ZKIZ Archives


高鐵爆爛民居唔認數

2012-10-11  NM




高鐵元朗段去年動工,工程進行得如火如荼,但連綿不斷的隧道鑽挖和爆破,為附近居民帶來極大困擾。本刊近日收到八鄉上村的村民投訴,指港鐵的爆破工程令他們屋內牆身滿布裂縫、水管漏水,但港鐵拖足大半年,至今仍拒絕承擔責任。

「港鐵成日都係夜晚先進行爆破,瞓覺時都會感受到啲門、窗喺度震,差啲以為係地震,試過凌晨六點幾俾佢震醒咗!」陳先生一家搬入八鄉上村四年,三層高的村 屋極其新淨,但自半年前港鐵在離村約一公里的範圍展開爆破工程後,屋內牆身就不斷出現裂縫。「由四月開始,間屋突然出現好多裂縫,愈嚟愈多,愈嚟愈大條, 由地下裂到上天花!」記者檢查陳先生的單位,發現三層樓合共有逾四十條裂縫,最長的更超過一米,不少更裂至電掣旁,隨時引發漏電危機。陳先生屋內的水管亦 爆裂,「早排打風落雨成間屋都冇事,淨係廁所不斷滲水,之後就發現廁所牆身濕晒,浴缸一笪笪霉漬,先知道原來連牆身入面嘅水管都震到爆埋。」另一於村內住 了逾廿年的黎小姐,亦遇到同樣問題,自四月開始,全屋被爆至滿布裂縫,最嚴重的裂縫甚至大得可攝入整條鎖匙,「二十年嚟都冇事,係呢半年先搞到咁。」就連 露台外的紙皮石亦被震至碎裂,出現一大條裂縫,「露台不斷有碎石跌落嚟,惟有自己請師傅維修。」

港鐵報告拖足半年

眼見損毀嚴重,陳先生和黎小姐於六月向港鐵投訴,惟港鐵派出公證行調查兩次後,便無回音,拖足大半年,至今仍拒負任何責任,「間屋舊啲就話可能係自然損 耗,新啲就話可能係牆身收水而引致裂縫,總之拖到今日都話仲未有報告。」他們又指港鐵一直未有按時通知爆破時間,「佢哋六月打後就冇再貼告示,但係我哋八 月都仲感受到震動。港鐵一味話個工程搬遠咗,冇可能感覺到震動,逃避責任。」記者在村口的馬路邊發現告示牌,但該告示牌早被黑色膠袋密封,拆開膠袋後,發 現告示牌上寫着的爆破時間為六月二十日,港鐵明顯未有再為村民更新爆破時間。

專家話爆破如五級地震

土木及結構工程師蘇耀坤指出,港鐵的爆破工程,威力最強可相等於五級地震,「震盪力咁強,絕對會令屋內出現裂縫,影響樓宇結構。」他更指出,爆破工程有機 會引致水土流失,令樓宇出現沉降,故港鐵應盡快正視問題。他又提醒村民,應把所有損毀情況拍照記錄,「最緊要有相片為證,方便日後向港鐵追討。」

回應逃避責任

本刊將村民的投訴轉介至港鐵,其發言人指公證行報告仍未審核完畢,又表示由於「現時鑽爆工程範圍已深入地底」,故無需作出告示。港鐵又指,所有工程「已進 行了審慎而全面的評估,確定走線及施工方法不會影響沿線附近的樓宇及建築物結構安全」,但卻拒絕提供任何工程數據作證明。 (馬梓皓)

壹判官

港鐵爆爛民居,但拖足半年仍未肯負責,良心何在?評分:劣劣劣劣(五個劣為最嚴重)

高鐵 爆爛 民居 唔認 認數
PermaLink: https://articles.zkiz.com/?id=38521

法官:你可以唔認數㗎,點解咁儍?

1 : GS(14)@2012-02-05 13:43:26

http://hk.apple.nextmedia.com/te ... 104&art_id=16038731


【本報訊】年輕散工兩度脫光衫褲,赤腳跑出家門兼狂奔樓梯,以全裸身軀嚇唬兩名女鄰居。散工早前在法庭認罪,聲稱犯案純因無聊貪玩。惟他卻向感化官自爆因玩輸網上啤牌遊戲,遂應勝方要求剝光豬出街受罰。裁判官昨得悉真相後不禁揶揄:「上網之嘛,你可以唔認數㗎……點解你咁儍呀?」終判他履行 160小時社會服務令,又勸他別再投入網上世界,盡快重返現實世界,做個實實在在的人。
記者:楊家樂
法官 可以 唔認 認數 點解 解咁
PermaLink: https://articles.zkiz.com/?id=277561

傳大戶拒認數 超購新股潛水 殃及8支尾班車招股乏人問

1 : GS(14)@2014-07-03 15:06:59

http://news.cnyes.com/%E5%9C%8B% ... A%BA%E5%95%8F.shtml
市傳有中東對沖基金認購新股數額過大「甩底唔認數」,連累熱爆新股首日表現,新股市場遊戲規則大變,超購百倍不再是穩賺的保證。近期新股連連無肉食,殃及上半年最後登場招股的8支新股乏人問津,大多未能獲得孖展認購。

《星島日報》報導,有接近承銷商人士透露,有認購新股的中東對沖基金,最後獲分配股數超過預期,無法按約定拿出頭寸,承銷商只有包攬,在新股上市當天拋售回籠資金,導致新股表面風光,結果卻沽壓沉重。

亦有基金經理認為,投資者反口案例只是少數,若不是散戶對近期上市公司質素無信心,急於沽出嘗即日鮮,也不會有那麼多新股表現不佳。業內人士表示,另一種可能是公司准予某些機構投資者實際以低於招股價的價錢入飛,沒有禁售期的話,他們很可能會選擇盡快離場獲利。
2 : GS(14)@2014-07-03 15:07:37

http://www.inv168.com/phpBB3/viewtopic.php?f=48&t=73848


由 hw » 週四 7月 3日, 2014年 2:38 pm

IPO既野, 從來都係市場氣氛多於一切, 個市氣氛好, 乜垃圾都有人搶. 如今市靜, 既然超額一百倍已經分左一半比散戶, 大戶何必派錢? 有良心就踢高佢好等大家有時間走人. 如果隻野真係咁有故仔既, 開波後亦無謂搶高, 仆街既就踩一腳深, 人棄我取慢慢收, 你急佢唔急.

經驗話我地知, 家喻戶曉既品牌上升最容易賣, 但係呢類生意往往又會在業務見頂既時候上市, 對大股東黎講業績/股價跌極都仲有個殼, 但係小股東就可能永不超生.
大戶 拒認 認數 超購 新股 潛水 殃及 支尾 班車 招股 乏人 人問
PermaLink: https://articles.zkiz.com/?id=284776

【震驚好多億人】AY橫刀長毛 咀完娥姐唔認數?

1 : GS(14)@2016-09-07 08:06:21

立會選舉塵埃落定,但點票場地眾生相真情流露,不少人仍回味攝影師當日捕捉到的珍貴影像。繼點票時新東CY「死忠」陳玉娥拉著反對CY連任的公民黨楊岳橋(AY)合影「搭膊頭」照後,楊的議員助理fb專頁「810扮工室」昨午更上載一幅2人額頭貼額頭的親暱相﹗題為「【選戰背後】震驚13億人(助選團)的真相!」,事實上真的震驚了無數網民。此fb專頁之前已有不少有關楊岳橋的P圖,故有網民質疑是P圖,不過,此相一出,瞬間已成為「萬能key」,有網民將2人key落風景相、北韓金正恩揮手照之內。
fb專頁指,選戰完成點票後,娥姐笑住走過來與AY提出合照,「競選團隊竟然影到一張咁嘅相!點解!?」,並加上大量hashtag,「#810扮工室第一屆P圖大賽」、「#數到三就P圖」、「#無毛哥份#很想要吧」、「#AY的家底好」。之後有傳媒找出真相,確定此圖並非P圖,只是角度問題。當時2人在台上側身握手,之後一個向左走一個向右走,從台下正面望去,一前一後看似額頭貼額頭好親密,結果造就競選團隊拍下這經典時刻!及後娥姐又回身抬回地上物件,臨下台前再與楊「搭膊頭」合照,現場即時起哄,最後2人友善揮手說再見。楊岳橋其後在fb發表「嚴正聲明」,強調他本人的頭部與陳玉娥小姐的頭部「絕對沒有物理性或非物理性的接觸」,澄清他本人「絕沒有試圖企圖或意圖玷污陳小姐的髮髻」,並笑言「對於被大量改圖,本人表示笑到有腹肌,並保留一切追PO權利」。網民留言:
Daisy Law:他被污蔑了!
Victoria Chan Wai Yee:我唔制呀!!!點解會咁㗎?!
Asiamonmon Yeung:數到三,便愛上。




來源: http://hk.apple.nextmedia.com/news/art/20160907/19763289
震驚 好多 億人 AY 橫刀 長毛 咀完 完娥 娥姐 姐唔 唔認 認數
PermaLink: https://articles.zkiz.com/?id=307902

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019