ZKIZ Archives


《春嬌救志明》登《蘋果》fb Live阿樂寸霆鋒整雞蛋仔 千嬅爆曾戀人渣

1 : GS(14)@2017-04-13 00:23:58

■(左起)導演彭浩翔昨率楊千嬅和余文樂現身《蘋果》fb live,出席「春嬌救志明」答問大會。攝影:陳俊強



現年43歲的楊千嬅憑電影《春嬌與志明》首奪金像影后,四年後千嬅「余春嬌」和余文樂「張志明」三度合作,拍攝彭浩翔執導《春嬌救志明》,昨日三人亮相《蘋果》facebook live接受網民挑機,千嬅坦言現實中遇過人渣,樂仔就笑言想去屯門巴倫紐謝票食雞蛋仔,網民問整唔整雞蛋仔?他暗寸:「我唔係謝霆鋒喎。」採訪:鍾國仁、何永寧



楊千嬅22年前參加新秀歌唱大賽入行,成為天后的她轉戰影壇,2013年憑《春嬌與志明》榮膺香港電影金像獎影后,本月27日,電影的第三部曲將上畫,昨日導演彭浩翔率男女主角到尖沙嘴,現身《蘋果》fb live「春嬌救志明」答問大會,網友的提問少少鹹多多趣,三人妙語連珠笑破肚皮。楊:楊千嬅余:余文樂彭:彭浩翔記:記者彭:張志明幾時先肯戒煙?余:戒咗好耐啦,第二集已經戒咗!彭:成世人流流長總會愛上幾個人渣,你哋有冇試過?楊、余:梗係有試過啦,點會冇啫。彭(抵死地):樂仔有冇做過人渣?呢樣問佢唔知,要問其他人。余:最難忘春嬌志明邊句金句?彭:我噚日教張孝全講嗰句,粉紅色乳頭,可遇不可求。楊:佢明唔明呀?



■一講雞蛋仔,就即想起霆鋒,樂仔也不例外。資料圖片

■《春嬌》系列被指參照彭浩翔與老婆拍成。資料圖片


樂仔被問JJ

楊:點解余文樂……(掩臉大笑)彭(接着代網民問):條JJ咁長?係咪牛仔褲牌子嚟呢?JJ?楊(大笑):唔知喎,點解會咁嘅?彭:同埋佢點解會知呢,最重要佢係一個男士,阿John。余(一臉尷尬):係喎,唔好嚇我喎!彭:平時都叫你匿喺更衣室換衫啦!余:都話跌咗番梘唔好執啦!彭:哈哈,點解知道佢「丁丁」長,我真係唔知喎,都係你講咋。阿樂即落閘:不如唔好睇呢啲(網友提問),你揀啲嘢傾。楊:問你食老本食到幾時?彭:吓,我哋集集有變化喎。余:如果呢個老本食到一世我都願。彭:最重要有人埋單。記:拍唔拍第四集?余:把聲咁似我睇劉鑾雄訪問,唔通劉鑾雄嚟咗。(三人大笑)彭:去唔去屯門謝票?余:巴倫紐我都想去,前面有雞蛋仔食。楊:有人問你整唔整雞蛋仔?余(暗寸):我唔係謝霆鋒。



■千嬅表示跟樂仔及拍攝班底都很熟,拍床上戲一點都不尷尬。

■提問中有人話千嬅在片中穿制服幾靚。互聯網圖片


床上MMA

記:第三集有床上戲,狀況係點?楊:好激烈囉,MMA咁囉。記:有幾暴露?楊:佢冇嘢露,成件衫由頭着住。余:最尾大爆發㗎,你玩制服又唔認,手銬嚇死人。記:角色愛情觀同你本身相同?余:一定唔同,《春嬌》拍彭浩翔同佢太太,真嘅余春嬌好似喺戲入面照顧弱智兒童。彭:千嬅拍床戲尷唔尷尬?楊:唔尷尬,識嘛,全部都咁熟,屋企人嚟嘛。余:冇理由同屋企人做床上戲,好怪!場地提供:洲際酒店


■《春嬌》今集新加入秦沛角色,加強家庭描寫。

■《春嬌救志明》用了Raidas的《傳說》,片中Isabel和Brenda跟着歌曲狂跳。資料圖片

Isabel(左)和Brenda



來源: http://hk.apple.nextmedia.com/entertainment/art/20170412/19987384
春嬌 救誌 誌明 蘋果 fb Live 阿樂 寸霆 霆鋒 鋒整 雞蛋 千嬅 嬅爆 爆曾 戀人
PermaLink: https://articles.zkiz.com/?id=330264

《春嬌》贏自己阿樂叫千嬅請客

1 : GS(14)@2017-05-18 01:10:58

彭浩翔執導的《春嬌救志明》於上周三破了周星馳監製的賀歲片《西遊伏妖篇》所保持的2,439萬元票房紀錄,暫時領先成為今年華語片票房冠軍。而昨日票房已累積至2,800萬元,衝破春嬌系列的第二集《春嬌與志明》的2,797萬元票房紀碌,昨日導演和主角余文樂、楊千嬅都感到開心,希望票房可衝破3千萬大關。跑了接近100場謝票的千嬅,對票房有佳績感到安慰,她說:「破咗四年前第二集嘅票房,好開心,好興奮!」阿樂揚言:「過咗3千萬再慶功!」千嬅叫阿樂請,他立即張志明上身大耍太極:「呢啲嘢梗係有大食大,睇你頭啦!」撰文:鍾國仁




來源: http://hk.apple.nextmedia.com/entertainment/art/20170517/20023431
春嬌 自己 阿樂 叫千 千嬅 請客
PermaLink: https://articles.zkiz.com/?id=333163

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019