📖 ZKIZ Archives

林小明懶理江若琳跑數

1 : GS(14)@2017-01-21 03:36:51

林小明旗下的寰宇集團昨日在尖沙嘴舉行30周年晚宴，林小明透露今年投資大計：「想籌備開拍《掃毒2》同《逃出生天2》，希望演員有期原班人馬。」他和江若琳的合約糾紛至今仍未解決，他說：「年中就可解決到。」江若琳大呻每月要跑六數才可夠生活費和支付律師費，林小明說：「呢啲唔關我事。」問到合約解決可會找對方拍戲？他說：「解決合約先，合約到2019年，正常要claim佢，但等個官判。」同場樂易玲被問到有報道指歐錦棠揶揄她是「婆娘」，樂易玲說：「有唔開心，我冇同佢聯絡過，唔了解佢，佢唔鍾意冇得好講。」採訪：張俊銘攝影：陳順禎




來源: http://hk.apple.nextmedia.com/entertainment/art/20170120/19902531

---

江若琳環保吊飾賀年

1 : GS(14)@2017-01-27 07:40:40

江若琳日前在尖沙嘴示範DIY環保賀年吊飾，只要手工紙及棄掉的揮春，經簡單剪貼工序便完成，她分享小貼士說：「可以用粉紅或其他顏色，會有不一樣效果。」猴年事業一帆風順，她指上天每年總給自己考驗，更形容是「鑊鑊新鮮鑊鑊甘」，她說：「?家嘅我好懂得快樂，冇以往咁計較。」



■江若琳親自教整環保賀年吊飾。

今年踏入30歲，江若琳感情事繼續隨緣，「原來要搵一個喺身邊理解你工作嘅人，大家一齊共同奮鬥成長，唔係一件易事。」採訪：馬建華場地提供：The AIR（The ONE)髮型：Kei Fung＠HH Hair化妝：Maggie Kuo




來源: http://hk.apple.nextmedia.com/entertainment/art/20170127/19909897

---

江若琳彈唱冧李宗泫

1 : GS(14)@2017-01-29 10:31:37

■江若琳苦練兩日，彈結他為李宗泫送上驚喜。



江若琳、吳業坤和韓國樂隊CNBLUE成員李宗泫等，前晚在旺角倒數迎雞年。李宗泫以半鹹淡廣東話講恭喜發財拜年，又和粉絲玩遊戲餵食糖蓮藕。江若琳以結他自彈自唱一節CNBLUE的歌送上驚喜，令李宗泫勁冧，她透露為此苦練兩日，愛情方面則希望找個適合自己的香港人。



■坤哥（右）拒濫用公屋，承認已經搬走。

此外，坤哥被指去年賺六百萬，搬大屋又做車主，他說：「係搬咗，跟政府政策正式遷離公屋，唔想成為濫用公屋戶，?家租住朋友放租地方，想盡快儲到首期，物色居屋中。」採訪：卓寶花攝影：沈健程




來源: http://hk.apple.nextmedia.com/entertainment/art/20170129/19911991

---

【馮仁昭四圍超】江若琳搵知己情人

1 : GS(14)@2017-01-31 16:02:01

江若琳早年同經理人公司寰宇有合約糾紛，之後轉到內地發展，今年係佢入行十周年，日前佢為有線賀年節目《五福琳門賀新春》，同主持鍾煒喬到訪玻璃工場，學整心形玻璃杯。問到燒心形玻璃杯係咪想搵個男朋友？江若琳話：「希望搵到一個惺惺相惜，心心相印嘅人，不過現階段我要重返樂壇，呢十年經歷太多，希望同歌迷分享過去點滴。」撰文：馮仁昭




來源: http://hk.apple.nextmedia.com/entertainment/art/20170131/19913246

---

【馮仁昭四圍超】江若琳請郁周慧敏激動

1 : GS(14)@2017-03-23 06:51:19

江若琳（右）今年回歸樂壇推出EP，邀請周慧敏（Vivian）聲演主打歌《小燈塔》嘅劇場版，佢話請到Vivian，心情到?家仲好激動：「佢係女神級偶像，雖然我哋見面唔多，但每次都有好奇妙嘅交集，佢總喺我最難過嘅時候鼓勵我，畀到我好大力量。」喺現場不停講多謝，Vivian隨即對佢講：「只希望你快樂。」雖然只係一句好簡單嘅說話，但江若琳聽到超窩心。撰文：馮仁昭




來源: http://hk.apple.nextmedia.com/entertainment/art/20170323/19966716

---

【馮仁昭四圍超】江若琳當周慧敏燈塔

1 : GS(14)@2017-04-13 22:40:36

江若琳噚日到商台宣傳新歌《小燈塔》，今次搵嚟周慧敏聲演MV，令佢增添信心，佢話：「過去咁多年佢都透過監製、司機等身邊人同我打氣叫我加油，所以佢係我小燈塔，佢對手好纖瘦，但每次握住我手時都好大力量。」今年計劃開演唱會嘅江若琳，希望喺麥花臣場館搞，因為能夠同觀眾距離近啲親切啲，仲話最好係9月30日佢30歲生日嗰日舉行十周年演唱會。撰文：馮仁昭




來源: http://hk.apple.nextmedia.com/entertainment/art/20170413/19988507

---

江若琳出三點式相集

1 : GS(14)@2017-04-22 10:49:50

江若琳昨日到新城宣傳新歌《小燈塔》，為紀念今年入行十年，她決意重返樂壇，表示已籌備下一首歌，並以愛情做題材，希望今年9月底踏入30歲時舉行一個演唱會，江若琳心思思想在旺角麥花臣球場開騷，她說：「雙重意義，麥花臣係細型場地，可以拉近同歌迷之間嘅距離。」江若琳還想籌備推出30歲寫真集：「我20歲入行時出過一本，30歲想出半熟靚相集加散文，記錄自己，40歲就帶住兩個仔女又影一本。呢十年我好多嘢值得紀念，希望用文字同大家分享我心底話、人生觀。」江若琳不介意健康三點式示人，近年愛上潛水的她，笑言不妨半熟潛水look出鏡。問到江若琳跟寰宇老闆林小明的合約糾紛？她說：「未搞掂，仲進行中，冇進展。」撰文：楊定



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170422/19997345

---

江若琳寸富二代缺內涵

1 : GS(14)@2017-04-28 02:11:03

江若琳昨日到中環接受訪問宣傳新歌《思念宵夜》，內容關於愛情傷痛，她坦承最痛一次是和內地相聲演員曹雲金的一段情，她說：「人大咗呢段深記憶啲，?家未搵到人同我消夜。」她自言不能接受大男人，也不愛小男人，而她在生活上是小女人，但遇上決策會有己見，她說：「我都遇過唔准我工作嘅男人，呢樣係致命傷，希望搵到個支持我嘅人。」自言不想和富二代拍拖的江若琳說：「好不幸之前識嘅富二代都冇營養，一見面就講靚車紅酒，我想搵心靈上溝通到嘅人，對方有上進心，呢啲財富更加重要。」採訪、攝影：馬建華



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170426/20001351

---

十年朋友變拖友江若琳戀生煎包王子「找到愛我的人」

1 : GS(14)@2017-04-30 15:22:11

■江若琳與Oscar相識10年，08年齊在音樂頒獎禮爭獎（圖）。10年後，兩人以人生閱歷成為對方的靈魂伴侶。資料圖片



江若琳近年積極吸金，養家之餘亦要應付與舊公司合約糾紛的律師費，獨自撐起半邊天的她，曾表示想找到心靈上可以與她溝通的人。昨日江若琳終於宣佈有新戀情，男友是「生煎包王子」、前音樂組合Bliss成員蕭潤邦（Oscar），兩人齊齊貼蜜照放閃，江若琳更留言：「找到愛我的人！」



現年29歲的江若琳近年與舊公司對簿公堂，為支付龐大律師費頻撲北上搵銀養家，上星期她在港宣傳新碟時，講到明不愛富二代，希望另一半要有上進心，心靈上可以與她溝通的人為擇偶條件。事隔不足一星期，江若琳終於宣佈有新戀情，與男友前後腳在Instagram貼上同一張頭貼頭的背面相認愛。原來，她的真命天子是前樂隊Bliss成員蕭潤邦（Oscar），近年Oscar已轉型賣生煎包，現擁6間分店，被封「生煎包王子」。



■Oscar先在Ig貼蜜照，半小時後江若琳亦貼相同照片，並留下愛的宣言。

■江若琳昨日身在上海拍戲，據知男友Oscar亦有同行。

■Oscar（左）曾與古馳組成樂隊Bliss。資料圖片

唔想隱瞞戀情

Oscar留言表示認識了「大眼妹」10年，在同一個領域努力打拼，到他轉投飲食業，對方在遠方為他打氣，更自言10年後的今天再次遇上：「遇上對的人，我們會像過去一樣，給對方最大的支持，陪伴，珍惜，給對方最大的能量！唯一的改變，是我們之間換了一個身份，我們一起了！」半小時後，江若琳在Ig亦貼同一張相，留言：「對的，我找到了，一個懂我、愛我的人，在未來的日子裏，一如10年來的不離不棄，更多的是，我們會帶着多一個人的支持、多一個人的力量繼續努力，不論事業，還是愛情。」江若琳現於上海為電影《UTA不是流浪狗》補戲，男友亦跟隨她工作，她昨回覆表示不想將戀情隱瞞：「我都知道大家都好關心我嘅事業同生活，唔想每次大家問我，都好似要迴避或隱瞞一啲問題，其實冇嘢好隱瞞，呢樣都係好開心、好簡單嘅事嚟。」Oscar亦在電話中大讚女友：「佢係一個好好女仔，好孝順，又好sweet。」


支持女友追夢

江若琳與Oscar認識10年，同期出道向歌壇發展，二人經歷相似，曾遇逆境，男方星途未有突破轉型飲食業，江若琳雖有不少發展機會，奈何遇上合約糾紛。二人由好友變成戀人，Oscar表示：「我覺得係要一個過程，我哋一開始認識，雙方都冇嗰種感覺，?家經歷咗人生唔同嘅困難或過程，我同佢好似，我就好一個女版嘅佢，佢就好似一個男版嘅我。」除了經歷，Oscar亦表示與江若琳好夾，提到江若琳曾謂前度男友不喜歡她工作，Oscar就表示：「如果佢理想係喺娛樂圈幹一番事業嘅，我係支持嘅。如果佢夢想係要做潛水教練，我都支持。所以我支持佢，唔係喺邊個地方，我淨係支持佢有一個夢。每個人都應該要有一個理想、堅持同埋有骨氣。」採訪：陳杰



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170430/20006137

---

【撻着拍檔】江若琳單戀吳卓羲

1 : GS(14)@2017-04-30 15:22:11

吳卓羲



江若琳入行十年，性格爽直，加上大眼妹電力十足，不時與劇中對手傳戀情。


吳卓羲

08年拍無綫劇《學警狙擊》，與吳卓羲做情侶，其間曾傳出兩人不和，亦有傳江若琳主動出擊媾男方，但吳卓羲公開表示對她無愛意。



周柏豪

09年拍電影《關人7事》咀柏豪獻銀幕初吻，之後傳柏豪憑歌寄意向她表白。江若琳曾出書爆與某男星有一段無疾而終的戀情，有指就是柏豪。



袁弘

12年，與內地劇《步步驚心》扮演十三哥的袁弘傳拍劇撻着，兩人不時在微博打情罵俏，被追問到戀情時，江若琳直指「觀察中」。



曹雲金

去年4月被影到在北京機場與內地相聲演員曹雲金咀嘴後，大方認愛，但事隔幾個月，江若琳在生日凌晨於社交網宣佈回復單身，指二人和平分手。



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170430/20006145

---