ZKIZ Archives


去年熱情面貼面成龍宋祖英再同場會點?

1 : GS(14)@2015-03-07 09:04:56





去年三月,成龍以全國政協委員身份,出席協文藝組討論會議,席間成龍表現極之熱情,與解放軍女歌手兼中國民歌天后宋祖英「面貼面」say hi,掀起滿城風雨。可能成龍平時對其他女星錫面珠或者hug hug,都係普通禮儀,不過宋祖英身份同一般藝人有別,就連中共前總書記江澤民,都係宋祖英頭號歌迷。當時宋祖英對成龍突如其來舉動,表現尷尬又驚訝,似被對方熱情嚇親。事件轟動全國,成為熱話,有網民直斥成龍此舉有失禮儀。相隔一年,成龍日前再以全國政協委員身份,出席喺北京舉行嘅全國人大會議,宋祖英今年都有份出席會議,身為亞洲通訊社社長徐靜波早前喺微博表示:「今年中國兩會即將開幕,有三個人的行蹤必受關注:第一,趙本山能不能突破記者圍堵?毛新宇減肥有沒有成功?第三,成龍還敢不敢當眾親宋祖英?」終於前日下午,徐靜波喺微博貼咗一張成龍與宋祖英一齊出席會議照片,相中見到宋祖英閉目養神,兩人明顯保持距離,全程零交流,好似唔識咁款,徐靜波則寫道:「今年估計不會有什麼動作。」





來源: http://hk.apple.nextmedia.com/entertainment/art/20150307/19067062
去年 情面 貼面 成龍 宋祖英 宋祖 同場 會點
PermaLink: https://articles.zkiz.com/?id=288290

最索星二代畢業喇!Hilary童童貼面慶祝

1 : GS(14)@2015-06-08 08:42:52

■Hilary的中東男友Rafic,亦有返港見證女友畢業。微博圖片


上山詩鈉的18歲寶貝女Hilary堪稱最索星二代,前晚她在就讀的國際學校行高中畢業禮,媽咪上山當然有到場見證,上山好友杜德偉夫婦亦有前來。Hilary的中東男友Rafic Korban及王菲大女竇靖童也神秘現身送上驚喜。



■竇靖童(右)與Hilary自小相識,童童捉實好友下巴貼面合照慶祝。微博圖片

■美魔媽上山詩鈉(左)穿上低胸性感白裙,賀囡囡Hilary高中畢業。



比男友更親暱

竇靖童由細與Hilary孖公仔玩到大,兩人十分老友,轉了鬈髮新造型的童童身穿白色恤衫打扮,捉實Hilary下巴、臉貼臉合照,比Hilary與男友的合照更顯親暱。童童將合照擺上微博,不少網友留言,竟開玩笑指她公開與小女友的戀情,亦有人大讚她手上的紋身有型。


■杜德偉在Hilary4歲時便相識,與太太送上鮮花祝賀。

8月美國升學

幸福媽媽上山詩鈉盡顯美魔女本色,以低胸性感白裙赴會,能見證囡囡戴上畢業帽感觸又開心,她昨日在電話回應:「好開心,囡囡終於完成中學階段,而家去另外一個旅程。」問到上山有否感動落淚嗎?她說:「想喊,最後冇喊,但真係好開心!」杜德偉則表示看着Hilary成長,當然要來見證這一幕。據悉,Hilary會先與同學去泰國蘇梅島旅行,8月會去到美國波士頓升讀大學,順道會合男友。採訪:比華利





來源: http://hk.apple.nextmedia.com/entertainment/art/20150607/19175040
最索 星二 畢業 Hilary 童童 貼面 慶祝
PermaLink: https://articles.zkiz.com/?id=290720

古天樂開槍唔會貼面

1 : GS(14)@2016-09-09 05:37:01

古天樂和張智霖早前在太古為新片《S風暴》接受訪問,對於這部戲有好多動作場面,尤其飾演警察的張智霖既要開槍又要飛車,他說:「以前曾經拍過,但自己冇乜留心,爆破彈爆到眼眉,所以要打醒十二分精神,整到自己就抵死,但好驚整到人。」經常拍動作戲的古仔,亦試過不慎遭玻璃飛入眼,他說:「有時打醒十二分精神都冇用,意外就係意外,盡量小心啦,把槍盡量唔好貼住塊面開。」眾所周知,古仔好cool,其實另一主角周渝民(仔仔)亦出名cool爆,古仔說:「仔仔個人比較內斂,但佢好有禮貌,今次佢做一個好cool嘅殺手,好啱呢個角色。」採訪:黃曉妍攝影:仇志德場地提供:Mr& Mrs Fox




來源: http://hk.apple.nextmedia.com/entertainment/art/20160909/19764697
古天樂 開槍 唔會 貼面
PermaLink: https://articles.zkiz.com/?id=308364

康華晒45歲生日P密照佘詩曼貼面慶祝

1 : GS(14)@2016-12-07 08:01:05

噚日係康華嘅45歲生日,今日凌晨起,佢喺微博接續出po,狂晒朋友幫佢開生日P嘅相,其中唔少得佢位好姊妹佘詩曼。阿佘貼出佢同康華頭貼頭加搭膊頭嘅合照,睇落阿佘應該飲到兩分醉,佢留言話:「Happy Happy Birthday@康華Akina祝親愛的你永遠快樂美麗!願你所有願望成真!」而康華就覆番佢:「今天被你感動到了@佘詩曼Charmaine要愛你幾萬年。」喂,係咪要咁肉麻先?不過,壽星女大晒,就畀你肉麻一次啦……睇番阿佘幫康華慶生嗰批相,席間仲有佢哋個好姊妹文頌嫻,佢哋除咗食蛋糕外,仲有飲紅酒,又有禮物收,好鬼開心!阿佘同康華影大合照時,仲旁若無人手搭手、嘟晒嘴,同放閃情侶冇分別!另外,康華又獲魯振順同名監製潘嘉德等人幫佢慶祝生日,成圍人喺酒樓食飯,仲齊齊切生日蛋糕,康華留言話:「幸福就是這樣發現的,謝謝身邊這些可愛人兒給我的快樂。」有咁多人幫自己慶祝,的確係開心嘅!




來源: http://hk.apple.nextmedia.com/entertainment/art/20161207/19857340
康華 45 生日 密照 佘詩曼 貼面 慶祝
PermaLink: https://articles.zkiz.com/?id=318634

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019