而得罪人,要經理人幫拖補鑊,但他反向對方發脾氣,最終搞到經理人劈炮。

林峯自恃家有富爸爸,同無綫股東利家又係世交,早年拍《歲月風雲》因遲到辣㷫宣萱;拍攝《少年四大名捕》又被指經常匿在化妝間歎冷氣唔肯埋位;08年,拍 《家好月圓》時,又因遲到、黑面、掛住打機,得罪同劇的夏雨和李司棋。

王喜王喜有擅自改劇本的習慣,早於99年與李修賢合演《雷霆第一關》時,已因改劇本與對方傳不和;08年,與鄭嘉穎拍攝《烈火雄心III》,又因爭戲份, 擅自改劇本,由配角變主角,鄭嘉穎更因此向高層投訴。


騷價 價千 千五 賣身 十年 陳展 鵬低 低薪 阿哥
PermaLink: https://articles.zkiz.com/?id=27171

1996年陳展鵬 vs 巨輪199x 年陳展鵬

1 : GS(14)@2013-10-12 14:33:54

1996年 約7:32
http://www.tudou.com/programs/view/oFMMqBqCj1Q/


2012

1996 陳展 vs 巨輪 199x
PermaLink: https://articles.zkiz.com/?id=283843

爭鍾嘉欣得個嬲字?陳展鵬伍允龍情敵開拖

1 : GS(14)@2015-08-17 08:18:19

■陳展鵬傳出介入伍允龍和鍾嘉欣的戀情後,兩位男主角終於碰頭。


鍾嘉欣和伍允龍的關係一直撲朔迷離,早前有傳兩人的8年情因陳展鵬介入而告吹,但當事人一直未有回應。最近有指無綫為力谷收視,有意將三人擺上枱合作拍劇,結果只有男男合作,女方落選。


■有指無綫會將嘉欣的緋聞谷收視。資料圖片

伍允龍暗示分手

伍允龍和陳展鵬昨日在將軍澳進行訓練,情敵碰頭份外注目,表現大方的伍允龍,被問與陳展鵬見面會否尷尬,他說:「唔會,我哋都係啱啱認識,我覺得合作會愉快。」再問首度拍劇有否向嘉欣請教,他說:「冇呀,我哋都有一段時間冇見。」談到兩人關係是否正式完結?他說:「我哋係朋友!」他亦不怕在電視城與嘉欣相遇。相比之下,陳展鵬一直迴避問題,再三追問下才連說三次「點會尷尬啫?」他再接着說:「而家件事又唔係真,點會尷尬啫?好奇怪。」他亦避談會否與伍允龍交流功夫,只稱同劇有很多武指和師傅,有時間可以自己練習。問到日前在中環與他同車女士的身份,他寸爆地說:「嗰個女仔?你問佢喇,唔好問我,點解我要講嗰個女仔係邊個?」撰文:張曦彤





來源: http://hk.apple.nextmedia.com/entertainment/art/20150815/19256150
爭鍾 鍾嘉 嘉欣 欣得 得個 個嬲 嬲字 陳展 鵬伍 伍允 允龍 情敵 開拖
PermaLink: https://articles.zkiz.com/?id=292022

拍劇拍出真感情傅嘉莉暗撻陳展鵬?

1 : GS(14)@2015-10-15 08:01:48

肥叔叔…肥叔叔點算好…混血女模傅嘉莉(Kelly)上年被《蘋果》影到佢同年約55歲嘅肥叔叔Low Check Kian喺中環行街掃貨,其後上咗的士離開,情不自禁喺車廂又攬又啜,肥叔叔原來係有婦之夫,兼新加坡知名人士!依家呢…傅嘉莉似乎冇再搵肥叔叔嘞!昨日有周刊指,傅嘉莉同陳展鵬撻著,話佢哋拍《張保仔》嗰陣,喺橫店打得火熱,咪住!早前陳展鵬又傳佢同港姐陳凱琳暗交三個月嘅,好亂呀!是咁的…陳展鵬拍《張保仔》初時,曾向陳凱琳展開攻勢,以教對方做戲為由,主動埋身接陳凱琳放工,當時劇組都知佢同陳凱琳撐著,拍到劇集一半時,陳展鵬忽然對陳凱琳唔同晒,盛傳係陳凱琳嫌陳展鵬學歷低,性格唔係好夾,加上陳母唔係好鍾意陳展鵬,佢哋先冇發展落去!據周刊表示,傅嘉莉拍同劇嗰陣,亦成日搵機會同陳展鵬傾偈,撩對方玩,上年同傅嘉莉去橫店一個月時,據知情工作人員向周刊講,因為陳展鵬同傅嘉莉有唔少對手戲,成日一齊,就似乎有啲曖昧,傅嘉莉初時去橫店開工頭幾日,佢都有跟大隊去食晚飯,過幾日,佢就成日離隊,陳展鵬收咗工,亦直返酒店冇出嚟,曾經被人見到傅嘉莉喺一個男士間酒店出嚟,場面好尷尬。二人目前成日拍住一齊宣傳,未知陳展鵬係唔係有意避開陳凱琳,不過,同傅嘉莉一齊時,佢就開口埋口係度打情罵俏,周刊爆陳展鵬有次話好回味傅嘉莉喺劇中後攬住自己嗰幕,又開講恨同傅嘉莉拍床戲,講笑指傅嘉莉拍床戲好有經歷,下次可以摸下對方pat pat。吓!咁露骨,真唔真呀!





來源: http://hk.apple.nextmedia.com/entertainment/art/20151015/19334090
拍劇 劇拍 拍出 出真 感情 嘉莉 暗撻 陳展
PermaLink: https://articles.zkiz.com/?id=293243

陳展鵬打高球做水魚

1 : GS(14)@2016-03-13 02:40:36

陳展鵬、歐瑞強和仁濟主席林煒珊,昨日到上水出席仁濟慈善高球賽。自言屬藝人高球會成員的展鵬稱一直有練習,不過近年工作忙就甚少到球場,他說:「對上一次打已經成半年前,所以今日都係打牙骹戰賭餐飯。」又笑言在眾多對手中屬「水魚」。提到剛新婚的鍾嘉欣,他說:「上月同嘉欣去美國登台時見到佢戴結婚戒指,都知知哋,不過當時我冇問佢。」





來源: http://hk.apple.nextmedia.com/entertainment/art/20160312/19526214
陳展 鵬打 高球 水魚
PermaLink: https://articles.zkiz.com/?id=297750

馮仁昭四圍超:陳展鵬祝福謙謙楊怡

1 : GS(14)@2016-03-31 14:49:00

陳展鵬噚日同區瑞強、劉丹等喺粉嶺出席「保良局慈善哥爾夫球賽」,講到無綫小生花旦流失,楊怡又約滿賺人仔,展鵬話:「唔知,希望佢同羅仲謙開心快樂。其實而家栽培好多新人,阿怡、鍾嘉欣同胡杏兒都搵到好歸宿,男人就以事業為上。」另外區瑞強話最初係同曾志偉、譚詠麟、陳百祥學打波,志偉健康好咗,唔使成日飲醉俾人抬走。撰文:馮仁昭





來源: http://hk.apple.nextmedia.com/entertainment/art/20160331/19551117
馮仁 仁昭 四圍 陳展 祝福 謙謙 楊怡
PermaLink: https://articles.zkiz.com/?id=298883

陳展鵬童年版成名路10歲楊凱博武術冠軍又Key得

1 : GS(14)@2016-08-09 07:10:48

■楊凱博自幼學武,功架十足。


無綫新劇《城寨英雄》早前被指與本地作家余兒於08年推出的作品《九龍城寨》非常相似,新劇設定在九龍城寨發生,講黑幫故事。男主角陳展鵬非常好打,而飾演他童年版的小演員楊凱博打功夫亦有板有眼,原來現實中博博是武林高手,而且是6年前在一個經典保險廣告中戴住眼鏡的矚目小演員。



■博博6年前拍過保險廣告,一副老積樣說:「乜嘢叫保險呀?」

■當年的廣告被萬能key,更曾變成張學友。互聯網圖片


■博博在劇中飾演童年版陳展鵬,10歲人仔已甚具英氣。

創多項佳績

在6年前的廣告中,楊凱博一副老積樣瞪大眼說:「乜嘢叫保險呀?」成經典廣告對白,之後被網民cap圖成為「萬能key」,除加入不少粗口字幕,更被crossover變成張學友和秦沛。不經不覺,博博今年已經10歲,他自幼師承香港著名武術運動員李暉,去年在新秀武術比賽奪得男子小童組三項全能冠軍,今年再於新秀武術比賽取得全能亞軍、刀術冠軍等佳績,絕對是明日之星。



「驚到唔識郁」

身為家中獨子的博博,最近趁放暑假與家人去泰國旅行,博博媽媽Shirley前日以短訊回覆,指博博4、5歲便開始學武術,更視李小龍為偶像。對於囝囝樣子成為萬能key,博媽說:「其實博博睇完覺得好搞笑,有問我做乜自己個樣變咗第二個人,仲話好得意㖭!」至於當年拍廣告為甚麼表情這麼趣怪?博博解釋:「去之前我同媽咪以為影吓相就得,唔知要講對白,其實講嗰陣,我係驚到個口唔識郁!」採訪:王梓嫚





來源: http://hk.apple.nextmedia.com/entertainment/art/20160808/19726803
陳展 童年 成名 10 歲楊 凱博 武術 冠軍 Key
PermaLink: https://articles.zkiz.com/?id=304987

同陳展鵬暗交1個月?35歲胡定欣:最緊要睇緣份

1 : GS(14)@2016-09-30 08:09:01

之前胡定欣同音樂人陳明道分手,有周刊指佢同《城寨英雄》對手陳展鵬暗交一個月,咁啱得咁橋,兩人昨日出席新劇開鏡儀式,講到兩人嘅「地下情」,展鵬話緋聞經驗豐富,就算見到定欣都唔會尷尬。但點解要保持距離呢?展鵬咁講:「我性格奇怪,要思考時就會孤立自己。」至於目前仲係單身嘅定欣,只係話咁啱大家都鍾意Sammi,又咁啱唔使開工先一齊睇騷,對於拍拖,佢開晒綠燈話:「作為女仔都想有人追,順其自然,任何人都有機會,最緊要睇緣份。」




來源: http://hk.apple.nextmedia.com/entertainment/art/20160930/19786082
陳展 鵬暗 暗交 個月 35 歲胡 胡定 定欣 緊要 緣份
PermaLink: https://articles.zkiz.com/?id=310724

【馮仁昭四圍超】陳展鵬傾續約爭視帝

1 : GS(14)@2016-10-12 07:52:30

資料圖片





陳展鵬去年畀《梟雄》嘅黃秋生搶走視帝,有周刊報道話佢見《城寨英雄》口碑好,又傾續約,於是同高層開咗兩個條件,首先係劇價同陳豪、黎耀祥睇齊,由每集3千加至3萬,同預留時間畀佢搵外快,第二係圓佢嘅視帝夢。但有唔少網民力撐《EU超時任務》王浩信攞視帝,仲有播緊嘅《律政強人》廖啟智同方中信,都不能忽視。撰文:馮仁昭




來源: http://hk.apple.nextmedia.com/entertainment/art/20161012/19797875
馮仁 仁昭 四圍 陳展 鵬傾 續約 爭視 視帝
PermaLink: https://articles.zkiz.com/?id=311696

張衞健停工陪病母陳展鵬幫媽媽切埋牛扒

1 : GS(14)@2016-10-24 06:12:21

孝順仔今時今日喺娛樂圈係唔係好罕見呢?其實都唔係,好似《蘋果》日前就影到李治廷陪媽媽行街,除此之外,都有好多男星有陪媽媽行街食飯。陳展鵬今時今日都未有一個正式公開嘅伴侶,啲時間就去晒做嘢,但係都會抽時間去陪媽媽,今年5月,陳展鵬就喺坑口陪媽媽食意大利嘢,期間仲同媽咪講旅行經,又會幫媽媽切牛扒,真係好孝順。吳彥祖的父母移居美國,有次兩老來到香港探囝囝班,吳彥祖都陪兩老睇潮流家具,仲會同爸爸一齊傾意見。在2014年,吳彥祖的母親大腸癌症復發病逝,後來吳彥祖同老婆Lisa S.搬到美國定居,照顧父親。張衞健都係孝順仔一名,不時都會陪媽媽游水行山,仲會影埋相貼下微博。




來源: http://hk.apple.nextmedia.com/entertainment/art/20161024/19810712
停工 陪病 病母 陳展 鵬幫 媽媽 切埋 牛扒
PermaLink: https://articles.zkiz.com/?id=313438

【馮仁昭四圍超】陳展鵬想全裸笨豬跳

1 : GS(14)@2016-10-26 08:03:11

陳展鵬同劉佩玥噚日着到紅噹噹擔任屯門一個旅遊活動嘅嘉賓,鍾意挑戰刺激嘅劉佩玥想一嘗笨豬跳,曾經喺外國玩過嘅展鵬指有機會想試全裸去跳,劉佩玥即刻話想一睹「大鵬展翅」。劉佩玥喺新劇入面有大膽演出,問到事前有冇同緋聞男友伍允龍備案?佢話:「我同父母備案,未知伍允龍睇咗段片未,等我問吓佢。」撰文:馮仁昭




來源: http://hk.apple.nextmedia.com/entertainment/art/20161026/19812054
馮仁 仁昭 四圍 陳展 鵬想 想全 全裸 裸笨 笨豬 豬跳
PermaLink: https://articles.zkiz.com/?id=313546

恃住強勢 爆陳展鵬搲掂做視帝

1 : GS(14)@2016-10-30 17:30:34

2016-10-12 EW
恃住強勢

無綫近年花旦、小生大逃走,而為箍住一班已經有知名度的藝員,無綫絞盡腦汁。消息人士透露,當紮小生陳展鵬捉緊機遇,早前續約時便開出兩大條件:薪酬一集由三千加到三萬,以及登上視帝之位。據悉,無綫高層基本上欣然接受,並落力為他鋪出視帝之路。

最近,陳展鵬眼見《城寨英雄》收視與口碑俱佳,於是食住個勢再向高層扭計,勢要與緋聞女友胡定欣再續前緣。有指,原本新劇《同盟》安排了馬國明擔任男主角,不過「準視帝」開金口奪角,而馬國明在剛播完的《為食神探》又失手,試問如何爭鋒呢?

身價十級跳

在演藝界捱了二十年的陳展鵬,由無綫轉去亞視, 八年前再回巢,終於憑着俊朗的外型、熟練的演技,漸漸攀上小生之位。近年,無綫出現一線花旦、小生逃亡潮,有傳高層為免再流失更多有知名度的藝人,惟有出盡條件去留人,當紮的陳展鵬當然成為頭號目標。據消息人士透露,陳展鵬見機不可失,於是用盡自己的優勢開出兩大條件:首先加人工是必然的,拍劇價要同「視帝級」的陳豪和黎耀祥看齊,由一集三千加到三萬,還要給予出外商演搵真銀的機會;第二就是登上每個無綫男藝人夢寐以求的視帝之位。

其實與無綫續約前,陳展鵬就曾借傳媒向高層放風,他笑說:「雖然大陸拍劇,拍一兩套就可以喺香港買層好basic嘅樓,但我喺香港呢個基地仲未企穩,我又唔係視帝級,而且一直都只係演專業人士,角色未夠多元化,從演員角度嚟講,仲爭一個畀觀眾肯定嘅角色。」而為鋪路給陳展鵬成為今年的視帝,高層在去年的台慶,已率先給他頒發「 最受歡迎電視男角色」,更找來新進的「金牌監製」文偉鴻為他度身訂造角色。陳展鵬果然憑住《城寨英雄》拳佬一角,打出勢不可擋的人氣,成為今屆視帝的超熱之選。

約睇演唱會

同時,更有傳陳展鵬因《城》劇奪得女主角胡定欣的芳心。他不僅高調大讚女方,更表示希望與她傳緋聞:「唔驚,佢咁靚、咁好、咁完美,若傳就真係益咗我。」而為加快媾掂「女神」,他還不時在社交網,自製用情太深的形象,好似早前在網上留言:「當你在茫茫人海裏搵到適合而喜歡的人。但突然知道她已有心愛的人!這種感受你知道嗎?我還可以做甚麼? 」弦外之音,相信只有胡定欣最能明白。

此外,陳展鵬還在各大社交網狂上載二人的合照,又相約睇鄭秀文演唱會及行山等等。最重要是屬資深煙民的陳展鵬,平時在片場煙駁煙,但因為胡定欣是無煙者,所以他惟有死忍;還有指,他向雙方的共同密友透露,準備為女方戒煙、戒陋習云云。

女神冧出面

陳展鵬的連番攻勢,似乎冧到胡定欣暈得一陣陣,也力讚對方說:「展鵬係一個好好條件的男仔,係一個好男仔, 各方面都好好!」另外,她又坦言自己恨拍拖:「想㗎!係女仔都想有人錫,不過真係要睇緣份。」而為了加強緣份,有指陳展鵬挾着《城寨英雄》之強勢,向高層扭計,要讓他在新劇《同盟》與胡定欣再續前緣。據悉,《同盟》原本由馬國明擔任男主角,可是他主演的《為食神探》收視與口碑都未如理想,所以高層就順水推舟,陣前換將。

日前,在新劇《同盟》的開鏡拜神儀式上,陳展鵬與台前幕後打成一片,前輩與他談笑風生,而後輩則對他必恭必敬,就連監製亦都特意和他親近寒暄,視帝風範表露無遺,同場的胡定欣看在眼裏,一定加分不少。

撰文☆馬木義 攝影☆娛樂追蹤組 設計☆李浩然
恃住 強勢 陳展 鵬搲 搲掂 掂做 做視 視帝
PermaLink: https://articles.zkiz.com/?id=314180

胡定欣扯傷陳展鵬

1 : GS(14)@2016-11-06 15:49:11

互聯網圖片



陳展鵬和緋聞女友胡定欣最近拍攝新劇《同盟》,前晚他們在流浮山拍攝動作戲時拳來腳往,豈料胡定欣錯手將陳展鵬的耳環扯了下來,陳展鵬當場血流如注。



胡定欣 資料圖片

劇組將陳展鵬送院治理,縫了六針,可以即刻出院,但之後停工休息兩天。陳展鵬接受傳媒訪問時透露定欣有慰問,至於傷勢,他說:「冇事呀,少少傷啫,咁咪仲更加型仔。」




來源: http://hk.apple.nextmedia.com/entertainment/art/20161106/19824109
胡定 定欣 欣扯 扯傷 陳展
PermaLink: https://articles.zkiz.com/?id=314256

陳展鵬攞視帝示愛 胡定欣拒公開戀情

1 : GS(14)@2017-01-02 16:55:18

2016-12-21 EW
陳展鵬和胡定欣憑劇集《城寨英雄》定情後,還相繼在新加坡和大馬封帝封后,剛在周日(十八日)舉行的《萬千星輝頒獎典禮》再度孖住冧莊。

由幕前拍檔轉為真情侶,兩人在事業和感情路上拍住上,在港首奪「視帝」的陳展鵬,份外風騷,原預告獲獎會當眾跟胡定欣「咀嘴」,更打算趁機公開戀情。惜胡定欣怕戀情見光死,拒絕讓二人關係公告天下。

錫完又錫

陳展鵬和胡定欣自《城》撻着後,再在新劇《同盟》朝夕相對,二人不時同車出入,又一同撐枱腳,關係如膠似漆。剛在上月他們在大馬頒獎禮後,承諾若在港同樣得獎,會公開世紀之吻,周日終於在港冧莊,但卻走數。

當晚先宣佈視后得主,身穿超低胸長裙的胡定欣,噴血指數爆燈,待一眾女藝員送抱後,她主動走向陳展鵬攬了一下才上台。席間她講感謝辭,也不忘提到男方,指自己太性感,令陳展鵬不敢直望。

而首度在港當視帝的陳展鵬,因緊張漏了答謝女方,但在後台訪問時,即補鑊對女方照顧周到。風騷的他,應記者要求下,吻胡定欣臉五秒找數,怕羞的胡定欣只得以手指當嘴,回吻男方面頰。其後在節目《皇者駕到》受訪時,二人被要求兌現咀嘴承諾,陳展鵬笑言會生BB,但最終也只錫多次女方臉。

互見家長

據知陳展鵬本打算借得獎時,製造雙喜臨門話題,向胡定欣發表愛的宣言,以公開二人關係,但遭女方拒絕。由於戀情剛萌芽不久,二人都小心保護,加上胡定欣五個月前才跟音樂人陳明道分手,為免新戀情見光死,dry足多年的陳展鵬只得無奈配合,但始終攞獎掩不住興奮心情,陳展鵬才忍不住蜻蜓點水式兩度錫胡定欣。而當晚二人的父母,也湊巧到場,乘機安排見家長,感情似更進一步。

鏡頭前有所避忌,其後他倆各自跟粉絲吹喇叭慶祝,便分別乘坐七人車到九龍城匯合《城》劇演員打邊爐慶功,至凌晨三時多便散場回家。心情大好的胡定欣指由她埋單,而陳展鵬就錫住女方,「今次佢請,咪下次到我囉,冇乜嘢好爭。」

着情侶裝

周一(十九日)早上,二人隨《同盟》劇組出發到台灣拍外景,竟有默契地穿上黑衫黑褲配藍色外套的「情侶裝」,由頭到腳都襯到絕。雖然僅瞓得幾小時,他倆精神不俗。據知是次外景時間長,聖誕節也要在當地過,同劇的姚子羚講明男友會飛過去探班,而陳展鵬也不讓她專美,期望盡快完成拍攝便可去玩,似乎寓工作於拍拖。

此外,陳展鵬表示拍畢回港再搞慶祝活動,但問及在頒獎禮見家長?他即大搞爛gag說︰「我又冇做錯嘢,做咩見家長?呢啲讀書時期先會發生。(冇互相介紹咩?)邊有時間,大家都忙嘛!」雖然胡定欣下令要低調戀情,但陳展鵬卻有意無意透露情侶關係。

撰文、採訪☆娛樂組

攝影☆梁比利、娛樂突發組

設計☆美術組
陳展 視帝 示愛 胡定 定欣 欣拒 公開 戀情
PermaLink: https://articles.zkiz.com/?id=321104

陳展鵬定欣降呢做同事

1 : GS(14)@2017-01-05 08:01:12

出爐視帝陳展鵬昨日在茘枝角出席「冬日小火車極速大賽」,有指封帝後,其騷價三級跳,展鵬表示不知價要問經理人,亦不會跟人比較,他透露稍後要剃頭拍劇。提到本月14日是他的40歲生日,他謂當日會跟粉絲慶祝。對於有傳與胡定欣拍拖不夠3個月,就已經秘密向對方求婚,展鵬沒好氣地說:「係咪呀!生埋仔㖭啦,得啖笑。」媽媽有否向他問話?展鵬說:「冇,都唔係第一次傳,處之泰然!」他強調與定欣沒拍拖,只是拍檔同事關係。提到兩人同是單身,有否機會發展?他說:「?家工作要緊,同埋分開忙,會少機會見。」採訪:黃曉妍攝影:葉君海




來源: http://hk.apple.nextmedia.com/entertainment/art/20170103/19884460
陳展 鵬定 定欣 欣降 降呢 呢做 同事
PermaLink: https://articles.zkiz.com/?id=321263

雪藏半年冇運行前亞視監製爆陳展鵬「黑材料」

1 : GS(14)@2017-01-12 08:03:25

依家大家都鍾意講舊時,回帶mode吸引過新聞,可能因為香港已經沒有明星。依家紅嗰啲受力捧嗰啲,都四字頭。好似啱啱喺《勁歌金曲》頒獎禮拎咗首半金曲(佢一個人都拎咗一首)嘅陳展鵬,今個月14號都踏入四字頭喇。陳展鵬依家真係好紅呀,又拎視帝又拎金曲,大家都話,陳展鵬拎金曲金同最受歡迎男歌星,指日可待,雖然,佢一個人拎金曲獎嗰陣,係咪嘴…依家嘅陳展鵬,備受力捧,但唔知點解,其五官硬膠程度,同人氣成正比。咁硬,會否對演戲帶來不便呢?要問佢本人喇,不過就咁,在一片考古熱潮中,陳展鵬啲舊事,又再被翻起。前亞視著名監製楊紹鴻去年出咗本書講古,其中一個chapter,係講陳展鵬嘅。94年加入無綫藝員訓練班嘅陳展鵬,其伯樂原來係楊紹鴻。95年陳生入行嗰陣,仲係演戲BB班,98年楊紹鴻搵佢拍大陸劇《少年英雄方世玉》,佢形容當時嘅陳展鵬係「演技很嫩」,而且冇戲味,但楊紹鴻睇中佢亦正亦邪氣質喎。後來楊紹鴻04年入亞視,見番陳展鵬,於是搵佢拍《愛在有情天》,男女主角係當年勁派花生嘅馬景濤同陳秀雯。楊紹鴻仲搵陳生唱埋劇集插曲,又帶佢北上宣傳開拓人仔市場。就係咁,陳展鵬成為楊紹鴻御用班底,逢親開劇都搵佢,陳亦開始站穩小生之列,但後嚟點解又同亞視鬧翻呢?楊紹鴻原來都知0架,係因為李小龍。楊紹鴻話,嗰陣亞視要求陳展鵬拍李小龍宣傳片,咁陳展鵬又有啲少爺脾氣,佢覺得呢(以下都係楊紹鴻講嘅…),開劇已經好攰喇,忽然又要拍李小龍特輯,要著緊身衫,咁自己已經好攰啦,又冇時間操靚個Figure,突然就話要拍……陳展鵬覺得咁樣唔好,斷言拒絕,死都唔接。鬧脾氣嘅結果,當然係雪藏。陳展鵬俾亞視雪足半年,以示懲戒。陳展鵬一怒之下,唔續約,轉投無綫。陳展鵬嘅fans係咪要感謝李小龍?




來源: http://hk.apple.nextmedia.com/entertainment/art/20170111/19892794
雪藏 半年 冇運 行前 亞視 監製 陳展 材料
PermaLink: https://articles.zkiz.com/?id=322185

陳展鵬認曾遭亞視雪藏

1 : GS(14)@2017-01-12 08:03:26

■陳展鵬昨日出席活動,承認當年曾被亞視雪藏半年。



陳展鵬昨日在坑口出席商場開幕禮,對於前亞視監製楊紹鴻去年出書,提及當年在亞視發展的展鵬,因拒絕穿緊身衣拍李小龍特輯,而遭亞視雪藏,他表示真有其事:「雪我嗰半年,我係冇約,因為當時亞視高層有調動,又唔知點計騷。」有指展鵬去年跟無綫續約,曾要求薪酬由一集3,000元加至30,000元,他說:「計番條數,我一年拍兩套,咪好容易上車,但我仲未上車喎,證明我仲要努力。」他否認有加價,展鵬說:「黐線,啲資料係無綫高層先有,除非高層放料啦!」他指這幾年才有人認識自己,笑指已入行21年是「老屎忽」。採訪:黃曉妍攝影:陳順禎




來源: http://hk.apple.nextmedia.com/entertainment/art/20170111/19892653
陳展 鵬認 認曾 曾遭 亞視 雪藏
PermaLink: https://articles.zkiz.com/?id=322186

【馮仁昭四圍超】陳展鵬特殊情況先咪嘴

1 : GS(14)@2017-01-12 08:08:32

螢幕情侶陳展鵬同胡定欣噚日喺上水廣場出席活動,展鵬唱歌前自嘲:「放心,我一定唔會咪嘴。」問佢係咪介意喺《勁歌》咪嘴俾網民笑?佢話平時都係唱現場,嗰次係好特殊情況:「返到屋企,媽咪都有叫我點都要唱live。」展鵬後日40歲生日,佢話唔會約胡定欣,屋企人亦冇催婚:「會同影迷會成員聚會,要報答佢哋。」至於胡定欣就話想多啲情侶檔出席活動。撰文:馮仁昭




來源: http://hk.apple.nextmedia.com/entertainment/art/20170112/19893705
馮仁 仁昭 四圍 陳展 特殊 情況 先咪 咪嘴
PermaLink: https://articles.zkiz.com/?id=322330

陳展鵬許願開Live騷

1 : GS(14)@2017-01-17 01:55:25

陳展鵬前晚在尖沙嘴舉行慶祝40歲生日派對,逾百粉絲到賀撐場,他在台上宣佈希望今年能達成舉行音樂會的心願,他說:「講咗好多年,之前一直冇時間,希望抽時間學唱歌跳舞。」會否要成立國際歌迷會?他說:「冇諗咁遠,最緊要練歌、跑步練氣先。」演唱會不能咪嘴,所以要練體能?他反駁:「BIGBANG呢啲跳得咁勁當然要咪嘴,我呢啲企喺度嘅,當然要唱live啦!」明年會否移師到會展舉行生日會?他謂:「等埋個mini concert先。」演唱會場地會否選紅館?他說:「我演員嚟啫,睇公司安排啦。」展鵬繼續發表生日感言,最開心得到多個獎項:「就連唔應該拎嘅音樂獎,我都拎埋。」採訪:盧妹攝影:沈健程




來源: http://hk.apple.nextmedia.com/entertainment/art/20170116/19898059
陳展 許願 Live
PermaLink: https://articles.zkiz.com/?id=322822

【馮仁昭四圍超】陳展鵬頸傷唔敢郁

1 : GS(14)@2017-01-21 03:36:51

陳展鵬噚日喺機場酒店出席網上時裝品牌活動,早前佢因為拍劇拉傷頸,問?家情況?佢話:「好番啲,但都係唔可以太大動作,要畀啲時間等肌肉慢慢復原。」講到前晚播出嗰集無綫劇《乘勝狙擊》,陳展鵬喺入面唱台山話生日歌,俾網民話疑似爆粗,佢話:「如果爆粗公司唔會畀出街,其實唱生日歌都係搞笑,正如泰文我哋聽落都似粗口,但實情唔係。」撰文:馮仁昭




來源: http://hk.apple.nextmedia.com/entertainment/art/20170120/19902585
馮仁 仁昭 四圍 陳展 鵬頸 頸傷 傷唔 唔敢 敢郁
PermaLink: https://articles.zkiz.com/?id=323435

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019