ZKIZ Archives


富商三角孽緣 打曹央雲 斷生活費 沒收鄺美雲豪宅

2011-1-6  NM




現年六十歲,擁有多間上市公司的富商何永安,○九年四月在山頂加列山道豪宅,涉嫌毆打替他生下兩女的女友、九四年亞姐季軍曹央雲後,上月又再遭另一女友勞玉儀追債三千萬,被判敗訴外,更被對方在庭上大爆不只得一個女人,有「二、三、五個女人」。

何永安照顧的大堆女人當中,曾經跟他及曹央雲,有超過十年三角孽戀的鄺美雲,亦榜上有名,被稱為圈中富婆的她,九九年開始,一直住在何永安旗下、以海外註 冊公司持有、市值約一億多的深水灣文禮苑獨立屋,直至近月何永安經濟出現問題,要沒收豪宅,她亦即時以四千萬購入位於九肚山的寶松苑獨立屋。

至於曾遭何永安打,甚至終止提供母女生活費的曹央雲,只無奈回應:「如果佢對啲女朋友好過自己個女,真係天地不容。」一住十年

在平安夜生日,每年必然大搞的鄺美雲,在剛過去的十二月二十四號晚,在沙田馬場會所筵開二十二席慶祝四十八歲生日,當晚戴上價值過億珠寶首飾的她,除有四 名貼身保鏢護駕外,馬會亦出動多名護衞在現場把守,一班朋友玩到凌晨二點左右才陸續離開,壽星女也由保鏢護送返回文禮苑獨立屋。

跟呂良偉離婚後,鄺美雲九九年開始入住當時價值二千七百五十萬的文禮苑獨立屋,被指投資有道,是圈中富婆的她,當時更承認自己在投資物業方面眼光準,大多 有賺無蝕。不過,鄺美雲這個一住超過十年的三千呎獨立屋,其實並非她名下物業,而是當年跟何永安拍拖,男方給她入住的安樂窩。

公司簽名相同

就田土廳資料顯示,鄺美雲位於深水灣道四十號的文禮苑獨立屋,由何永安其中一間英屬處女島登記的公司持有,登記人簽名,跟何永安早年安置曹央雲母女並於較 早前以四億五千多萬售出,大賺二億的山頂加列山道獨立屋的買賣合約簽紙人,同屬Crosthwaite Chan Anne Eleanor一人。

磚頭致富

82年選美得亞軍,鄺美雲入行做歌星搵到第一桶金後,開始買磚頭投資。自命炒樓有心得的她,高峰時期手持物業逾10個,被稱為圈中富婆。隨住香港地產起 飛,鄺美雲身家亦水漲船高。由88年至03年,鄺美雲買賣過多個不同類型的物業,包括禮頓山、陽明山莊等豪宅及遠東金融中心商用單位,雖然當中有賺有蝕, 埋單計仍勁賺近1,500萬。

三十萬生活費

據了解,早年已婚並跟正室育有一女的何永安,過往對女朋友十分豪爽,鑽石名牌手袋不缺,又提供豪宅任住,雖然得個住字,但跟鄺美雲疏遠後,多年來亦未有收回。

「何永安係向華強太太陳嵐介紹俾Cally(鄺美雲)認識,當年何永安好濶佬,除咗俾間屋佢住,仲每月有成三十萬生活費,之後何永安識到曹央雲,佢就疏遠 Cally,不過佢一直冇叫Cally搬,又繼續照顧佢嘅生活,直至近排經濟出現問題,頻頻俾人追債,先要收番間屋。Cally上個月就買咗寶松苑,而家 裝修緊,大概月尾搬過去。」知情者說。

失蹤兩次

鄺美雲多年來一直獲厚待,反而替他生了兩個女的曹央雲,卻在○九年被毆打而報後,即被何永安以斷供一招,迫令母女三人搬走,他更連隨將獨立屋售出,套現四億多。曾經試過丟低屋企兩年,無故失蹤的他,又再次唔見人,且變本加厲,連三母女的生活費亦終止。

「佢(何永安)成日同人講,央雲係佢唯一真正承認嘅太太,又叫自己阿媽家姐出手勸央雲同佢生BB,所以央雲根本就唔知佢出邊有其他女人。到個女四歲,佢就突然失蹤兩年,但之後又返屋企認錯寫悔過書,所以央雲先肯再生第二個。

名氣生活

鄺美雲(Cally)自從投身珠寶界,亦開展她的名氣生活,除了經常戴住貴價珠寶現身外,連愛犬Cash亦過得比人富貴。

鑽不離手

00年開設CALLY JEWELLERY LTD,開幕當日,她戴住鎮店之寶36卡的鑽戒示人,又曾以二千萬翡翠鑽飾贊助肥姐出席台慶,平日出席活動,等閒一隻梨形鑽戒亦過十卡,鑽飾翡翠,收藏不少。

名牌家居

家住深水灣過億獨立屋的Cally,家中用品亦十分講究,宮廷式水晶吊燈和家具,用Hermes餐具,連愛犬坐的也是Gucci皮製狗籃。

愛狗如命

視如親子的法國比熊犬Cash,不單只有傭人服侍,出街有保鏢抱實,平日做狗仔spa和食鵝肝,更有鑽石裝身。Cally曾為愛犬花二萬元開生日會,甚至 在書展為Cash出書出精品,生活矜貴。除了養狗,本身是香港賽馬會馬主會員的Cally,名下有三匹愛駒甜蜜福星、祿寶和團隊福星。

為善最樂

Cally是虔誠佛教徒,每有佛教慈善和探訪活動,她例必出席和捐錢,還帶埋愛犬Cash拜佛,近年沾手內地投資的她,在江西省開辦了十三間「鄺美雲佛教小學」,並在06年擔任江西省政協。

細女冇出世紙

「點知生第二個又係女,佢就開始對佢哋呼呼喝喝,對個大女態度尤其差。成日話公司生意唔好,攞咗央雲成千萬周轉,佢後來再要錢,央雲話啲錢要留俾兩個女做 生活費,佢就郁手郁腳。嗰次佢哋嘈得咁犀利,係央雲想幫個細女攞出世紙,因為何永安一直唔肯簽名,個女兩歲都冇出世紙。嗰次嘈完之後,佢就冇返過屋企,唔 供樓唔俾家用,央雲仲蝕賣咗西摩道層樓用嚟供山頂間屋,後來真係供唔掂,先搵屋租,總之佢哋三母女好慘。」曹央雲閨中密友透露。

據了解,到處留種的何永安,跟一位姓譚的公司女職員亦育有一對兩歲多孖仔,目前女方正懷有第二胎,現以三十多萬租住港威公寓式住所兩個相連單位,而孖仔更有四名護士貼身照顧,反而曹央雲所生的兩個女兒他一直冇理,一切要由律師互傳消息。

天地不容

記者致電曹央雲,對於鄺美雲十一年來一直住在何永安名下的獨立屋,她說:「我唔清楚,如果係事實,佢對啲女朋友好過兩個女,真係天地不容。其實(暴力)件 事發生咗,我都冇辦法直接搵到何生解決問題。(你知道佢同鄺美雲拍過拖?)佢同我一齊嘅時候,已經交代過佢嘅過去,講明同鄺小姐分開咗。

「(你知唔知佢而家嘅財政狀況?)佢從來都唔俾我過問公司嘅嘢,叫我淨係做好何太,咁多年來我只係全心全意為個家,不過無論點,佢應該有能力養兩個女。(傳聞有公司女職員同佢生咗對孖仔?)我唔敢相信,佢連個細女出世無耐,都丟低冇理。」

情債錢債

高峰時期身家達三億美元的富豪何永安,90年與賭王何鴻燊共同創立嘉域集團。08年他捲入本港歷來最大宗的前雅佳清盤案,涉及資產約12億美元,09年2 月,他更一度遭凍結二億美元資產,直至同年十月,終以逾一億美元和解。一波未平,又遭前女友之一勞玉儀入稟索償3,000萬。

在商場上負債纍纍,搞到身家大縮水,感情方面亦一片混亂。01年何永安結識了亞姐出身的曹央雲,女方03年為他誕下長女Audrey,08年再誕下幼女。 但男方跟女友之一鄺美雲並未完全斬纜,仍供住文禮苑。09年四月,何永安涉嫌在加列山道寓所內向曹央雲動粗,令二人關係破裂。同時亦有傳他與公司一名譚姓 職員同居,誕下孖仔,組織另一個新家庭。


富商 三角 孽緣 打曹 曹央 央雲 生活費 生活 沒收 鄺美 美雲 豪宅
PermaLink: https://articles.zkiz.com/?id=21085

講心唔講金 鄺美雲愛上無樓樓神

2012-10-11 NM




四十九歲Cally鄺美雲終於等 到遲來的春天,近日自爆覓得有情郎,與恒基兆業地產營業部總經理林達民,蜜運兩個多月,唔介意對方離過婚有個二十歲兒子,更加唔介意人稱「樓神」的林達民 無樓揸手。傳聞有五億身家的Cally,紆尊降貴同打工仔拍拖,講心唔講金!唔怕將來俾人指指點點計身家計地位,亦無諗過要結婚:「以前我好介意人哋點睇 我,而家唔會,我鍾意咪得囉!」Cally說。響單身警號

拍拖僅僅度過三個月「安全期」,Cally願意大方公開,全因為另一半。「我拍拖身邊好多朋友都知,亦唔介意俾記者知,只係唔想專登講出嚟,但我見到有記 者亂寫嘢(指林達民有老婆),所以想講清楚。」Cally說。回想今年五月經朋友介紹認識,Cally說當時並沒有一見鍾情的感覺。「因為佢公司想搞一個 同珠寶crossover嘅活動去介紹樓盤,我哋成餐飯都係傾公事,只係覺得大家幾啱傾。」事隔半個月,Cally與林達民再次見面食飯,才漸漸有觸電感 覺,為了「公還公,私還私」,兩人寧願取消生意合作,正式發展成為情侶。「咁多年嚟身邊朋友一雙一對,去佛堂見到兩公婆『同修』自己都好羨慕,其實今年年 頭自己同自己響咗個警號,突然諗起年底我五十歲,仲唔拍拖,咁點算?」

唔做煮飯婆

Cally承認過去十多二十年,一直為事業拼搏,錯過不少拍拖機會。「以前成日覺得做乜要拍拖,多個人喺身邊阻住晒,除非你另一半同你一樣咁忙,會體諒到 你嘅工作,而家我男朋友正正符合晒呢兩大條件!」對的時間遇上對的人,Cally說好耐未試過見完一個人,返到屋企感覺依然甜蜜回味。「我哋試過去餐廳食 飯,由七點鐘坐低,傾到凌晨三點餐廳打烊,之後返到屋企仲要講電話。」男友只係打工仔,離過婚有個仔,就算Cally九七年同呂良偉有過短暫婚姻,但她是 城中有名的富婆,女尊男卑,難免被人說三道四,不過Cally並未擔心。「有錢又點?都係一日三餐一張床,以前細個會好介意人哋點睇我,去大牌檔都唔敢, 而家唔會,我自己鍾意咪得囉!」不斷在訪問中重複「拍拖好開心」,但對於將來再婚的可能性,Cally有少少保留。「我冇諗咁遠,冇理由要我唔做嘢留喺屋 企煮飯抹地,咁會好嘥!」Cally說。

扮鬼扮馬賣樓

在恒基兆業地產營業部擔任總經理的林達民,今年五十三歲,早年從事保險業,八三年加入恒地由低做起,有超過二十八年物業銷售策劃經驗,目前是恒基物業代理 有限公司董事之一。持有澳洲悉尼科技大學工程管理學碩士,以及香港理工大學管理學文憑的林達民,現時為香港地產行政師學會普通會員以及香港市務學會行政人 員會士,每逢恒基新盤開售,林達民均要坐鎮,甚至要學對手「長實樓神」趙國雄,扮鬼扮馬傾力賣樓。

 
講心 心唔 唔講 講金 鄺美 美雲 愛上 無樓 樓樓 樓神
PermaLink: https://articles.zkiz.com/?id=38516

探老友記送暖鄺美雲帶3愛犬拜年

1 : GS(14)@2016-02-10 14:19:25

鄺美雲(Cally)於昨日大年初二,帶同三頭愛犬Cash、Euro及Bank,聯同C AllStar的釗鋒,將大批保暖外套送到竹園一間老人中心。他們除了與大班老友記唱歌玩遊戲外,Cash「三爺孫」亦表演跳欄助興,Cally又透露:「稍後會錄一首佛歌同打算出一張發燒碟,上年已經想錄,但一直冇時間,最近又不停食年糕蘿蔔糕好傷聲,又唔錄得住,希望今年可以錄得成。」



■Cally抱着愛犬向長者拜年。

■Cally昨日與C AllStar的釗鋒到老人中心探訪,跟長者唱歌玩遊戲。



Cash捐利是行善

特別喜歡農曆年喜慶氣氛的Cally,今年買了大桃花、桔樹及年花等佈置家居,與3隻愛犬一齊過年,她說:「過年盡量唔會出門,會多啲見屋企人朋友拜年同去佛堂、帶狗狗去老人院做義工,佢哋3隻都會
老友記 老友 送暖 鄺美 美雲 雲帶 愛犬 拜年
PermaLink: https://articles.zkiz.com/?id=295737

鄺美雲打天才波

1 : GS(14)@2016-09-11 05:50:33

鄺美雲(Cally)、蘇志威、鄭則士、苗僑偉、王賢誌及何猷啟等,昨日在南華會出席慈善保齡球賽,跟蘇志威同隊的Cally自稱很愛打保齡,但兩人事前並無為今次比賽特別練習,蘇志威則自誇從未試過打波落坑。鄭則士表示最近經常打保齡,問到有否約劉德華一齊打保齡?他說:「唔會喇!而家唔會得閒,佢湊女係好偉大嘅事,家庭生活係開心嘅。」苗僑偉的太太戚美珍最近有新戲《江湖悲劇》上映,阿苗表示有朋友好支持,包戲院請睇戲,問到會否夫妻檔合作?他指故事情節難寫。採訪、攝影:王連連




來源: http://hk.apple.nextmedia.com/entertainment/art/20160911/19766853
鄺美 美雲 雲打 天才
PermaLink: https://articles.zkiz.com/?id=308625

葉璇講契爺鼻一酸彤叔紅顏 鄺美雲學誠信

1 : GS(14)@2016-10-13 08:09:35

■鄺美雲穿上全身黑衣到靈堂送別彤叔。



富豪鄭裕彤上月29日逝世,享年91歲,昨日在北角香港殯儀館設靈。彤叔生前人緣好,對太太周翠英更是專一,但彤叔身邊不乏紅顏知己,其中包括昨晚約7時去到靈堂致祭的鄺美雲(Cally)和葉璇,二人日前接受訪問時都很懷念這位仁厚長者,而昨晚去到靈堂的還有謝賢與狄波拉及徐小鳳等。
Cally曾與彤叔次子鄭家成拍拖,分手多年,Cally仍尊重彤叔,她日前受訪時說:「彤叔平易近人,謙虛寬厚,曾提點我,做事要努力不懈,待人要真誠親切。」Cally視彤叔是學習目標:「我未見過佢嬲,對人唔分階層,廣結朋友,佢教我做生意要誠信專業、信譽好。」



■謝賢和狄波拉昨晚結伴到彤叔靈堂致祭。

■徐小鳳昨日往送別彤叔,一臉傷感。


幽默風趣節儉

葉璇99年成為國際華裔小姐冠軍,她在美國波士頓讀書時,已認識彤叔孫仔鄭志剛,其後出席順德樓盤剪綵遇上彤叔,兩人成忘年之交,彤叔甚至跟她上契。葉璇大讚彤叔:「佢幽默風趣,我當年唔知佢咁有錢,傾偈講開,先知全世界有百分之四十鑽石係佢,巴士、周大福又係佢,佢節儉,唔係土豪。」彤叔邀葉璇05年出席除夕舞會,兩人大跳貼身舞,葉璇回憶當晚趣事:「睇到台上穿芭蕾舞衣表演嘅男女,佢哋好似着咗『虧佬褲』,我笑問契爺敢唔敢着住跳舞,佢話唔好啩。當時有傳媒報道我哋舞池跳舞,契爺金句話:『喺舞池唔跳舞,唔通睇書?』」葉璇講彤叔更哽咽:「佢留畀我嘅回憶都係美好,我諗起都鼻酸,佢係值得懷念嘅老人家。」



■契女葉璇重提與彤叔共舞,指契爺拋金句「舞池唔跳舞,唔通睇書?」

■彤叔生前對太太周翠英專一,相敬如賓。


牌品好人品好

此外,彤叔最愛跟劉鑾雄和楊受成等「鋤Dee」,曾試過一晚一千萬上落,玩具大王蔡志明也曾獲彤叔邀請開局,蔡志明笑言觀戰多於落場說:「佢哋睇心情,銀碼我見過一晚有三、四百萬上落,佢哋贏輸都唔會特登開支票,會記低個數。」蔡志明大讚彤叔牌品好、人品好。採訪:羅慧敏、唐如、楊定攝影:沈健程、葉君海




來源: http://hk.apple.nextmedia.com/entertainment/art/20161013/19798798
葉璇 璇講 講契 契爺 爺鼻 鼻一 一酸 酸彤 彤叔 紅顏 鄺美 美雲 雲學 誠信
PermaLink: https://articles.zkiz.com/?id=311850

鄺美雲愛犬係動物醫生宣萱收養狗仔

1 : GS(14)@2016-12-07 07:41:14

陳柏宇日前同女友食飯,食完仲拍住拖行寵物店,為屋企小動物補充食品,好有愛心。要數到有愛心嘅圈中人,就真係唔少㗎。彭健新最令人印象深刻,一定係彭健新同佢隻松鼠狗OK仔,彭健新出騷好多時都會帶埋愛犬現身,農曆年又會帶OK仔上電視拜年,但OK仔上年與世長辭,令到彭健新好心酸。鄺美雲另一位視愛犬如己出嘅仲有鄺美雲,佢隻愛犬Cash仲做埋寵物醫生,不時會同鄺美雲一齊去老人院探老人家。黃子華男神黃子華除咗講棟篤笑叻,向來仲有顆善心,之前就叫過人惜食,噚日佢就出席活動支持領養寵物,仲話有能力就要助養埋孤兒。宣萱宣萱高峯時期養過5隻狗,愛心爆棚,過往仲試過收養好多被遺產嘅動物,至於宣萱老是常出現嘅地方,原來係寵物店,無計啦,因為要照顧狗狗嘛。




來源: http://hk.apple.nextmedia.com/entertainment/art/20161206/19856735
鄺美 美雲 愛犬 動物 醫生 宣萱 收養 狗仔
PermaLink: https://articles.zkiz.com/?id=318513

鄺美雲開金口唱新歌

1 : GS(14)@2017-01-08 19:02:51

鄺美雲(Cally)及胡鴻鈞等昨日在灣仔伊館出席「2017香港義工聯盟傑出義工嘉許禮」,久未獻唱流行曲的Cally獻唱了新歌《用生命影響生命》,她說:「新歌係趙增熹作曲,向雪懷填詞,會擺喺我今年3月推出嘅HiFi碟入面,我錄咗幾首歌,好開心,自己揀咗20隻歌,最後篩剩11隻,今年3月會推出。」有傳吳業坤走紅後囂張,疏離巨聲幫,又跟胡鴻鈞不和,胡鴻鈞笑說:「我哋各自澄清咗,我哋的確係不和。」不過他隨即表示純屬講笑,只是最近大家也忙拍劇,並已相約數天後吃飯相聚。採訪:張俊銘攝影:葉君海




來源: http://hk.apple.nextmedia.com/entertainment/art/20170108/19889739
鄺美 雲開 金口 唱新 新歌
PermaLink: https://articles.zkiz.com/?id=321889

鄺美雲不排除捐身家

1 : GS(14)@2017-01-14 07:54:37

鄺美雲(Cally)昨日到理大為她發起的「看見愛流動護眼計劃」主持儀式,更聯同其他贊助人共捐出三百八十萬支持。Cally稱自己只是發起人,驗眼的地方和人才要靠理大提供,她說:「盡量抽時間做義工去探訪,幫助有需要嘅人。」多年來熱心公益,Cally可有想過日後捐身家予慈善機構?她說:「人生好多嘢都帶唔走,去做就得㗎啦。」採訪、攝影:曹家誠




來源: http://hk.apple.nextmedia.com/entertainment/art/20170113/19894835
鄺美 美雲 雲不 排除 身家
PermaLink: https://articles.zkiz.com/?id=322532

鄺美雲膝軟骨退化:唔會好番

1 : GS(14)@2017-02-18 00:51:22

■鄺美雲在家中安裝樓梯輪椅方便上落。互聯網圖片



鄺美雲前日在facebook貼上一張在家中要靠樓梯輪椅上落的照片,並留言是膝頭受傷,但台灣傳媒昨瘋傳鄺美雲病情嚴重。鄺美雲昨接受本報訪問,她表示數月前踏錯腳致受傷:「上個月返江西開會好凍,喺機場膝頭凍到失蹄,所以過年都冇出門。」



■上星期鄺美雲出席晚宴時已撐枴杖輔助。互聯網圖片

留在家靜養的鄺美雲,為方便起居要裝樓梯輪椅:「本來休息少咗出街,點知越嚟越嚴重,我膝頭軟骨退化去睇骨科,醫生話唔可以上樓梯,唔可以着高踭鞋同做運動,就算食止痛藥、食埋葡萄糖胺,膝頭發炎又痛,軟骨退化,要行咁多樓梯,食乜嘢藥都唔會好。」她又透露已照磁力共振,問到三隻愛犬知否她病了?她即笑言:「Cash知,成日行埋嚟錫錫,好溫柔,而Bank撲上嚟錫,唔係好識,見到我興奮好開心,會踩到我,可能佢太細嗰。」採訪:唐如




來源: http://hk.apple.nextmedia.com/entertainment/art/20170217/19930693
鄺美 美雲 雲膝 軟骨 退化 唔會 會好 好番
PermaLink: https://articles.zkiz.com/?id=326741

鄺美雲延期出發燒碟

1 : GS(14)@2017-06-18 11:18:16

鄺美雲、林奕匡、葉振棠等前晚在尖沙嘴出席「香港義工聯盟籌款晚宴」,鄺美雲和一班義工唱主題曲《用生命影響生命》。晚宴有慈善拍賣環節,鄺美雲捐出四件物品作拍賣,她說:「攞咗幾幅字畫,當中包括星雲大師題嘅字,共有四樣嘢,希望最少收到150萬以上。」她透露本於八月推出發燒碟,現要推遲多一個月,因還有歌未錄好,以及監製趙增熹很忙。




來源: http://hk.apple.nextmedia.com/entertainment/art/20170618/20059538
鄺美 美雲 延期 發燒
PermaLink: https://articles.zkiz.com/?id=335783

鄺美雲文禮苑舊居1.8億易手 5鄺美雲文禮苑舊居1.8億易手 5年升值52%年升值52%

1 : GS(14)@2017-10-27 11:48:33

https://www.mpfinance.com/fin/da ... 1912&issue=20171027
【明報專訊】近年豪宅身價大升,市場消息指,「娛圈富婆」鄺美雲於2012年以1.12億元沽出的深水灣道文禮苑舊居,最新再以1.8億元轉手,較5年前鄺美雲沽出時的成交價再高6200萬元或52%。

上述物業為深水灣文禮苑一幢雙號屋,洋房實用面積3200方呎(建築3594方呎),新近以約1.8億元售出,實呎約5.6萬元(建呎約5萬元)。資料顯示,原業主以領德國際集團有限公司作登記,董事包括盧楚鏘及盧永康,為珠寶商家族,亦是退役馬「愛寶駒」的馬主,二人於2012年以1.18億元購入,若上述成交落實,原業主持貨5年帳面獲利6200萬元或52%。

值得一提的是,今次易手的洋房,鄺美雲早於1999年透過海外註冊公司名義以2750萬元購入後並曾入住,至2012年以1.18億元售予盧楚鏘等人,持貨13年,帳面獲利9050萬元或2.3倍。
鄺美 美雲 文禮 舊居 1.8 易手 升值 52%
PermaLink: https://articles.zkiz.com/?id=343190

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019