ZKIZ Archives


民營品牌價值企鵝最貴馬化騰送股益1500員工 李華華

2010-7-7  AD






 

如果大陸有良心 僱主選舉,華華相信騰訊(700)嘅馬化騰應該好有機會摘冠,事關佢自己落香港買大屋掃豪宅之餘,亦冇忘記要同員工「共富貴」!

以前都試過 送股送期權畀員工嘅騰訊,前日(7月5號)又再拎出366.3萬股出嚟,當獎勵股份咁送畀1454位員工,呢堆獎勵股份約佔擴大後已發行股本 0.1998%,另外仲授出193.3萬份購股權,每股行使價都成130.4港銀o架,有效期7年。騰訊仲話,呢批購股權,公司嘅董事、行政總裁同主要股 東都冇份o架!Well……騰訊噚日收134.6,員工求神拜佛都希望隻股唔會再俾人洗倉!

講開騰訊,胡潤噚日公佈最新民營品牌榜,騰訊同 百度分別以460億同430億人仔嘅品牌價值,超越平安保險(2318)榮登今年嘅冠亞軍。以呢個數字嚟睇,Q哥哥同Q妹妹呢兩隻企鵝,應該係地球上最價 值連城兼受保護嘅動物咯!

李華華

LiWaWa@AppleDaily.com



民營 品牌 價值 企鵝 最貴 貴馬 馬化 化騰 騰送 送股 股益 1500 員工 華華
PermaLink: https://articles.zkiz.com/?id=16524

中環在線:港交所送股李小加過肥年 李華華



2010-12-15  AD


 

如果話港交所(388)係良心僱主,相信冇乜人會反對。淨係睇佢點善待執行董事兼CEO李小加(圖)就知。

港交所噚日公佈,根據僱員股份獎勵計劃,董事會議決撥720萬港銀出嚟,買入港交所股本中每股1蚊嘅股份,用嚟獎授李小加,咁佢咪可以過肥年囉!

另 外,董事會亦撥出1.141億,買股份以獎授入選僱員(唔包括李小加),其中3,000萬乃係預留畀2011年新聘人員,而撥款額當中嘅9,130萬,喺 市場購買股份獎授畀117名僱員(包括李小加),按噚日港交所收市價每股183.2蚊計,可以按完整手數買入最多498,300股,佔港交所已發行嘅股本 約0.05%……

所以話,打工都講命水,好似小加兄咁,今年初先上任,前幾個月獲授股900萬,轉頭又有長期獎勵,就算再嘔多幾封萬言書出嚟,都仲係字字千金啦!

 


中環 在線 港交所 送股 股李 李小 小加 加過 過肥 肥年 華華
PermaLink: https://articles.zkiz.com/?id=20321

送股湊孫 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130312/18191834

講開買奶粉湊孫,即刻有老友提供趣料:「財務L前個月飛過去溫哥華湊孫,高興到不得了,點知女婿嘅父母亦聞風而至,從吉隆坡飛過去,於是四位退休人士,爺爺嫲嫲大戰公公婆婆,為咗爭取湊孫權,由斯文討論,升溫至失控口角,搞到四老嘅仔女不知如何是好。最後還是爺爺嫲嫲大啲,公公婆婆(即財務L與太太)怏然回港,還是頂住度氣!」此乃廿一世紀現象,戰後嬰兒潮(baby boomers)一代,已是退休一代,佢地出生之時,周圍係嬰兒,爺爺嫲嫲,公公婆婆皆忙於打工養家,唔得閒湊孫,那會爭奪。時至今日,社會富裕好多,新生一代(即70後或80後)不願生兒育女,出生率偏低,於是四個老人家可能只得一兩個孫兒,梗係愛之錫之,希望湊孫為樂啦,故此爭取湊孫權!
投資M睇完恒生銀行嘅業績報告及公關部發出之補充資料,對左丁山講:「如果你有孫,不如買一百股恒生股票,收埋保險箱四十年,留俾個孫,睇吓到孫兒四十歲之時,佢會唔會擁資千萬元!」
何出此言?投資M根據恒生提供嘅資料講:「恒生銀行於1972年上市,IPO價錢每股100元,一手係一百股,認購一手要一萬元,與今天要一萬三千元差不多。好嘞,1972至2012年間,每一手恒生共派股息共一百九十萬元以上,加上歷年派發紅股,1972年之一百股變成2012年之19315股,以每股130元計,值二百五十一萬幾,升咗25.1倍,若歷年以股代息,就會累積至105,512股,時值一千三百七十一萬元,喂,即使計埋通脹,如果你爸爸在1972年留一手恒生俾你,你今日都有一筆可觀退休金呀!」
原來咁盞鬼,買到一隻好股票,果真一世無憂,翻查紀錄,1971年港股每日成交額創下六億五千九百三十四萬元歷史新紀錄,一九七二年頭十個月總成交額係293億元,只係今日嘅半天成交額,1972年9月底之銀行總存款達231.4億元,今日一間大型公司集資已不止此數,睇呢啲歷史數字,得到一個結論,就係物價一定愈來愈高,買股票不一定賺錢,但唔買股票就一定吃虧,如有兩個青年30歲,1972年時中馬票得到一萬元,一個保守將一萬元擺入紅簿仔,一個大膽認購一手恒生,眨下眼大家今年70歲,你話邊個感覺更良好呢?

送股 股湊 湊孫 左丁 丁山
PermaLink: https://articles.zkiz.com/?id=53758

員工逾3.8萬送股涉23億元

1 : GS(14)@2016-11-17 11:12:01

【本報訊】上周五雙11為騰訊(700)成立18周年紀念日,創辦人馬化騰向員工每人送300股、現值約6萬元騰訊股票,預計是次授予股票總價值約達17億元,但據最新業績報告顯示,騰訊最新員工數目已增至38,072名,仍以每股200元計,騰訊將派出22.8億元。馬化騰於報告提到,11月11日是公司創立18周年重要里程碑,「我們深表感激,也因此宣佈了一項新的針對全體員工的股票獎勵計劃,讓他們可以更直接地分享自身貢獻帶來的成果」。上周五騰訊透過微信發出送股消息,每份「禮物」達6萬元。據悉深圳騰訊總部員工歡喜若狂,雖然300股要分三年、每年只准沽100股,但員工反而喜歡規定,認為可避免早沽錯失升值潛力。雖6萬元股票只限騰訊員工,但騰訊同時為感謝過往每一位騰訊人和業務夥伴,就準備了總額約3,000萬元人民幣現金紅包派發予在職員工、離職員工、外判人員和公司服務人員,每封金額在188元至1,888元人民幣不等。




來源: http://hk.apple.nextmedia.com/financeestate/art/20161117/19836474
員工 3.8 萬送 送股 股涉 23 億元
PermaLink: https://articles.zkiz.com/?id=315870

投資導航:母親節送股表孝心

1 : GS(14)@2017-05-14 10:44:52

■母親節除了可以送花外,還可以考慮送股票表達心意。 資料圖片





今日母親節,孝順子女要向母親表心意,買禮物又怕媽媽不合心意,送現金又似乎欠誠意。不妨由投資角度出發,悉心為母親挑選具增值潛力的禮物,實際得來有誠意。講到「投資禮物」,中投傲揚基金經理溫鋼城、富昌金融研究部總監譚朗蔚都不約而同建議買股票。溫鋼城表示,若母親未屆退休年齡,可考慮贈送一手騰訊(700),賬面值超過2.5萬元,因穩陣且回報仍可觀,市場最樂觀看每股290元,潛在的升值力可達15%,即使回吐跌幅亦有限,料僅半成。


貴金屬亦是好選擇

但是若果母親已年屆退休年齡,可選擇以實物形式送贈房託股予母親,如越秀房託(405)、領展(823)及置富產業(778),每手入場費約4,600元至2.9萬元,博穩定長線收息,「媽咪到時到候收到張支票,都幾開心」。至於譚朗蔚則建議母親節送Prada畀媽媽,不過並不是送Prada手袋,而是送3,000幾蚊已經夠入一手的Prada股票。譚朗蔚解釋,「香港零售市場復蘇,啲數字全部靚仔晒,普拉達(1913)大中華銷售佔大部份,咁我覺得有幫助」。譚朗蔚續指出,普拉達股價一路逐級上,怒追落後下近期更加創下52周高,所以送畀媽媽長揸絕對有信心,現價約34元可入,今年目標價睇45元。麗新傳訊事務副總裁、「小飛俠」林燕玲表示,今年母親節與母親外遊慶祝。她表示,媽媽投資眼光一向好,所以與其為她揀股,索性「畀錢佢買股票」。她指,媽媽傾向購買一些高息股,如中電(006)、REITS如置富產業(778),「佢入市眼光好準,通常買咗個價都會升,咁就財息兼收」。股票以外,貴金屬亦是一個好選擇。於星展銀行任職經濟師的周洪禮指,現時黃金具投資價值,亦可以考慮,例如飾金、福祿壽裝飾等。周洪禮認為,黃金現貨價值跌至1,200美元,然而下半年意大利大選,或為歐洲政經再帶來震盪;北韓地緣局勢不穩,中國政府與北韓溝通未有改善,金價尚未有反映這個因素,故此未來回報可能更吸引。富邦香港消費金融部主管谷祖明表示,股票如銀行股為禮物首選,同時,澳元亦不失為一個好的投資。他解釋,近年滙價下跌了不少,現時處於吸納水平,加上澳元利息較一般貨幣好,在現時買入後亦可自用,例如去旅行等。




來源: http://hk.apple.nextmedia.com/financeestate/art/20170514/20020694
投資 導航 母親節 母親 送股 股表 孝心
PermaLink: https://articles.zkiz.com/?id=332913

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019