ZKIZ Archives


中環在線:米蘭站上市主席閃爆 李華華

2011-5-24  AD

 

「新股超購王」米蘭站(1150)噚日掛牌,身家喺7個鐘暴漲逾5億嘅集團主席姚君達,心情勁靚。佢噚日着咗件閃爆黑色珠片型仔恤衫出席上市儀式,件衫閃到華華都忍唔住問佢做乜咁激,佢就話貪件衫夠姣,襯晒佢咁話。

成功將「囝囝」米蘭站上市,「爸爸」姚君達心情靚爆,作為「爺爺」嘅姚爸爸同華華講,噚日應該係佢人生最開心嘅日子,佢仲不停讚姚君達由細到大都咁孝順,一向都由佢自由發展。至於攞住LV手袋嘅姚媽媽,亦都不停咁話好開心。

講開又講,姚君達噚日喺ICC嘅W酒店book咗個場慶功,佢着到咁閃,唔知會唔會上台高歌一曲呢又?

 


中環 在線 米蘭 上市 主席 閃爆 華華
PermaLink: https://articles.zkiz.com/?id=25301

車位狂炒一個月閃爆

2012-12-20  NM
 
 

 

政府十月尾推出辣招,樓市瞬間冰封,發展商趁磚頭有價,即變陣拆售視作「豬頭骨」的車位,無啖好食的經紀在高佣吸引下瞓身拉客。過去個多月車位市場史無前例地出現掃貨潮,發展商傾銷逾三千個車位,速套現二十億,認真笑呵呵。不過,接貨者境況就相當「悲壯」;曾持有三千車位、現坐擁四百個豪宅及商廈車位的「車位大王」湯文亮,勸盲目搶貨者:「可以撻訂就撻訂啦,除笨有精呀!」原來,車位熱潮僅限於一手貨,接了發展商火棒的小投資者,根本在二手市場摸貨無從。而車位租金亦因盤源突增,高速掉頭回落,劈足五成!車位炒了個多月已連隨「閃爆」。

家住港島區的林小姐,是今次車位拆售潮的典型投資者,「我未買過車位o架,一直諗住買細價樓投資,但樓價愈升愈高;而家見幾十萬可以買到磚頭,就即管試吓囉,投資唔顧慮得咁多o架,始終係磚頭實會升值嘅。」她口中的「磚頭」,正是華懋位於深井的豪景花園車位。上月初車位瘋潮時,她以六十二萬元,買入該屋苑四樓兩個車位。但林小姐買車位時,原來連豪景花園都未去過!上週一,連車牌也沒有的林小姐,才獨自由港島搭港鐵,再轉小巴,用了一個多小時來到豪景花園,望一望自己買的「磚頭」,「哎!原來呢個出入口係樓梯嚟咋,買嘅時候經紀同我講係o架喎,仲諗住發達添!」她還發現其中一個車位的上蓋有水管,「我見網上啲人話有水管唔好呀,而且又話呢度有好多人放租。」不過她補充:「我買咗第二日,經紀話發展商已將全層加價,遲一日已加價到三十四萬啦!」

是但排一條隊

仍然充滿信心的林小姐,憶述當日買車位時的情況:「當日華懋喺荃灣如心廣場拆售四個屋苑嘅車位(大圍金獅花園、沙田富豪花園、沙田碧濤花園、深井豪景花園),我原本打算買金獅花園嘅,但去到話賣晒,咁我就是但揀一條隊排,見豪景條龍長過碧濤,就排豪景。諗落梗係啦,碧濤一個車位要五十萬呀,同豪景比差不多一個等如兩個。」林小姐當日由下午三點排到十一點才買到車位,臨走時她才突然醒起:「大拿拿幾十萬嘅嘢,點解連張圖都無o架?」她這才捉着一個經紀要圖則,「後來睇番原來經紀俾嘅係一樓嘅,我買四樓o架嘛!」揭開豪景車位的「真面目」,這個單位總數二千八百個的舊屋苑,有四個停車場,單位與車位的數目達一比一!而且發展商華懋,還貫徹長賣長有的策略,屋苑還有約三成單位未賣出,人流稀少,記者所見停車場四樓全層竟只泊了一部電單車!林小姐對此有點如夢初醒說:「好似話租金暴跌,搶到落去一千蚊左右……」但很快她又自我安慰:「都係好少錢啫,我唔怕租唔出呀,咪由得佢丟空囉!總之半年賺十萬我就走,到時就買番啲細價樓!」記者將此個案向「車位大王」湯文亮查詢意見,湯聽後搖頭嘆息,並醒她一句:「賺十萬?蝕十萬走都算好彩啦!好明顯是被市場氣氛衝昏頭腦的例子。」

車位「閃爆」 大龍鳳

Full paid僅得三釐息

另一個同樣滿腦子發達夢、並買入豪景花園車位的,是長駐國內的江小姐,她說:「啲錢放喺銀行都無息,買車位收租好過;我知車位按揭唔係好多銀行做,利息又較住宅高,所以咪full paid(一筆過)囉。」自稱對新界區「幾熟悉」的江小姐,以一百五十四萬,買下豪景花園四個位於四樓的相連車位。對於現時該處車位租金由二千多跌至一千元,自言並非首次投資車位的她滿不在乎,「發展商拆售後,大家心急出租鬥平嘛,就好似啲新盤入伙咁,第一浸一定有人願意平租,我就唔會喇,我都已經俾晒錢,唔需要每月供,可以話無成本,我放緊月租二千至二千二,希望千八蚊租得出啦。」按其如意算盤,四個車位各以一千八百元出租,扣除每月管理費及差餉地租後,回報率有五釐。但現實是,在豪景花園的車位需求有限下,位處四樓的車位更加乏人問津。區內的經紀指若然有人肯以一千元承租已算「好好彩」,而一千元這個「現實價」,未扣除其他使費,回報僅得三釐一。對此湯文亮說:「平常無經紀願意做車位收租的,他們視之為豬頭骨,賺得你幾多?而且搞咁多嘢,只得兩、三釐回報,何不買債券?銀行好多有五、六釐回報的債券都好穩定呀!佢(江小姐)死梗呀!」

希冀內地人接貨

相較林小姐及江小姐,一頭天然米金色頭髮的外國人周太,算是最早夢醒。周太嫁作港婦已幾十年,投資經驗亦逾十年,向來有買車位長線收租,「這次是我朋友的經紀,介紹我買金獅花園一手車位的,當時the market is too hot,我就落訂買了三個,總值一百二十萬。」她簽好文件後,即日到金獅花園二期現場觀察,這時她才知,發展商放出來的「一手貨」,並不代表一定是新建的停車場。她眼前的,是區內著名的發霉場,場內柱位特多,大部分車位既窄又短,連普通私家車停放,亦會凸了部分車頭在車位外。而且上落車通道分開,上車通道壆高,就算熟手司機亦難以「一手軚」轉上,可謂「發霉位」奇多。「我一睇就知出事,所以做投資決定前一定要先查清楚,I'm wrong this time!」她雖知自己投資失誤,但仍心存僥倖,「未到最後都唔一定會輸,或者樓市繼續升呢!內地人有好多錢,他們現時除了買車位外可以話別無選擇,或者他們會接我貨呢!」周太說時語氣充滿期盼,並前後三次重複要求記者「You don't kill the market!」(你不要破壞市場)。對此湯文亮戳破其美夢:「內地人肯定唔會買,完全無機會!唔好以為佢哋(內地人)蠢,佢哋買嘢唔使睇係因為一早做好晒功課!」

貼街招出租

一直以來,車位市場都是冷門投資,雖說車位近年受樓價狂颷帶挈而見升值,但車位始終不如住宅,需求有限。只是十月尾政府開徵買家印花稅及加重特別印花稅打壓樓市,才造就了這次車位狂熱。長實是一眾發展商中最快有反應,政府出招同日,長實的大圍名城即晚出信通知租用車位的住戶,要收起車位準備出售,消息曝光後,投資者蠢蠢欲動,而三日後,調景嶺維景灣畔的二手車位,更錄得以一百零八萬元成交,全城迅即發狂。自此華懋等其他發展商,順勢推銷車位套現,估計共售出三千個車位。以往車位盡在發展商手中,租金可以操控,如豪景花園月租曾達二千元樓上;現時車位落在不同投資者手上,在自由市場下,租金已「調整」至一千元左右,傳聞該車場更有業主以五百元放租。湯文亮補充:「唔好以為車位銀碼小,收租好簡單,以前我哋有咁多物業同車位,啲經紀都唔願意做車位,我哋幾乎要自己貼街招呀,車位錢好難賺,好陰功o架!」不但經紀不願做,連銀行亦不大願意承造車位按揭,現時息口見三釐,年期最長十五年,按揭成數最多五成。要投資車位,湯文亮指最基本留意車位與單位的比例,「好似太古城萬幾伙得二千幾個車位,一比五就是黃金比例啦!現時我哋持有的全部車位,都係同樓上嘅豪宅、商廈一齊揸,保證有需求。」對於突然掀起的車位狂潮,他語重心長說:「除非係自用啦,買嚟投資嘅,未完成交易就好撻訂啦,撻咗都係蝕幾萬蚊啫,除笨有精呀!」

揀車位攻略

若真想買車位投資,買入前一定要做足功課:‧留意停車場的設計,有太多柱、上落通道單線行車的,由於難以「一手軚」泊車及上落,普遍都不大受駕車人士歡迎。

‧近年落成的車位都有指定長及闊的面積,但舊式停車位則長、短、闊、窄不一,可以留意場內較長身的車輛有否凸出於車位範圍;並排而泊的車輛之間又是否夠位開車門。

‧揀車位當然以地面一層為首選,價值及租值亦最高;樓層愈高或愈低,租值亦遞減。‧半夜是了解停車場的最好時機,只要巡一巡,出租率高低、保安有否巡更、閉路電視是否運作正常等一目了然。‧日間亦要觀察一次,既留意車位地面有否水漬,亦要小心車位對上天花有否喉管,喉管可分為紅色消防喉、去水喉、雨水喉等多類,前兩者可免則免,因為喉管內充滿水,有水自然有水壓,若然喉管有阻塞,就有滲漏風險。

 
車位 狂炒 一個 閃爆
PermaLink: https://articles.zkiz.com/?id=41551

大錢題 富豪榜 魔咒再起 566 閃爆

2013-10-24  NM


漢能的產品沒有對外銷售,只作自銷自用。在基地屋頂自家發電,那就算公司沒錢賺,應該也可以省回不少電費吧! 

大錢題

富豪榜魔咒再起  566閃爆

《福布斯》最新中國富豪榜名單上週揭盅,最矚目的,是首次入榜即殺入第四位的李河君。籍籍無名的他,是內地最大「清潔能源民企」漢能集團老闆,坐擁六百六十五億元人民幣資產,比騰訊創始人馬化騰、阿里巴巴的馬雲還要多。
漢能集團旗下的漢能太陽能( 566),去年才在香港借殼上市,年初經不少財演力銷,股價飛升三倍,市值接近四百億元。不過翻開年報,出奇的是,貴為全球市值最大的太陽能公司,竟然只有一個客,就是「阿媽」漢能集團;而這個「阿媽」賴賬已超過兩年!記者來到廣東河源的漢能生產基地,發現工廠投產不足兩年,工人已直指「無貨好做」。母子藉互相銷售「圍威喂」,隨時閃「爆」,難怪無分析員睇得明盤數。

 

「光伏股」漢能太陽能( 566),主要生產製造太陽能薄膜的機械設備。股價今年表現神勇,由年初的三毫五仙,飛升至週二收市的一元四毫三,升幅逾三倍,市值接近四百億;帶挈持股六成三的母公司漢能集團(由李河君持股九成九)、以及捧場的基金貝萊德、挪威銀行等,手頭股份水漲船高。不過,翻開年報,細看卻千瘡百孔。

四百億市值 得一個客

騎呢之最,是這間公司只有一個客,就是母公司漢能集團。根據年報,公司去年收入二十七億港元,年年遞增,但附註並無解釋銷售詳情。在報告第三十七頁的「管理層討論及分析」一欄,才見一句:「漢能集團為本集團之唯一客戶。本集團與該客戶進行之所有交易,均按一般商業條款進行。」漢能太陽能( 566)「享有」的毛利,還超過八成;但由於生意來自母公司,這盤數連專家都看不穿。上市至今,仍未有光伏股分析員為它寫報告,皆因「無人識睇」。有外資分析員直指:「無人睇得明佢點賺錢,所有產品只有母公司見到,其他人見唔到。」
同樣在香港上市的太陽能企業高層更坦言:「佢主要賣設備給母公司,所以賣幾多錢你唔知,設備係咪做到產品你又唔知,佢噏晒咋喎。」不過,母公司好少找數;根據中期報告,最新應收賬是五十八億元,金額年年暴升。公司應收賬周轉天數,亦由○九年兩個月,增至一三年中期的三十三個月。公司仍手持現金十二億元,但其中十一億來自母公司行使認購權。
更好笑的是,漢能太陽能( 566)的唯一客仔是漢能集團,但與此同時,漢能集團的客仔,亦是漢能太陽能( 566)!母子「圍威喂」味濃。漢能太陽能( 566)一二年年報第十二頁指,一二年四月,向漢能集團採購薄膜太陽能電池板。截至今年中,漢能太陽能( 566)還有近九千萬元應付款未給母公司。可謂「兩母子、一擔擔」。


漢能基地曾有廣東省委書記汪洋等領導巡視。上週五,狀甚悠閒的員工,仔細清洗地面的太陽能組件。 

股價狂炒高 

有漢能員工指,工廠近期沒什麼生產,「沒加班!沒貨做!很久沒招聘了!」

母公司自身難保

母公司撐起漢能太陽能( 566),但記者上週到廣東河源基地直擊,這家母公司規模似乎相當「奀豬」。○九年河源市政府批出六十六萬平方米土地,至今漢能僅用了一半興建廠房。不過現場所見,工人寥寥可數,部分在廠房布置的太陽能板上灑水,偶爾伸伸懶腰、狀甚悠閒。廠房內一片寂靜,聽不到有機械運作的聲音,廠房外亦不見有任何貨車出入。有工人指,廠房的活動不活躍,有七百名員工,但工廠很少要求他們加班,亦很久沒招工,並直指:「沒貨做啊﹗沒事做啊﹗辦公室的人比工人更多﹗」
無生意,兼夾負債纍纍;根據漢能集團上月藉信託集資的文件披露,漢能總負債達三百多億,槓桿比率高達六點六倍。漢能太陽能( 566)最新的中期報告亦披露,截至今年六月底,漢能集團有一筆高達三十七億元的數過期未還,上月中公司財務董事兼高級副總裁許家驊,還信心滿滿表示不擔心母公司拖數,但本月初母公司即宣布真係「找唔到數」,要再分階段還,最快十二月才還清。


漢能在河源的基地面積龐大(紅線示),但多個分區空空蕩蕩,不見有員工或運輸車出入。 

漢能太陽能今年三月舉辦企業推介會,管理層拿着薄膜合照。左起為漢能太陽能財務董事兼高級副總裁許家驊、主席代明芳、漢能集團總裁王勇、副總裁陳永紅、品牌管理部負責人呂佳麗。(張國慶攝) 

漢能在基地附近的燈柱掛上豪言壯語,但多處有標語牌墮下都無人收拾。

生產根本無人要


母子銷售「圍威喂」 

事實上,國內的太陽能產業,已嚴重產能過剩,加上歐美反傾銷稅,有賴中央不斷出政策及補貼「輸血」,行業才得以「吊命」。在太陽能生產中,有晶硅及薄膜兩種原材料,因為晶硅將光能轉換成電能的效率較高,被全球超過八成的生產商選用。偏偏漢能反其道而行,堅持生產快將被淘汰的薄膜。
過去一年,漢能集團不斷在外國收購破產的太陽能公司,改善薄膜技術,但分析員直指突破機會不大,「基本上全球只有一家薄膜公司是成功的,就是美國 First Solar,其他的都破產了!」對於收購德國 Solibro公司,他又質疑,「德國政府花了那麼多錢都做不出來,漢能把它買下來,你相信他能做到嗎?」漢能聲稱的預期投產量,更已是歐美需求的總和。

母子搭棚 搵「補貼」錢

有分析員認為,這兩家公司分明正在搭棚,布下股市「吸水局」,由「阿仔」漢能太陽能( 566)在股市出手,「母公司寧願自己蝕十億,都要上市公司賺十億,因為資本市場有槓桿效應,俾你十倍 PE(市盈率),市值都一百億啦!可以谷高股價再抽水。」分析員警告,用低價入股的高層,只要一散水離場,成個棚便會冧。
至於母公司,則搵地方政府及銀行「吸水」。○八年,中央推出四萬億元救市基金,令銀行水浸,○九年,國家不少針對太陽能行業補貼的政策出台,當中財政部有「太陽能屋頂計劃」,及「金太陽示範工程計劃」,提供二百億元補貼;李河君的漢能集團,亦在同年誕生。一一年五月,國開行向漢能集團批出三百億元(人民幣,下同)的信貸額度,有消息指漢能已提取六十六億元,但仍有財政困難,上月便要以十釐高息發行信託,集資六千萬元。
多年來,漢能成功游說海南海口、四川雙流、廣東河源、浙江長興等多個地方政府及銀行合作,加入其「太陽能帝國」,但大部分基地都尚未投產。當中地方政府為刺激 GDP,自會以低價出租土地讓漢能起廠。每個項目,由漢能、地方政府及銀行各出資三成,再加上政府補貼、扶植基金等,讓李河君達至「刀仔鋸大樹」。


太陽能顧問公司 Solarbuzz預測,一七年薄膜的市佔率將淘汰至不足一成,偏偏李河君人棄我取,堅持建其二千億帝國。(漢能集團網站圖片) 

李河君本住在圖左的單層鄉宅,發跡後,即在旁興建一棟三層高的大屋,供親戚入住。 

鐵路運輸搵大錢

身為全國政協委員的漢能集團主席李河君,原籍廣東河源東源縣觀塘村,八八年從北方交通大學機械工程系本科畢業。由買賣電子零件開始,他涉足過國內貿易、礦業開採、礦泉水生產、房地產等行業,早年靠鐵路運輸,在九十年代初,賺得第一桶金。涉足太陽能之前,李河君先在老家河源,投資該地的水電站。
記者在河源觀塘村、李河君出生時的鄉宅打聽;有李河君的親戚指,以前這鄉宅擠了十多戶人家,後來李在外賺了大錢,便在鄉宅旁邊,建大屋給李氏親戚居住。她又指,李河君對家鄉建設不多,「除咗大屋前的公園,就得一個水電站。」李河君曾吹噓要打造二千億元的「太陽能帝國」,但看現在漢能集團互相銷售「圍威喂」,恐怕「發電」最終只是「發夢」。


撰文:楊慕珠、余秉峰
大錢 富豪 魔咒 再起 566 閃爆
PermaLink: https://articles.zkiz.com/?id=79475

鞋王三奶四卡鑽戒閃爆法庭

1 : GS(14)@2012-04-18 00:16:41

http://hk.apple.nextmedia.com/te ... 104&art_id=16254785
【本報訊】年近七旬的「鞋王」鄧劍群 10年前情傾年輕 27載的李姿霆,將她收為三奶,但因「三奶」不敵七年之癢搭上港男黃長發,成為全城熱話,更觸發鄧入稟向她討回三個由他獨資購入的物業及售樓得益,涉及逾 2,500萬元。案件昨於高院開審,由「鞋王」首先細說他當年如何瞞住大婆照顧「三奶」,他初時對忘年戀有所保留,擔心「三奶」為錢而接近他,發展至送錢送珠寶 700多萬元。記者:陳佩明


李姿霆戴上四卡鑽戒出庭,非常搶眼。
黃建通攝

http://hk.apple.nextmedia.com/te ... 867&art_id=16254786
「三奶」李姿霆於 09年初被揭發疑一腳踏兩船,一方面與「鞋王」鄧劍群發展忘年戀,同時暗交較自己年輕 16年的港男黃長發,爆煲後令鄧高調公開要斬纜。鄧在供詞中坦言,傳媒廣泛報道令他很尷尬,更指當年讓李聯名持有匡湖居物業,其中的條件是李須忠心,不會搭上其他男人。
鄧聲言,因樓價貴,從沒想過送樓給李,李名下三個物業,所有買樓資金全來自他,李僅以受託人身份持有。
03年,他購入港灣豪庭讓李入住;李懷孕後「身價」即提升,鄧斥資購入西貢匡湖居獨立屋。李在 04年誕下一女後,兩母女便以匡湖居為家。隨後鄧再購入紅磡半島豪庭一單位,及尖沙嘴卓能中心一寫字樓,寫字樓的租金收入用作補助兩母女生活費。除匡湖居物業屬兩人聯名持有,餘下物業均屬李名下。

爆粗質問與黃長發關係

李認為物業是鄧餽贈她,加上鄧曾向她提過投資買樓可賺大錢,當對方聽到她說無錢,便着她睇樓,並稱「幫你搞掂佢」。
代表鄧的大律師在庭上不止一次形容鄧是非常富裕及著名商人,李只是鄧的其中一名情婦。另鄧昨早前要求將一段電話錄音對話呈堂,但被法官以太遲申請駁回。錄音涉及鄧以粗口鬧爆李,質問她與黃長發的關係,李全程沒回應。
《蘋果》記者


鄧劍群作供時稱舊愛李姿霆為被告,沒有直呼其名。
2 : 肥B(18468)@2012-04-18 11:51:43

「鄧在供詞中坦言,傳媒廣泛報道令他很尷尬,更指當年讓李聯名持有匡湖居物業,其中的條件是李須忠心,不會搭上其他男人。」

梗係尷尬啦, 俾同儕笑到面黃啦一定......

俾人督穿左我有妾侍無野好講, 作為一個有錢佬, 有人埋我身, 又肯幫我生兒育女, 我俾返D家用, 佢做返個妻妾應盡的「本份」, 實屬「正常不過」的自家生活. 我估佢朋友群中基本上個個都有情婦在外, 咁樣俾個女人「背夫偷漢」, 仲要係用自己錢去慍仔, 唔火滾就奇....

仲要上報紙俾人唱通街, 第時無人記得你係邊個, 但一提你俾三奶玩過一次就知你係邊個的話, 你話幾無面?
3 : GS(14)@2012-04-18 20:50:57

佢仲要話請晒D妾室去飯真是放,我想他今次在朋友面前出晒位
4 : GS(14)@2012-04-18 23:12:51

http://hk.apple.nextmedia.com/te ... 104&art_id=16258271
前日庭上爆出曾安排二奶和三奶秘密參加兒子婚宴的鄧劍群,昨又在庭外自爆:「一直以來唔想老婆知我有情人、女朋友。」並補充:「老婆係生死之交,我幫佢捱一刀,佢幫我捱一刀,兩個人無計嘅,晚晚我都返屋企食飯。」至於大婆是否知情,鄧笑嘻嘻說:「邊有(二奶、三奶)吖,嗰啲係女朋友自己安嘅名。」

三奶曾稱鞋王像神打救她

他一直小心包養女人,故 03年斥資購入港灣豪庭的單位,選擇讓李做登記業主,而非使用名下公司,是為免留下蛛絲馬迹,給身為公司董事的兒子 Alex悉(識)破。
他供稱, 03年和李姿霆情到濃時達成買樓共識。「我幾十歲,同一個後生女一齊,我好願意將佢個名加入去,畀佢一半,但如果佢搵第二個男人,佢應該退番畀我!」
鄧引述李當時向他表明不會離開他:「我過去有咁悲慘的經歷,我點會離開你。」鄧則說:「一個男一個女喺一齊,特別係 age gap(年齡差距)咁大,我買間屋落你個名,你搵到第二個男人走咗去,咁我點?」李回應:「我唔會走,喺我最慘嘅時候,你好似 God咁 save me。」
話雖如此,當鄧知道李懷孕,未婚的李不願意大着肚在舊居出入,要求鄧買層「樓仔」,鄧對此口中說無所謂,但暗裏另有打算:「買樓唔係好多錢,我對佢有戒心,安排 30年期還款(最長的銀行按揭年期)。」鄧指戒心來自李的複雜家庭背景:「佢爸爸因販毒坐監,爸爸同細佬破產,佢自己亦冇嘢做。」

按婦科醫生記錄,李於 03年 4月往診所,驗尿發現懷孕,翌月卻不幸小產曾入住養和醫院,出院當日鄧現身陪伴兼支付費用。
鄧昨堅稱早於 02年 12月已知李懷孕,反指李就懷孕一事說謊:「佢唔止一次講大話。」究竟李當時是否確實懷孕,鄧沒有正面回答,只強調:「我哋相識時,我確實好鍾意佢,蒙蔽咗……點解要留意佢個肚?我唔係第一次有女人同我生仔……當時的確好鍾意被告,好多嘢冇考慮得咁清楚……當時信佢講嘅嘢。」
鄧在第二份供詞中強調,李是大話精、不可信。至於由最初的信任變成不信任,鄧在庭上解釋:「係超過六年幾內陸續發生嘅,蜜月期嗰幾個月,我眼盲盲地,耳係聾,其他人對我講點樣有懷疑,但鍾意一個人唔會考究咁多嘢。」
對於跟李姿霆相戀七年內,送給她總值逾 310萬元的珠寶手錶、清水灣鄉村俱樂部會籍,及另外提供至少 420萬元金錢,鄧劍群直言沒有打算討回珠寶手錶。
他還記得於 09年 1月對李發放最後一次生活費,當時更額外增撥五萬元予李以過農曆新年。鄧形容多年來「每次畀錢出嚟係有誘因,我唔係銀行提款機,你㩒幾多,我畀幾多」。
案件編號: HCA920/09
5 : GS(14)@2012-04-18 23:13:26

http://hk.apple.nextmedia.com/te ... 104&art_id=16258272
有九名兒孫,年近 70的「鞋王」鄧劍群,雖然之前飽嘗「三奶」疑偷食年輕港男之痛,但今次出庭以活得比你好的姿態現身,昨在庭外大談養生之道,自己如何食燕窩人參保養,表面讚三奶「係個好嘅盛女」,但又說「冇男人會再黐埋身」,句句有骨。那邊廂三奶李姿霆雖然追求者眾,但沒有鄧這條大水喉,雖然周身名牌,但原來是舊款產品。
記者問鄧現時跟李的關係時,鄧抵死的說:「正如發仔(黃長發)話齋,再見不是朋友。」鄧還說,要感謝黃:「佢救我一命,係我苦海明燈,早啲睇穿呢個人(李)。」在庭上說熱戀時跟李生好多性行為的鄧,對於李床上的表現,只笑笑口說:「 No comment。」

三奶追求者不斷

李姿霆在前日開審時戴上四卡鑽戒閃爆法庭,鄧昨主動踢爆:「係五卡,色澤唔知係 I定 J,偏黃色,價值廿幾萬,好平,冇證書。」李昨日依舊以富貴 look上庭,穿的高跟鞋是被譽為「紅底鞋王」的法國名牌 Christian Louboutin,織皮手袋來自意國名牌 Bottega Veneta,但原來紅底鞋不是當季款式,上季類似款式約價 8,000元;手袋則是兩三年前款式,已停產,當年約價 2萬元。

不過李並不愁寂寞,據悉去年有次她搭港鐵,有一名中年男子主動向她搭訕,要求跟她發展,還可以每月給她一些生活費,但這段情發展了很短時間就告終。雖然不斷有追求者,但條件難與鄧劍群相比,目前她都未能找到合適的新對象。而黃長發最近則戀上一金髮外籍女子。鄧雖然女人緣甚佳,他卻斬釘截鐵說:「見到女人要行開,越靚越彈開。」,身邊「無飯腳」,又稱:「如果我冇錢,着條牛仔褲企係你身邊,梗喺你贏,咁我有錢,咪黐埋嚟囉,我又唔係太醜樣。」
事實上鄧外表絕不似長者,他亦毫不掩飾自己貪靚,又問上鏡後「似唔似阿伯,靚唔靚仔」。他跟孫兒外出時,當外人聽見孫兒稱他做爺爺,表現有點不能相信。鄧的養生之道絕不簡單,每周逢吃三天燕窩,另外每周服冬蟲夏草及長白山人參,每月吃兩次花膠,加上不煙不酒,每晚回家食住家飯,方可修成正果。
《蘋果》記者
6 : GS(14)@2012-04-19 22:44:25

http://hk.apple.nextmedia.com/te ... 104&art_id=16261876
【本報訊】遭「鞋王」鄧劍群追討物業的前三奶李姿霆,昨在高院作供進行反擊,形容鄧是個非特別成功亦非好有錢的雙非人,在她眼中「李嘉誠、劉鑾雄嗰啲就真係好 rich」。另邊廂,鄧繼續公開數臭舊情人,講明李雖替他生女亦不會獲送樓慶祝,有骨說話令李淚灑法庭。
洋名 Karen的李姿霆( 41歲),於 2002年跟年齡相差 27載的鄧劍群發展忘年戀。當年一名任職保險的朋友介紹她認識鄧。「我 3月識佢, 4月已覺得佢追緊我,我哋 5月開始,我做佢女朋友, 5月中左右有親密關係」。
李成為鄧的女友後,每月獲得生活費,金額按年遞增;相戀數月後,更獲贈兩卡鑽戒連一對逾兩卡的鑽石耳環。李坦言自 2000年由法國返港至認識鄧之前,一直沒有工作,在鄧鼓勵下修讀有關寶石的 GIA文憑課程。隨後,她往珠寶公司應徵珠寶鑑證師,但因沒相關工作經驗,公司提議她到門市做銷售員,但她拒絕。李將事件告訴鄧,鄧回應:「你唔需要做嘢,你係我女人,(我)會照顧你所有需要,你唔需要去搵工。」李出於尊重鄧,自此沒有再求職。

按李的書面供詞,鄧於 03年初首次提及打算買物業給李做業主,「等你有啲嘢揸手,同埋用嚟收租」。李在庭上補充,鄧購入大角嘴港灣豪庭一單位後,「同我屋企人講送層樓畀我」。鄧支付訂金及首期,她感到好開心,認為物業屬於她,單位出租後所得租金,用作歸還按揭。
鄧的代表大律師質疑,鄧於講話中沒有使用「送」字,「揸手」一詞可意指「有東西在手中」。李反駁:「唔可能用手揸住層樓,中文嘅意思係送畀我,佢另外同我屋企人講係送畀我。」
鄧曾經供稱,買入港灣豪庭只屬熱身,隨後陸續有來,但一段時間過後,鄧、李才聯名購入西貢匡湖居獨立屋。大律師問李,會否對這等待期感到驚訝。李答:「唔覺得驚訝,買樓唔係求其食餐飯,我又唔係等住佢送樓畀我,佢想送咪送囉。」
此外,大律師指李於 02年底向鄧表示懷孕,但按醫生紀錄,李至 03年 3月才發現沒有來經。李強調肚皮不可能騙人,加上「我冇理由呃到佢三個幾月,我要同佢上床」,反指鄧「想抹黑我,話我講大話呃佢」。
相反,李姿霆記得 2002年尾一天,如常跟鄧劍群到酒樓午膳時,「我見到隔離枱 BB好得意,我望住佢,原告(鄧)問我『你好鍾意細路』,我話『係,我好鍾意』,佢話『你咁鍾意,我哋可以生一個,最緊要我有錢』」。
案件編號: HCA920/09
當日相關文章
7 : GS(14)@2012-04-19 22:44:35

http://hk.apple.nextmedia.com/te ... 867&art_id=16261877
鞋王鄧劍群昨在庭上主動提及三奶李姿霆搭上港男黃長發,指李為了掩飾自己偷食而講大話,但在紙包不住火下招認:「我係有同黃長發上床,吹咩!」終令他死心。他強調打官司非為爭啖氣,亦不是要報復令舊愛尷尬,「你冇辦法擰返轉頭,我仲要面對老婆,報復啲咩?...我要攞番應得嘅!」
按呈堂文件記錄,鄧、李暗交七年間,相戀時常以電話短訊傳情,互稱老婆、老公。 08年 9月,鄧給李的短訊中寫上「肯定愛你更甚於他人,你是最好的」。鄧昨補充:「呢個係不可置疑,我要求女人同我一齊,要畀足我。」
轉個頭他開始狂數李:「佢話唔飲酒、唔食煙、唔去夜街,但夜晚 11點走去蘭桂坊,掟低嗰女走咗去,佢同埋話好憎男人。」他提到李搭上黃長發,「佢(李)一路以嚟同我講,同黃長發只係朋友,冇上過床」。有次李跟黃由晚上 11時至翌日早上 6時,共處一間酒店房間,但李聲稱兩人純粹傾偈。

「今日 fall in love聽日 bye bye」

鄧自言:「我對佢(李)嘅感情係真嘅,佢所有講嘅嘢係大話。」鄧為挽救感情,應李父要求下,去信無綫電視高層樂易玲,提及李有三個物業,擔心被人欺騙,鄧更跟李父親身送信到樂的住所。
「佢(李)出面有好多男人,佢老竇都有同傳媒講……我真係好愛佢,但佢一直暪住我」。鄧續稱由始至終,對這段情有戒心,「但我畀愛情,畀忘年戀令我方向唔係好清晰」,「大家冇一紙婚書,今日 fall in love, make love,聽日 say bye bye,呢個係我 worry嘅 feeling」。
對於涉案的四個物業,鄧重申「冇話過送畀佢」,亦不會為慶祝女兒誕生而送樓,「點解生咗女要畀物業佢,唔成理由去慶祝,我唔會做囉!」《蘋果》記者
8 : GS(14)@2012-04-19 22:45:08

http://hk.apple.nextmedia.com/te ... 867&art_id=16261878

街頭籌款人士上前募捐,鄧劍群來者不拒塞入五百元和一千元。


自言身家過百億的鞋王鄧劍群昨日作供完畢,心情大好隨即往冲凉揼骨,席間不停調戲女記者,叫記者做他的秘書,還說:「我啲錢使唔晒,你要做第幾奶都得。」

幫記者改名叫「高比」

鄧的心情勁靚,指友人說他樣貌似國家主席胡錦濤和總理溫家寶。雖然大把身家,但鄧昨以長者八達通花兩元搭港鐵由金鐘到尖沙嘴,期間遇上有機構籌款,將五百元和一千元紙幣塞入籌款箱,大受籌款人士歡迎。他又聲稱,若打贏官司,會將款項用來興建觀音廟。
被大批記者包圍,他一再「好心」提女記者不要被攝入鏡,是擔心外人會以為她是「甘比」,還幫記者改名叫「高比」;又主動跟記者討論為何三奶小產後三個月便成功懷孕,跟記者說:「你不如試吓。」
他形容初次見三奶時,對方頭髮長長,狀甚斯文,又大讚她皮膚好,由他以無限量補品支援。提及兩人的性生活,鄧這樣回應:「有錢收,實愉快。」但他指三奶跟大婆根本無得比,「如果佢死我都會喊一兩日,唔會傷心一世」,但大婆有事,他聲稱會傷心至死。《蘋果》記者
9 : greatsoup38(830)@2012-04-20 23:29:20

http://hk.apple.nextmedia.com/te ... 104&art_id=16265929
【本報訊】「鞋王」鄧劍群向前三奶追討物業案,「三奶」李姿霆續在高院爆料,指鄧曾經要求她搬近飛鵝山方便他探訪,更趁大婆外出時,帶她及其家人到鄧宅睇樓睇裝修。自稱「啲錢一世使唔晒」的鄧當年着李往揀樓時,以 170萬元為樓價上限,令人嘖嘖稱奇。
記者:陳佩明

李姿霆( Karen)於 2002年 5月成為三奶,翌年 5月以逾 170萬元購入大角嘴港灣豪庭一單位,在此之前,鄧已表明「畀層樓我揸手,用嚟收租」。李形容:「當時同原告感情好好,好信佢,佢好錫我,保證唔夠錢供樓會補貼我,我冇嘢要擔心。」
李在熟悉地產業務的胞弟協助下,向鄧推介黃埔花園及海逸豪園的心水樓盤,但全被鄧否決。李說:「原告畀個 budget只係 170萬……話(海逸豪園) budget over咗,黃埔花園好舊,裝修會好煩。」鄧終同意購入當時仍屬樓花的港灣豪庭。
2005年,李以 210萬元將單位出售獲利,鄧聲稱至 2009年向律師查詢始知情。李昨直指鄧講大話,他根本一早知情。
此外,兩人於 2003年購入西貢匡湖居獨立屋,兩人到律師樓簽署買賣合約時,李指鄧向職員講明:「梗係簽長命契,佢係我老婆。」李姿霆亦確認簽署時文件上明明註明「長命契」。
及至 2004年 8月,李從查冊紀錄發現物業變成各享一半業權,她遂致電律師行查詢,獲覆是應鄧要求修改。
李稱:「佢(鄧)真係呃咗我,佢話兩個係一樣,冇分別。」李相信「合約明顯有人改咗」,後要求鄧撥亂反正,聲稱終得償所願,變回長命契。

購入半島豪庭要寫欠單

李補充,鄧自言藉炒樓賺大錢,主動問她「點解唔炒埋一份」,提出「幫你搞掂佢」。李透露:「原告以為我同佢一齊就好有錢,我冇為意,佢可能想 show off佢幾有錢。」
至於鄧在 2004年購入紅磡半島豪庭物業時,着她簽署欠單給鄧名下一間公司,李坦言感到不快:「佢應承送畀我,轉頭畀張欠單我……如果無端端要我欠你公司錢,我寧願唔要囉。」
案件編號: HCA920/09

10 : Ar Yan(11362)@2012-04-28 03:59:58

聽人講,送豪宅俾女人,只送首期,再加30年供,落佢名,佢就係你有生之年,都飛唔出你手上
11 : greatsoup38(830)@2012-04-28 21:05:09

10樓提及
聽人講,送豪宅俾女人,只送首期,再加30年供,落佢名,佢就係你有生之年,都飛唔出你手上


他玩野就你玩野
12 : GS(14)@2012-05-03 23:44:22

http://hk.apple.nextmedia.com/te ... 462&art_id=16302197
鞋王鄧劍群早前與三奶李姿霆( Karen)為物業問題打官司, Karen昨接受商台錄音訪問,談到與鞋王的關係:「當時佢同我講同老婆關係唔好,原來仲有二奶,好憎佢。」她稱曾向鞋王要大婆及二奶的電話:「決定離開鞋王時打過畀佢太太,我同佢道歉,我又打過畀二奶,佢答我係鞋王老婆,令我仲嬲。」
Karen又稱:「之前我患癌諗過唔醫,當時寫咗封遺書畀個女,叫佢一定唔可以做人第三者。」
採訪:李珮洳
13 : greatsoup38(830)@2012-06-29 00:14:01

http://hk.apple.nextmedia.com/news/art/20120627/16463239



【本報訊】年近七旬的「鞋王」鄧劍群10年前戀上年輕27載的李姿霆,納她為「三奶」,但至09年揭發三奶搭上港男黃長發。被「戴綠帽」的鞋王興訟向三奶追討四個物業,法官昨判鞋王可以奪回其中一個已出售物業得益;至於價錢最貴接近2,000萬元的西貢匡湖居獨立屋,各人則佔一半業權。埋單計數,兩人算是打成平手,鞋王可取回1,200多萬元資產,三奶則可分得1,100萬元。 記者:黃幗慧

李姿霆昨以短訊回覆稱她不在港,需時與律師研究判詞。鄧劍群昨得悉判決後,心情輕鬆。他對於這個「有輸有贏」的判決尚算滿意,指「觀音顯靈」,而李又要花錢打官司,七除八扣「冇乜剩」。他認為案件具教育意義,「即係將層樓寫咗女人個名,都可以攞得返,幾好」。他又提醒:「想搵男人錢啲女仔睇吓點樣做,唔好到時得個桔囉;啲男人又要小心囉,唔好亂咁簽,唔好亂咁畀。」
[「鞋王」鄧劍群] 「鞋王」鄧劍群
「不再勾三搭四」

法官判決鄧可取回匡湖居獨立屋一半業權、半島豪庭單位全部業權、及李於05年出售了港灣豪庭單位所得的210萬元得益。鄧表示由於現在樓價理想,他計劃將匡湖居物業出售後與李分錢,「分開咗一定要計數」。
鄧表示每月都有付生活費給予李所生的八歲女兒,但沒打算與女兒見面。他斬釘截鐵說不會與李復合,「咪玩啦,同返我一齊?咁鬼肉酸,佢同咁多男人喺埋一齊」。他估計,只獲判得小部份物業得益的李會不滿判決,「佢係想盡擸吖嘛,個錢睇得好緊」。鄧聲稱已修心養性,不會再勾三搭四,「發神經咩,仲搵女朋友?講吓笑就得,真嘅就唔好制,70(歲)啦」。他說與李的一段情已過去,不用向太太交代事件。
法官指鄧假慷慨

現年69歲的鄧劍群,在02年遇上現年41歲的李姿霆,二人火速戀上,相識10天便發生親密關係。鄧向李送贈過多項貴重禮物,包括每月最高達五萬元的生活費及珠寶。直至09年,李承認戀上港男黃長發,導致鄧與李維持了六年的關係終結,跟着發生鄧向李討回在03至04年間、跟李有關而買下的四項物業。
法院暫委法官 Houghton認為鄧利用物業深化與李的關係,他經常在人前吹噓自己對李慷慨,但其實部份物業並非真的當禮物贈予李。
雖然鄧聲稱購買匡湖居獨立屋的條件,是李必須對他忠心,不會搭上其他男人,但法官認為這只是要求,而非一項條件,故判匡湖居的一半業權是他對李的餽贈。
案件編號: HCA920/09
14 : greatsoup38(830)@2012-06-29 00:14:18

http://hk.apple.nextmedia.com/news/art/20120627/16463240


涉案的匡湖居獨立屋,是案中價值最高的物業。物業在03年11月以鄧劍群及李姿霆「聯權擁有」形式購入,即是俗稱的「長命契」。鄧後來一度將物業由「聯權擁有」( joint tenants)改為「分權擁有」( tenants in common),但被李發現,再改回「聯權擁有」。
在生一方可繼承業權

律師謝連豐解釋,「聯權擁有」不會列明業權分佈的百分比,由持有的業主共同擁有業權;若其中一名業主離世,在生一方可以繼承死者的業權,哪一方長命,便享有最終業權,故俗稱「長命契」。一般情況下,若物業出售,收益由持有業主平均分配;假如其中一方不肯出售物業,其他業主可要求法庭下令將物業出售。
至於「分權擁有」,會列明各業主持有業權的比例,即使其中一方離世,其業權歸遺產所有,其他業主不會自動繼承業權。
15 : hh0610(1603)@2012-06-29 00:21:24

11樓提及
10樓提及
聽人講,送豪宅俾女人,只送首期,再加30年供,落佢名,佢就係你有生之年,都飛唔出你手上

他玩野就你玩野


是, 想當年. 港佬真係咁O係深圳包二奶, 但估唔到深圳樓會咁升法.
鞋王 三奶 奶四 四卡 鑽戒 閃爆 法庭
PermaLink: https://articles.zkiz.com/?id=278812

汶萊王子超豪婚禮水晶鞋綠寶石鏈閃爆

1 : GS(14)@2015-04-15 02:10:06

■汶萊王子馬利克和妻子前日首次一起亮相,新娘戴着鵪鶉蛋般大的綠寶石鑽飾甚搶眼。路透社


31歲的汶萊王子馬利克(Prince Abdul Malik)大婚,迎娶比他少九歲的平民新娘。婚禮舉行11天,官方未透露婚禮費用,單是新娘行頭已教人咋舌。鑲滿水晶的高踭鞋、珠寶砌成的花球、鑲有鵪鶉蛋般大的祖母綠寶石鑽石頸鏈和頭飾,極盡奢華。



■水晶高踭鞋

■珠寶花球



婚禮由本月5日開始,一對新人直至前日才在王宮首次同場亮相。兩人穿着繡有金線和鑲鑽的馬來裝,坐在鍍金寶座,令現場金光閃閃。汶萊蘇丹是全球最富有的貴族,馬利克是他幼子,亦是王位第二繼承人;22歲新娘則是數據分析員。英國《每日郵報》





來源: http://hk.apple.nextmedia.com/international/art/20150414/19111559
汶萊 王子 超豪 婚禮 水晶鞋 水晶 綠寶石 綠寶 閃爆
PermaLink: https://articles.zkiz.com/?id=289615

舒淇搶眼Lanvin裙 閃爆封影后

1 : GS(14)@2016-03-19 22:16:33

「第十屆亞洲電影大獎」前晚在澳門威尼斯人酒店舉行,一眾女星就當然盛裝出席。憑《刺客聶隱娘》打敗對手封影后的舒淇,身穿一襲法國高訂牌子Georges Hobeika的粉紅色晚裝登場,中空綴上蝴蝶結的設計,性感高貴,加上Bulgari的鑽石耳環及戒指點綴,散發出濃濃仙氣。之後舒淇在上台攞獎時,換了另一襲來自Lanvin2016春夏的銀色閃片裙,在燈下之下閃閃發光,華麗又浮誇,配上簡單妝容已經非常吸睛,難怪經常被獲封女神。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160319/19536472
舒淇 搶眼 Lanvin 閃爆 封影 影後
PermaLink: https://articles.zkiz.com/?id=298510

【閃爆fb】忽然車女友飛台灣 男網民:好大壓力呀!

1 : GS(14)@2016-06-06 02:55:07

放天燈上面的願望,祝你哋成功啦!


好曬呀好曬呀…!6月1日的facebook,傳出超甜閃片一則。網民Ka Tsun Tsui以「兩周年的大驚喜」為題放閃,「偷偷地(哋)上網買機票再喺佢返工既時候返屋企汁(執)埋佢既(嘅)嘢,再上網整埋入台証(證)……」接女友放工,開客貨車的Ka Tsun以「要去機場接客,順便食飯」為名,車咗女友去機場,落車時女友先見到執好晒的行李篋,仲有護照與去台灣的機票。影片中女友嚇到碌大眼,係咁問「真係o架?係咪真o架?」仲喊咗出嚟。網民同男友都睇得好過癮,即時瘋傳,一日就有60萬點擊同2萬個like!不過全片最尾一句:「你唔係輸咗七千蚊咩!」成為全民焦點。原來男主角本來就常給女友驚喜,不過玩咁大都係臨時主意,他接受記訪問時說:「主要係女友想去旅行,之前冇乜特別日子,所以一路得個講字。加上台灣夜市,女仔購物地方多,所以希望一試。」



買波輸七千蚊 「兄弟借錢救命」

原來返part time的女友Kimmy早就請了6月1至3號三天假,才告訴Ka Tsun一起過兩周年,Ka Tsun就說要參加朋友婚禮,叫Kimmy請多一天星期六,其實嚇佢一嚇去旅行!兩個都周時諗嘢逗大家開心。行李呢,衫褲護墊等佢已經執好,再跟女友說放工去影靚相去玩,女友晨早執好全套化妝袋跟身返工。至於成為大家關注焦點的七千元,真係買波輸咗畀馬會嘅,女友知佢買嗰場,仲曾經叫佢唔好買,「到我一意孤行買咗之後屋企睇直播輸咗,佢嗰幾日都陪我悶悶不樂。」但係佢覺得:「時間過咗去就冇得返轉頭,錢冇咗可以再搵過。我都係即刻搵個兄弟義不容辭借錢救命,返到香港要跑山還番畀佢。」識睇梗係睇留言,網友們反應大抵分成兩派,女的葡萄:「×××(應該係tag男友),輸咗七千蚊都有得去旅行啊!」男的感受到無窮壓力:「喂點搞呀!你咁樣我哋好大壓力喎!」Ka Tsun就話唔怕第日再諗驚喜有壓力,「女友好知足,陪佢行吓旺中買吓衫已經好開心。香港太多負能量了!」但其實驚喜嘅嘢,最緊要有心思,連逗大家開心都要計算,排level,怪不得處處都是壓力了。資料來源:Ka Tsun Tsui facebook記者:陳慧敏





來源: http://hk.apple.nextmedia.com/su ... t/20160603/19638803
閃爆 fb 忽然 女友 飛臺 臺灣 網民 好大 壓力
PermaLink: https://articles.zkiz.com/?id=301838

【閃爆舞台】15萬粒水晶戰士Look

1 : GS(14)@2016-09-18 10:51:48

Sammi個唱的歌衣一向是亮點,今次Part2絕不欺場,設計了不少靚爆歌衣,其中就有Swarovski找來韓國珠寶設計師Il Jung Lee、新加坡女裝設計師Vaughn Tan聯手設計三款新造型,動用了15萬粒水晶。開場時戴上超大斧頭形紅番頭盔、襯紅色羽毛,卸下盔甲後,穿着大象戰士造型的白色bodysuit,綴滿水晶,大騷鋼條身材,極具天后氣勢。另外,Sammi還穿了Roberto Cavalli的芥辣黃色ruffles長裙,美國天后Beyonce於《Lemonade》MV都着過同款裙。


【活潑黃裙】Roberto Cavalli黃色長裙

Beyonce



來源: http://hk.apple.nextmedia.com/entertainment/art/20160918/19773788
閃爆 舞臺 15 萬粒 水晶 戰士 Look
PermaLink: https://articles.zkiz.com/?id=309573

準劉太甘比IG晒Giuseppe Zanotti閃爆結婚鞋

1 : GS(14)@2016-12-03 05:12:35

上個月與大劉劉鑾雄已經入紙申請註冊結婚,成為準劉太的甘比,日前收到意國名鞋品牌Giuseppe Zanotti Design送上四對靚靚wedding shoes,全部都bling bling閃到爆。
Giuseppe Zanotti Design的鞋款一向深受女星喜愛,天后Sammi、楊千嬅、范冰冰、阿嬌,同洗米嫂都係捧場客。甘比收到的3對Muse水晶高踭鞋,索價$17,000,裸色、黑色和銀色,無論襯婚紗及晚裝都一樣咁sharp咁靚,6吋鞋踭設計,亦能夠令身形看上更高眺。




來源: http://hk.apple.nextmedia.com/entertainment/art/20161202/19852755
準劉 劉太 甘比 IG Giuseppe Zanotti 閃爆 結婚
PermaLink: https://articles.zkiz.com/?id=318104

Vivienne Tam玩香港主題霓虹燈着上身閃爆紐約時裝周

1 : GS(14)@2017-02-18 00:51:20

在香港長大的時裝設計師Vivienne Tam(譚燕玉),於新一季紐約秋冬時裝展上,加入大量霓虹燈、的士,甚至國泰飛機圖案作設計靈感,充滿舊香港特色。Vivienne接受《蘋果》專訪指,由於霓虹燈太光亮,創作過程充滿挑戰,最終想出用男裝物料如手織羊毛布、格仔布,令設計色彩斑斕之餘亦容易穿着。駐紐約記者:鄭柏齡80年代初隻身遠赴紐約的譚燕玉,現時為國際時裝界上,為數不多能夠站穩陣腳的華人設計師,其紐約舉行的秋冬季時裝展上,便吸引到美國總統特朗普幼女Tiffany、名媛Paris Hilton等出席,可謂星光熠熠。為慶祝香港回歸中國20周年,Vivienne特意以充滿香港特色的霓虹光管、市區紅色的士,甚至國泰航空飛機作為設計靈感。她在後台接受《蘋果》專訪解釋,每次回港皆受色彩奪目的霓虹燈、快速生活節奏等打動,「香港真係never sleeps,城市五光十色,令人激動」。她續指,每年最少回港一次獲取靈感「次次都有新變化」,其中,對西九龍文化區M+博物館「探索霓虹」展覽印象深刻,「雖然我嚟咗紐約,都要繼續做(香港)設計,因為我代表香港」,又寄語年輕人「做自己鍾意嘅嘢,永不放棄」。39件設計中,有女裝上衣心口畫有香港市區紅色的士圖案,背後則寫上「20A」、「HK」,喻意回歸20年。另一條棗紅色頸巾上,則配上飛機及「Cathay Pacific」字眼。多次與國泰合作的Vivienne笑指,該公司是香港最具代表性品牌,「啲女仔最靚、着衫都最靚」。95年把毛澤東肖像帶入時裝界而一舉成名的Vivienne坦言,以「霓虹光管」作時裝主題有一定挑戰,「太光好難着上身」,最終她想出利用男裝常見的手織羊毛布、格仔布及條子等,降低霓虹燈亮度,又用上金屬元素、絲絨等布料,提升整體華麗程度。
Vivienne Tam小檔案出生於廣東省廣州市,3歲來港學歷:香港理工大學設計系畢業大事記:1981年離港赴紐約發展1990年推出以個人名字為品牌的時裝系列1993年首次在紐約舉辦個人裝展1994年推出「毛澤東」主題春裝,一舉成名1995年獲《People》雜誌評選為全球50大美女1999年作品先後被紐約大都會博物館、倫敦V&A博物館收藏2002年首位在北京萬里長城舉行時裝展設計師名人粉絲:Paris Hilton、Jill Biden、Meryl Streep、李玟、趙薇、鞏俐




來源: http://hk.apple.nextmedia.com/international/art/20170217/19931365
Vivienne Tam 香港 主題 霓虹燈 霓虹 上身 閃爆 紐約 時裝
PermaLink: https://articles.zkiz.com/?id=326727

洗米華買鑽石箍煲?細女萌戴十卡閃爆巨鑽

1 : GS(14)@2017-06-25 10:11:20

周焯華(洗米華)早前於美國夏威夷參加台灣女星安以軒的婚宴,在after party就玩得太投入,零警戒,醉攬日模松岡李那,動作火辣。事件發生後,正印陳慧玲(Heidi)帶埋細女周善潼(Damiana)去台北旅行,近日洗米嫂都有po新相於IG,見她與Damiana玩得好開心,游水晒太陽,又去了有名的大碗嘆燒肉,前日洗米嫂就搞笑地把比眼珠還要大的巨鑽戒指戴上Damiana的手仔上,目測至少有十卡以上,未知是否洗米華為了箍煲,買來氹返老婆的禮物呢?相中Damiana就被勁閃的巨鑽閃到合埋眼,粒石認真夠火!




來源: http://hk.apple.nextmedia.com/entertainment/art/20170623/20066241
洗米 米華 華買 鑽石 箍煲 細女 女萌 萌戴 戴十 十卡 閃爆 巨鑽
PermaLink: https://articles.zkiz.com/?id=336912

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019