ZKIZ Archives


坐車夜訪欖球賽懶鎮定麥明詩經子彈路 趴低防襲

1 : GS(14)@2016-08-14 14:29:21

■麥明詩前晚到Deodoro採訪欖球賽事,坐車時怕遇襲而全程伏在座椅上。互聯網圖片



里約奧運舉行得如火如荼,但區內治安備受質疑,槍擊案及幫派暴力嚴重,連日來都有奧運代表團遇上失竊事件,想不到連「十優港姐」麥明詩都遭殃!前日麥明詩在奧運節目中透露被人偷錢,她房間內有五分一的財物不翼而飛,約四位數港元,幸護照及貴重物品都跟身。雖然他們大部份時間都留在選手村,但有時候為採訪其他賽事都要搵命博,據悉麥明詩與體育組拍檔及一班幕後人員前晚又再遇驚險事。


擔心有危險

麥明詩前晚與製作隊要採訪夜間舉行的欖球賽事,他們由傳媒中心坐巴士去Deodoro,而途經地方就是上周二有傳媒車遇槍擊事件的同一路線。當日載着記者的巴士途經貧民窟附近時,突然有兩發用石頭製成的子彈射穿車窗玻璃,所以麥明詩等人都好擔心有生命危險,全程車所有人都伏在座椅上,不敢坐直,因為相信車身鐵皮位置較能承受子彈射擊。



■一輛傳媒巴士上周二途經貧民窟時遇襲,車窗碎片散落一地。資料圖片

■麥明詩下榻的房間離奇被偷錢,她要問其他人借即食麵醫肚。


失竊當擋災

昨日麥明詩在Instagram貼上採訪欖球場上的相片,留言:「同香港好有緣嘅運動項目:七人欖球!BTW七人欖球係今屆新加嘅項目,場面好熱鬧。」雖然笑容滿面,但其實好驚,她昨日以短訊回覆謂:「少少啦,不過呢啲嘢整定,做人冇得擔心咁多。」問到家人是否很擔心?她直說:「擔心呀,不過我大部份時間都喺場館入面,係安全嘅。」對於失竊事件,她仍樂觀面對,指有買保險及已報警處理,當是破財擋災,幸好獲拍檔陳恩能(丹尼爾)請食大餐「定驚」。採訪:嵐山




來源: http://hk.apple.nextmedia.com/entertainment/art/20160814/19735237
坐車 夜訪 欖球賽 欖球 鎮定 麥明 詩經 子彈 趴低 低防 防襲
PermaLink: https://articles.zkiz.com/?id=305789

極攰驢仔做到趴低好心人睇唔過眼出手救

1 : GS(14)@2017-04-28 02:10:51

西班牙一隻驢仔慘遭主人虐待,被迫長時間拉車後四肢乏力,倒地不起,幸有途人報警終令牠獲救。事發在華倫西亞附近一條山區村落,從相片可見,蓄有灰白色鬍子的主人坐在車上驅策白驢拉車,車上還載有大量雜物。白驢最後累極不支倒地,俯伏在街邊。有村民見狀後報警,警方發現這隻驢仔和另外一隻狗雙雙被主人虐待。獸醫為驢仔檢查後,指牠有生命危險,但主人仍不肯交出驢仔,幸好有人在網上發起聯署請願促請當局介入,事件才得以解決,最後警方把驢仔和狗一併帶走。驢仔其後確認有嚴重營養不良、蹄部感染,因使用不適當的束帶令牠受到寄生蟲感染和皮膚損傷等。一名主動聯絡動物組織的好心人說:「兩隻動物都受到法律保護,縱使有明確指引,但政府部門處理有關情況仍然猶豫不決。」驢仔獲救後取名為「Vida」(意思是生命),目前牠正在康復當中,暫時安置在一個庇護所,之後會移送到馬拉加一個野生保護區。英國《每日郵報》/《太陽報》




來源: http://hk.apple.nextmedia.com/international/art/20170426/20002347
驢仔 做到 趴低 好心人 好心 睇唔 過眼 出手
PermaLink: https://articles.zkiz.com/?id=331669

一個人住2,000呎豪宅謝賢:有可能趴低冇人知

1 : GS(14)@2017-06-25 11:26:59

笑言與霆鋒「唔熟」的四哥謝賢,已屆八旬,最近獲子送贈8,500萬淺水灣道怡峰向海單位,兩層合共近二千呎。約9月左右就可以入伙。新居好大,但住嘅得四哥一個。大吉利是話自己「好快俾番(間屋)」霆鋒嘅四哥,百無禁忌,在昨日出版的周刊訪問中,不時話自己「嗰頭近」,所以依家乜嘢都會做,除咗壞事。唔怕死。四哥話嘅。遲早都去,有乜嘢好驚?都係四哥話嘅。飲食隨己好惡又唔戒口,Body check都唔做。之前拍《賭城群英會》撞車致肋骨骨裂,四哥在訪問中稱,依家背脊仍然會痛,但佢又唔去睇醫生。「我都差唔多啦!」又係呢句。一個人住,工人煮完飯就走。拍拖十年又細佢49年嘅女友CoCo亦都唔係成日見,四哥嘅理由係,見得多唔好。但家陣四哥覺得自己開始有啲失憶,啱啱擺低嘅嘢轉頭渾忘,搵都搵唔番。於是四哥又話,自己都係「嗰頭近」。間屋咁大又一個人住,這位佻皮長者又打趣謂可能有晚「趴低都冇人知」。不過四哥都係冇句真。佢平時四圍走冇時停,周不時行山,或相約竹戰。成日郁,延年益壽。最大心願,四哥話就係想見到仔女同孫兒好。仲話自己會繼續拍劇,不過係大陸嘅網劇。你話死唔死!四哥都北上搵人仔,香港觀眾其實有冇諗過可能未到2046已經冇本地製作欣賞?




來源: http://hk.apple.nextmedia.com/entertainment/art/20170625/20068216
個人 000 豪宅 謝賢 可能 趴低 低冇 冇人 人知
PermaLink: https://articles.zkiz.com/?id=337010

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019