ZKIZ Archives


發聲明話冇分手呂麗君踩上華置 大劉甘比側門走

1 : GS(14)@2016-08-07 02:13:41

【灣仔】【前日】■被爆與大劉分手的呂麗君前日首度現身,拖住囝囝踩入灣仔華置,而昨日她再出招否認與大劉分手。



呂麗君日前被本報踢爆與大劉劉鑾雄分手後,連日來連環出招反擊,繼日前發聲明否認有男友後,前日下午她首度現身,攜囝囝突然現身灣仔華置總部。至昨日,呂麗君接受傳媒訪問時發聲明否認與大劉分手,並於大劉與陳凱韻(甘比)現身華置後,再度攜子踩上華置,雖未知三人有否碰面,但大劉與甘比在華置逗留兩小時後即由側門離開。


昔日紅顏知己無數的大劉劉鑾雄,自01年和02年先後邂逅呂麗君和甘比後,未再有新緋聞,但就演變成呂麗君與甘比之間鬥爭。多年來,有關兩女爭寵傳聞不絕於耳,本報於剛過去的周一獨家踢爆呂麗君於年多前跟大劉因性格不合而和平分手,而大劉自去年4月送別亡母後,與呂麗君等人到福臨門用膳,之後未有見二人一起現身。



【中環】【昨日 傍實食晏】■大劉昨與甘比在中環午膳後坐輪椅離開,之後二人返回華置,未知有否跟呂麗君碰面。

【避走側門】■大劉被問到與呂麗君分手,但他一概不回應。

■保鑣撐起雨傘遮擋傳媒鏡頭,護送呂麗君母子進入華置。DV圖片



甘比傍實大劉

不過,對於分手消息,呂麗君連日來頻頻出招反擊,在分手消息曝光當晚,呂麗君急發聲明表示「對於媒體就我們私人事宜的猜測和假設,我們覺得莫名其妙」,並否認有男友,但就未有否認與大劉分手。至前日下午2時許,呂麗君於分手傳聞後首度現身,已辭去華人置業所有職務的她,乘坐大劉車牌「60」Benz,與囝囝子鋒在兩部車護送下直達灣仔華置總部,兩小時後呂麗君與囝囝離開。記者問呂麗君可有見到大劉以及其身體狀況,呂麗君並沒有回應。呂麗君昨日繼續出招,她先於上午時間接受周刊訪問,發聲明否認與大劉分手:「沒有,我們的感情很好。」而被問到是否每天都返華置處理業務時,呂麗君指兒子特別喜歡去父親辦公室耍樂,並指兒子每天都吵着要見父親,報道中指呂麗君仍有返華置處理倫敦物業交易。呂麗君的訪問曝光後不久,大劉與甘比於中午12時返回華置,逗留約45分鐘便往中環置地廣場的唐人館午膳,下午1時50分甘比傍實坐着輪椅的大劉離開,然後再折返華置,相當頻撲。



【拖住上車】■甘比拖着大劉上車離開。

■大劉近年不見與呂麗君一起,只由甘比陪伴左右。



四度出招反擊

甘比與大劉返回華置幾分鐘後,呂麗君竟第四度出招,再次攜囝囝踩上華置,雖然未知有否跟大劉、甘比碰面,但大劉與甘比在華置逗留至下午4時選擇由側門上車離開,避開傳媒追訪,對於記者追問大劉是否與呂麗君分手,大劉一概不作回應。本報昨再向大劉秘書查詢,但未獲回覆。據了解,大劉年多前已搬離白建時道大宅,留下大宅給呂麗君和一對子女居住,自己則入住甘比渣甸山高士美道大宅,方便平日起居飲食由甘比照顧,可見呂麗君與大劉的感情確實起了變化。採訪:黃曉程、吳耀輝攝影:羅德光、潘冠恩、梁繼光





來源: http://hk.apple.nextmedia.com/entertainment/art/20160806/19725031
聲明 話冇 分手 呂麗 麗君 君踩 踩上 上華 華置 大劉 甘比 側門
PermaLink: https://articles.zkiz.com/?id=304685

太古廣場:邊個話冇free lunch?識食一定咁樣食免費餐

1 : GS(14)@2016-12-21 23:40:53

「若不用付費,用家才是商品(If you are not paying, you are not the consumer, you are the product being sold.)。」在KOL泛濫的年代,這句說話重新發揮它的魔力。不過家姐我志不在講呢啲marketing系高深話題,而是實實在在、飽肚嘅free lunch。最近一到lunch time,pantry又少咗人。Connie早早閃咗去尋找隱世美食、Priscilla搭叮叮返屋企陪個囡食完飯再返工,叫外賣free lunch塞爆pantry嘅情景已不復見。事源係一個幾個月前出現嘅叫外賣App,家姐我有幸收到風,又喺金鐘呢個咁具地利嘅地方返工,個App當時第一炮就係每個月sponsor三餐free lunch,上限二百蚊。二百蚊即係食到幾多嘢?我唔直接答你,我用例子答你。我叫嘅第一餐free lunch其實係free dinner,記得當日做完中期業績已經死死吓,飯都唔想落街食,偏偏又要喺公司等運到。唯一嘅highlight就係有得食免費餐。嗰陣個App仲未有好多餐廳,我揀咗一間越南餐廳,一碗火車頭、一盤刁草薯條配明太子沙律醬、一客蝦春卷,仲有兩罐汽水。落單半個鐘後送到嚟,薯條春卷熱辣辣,火車頭仲分湯上。而我,一蚊都無畀過。
App一開始送free lunch,梗係博你download咗個App先,以後再自己畀錢order;又或者博你打卡或者同朋友開心share,幫佢免費賣廣告。人肉廣告就係,你食咗佢餐free lunch,就變咗商品,好似變咗《千與千尋》入面隻豬咁。之但係既然要做商品,梗係要做賺到盡嗰個。新會員優惠當然用到盡,家姐我就食晒三餐free lunch。到Connie佢哋發現呢個App時,已經無二百蚊免費餐呢支歌仔唱,新會員得嗰五十蚊free quota。唔夠食free lunch,我哋都叫咗幾日免費芒果糯米糍同桂花糕做甜品,法國薄餅crepes都叫咗三、四次。媽媽級Priscilla做得仲盡,唔喺公司食lunch,都要叫支竹蔗矛根送到嚟公司,拎返屋企飲。免費喎,why not?個App現時已經唔算新,以一個App嘅周期嚟講,簡直係去到outdated嘅階段。呢個時候仲可以點幫自己日日賺?就係成為另一個商品──like佢facebook。公司都深明雞髀打人牙骹軟,日日都定時定候畀折頭promotion code,先到先得。計落我哋成個team加埋,已經免費食咗幾千蚊嘢。當然我哋貢獻晒啲私人資料去開account,又得閒喺WhatsApp同朋友讚吓隻App,仲like埋佢facebook。係做咗人肉廣告㗎,但啲免費炸雞同炸雲吞,又真係幾好食。故事係咪真係咁美好?梗係唔係啦,都話現時個個都出去食lunch又或者帶飯。除咗着數越嚟越少,啲伏位都慢慢浮現。有咩咁伏?下次再教精你,我到站落車趕去譚仔啦。【家姐教路】想知道免費優惠,都離不開subscribe email alert同埋like facebook。記得呢啲promotion多數有期限,如果唔想蝕,不妨order啲唔使補錢嘅細額小食,珍珠奶茶都係一個好選擇。最後最後,confirm order之前記得望吓係咪真係用咗promotion減咗價,詳情下次伏位揭密再講。關家姐
https://www.facebook.com/kwangajei/本欄逢周三刊出




來源: http://hk.apple.nextmedia.com/financeestate/art/20161221/19871670
太古 廣場 邊個 個話 話冇 free lunch 識食 一定 咁樣 樣食 免費餐 免費
PermaLink: https://articles.zkiz.com/?id=319630

張致恒有新歡解話冇性上癮

1 : GS(14)@2017-03-04 00:34:45

■張致恒自言今次認真拍拖,如果同居就結婚。互聯網圖片



張致恒(Steven)去年被爆背女友莊端兒偷食被怒飛,前晚他在facebook貼新女友梁皓恩合照放閃,他昨在電話說:「佢有拍港台劇,又醉心舞台劇,有次我睇舞台劇朋友介紹識,啱啱開始拍拖。」今次高調認愛,Steven坦言:「因為我想拍拖,但唔想閃閃縮縮,女方安全感都大啲,今次如果同居就結婚,唔係玩玩吓。」更主動澄清冇性上癮:「我承認曾經偷食,賴落去自己有病度,我以前冇承擔責任,同大家講唔好意思。我張致恒冇性上癮呢個病,我會努力做好我自己。」舊愛莊端兒以短訊回覆:「會祝福佢。」採訪:皓騫




來源: http://hk.apple.nextmedia.com/entertainment/art/20170303/19945328
張致 新歡 解話 話冇 冇性 上癮
PermaLink: https://articles.zkiz.com/?id=327608

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019