ZKIZ Archives


中環在線:陳子政半力幫梁伯韜度橋尋寶 李華華

2010-11-03  AD




 

幾年前一場世紀 海嘯,令金融世界變天,唔少重量級銀行大班,都趁嗰一浪豹隱(咁當然仍在笑傲江湖的亦大有人在喇)!而嗰班有番幾十年功力嘅資深賓架,當年唔係出身花旗就 係獲多利(滙豐投行前身)呢兩大門派,成堆人嘅交情冇三十年都有廿載,拍人膊頭叫人出山,應該唔會係9.9分高難度動作!

友情客串CVC顧問

好似曾做過花旗大中華區營運總裁、中銀香港副總裁等要職嘅陳子政,兩年前退休後,就做吓公職同非執行職務,好似港交所非執董同東亞銀行高級顧問咁,但近日就因為「老友」而出山!呢個「老友」就係「紅籌之父」梁伯韜!

由 番薯梁坐鎮嘅私募基金CVC Capital Partners噚日宣佈,委任TC做佢哋嘅高級顧問!響花旗做咗27年嘅TC同華華講,係畀面番薯梁,所以應承友情客串,TC話自己職責,主要係如果 CVC日後有金融項目投資機會,佢就使出佢銀行家嘅經驗畀啲意見,幫吓盡職審查之類,總之公務及私人時間會平衡得好好,唔會畀好多時間番薯梁o架!

退役賓架組團去西藏

至於佢同番薯梁的友情歲月係點樣開始,TC話,同番薯梁識咗十幾廿年,85年初番薯梁離開滙豐加盟萬國寶通(花旗前身),01年重投花旗做亞太區主席兼董事總經理,當時佢自己就係花旗香港區行長,兩條友,就係咁開始咗……

除咗番薯梁,TC都有提到其他老友,佢話9月先搭完青藏鐵路去西藏旅行,成個團都係退役賓架,包括蘇格蘭皇家銀行前亞太區總裁袁鯤濤、中銀香港前副總裁李永鴻、金管局前副總裁蔡耀君,得閒成班人又會集會吹水打波……睇嚟,佢真係唔會畀好多時間番薯梁呢!

李華華

LiWaWa@AppleDaily.com


中環 在線 陳子 子政 政半 半力 力幫 幫梁 梁伯 伯韜 韜度 度橋 橋尋 尋寶 華華
PermaLink: https://articles.zkiz.com/?id=19047

多賓架揸粉嶺球會會籍 柯清輝 陳子政 撐保留高球場

1 : GS(14)@2013-07-23 00:17:12

http://hk.apple.nextmedia.com/financeestate/art/20130722/18344070


                已退休銀行家兼思捷環球(330)主席柯清輝更說,社會對住屋需求毋容置疑,但「如果冚辦爛(所有地皮)都用嚟起樓,香港第時都唔知似乜!」



任志剛王冬勝持有會籍

                粉嶺高球會現有二千多名公司及私人會籍中,除城中富豪權貴,不乏在社會階梯成功上游的打工才俊。據悉,享有私人會籍的金融界,除柯清輝外,有金管局前總裁任志剛、花旗香港前行長陳子政、恒生銀行(011)前一姐梁高美懿;公司會籍則有滙豐亞太行政總裁王冬勝,及渣打銀行(香港)行政總裁洪丕正等。
人稱「柯大俠」的柯清輝,仍經常到粉嶺高球會打波,他亦出任該會於10月初,每年一度大型慈善籌款比賽的籌委會成員。
對於建屋是否應優於保留球場?他接受訪問時說,「老老實實,我絕對唔相信香港唔夠地(起樓)」,關鍵是規劃、程序及需時問題,如何由「生地變熟地」。社會有很多不同聲音,但他相信政府「會識得諗」,「樣樣發展一定要講平衡」,他指的平衡,是香港作為國際都會,不應遜於鄰近金融中心如獅城等,都會設施配套要足夠,才可吸引人才留底。

陳子政:拆球場如拆古蹟

                起樓要緊,但他說「亦需要公園呀、網球場地、高球場、馬會同其他會所……(若果)無國際學校又無康體設施,唔通乜(地)都要嚟起樓?咁香港咪係石屎森林?」假設粉嶺球會真的改為住宅,「到時拆,咁多百年老樹,又會有環保團抗議……搬去大嶼山有其他保育團體又反對……」
從公司到個人會籍,陳子政與粉嶺高球會已結下廿年會籍情緣。他語重心長說,「喺目前政治氣候」,絕對明白公眾對住房短缺下的社會訴求,亦理解外界對支持球場存在論的會員,總會有「你哋自己富貴,又係會員梗係捍衞既有利益」的感覺。
他強調自己不是從階級利益分析,乃以宏觀發展及香港長遠利益看待問題,「一個好嘅社會要各方面平衡……唔好針對性,否則香港未來好大劑,希望各界及政府決策者可以理智解決……若果因過去十年,香港房屋政策失誤,要摧毀一個咁有歷史價值,有國際級數同市場需要嘅設施,會覺得好可惜……」。
若只從單一角度考慮問題,陳子政認為,拆球場與拆卸佔地不菲的古蹟文物,起樓建房,邏輯上並無分別。粉嶺是亞洲數一數二享負盛名的高球會,雖因爭拗,市傳近期會籍跌價,且儘管二手市場有價無市,但他說會籍被炒高至1,500萬至2,000萬,仍是新加坡的1/5,足見供求不對稱,「香港而家唔係話有3、5個(合規國際級球場),只得粉嶺一個!」

黃遠輝:非有你無我

                長策會成員黃遠輝,昔日任職渣打時亦持有公司會籍,退休後則因輪候太久,沒有申請粉嶺個人會籍。他認同整體城市規劃,要平衡住房及國際大都會商務發展需要,若只看參與運動的人數多寡,對比可建公屋單位數量,便將全部用地「傾斜」住房,特別是公屋建設,亦非對香港長遠福祉有利。
他指球場去留,不應跟取代新界東北發展計劃與否,混為一談,兩者並非「有你無我」,亦同時存在保育問題的挑戰。高球會去向,他表示各界需持續溝通,尋求共識,亦應以尊重球場租約至2020年才結束的大前題洽商。
2 : GS(14)@2013-07-23 00:17:25

http://hk.apple.nextmedia.com/financeestate/art/20130722/18344074
【10.6舉行】
佔地170公頃的粉嶺高爾夫球會,已有百年歷史,該會每年都會舉辦一次大型慈善籌款賽,由城中名人金融才俊組隊,打波兼打牙骹戰,募集善款則捐贈予球會附近、粉嶺上水一帶的安老院或社福機構。儘管近期面對一片去留的爭議聲,但仍無損球會慈善賽如期在10月6日舉行的大計。
籌委會成員之一的柯清輝表示,「慈善盃好出名,好耐歷史,搞咗幾十年……幫附近啲老人院、福利機構慈善籌款」。
據了解,去年慈善賽籌得善款達224萬元,受惠團體包括佛教寶靜護理安老院、北區醫院、協康會、上水少年警訊等;曾贊助慈善賽的企業,多為本地大藍籌、金融機構,包括滙豐、渣打、新鴻基地產(016)、新世界(017)、中信泰富(267)、伯爵錶等。
粉嶺高球會地位,所以別樹一幟,與該場地是職業高球賽重點賽事──歐洲巡迴賽的分站場地之一有關。黃遠輝說,由於歐巡賽計分,故很多世界頂級職業球手,都會在粉嶺作賽。
多年來,球場內保留了逾百座原居民留下祖墳,他笑說,「間中打波時會碰上村民拜山,亦遇過有村民祭祖時灑溪錢嘅情況……不過最終傾過後亦可以擺平」,足見一切問題,最重要「都係溝通」。
多賓 賓架 粉嶺 嶺球 會會 清輝 陳子 子政 保留 球場
PermaLink: https://articles.zkiz.com/?id=283553

陳子政嘆金融業黃金歲月已過 「而家做銀行CEO唔係咁好玩」

1 : GS(14)@2016-02-11 10:08:29

■縱使公職多多,但陳子政笑說「幾時都覺得自己係退休人士」。 李潤芳攝



【專訪】踏入2016年股滙齊冧,金融業裁員凍薪消息接踵而至,去年度本港零售銀行整體盈利,亦錄得7年來首次倒退。資深銀行家陳子政08年退下全職賓架火線,積極投身公職慈善及顧問工作,他接受訪問時說,銀行業運作模式已改變,加上當前環球經濟增長放緩,金融業「黃金歲月過去咗,唔似十幾廿年前,人人都諗住呢行係大茶飯……銀行越嚟越難做,做銀行CEO(行政總裁)更加難做」。記者:劉美儀


曾任花旗香港「一哥」的陳子政,從事銀行業近30年,現為東亞銀行(023)高級顧問,身兼港交所(388)獨董,上月剛履新理大校董會主席。




確保合規 否則後果嚴重

他認為,本港銀行業從70年代起飛到90年代光輝歲月,今日「落返落地」,面對理財產品結構,越趨複雜及分類細化,加上科技革新與同業競爭,大銀行的滙報架構已變得縱橫交錯,作為舵手的行政總裁,尤其是一個地區或市場的CEO,「話事權比以前低咗,責就大咗」。今日做銀行CEO,「比10年8年前好唔同辛苦好多」,現時行政總裁最重要職能,是確保管治合規,他指稍一不留神「睇漏咗啲」,引伸出來的風險及後果可能好嚴重:「一有事監管當局就搵你,又罰你錢,報紙又賣哂……而家做CEO唔係咁好玩㗎!」不過「行行出狀元」,銀行業仍是百業之母,金融業平均薪酬待遇「始終比一般好」,對有能力有志趣的年輕人,他仍會鼓勵入行。笑說「幾時都覺得自己係退休人士」的陳子政,對卸下全職賓架生涯、投身公職展開第2階段旅程,當下生活更感滿足:「工作唔再單為生活,搵到自己真係喜歡做嘅嘢,肯定到自我價值,又維繫人際網絡。」這種忙碌,他認為是一份恩典,能將自己職場累積的金融經驗回饋社會,在非商業的慈善及教育公職崗位上,又學到新事物擴闊視野,正能量爆棚,難怪他說:「現在可以講係最開心享受嘅日子!」


■喜歡下㕑的陳子政以烹調比喻人生,「清淡啲更好」。 資料圖片

繼續烹飪 「更多花款㖭」

公職之餘,他亦不忘留點休閒時光,經營自己一籮籮興趣,如打波及烹飪。曾經為記者在家泡製6道私房菜的陳子政謂:「梗係仲有整嘢食,現在更多花款㖭!」做過銀行舵手,患病急流勇退,康復後又重投公職慈善。他勉勵年輕一代,跌低要識得爬起身,人生好似經歷金融風暴一樣,要知所進退,越過內在心魔就海闊天空。他說:「唔好睇得自己太重,輕描淡寫啲。」就像他的烹調哲學,「有時(食物或人生)唔駛太多味道,清淡啲更好!」





來源: http://hk.apple.nextmedia.com/financeestate/art/20160211/19486508
陳子 子政 政嘆 金融業 金融 黃金 歲月 已過 而家 家做 銀行 CEO 唔係 係咁 好玩
PermaLink: https://articles.zkiz.com/?id=295780

Eason夫婦日夜輪住探望陳子聰傳肝病入院 超儀停工照顧

1 : GS(14)@2016-08-09 07:10:47

【06年】【220磅 暴脹期】■陳子聰婚後身形暴脹,早前傳因肝臟問題影響健康,老婆何超儀已停工半年照顧,最近更在醫院陪過夜,夫妻情深互相扶持。資料圖片








賭王女婿陳子聰近月暴瘦和腹部鼓脹,現年43歲的他有傳於半年前肝臟出現問題,最近更秘密入院接受治療,跟他結婚13年的何超儀,已停工半年衣不解帶照顧老公,好友陳奕迅和徐濠縈夫婦連續兩日到醫院探望,前晚蘇永康和劉浩龍都輪住探病,眾人封口拒談陳子聰的病情!


賭王何鴻燊二房千金何超儀於03年下嫁男模陳子聰,做了賭王女婿的陳子聰勇闖樂壇和影壇發展,雖然事業上沒大紅大紫,婚後更體形暴脹由型佬變肥佬,但跟老婆的感情恩愛如昔。然而,近半年傳出陳子聰患病消息,6月更被傳媒影到體形暴瘦,肚脹如鼓,據知,最近陳子聰因肝臟問題多次出入港安醫院,近日又因病情加劇再留醫,前日眾好友輪住到醫院探病,情況令人憂心。



【01年】【160磅 最弗時】■陳子聰由澳洲回流時是model,01年時為了行騷減肥至弗身形。

【11年】【165磅 減肥後】■陳子聰因腳腫和心口痛入院,檢查後發現患上三高,3個月成功減去60磅變回弗佬。

【前年】【200磅 反彈期】■體形反彈的陳子聰,雙下巴和豬腩肉歸位。



父母趕到港

前日傍晚6時許,蘇永康拿着一袋麵包上病房,近8時劉浩龍(師兄)獨自出現,逗留至深夜11時30分,師兄跟陳奕迅(Eason)夫婦及超儀司機齊落樓,戴口罩的阿徐發現記者快步上車,Eason則黑面表現不滿,超儀則未有現身,相信是留在醫院過夜。到昨午Eason夫婦再頻撲到醫院探病,着背心短褲跑步look的阿徐,於昨午1時現身,問是否來探陳子聰?心情沉重的她雙手合十,醫院派保安攔阻記者,至4時許,Eason笑而不答搭升降機上病房。據知,平日愛飲酒的陳子聰,約一年前發現肝臟出問題,近月更不時出入醫院,超儀於半年前停工全心全力照顧老公,陳子聰的父母上月亦由澳洲趕返港探望!其實陳子聰於5年前曾因腳腫和心口痛入院檢查,婚後暴肥至220磅的他,發現三高:尿酸、膽固醇、血壓超標,被勒令減肥。對於陳子聰傳肝出事入院,超儀的公關發言人回覆:「有關超儀嘅私人事唔回應。」而24味隊友Brian則在電話說:「我未去探望,應該OK嘅。」問到陳子聰患甚麼病?他說:「真係唔清楚。」隊友阿肥則封嘴:「唔知喎,等我了解吓。」



【司徒拔道】【昨日】■阿徐前晚才探完陳子聰,昨午又一身跑步look急奔醫院探望。

【司徒拔道】【昨日】■Eason昨午駕車帶外賣抵醫院,對陳子聰病情封嘴拒回應。





■前晚蘇永康到醫院探好友後,由超儀的司機送他落樓離去。

■劉浩龍昨晚出席新城活動時,表示希望朋友身體健康。



師兄唔敢講

此外,師兄昨晚在會展出席新城音樂會,接受訪問時有備而來謂:「我係希望身邊每個朋友都身體健康,其他嘢我唔方便答嘞。」是否要封口?他說:「自己講嘢又唔叻,唔想越講越多,怕講錯嘢。」追問超儀會否好攰?他續說:「對唔住,我真係答唔到你。」採訪:徐錦池、畢紹基、馬建華攝影:朱志聰、羅德光、沈健程



■03年陳子聰和何超儀在澳洲舉行童話婚禮,在雙方家長見證下做賭王何鴻燊(左二)女婿。資料圖片

■24味隊友Brian(右一)和阿肥(右二)齊齊封嘴,避答陳子聰(左二)的病情。資料圖片



【肝病警號】留意眼黃肚脹

有傳陳子聰因肝問題入院,究竟肝病有甚麼病徵?醫學會前會長蔡堅接受電話訪問表示肝病分幾種:「急性肝炎會冇胃口、眼黃、肚脹、小便茶色、作嘔作悶;肝硬化會肚脹、肚積水、腳腫及有肝炎帶菌病歷;肝癌嘅病徵則突然暴瘦、肚脹、眼黃、上腹有硬塊;暴瘦同肚脹都可以係腸癌,唔一定係肝病。」蔡堅又表示肝病成因有好多,如遺傳、病惡感染,肝癌則是乙型肝炎或其他病引起,早期可手術切除,後期要接受化療。





來源: http://hk.apple.nextmedia.com/entertainment/art/20160808/19726994
Eason 夫婦 日夜 輪住 探望 陳子 子聰 聰傳 肝病 入院 超儀 停工 照顧
PermaLink: https://articles.zkiz.com/?id=304982

【馮仁昭四圍超】梁漢文帶零食探陳子聰

1 : GS(14)@2016-08-11 06:08:38

因肝病繼續喺港安醫院接受治療嘅賭王女婿陳子聰,一班老友輪流去探望,但係統統拒絕講佢嘅病情!噚日下晝近3點半,梁漢文就一個人揸車到醫院,攞住背囊嘅佢帶住棉花糖、朱古力同齋雞粒等一大袋零食,只係笑笑口咁講:「辛苦晒!」就上樓。約45分鐘後離開,見佢神情輕鬆,問到點解買咁多零食?佢話:「因為有好多朋友嚟探佢。」再問到子聰點?佢就冇答,然後就上車走人。撰文:馮仁昭





來源: http://hk.apple.nextmedia.com/entertainment/art/20160811/19731157
馮仁 仁昭 四圍 漢文 零食 探陳 陳子 子聰
PermaLink: https://articles.zkiz.com/?id=305417

老公陳子聰腸胃病好轉超儀展笑容 「安心晒」

1 : GS(14)@2016-08-19 06:55:48

■何超儀昨午探病後露出安心笑容,透露陳子聰幾好胃口。



何超儀老公陳子聰早前腹脹兼暴瘦,傳出因肝問題秘密入港安醫院,惟最近已轉到瑪麗醫院留醫。據本報收到最新消息,其實陳子聰是腸問題入院,日前已做腸胃手術,且精神狀況不錯,現在可吃流質食物,超儀終於放下心頭大石,昨日到醫院探老公時露出笑容,並在微博透露老公因腸胃不適需住院治理。



■超儀昨午帶自己煮的食物探病,表示老公病情好轉正在療養。

■有傳子聰因腸問題入院,上周接受手術。資料圖片


為老公下廚

昨午約12時,超儀在外籍保鑣陪同下現身瑪麗醫院,化行妝的她明顯有心理準備面對傳媒,滿面笑容說:「冇事㗎,唔使擔心,冇乜嘢,好番,已經治療好咗,而家休養緊,畀啲空間佢休息吓。」問到子聰幾時出院?她說:「未講,畀啲時間佢療養吓,我而家攞嚟畀佢食。」超儀坦言已停工照顧老公:「而家安心晒,所以大家都放心。」問到子聰有否做手術?她沒正面回應:「冇事啦,休養緊。」約個多小時後,超儀笑着離去,她說:「佢(陳子聰)幾好胃口,精神好多,好番好多,返去要研究吓煮乜嘢食,佢好開胃,又有笑,佢而家最想食嘢。」



■超儀昨日傍晚抵達深切治療部,等探病時間入內陪子聰。

■徐濠縈昨日出席活動,坦言一直有叮囑老公陳奕迅注意身體。


提早去探病

大約下午5時45分,超儀跟外籍保鑣在深切治療部門外等候,因探病時間為6時,超儀戴口罩篤手機等夠鐘,保鑣見到傳媒即攔阻,超儀提早5分鐘進入病房,保鑣則在門外把守。此外,好友徐濠縈昨在銅鑼灣出席活動,她說:「做朋友嘅有時間都會探,精神上支持吓,佢身體OK,放心啦,其實超儀都要照顧吓囉,我哋全部一齊瘦呀。」有傳阿徐老公陳奕迅介紹肝臟移植專家盧寵茂給子聰,阿徐說:「等超儀答啦,我哋作為側邊人唔答咁多,而家情況好番好多,希望佢快啲好番,等佢出嚟。」採訪:馬建華、羅慧敏攝影:陳志嵐




來源: http://hk.apple.nextmedia.com/entertainment/art/20160819/19741632
老公 陳子 子聰 腸胃病 腸胃 好轉 超儀 儀展 笑容 安心
PermaLink: https://articles.zkiz.com/?id=306513

【馮仁昭四圍超】蘇永康指陳子聰快出院

1 : GS(14)@2016-09-02 05:49:48

蘇永康同C AllStar噚日到商台宣傳新歌《聲音騷(永康)了》,C AllStar成員阿King剛完成首部單飛電影,其他成員都話想出去睇下世界,單飛發展之餘又做組合,蘇永康都好鼓勵佢哋各自發展。C AllStar話下年想喺紅館開演唱會。另外,蘇永康又講到早前入醫院嘅好友陳子聰近況:「佢精神好好,差唔多出院,胃口好好,佢係食肉獸,醫生都叫佢食多啲肉,我哋仲日日WhatsApp。」撰文:馮仁昭




來源: http://hk.apple.nextmedia.com/entertainment/art/20160902/19757145
馮仁 仁昭 四圍 蘇永康 指陳 陳子 子聰 聰快 出院
PermaLink: https://articles.zkiz.com/?id=307218

陳子聰激瘦看護照顧

1 : GS(14)@2016-09-07 21:46:14

■徐濠縈(右)昨日將合照放上網後秒刪,相中可見陳子聰激瘦,頭髮亦稀疏。互聯網圖片



陳子聰早前因為腸胃出現問題而入院接受治療,住院期間除了眾多好友探望及慰問外,最重要是得到太太何超儀每日不辭勞苦到醫院,無微不至的照顧。陳子聰終於病情好轉,上星期六已秘密出院,但畢竟大病一場,所以他整個人也消瘦不少,頭髮亦見稀疏。



■陳子聰獲老婆何超儀悉心照顧。資料圖片

本報昨日聯絡超儀,問到子聰出院後的狀況,她透過發言人回覆:「唔回應啦!多謝關心。」據知陳子聰完成了切除腸臟某部份組識的手術,術後進展相當樂觀,因狀況理想關係,超儀亦可安心復工。而超儀為令老公盡快康復,每月豪花200萬,除了租住頂層單位,又請私家看護24小時全天候照顧。採訪:陳以晴




來源: http://hk.apple.nextmedia.com/entertainment/art/20160907/19762429
陳子 子聰 聰激 激瘦 看護 照顧
PermaLink: https://articles.zkiz.com/?id=307992

超瓊禁陳子聰增磅

1 : GS(14)@2016-09-09 05:36:52

何超瓊、鄧鉅明夫婦、徐子珊、大提琴家馬友友等昨晚到金鐘出席港樂籌款晚宴,超瓊被問到妹妹超儀的老公陳子聰是否已出院?她說:「係呀,佢出咗院,大家見到啲相,佢好開心,情況穩定,大家放心。」問有否探望子聰?超瓊說:「我哋有電話聯絡,叫佢多啲休息,子聰話好感激家人朋友支持,我相信今次對佢係好重要經歷,我同佢講經過今次要更珍惜身邊愛錫你嘅人。」超瓊表示有叮囑子聰小心身體:「唔好再又肥又瘦,一好番就突然八嚿腹肌。」問到超儀是否已復工?她說:「佢一直好努力工作,之前好多計劃,相信而家輕鬆啲,可以繼續做,呢件事睇到佢成熟咗,作為家人都好安慰,因為今次件事處理得非常之好。」採訪、攝影:馬建華




來源: http://hk.apple.nextmedia.com/entertainment/art/20160909/19764790
超瓊 瓊禁 禁陳 陳子 子聰 聰增 增磅
PermaLink: https://articles.zkiz.com/?id=308359

【導火線】陳子聰病後近照外洩

1 : GS(14)@2016-09-11 05:50:26

■鄭紹康是徐濠縈經理人,被蘇永康懷疑是洩相者,其後阿徐已證他清白。



蘇永康和鄭紹康隔空罵戰,導火線是何超儀老公陳子聰病後近照流出,事緣子聰今年6月被傳媒影到體形暴瘦,肚脹如鼓,傳出肝臟有問題,及至8月他轉到瑪麗醫院接受治療,事後有指他切除腸組織,進展良好。有報道指陳子聰本月3日低調出院返家靜養,徐濠縈上周二將他病後新相貼上私人Ig賬戶後秒刪,但絕密私相仍然流出,相中可見陳子聰激瘦兼頭髮稀疏。蘇永康前日出席活動,爆seed開名指鄭紹康是流出照片真兇,鄭紹康立即澄清,徐濠縈也開腔為鄭紹康解圍指他沒有其私人Ig。蘇永康同時翻舊賬,趁機大爆兩年多前遭鄭紹康以3,000元壓價出騷,兩男之間早有恩怨。




來源: http://hk.apple.nextmedia.com/entertainment/art/20160911/19767061
導火線 陳子 子聰 聰病 病後 近照 外洩
PermaLink: https://articles.zkiz.com/?id=308609

大病初癒 日本城掃家品陳子聰一拐一拐超儀心急衝馬路

1 : GS(14)@2017-01-07 07:08:07

【細心揀櫃】■陳子聰大前晚出關在灣仔家品店看儲物膠櫃,精神明顯好了很多。




【灣仔】現年44歲的賭王女婿陳子聰去年傳肝、腸有問題,接受手術後成功跨過生命關口,老婆何超儀連月細心為他調理身子。日漸康復的陳子聰大前晚出關,行路時雖仍一拐一拐,但精神飽滿兼有小肚腩,他孖老婆拍拖到灣仔日本城掃平價家品,夠晒貼地,超儀更因心急上車陪老公衝馬路,幸保鑣攔着她才避過意外。



模特兒出身的陳子聰來自中產家庭,入行後拍戲及以24味組合出碟活躍娛樂圈,雖然在事業上未有大展鴻圖,但愛情上就搵到終身伴侶,於2003年在澳洲跟賭王何鴻燊的二房千金何超儀註冊結婚,婚後至今十三年恩愛如昔,惟去年中傳子聰的肝、腸有事致身形暴瘦,其後在瑪麗醫院接受手術,留醫深切治療部一個多月後康復出院,其間超儀停工貼身照顧,子聰經多月休養後身體轉好,大前晚兩夫婦更拍拖出巡。



【拍拖出巡】■賭王千金何超儀與老公陳子聰(中)行平民家品店,全程由外籍保鑣護駕。

【險生意外】■超儀心急過馬路會合老公,幸被眼明手快的保鑣攔着,避過迎面駛來的車。DV圖片


精神好現肚腩

大前晚約8時許,子聰和超儀由司機駕七人車到灣仔,外籍保鑣陪同兩人落車行去日本城睇家品,戴冷帽和着外套保暖的子聰,精神明顯比之前好了很多,但腹部卻離奇微隆似有肚腩,超儀就戴有框眼鏡着棉褸,兩人老夫老妻邊行邊傾,大病初癒的子聰行得比較慢,仍然是一拐一拐的,有指子聰受尿酸問題困擾,令行動有所不便,需要時間調理。雖貴為賭王千金夫婦,但超儀和子聰卻不是行高級名店,反而光顧平民家品店,認真貼地。他們入到日本城各自挑選心水家品,子聰專攻儲物的膠櫃桶,對放在購物架頂的透明膠櫃特別感興趣,還伸長手揭開櫃蓋查看,而超儀就看衣架及餐具等物品,大約行了半小時,兩夫婦揀選了合用家品,到收銀處跟其他客人排隊等付錢。超儀為免剛康復的老公太操勞,體貼地叫司機先陪子聰上車,她就負責排隊埋單,而子聰由司機陪同行去停車位時,不知是否太攰步履較慢,走在前面的司機都頻回頭看他。超儀在埋單後由保鑣陪同離開,保鑣幫忙拿着購物袋,不知超儀是否心急上車見老公,沒看清楚路面情況就想橫過對面馬路,幸身旁的保鑣眼明手快立即出手攔着她,超儀才急忙停下腳步,沒有被剛駛至的士撞倒。



■徐濠縈(右)在社交網洩陳子聰出院的病容相。資料圖片

昏迷六日蘇醒

超儀和子聰結婚十三年患難見真情,有傳子聰出院後超儀為了讓老公細心養病,更花二百萬元請私家看護及月租服務式住宅。之前傳子聰當日病情嚴重時,曾因肝劇痛在家中暈倒,留醫港安醫院深切治療部,昏迷了六日才蘇醒,先後接受兩次大手術的他,有指醒後出現部份失憶。不過,近月子聰幾次出關跟老婆行街,又與24味的隊友聚會,可見康復情況十分理想,超儀可以放下心頭大石了。採訪、攝影:徐錦池、孔志豪




來源: http://hk.apple.nextmedia.com/entertainment/art/20170107/19888928
大病 初癒 日本 城掃 掃家 家品 品陳 陳子 子聰 聰一 一拐 拐一 拐超 超儀 心急 馬路
PermaLink: https://articles.zkiz.com/?id=321753

去年暴瘦腹脹陳子聰術後傳曾昏迷

1 : GS(14)@2017-03-22 00:47:15

陳子聰自從同何超儀結婚後,身形暴脹,過往嘅模特兒已不復見。佢喺舊年被發現暴瘦同腹部鼓脹,更傳出於去年初肝臟出現問題,至8月左右秘密入院接受治療,更由港安醫院轉到瑪麗醫院留醫,佢班好友陳奕迅、徐濠縈、蘇永康同劉浩龍等輪住探病,情況令人擔心。不過,同月有消息指陳子聰因腸胃問題入院,並已做手術治理,切除腸臟某部份組識,雖然佢一度要入住成人深切治療部,但可進食流質食物,有傳佢曾經昏迷6天,而且康復期間仍有後遺症,包括一度失憶同尿酸影響步行,其後康復進度理想。曾為照顧老公而全面停工嘅超儀,因老公康復進度理想,及後逐步復工,更為咗老公每月豪花200萬,租住頂層單位,又請私家看護24小時全天候照顧。到舊年10月,陳子聰被周刊影到同超儀去銅鑼灣買碟,當時佢睇嚟好精神,臉頰都生番啲肉,仲留咗鬚。到年尾,勤做運動嘅陳子聰出席朋友聚會,頭髮生番多啲,招牌鬚亦重現。去到今年1月,陳子聰被《蘋果》影到再孖老婆出關,去家品店掃貨。




來源: http://hk.apple.nextmedia.com/entertainment/art/20170321/19965302
去年 暴瘦 腹脹 陳子 子聰 術後 傳曾 昏迷
PermaLink: https://articles.zkiz.com/?id=328219

【馮仁昭四圍超】陳子聰MV穿金戴銀

1 : GS(14)@2017-06-22 08:03:25

陳子聰去年因腸胃問題入院,擔心死老婆何超儀,不過休息咗咁耐,子聰已經回復正常生活,早前仲同超儀出席康城影展。而子聰同一班老友組成嘅組合廿四味,噚日就喺YouTube發佈新歌《Go Hard》MV,有份參與嘅子聰明顯增磅不少,穿金戴銀嘅佢戴晒黑超左搖右搖,狀況好好,成員Brian話:「我哋全部人都好開心,好正!」撰文:馮仁昭




來源: http://hk.apple.nextmedia.com/entertainment/art/20170620/20061543
馮仁 仁昭 四圍 陳子 子聰 MV 穿金 金戴 戴銀
PermaLink: https://articles.zkiz.com/?id=336358

陳子聰飽滿重組Alive

1 : GS(14)@2017-08-02 05:59:38

陳子聰病癒後積極增肥,前晚吳彥祖在Ig貼了陳子聰跟Alive另外兩位成員尹子維和連凱的相片,吳彥祖都很想有機會跟他們見面,但就沒時間,吳彥祖又指三位老友前日相約見面,即刻令他想起以前打band的歡樂時光,他在Ig又跟劇迷互動,並留言指他除了拍劇,以前曾經是一隊組合其中一個成員,叫「alivenotdead」。吳彥祖因為主演美劇《荒原》(Into the Badlands)在美國大受歡迎,之前已經宣佈開拍第三季,共拍16集,預計明年推出,他表示連返香港的時間都未有期,一直都很掛念一班老友。撰文:非非




來源: http://hk.apple.nextmedia.com/entertainment/art/20170802/20108618
陳子 子聰 飽滿 重組 Alive
PermaLink: https://articles.zkiz.com/?id=339255

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019