| ||||||
上週六(三月二日),澳門新濠天地「水舞間」邀請「非凡中國」旗下的跳水隊、花樣泳隊等國寶級運動員,與黎明、容祖兒、周筆暢及劉璇來個crossover大匯演。 天王級的Leon,最初開天殺價,要求二百萬唱三首歌,比同是天后級、只收七十萬歌酬的Joey貴近三倍,當堂嚇窒大會打退堂鼓,後來天王答應劈半價演出優惠,但條件是要大會安排他單獨與「非凡」大老闆李寧、及所有運動員合照。國寶拱照黎天王,可惜李寧落閘一口拒絕。無面俾,壓軸演出的黎明,唱完黑面走人。開天價 澳門新濠天地每年趁「水舞間」演員休假期間,均會舉行大型活動免費招待VIP會員及高官。上週六(二日),大會以二千萬酬勞,邀請「非風中國」的跳水隊、花樣游泳隊及北京搞笑跳水隊近二十多位國寶級人馬,夥拍黎明及容祖兒等一同演出「非凡之旅」音樂會。 有得黐住國寶同台,Joey及劉璇等義不容辭,由記者會到彩排通通做到足,唱三首歌的Joey收七十萬酬勞,周筆暢袋五十萬,在台上又要唱歌又要玩體操的劉璇只收三十萬,抵!但黎明卻索價二百萬唱三首歌,當堂嚇窒大會。 李寧企硬 見大會有意縮沙,黎明一方即自動劈半價,收一百萬!天王大酬賓,但仍是眾星身價最貴,要求亦特別多,只肯提供極有限時間彩排,梳、化、服、經理人、工作人員等過十人隨行,全部食住交通都要最豪。劈價優惠條款當中,包括要求跟「非凡」老闆李寧及所有金牌運動員單獨合照;但李寧唔想破例,企硬唔OK。黎明硬食閉門坃,彩排遲到早走,到正式演出,企定唱完三首歌,鞠躬走人,全體謝幕及歌手上台大合照,一律無影。 運動員三月一日坐船抵達澳門後便不停彩排,表演完第二日又要現身分享會,即使大會提供酒店購物商場八折優惠,一眾國寶三日兩夜行程根本無時間血拼。 巨星有格 入行廿七年,黎明最為人津津樂道,莫過於不時自創無厘頭金句,帶記者遊花園;上至工作下至私生活,黎天王的確自有一套。 當fans無到 上月中歐遊返港,被記者和二十多名fans重重包圍,無論獱住枴杖的婆婆,抑或抱住BB的fans湧上前派利是,天王一手撞開,睇唔到。 迫前妻封嘴 去年11月,同黎明離婚後首度返港出席活動的樂基兒,面對有報導指分走前夫一半身家和其他負面傳聞,公開爆喊,指同前夫已簽下離婚協議,不能透露箇中半點內情。 出騷快閃 08年,收三十萬酬勞為《中國第17屆金雞百花電影節》做壓軸表演嘉賓,以人群太多失控為由,唱一首歌,逗留五分鐘便閃。 唔收人仔 05年10月為「第七屆瀏陽國際花炮節」開幕晚會做壓軸表演嘉賓,被指無理要求大會將六十八萬人民幣酬金,即時兌換成港幣。 保鏢護駕 大會辯稱黎明趕住返香港,但實情是對未能安排與國寶單獨影合照有不滿,發爛渣。黎明大軍急急腳返君悅酒店執行李,知道有記者在樓下守候,於是要酒店保安逐客。「無辦法,上面落鰦order,要趕走晒你懐(指記者),呢度係澳門!你知會點o架啦!」一名酒店保安說。清場後,黎明上車時,身邊多了一位疑似中南海保鏢,連同十多名保安雙手加遮陣阻擋,成功避開鏡頭。 | ||||||
| ||||||
靠自家品牌CLOT吊命的陳冠希,早前曾接受有線電視新節目《賺大錢》專訪,由於Edison全程採取不合作態度,有線遂將專訪抽起唔出。條氣唔順的Edison竟在instagram爆粗反擊,並指負責訪問的鍾健威問題愚蠢,將黑面合理化。 據了解,唔肯面對人氣跌,一聽到人氣兩字便發爛的Edison當日黑住面做完有線訪問後,轉頭在自己公司派對上,對住一眾傳媒追問新歡舊愛,卻笑晒有問必答,非常分裂。糟質主持 本刊記者於有線翻看陳冠希的黑面專訪,節目開始時,主持的鍾健威介紹Edison及其拍檔Kevin(潘世亨),Edison已經好似食錯藥,黑晒口面,對跟他打招呼的鍾健威視如不見,唔係耷低頭就擰歪面,態度極差。 主持和Kevin聞到味,在整個訪問過程中,鍾健威明顯用盡方法氹「黑面son」,Kevin見拍檔十問九唔應,亦積極地幫口補位。 據了解,Edison接受訪問前,先經過CLOT的公關與有線溝通,聲明專訪只講生意經,其餘緋聞、家人及台灣女友Ann,全部不可以提,問題亦先經他本人過目「審批」。有線全面配合,Edison落閘的問題,一個都無問。 為配合Edison的CLOT跟法國品牌crossover搞慶祝派對,主持專登在鏡頭前攞住他們的新產品硬sell,但Edison毫不領情,即使偶然「開金口」,但雙眼只肯望住地下,同主持零眼神交流,連基本禮貌都欠奉。為緩和氣氛,鍾健威不時向Edison送高帽,讚他是潮人代表,點知Edison一樣唔啱聽,仲寸爆:「唔係潮唔嘲人,只係人!」鍾健威又扮「矮仔」,自稱唔係潮人,唔識著CLOT啲衫,向Edison請教,點知一樣被對方糟質。「你自己研究多啲先啦!(鍾:我唔識,所以要跟你學吓嘢!)唔好話嚟跟我哋學嘢,你自己想要咩先……」硬食一棍,令鍾健威相當尷尬。 觸動神經 你有你問,Edison好少理,低頭按腳玩手指?痕,極不尊重。據記者觀察,主持鍾健威提出「點樣吸納年輕客人?」,「兩人合作有爭拗時點處理」等問題,既正路亦毫無難度,但當對方stupid的Edison,全程表現無品;在旁為他執手尾的Kevin,被主持問到Edison是否比較靜?亦乘機踢爆:「佢睇人o架咋!睇心情。」到訪問尾聲,鍾健威提出人氣同生意是否掛鈎的論點,戒備心即起的Edison唔使拍檔,自己嚟!之後主持再問:「人氣有波折時,你點樣維持呢盤生意?」用詞唔算挑釁,但已觸動Edison神經,馬上發爛:「我想問吓你點計人氣,你成日提人氣(提過兩三次)!」被Edison嚇倒的鍾健威怯住回答:「人氣即係睇報導你嘅篇幅有幾大!」Edison:「所以我唔識答你,你哋今日若問我呢啲所謂賣衫同鋪頭嘅嘢,點解要提起?你想做娛樂訪問,可以再約我講!」在旁的Kevin幫手收拾殘局,望住Edison說:「佢哋可能好奇啫!佢哋睇嘅角度同我哋唔同。」受盡氣嘅鍾健威仍保持風度,禮貌跟Kevin傾多幾句先收檔,一完錄影,Edison第一時間起身,除咪就走。 點解要受氣 當日做完有線專訪後,Edison隨即出席公司派對,面對一眾傳媒,變臉四萬咁口。所謂禁忌問題,由台灣女友到舊愛阿嬌張栢芝,均有問必答,與之前在有線做專訪,判若兩人。事後有線索性將Edison的專訪抽起,進行封殺。鍾健威亦不好過,遭Edison爆粗問候,又被他的fans在微博洗版。「訪問原定六點開始,佢(Edison)六點半先到,嚟到已經黑晒面。我唔明點解要咁受氣!反而Kevin好好,不斷幫手,完咗訪問佢仲幫Edison講好話,話佢冇做過關於生意嘅訪問先會咁!(日後會否主動跟Edison打招呼?)會,起碼我尊重自己!」鍾健威說。 |