ZKIZ Archives


淘寶舔到盡 民間集運「變陣」

2014-03-20  NM  
 

 

「淘寶網」去年與幾間大型的速遞公司,如順豐合作,推出平價集運服務。一向獨立於淘寶的「民間」集運公司,嚇到腳軟,決定減價迎戰。

曾做I.T.業的香港人葉甫超(加菲),一二年開設「民間」集運公司「多寶網」,在內地租倉庫,收集客人從淘寶淘回來的貨物,再將貨件運回港。他說去年淘寶加入搶食,由唇齒相依,變成競爭對手,本來十分擔心,但定過神來,發現生意不跌反升,月入七萬。加菲總括這個市場生態:「諗諗嚇,又使乜驚呢?個餅真係好大!佢哋做埋超市,我哋仲係士多。我哋賣嘅係人情味、同客人嘅關係,總有生存空間!」他自白在這行高低起跌的心路歷程。

我啲朋友話我個樣似加菲貓,個人又funny,所以叫我做加菲。我呢盤生意,可說是「成也淘寶、敗也淘寶」。只要淘寶生意好,我就賺得愈多。剛剛開業時,淘寶喺香港未普及,為咗吸客,向客人每公斤貨收取五蚊集運費,但外判車隊成本都兩、三蚊,計埋交租、電費、貨倉,每月蝕萬幾蚊。惟有樣樣慳啲,好多文具、條碼槍、貨架全都購自淘寶o架,哈哈。捱咗半年,愈來愈多香港人愛上淘寶,連垃圾袋都喺淘寶買!就算我哋加價,生意額繼續上升,註冊會員有兩萬幾人,每個月發貨量更達九萬公斤。貨量愈多,我哋就可以向運輸公司拎到個好offer,賺取差價愈高。

淘寶搶食割價迎戰

正當我以為可以放鬆之際,去年中,順豐等大型物流公司竟聯同淘寶加入搶食,推出官方集運,用平價同我哋搶生意。唉,呢行毛利唔高,只有二至四成,我哋一向都係靠密食當三番。以前佢哋大雞唔食細米,我先有生存空間,而家見個餅愈來愈大,就加入搶生意。我聽到呢個消息,梗係擔心啦。人哋大公司,財雄勢大,我呢啲小商戶,可以做乜啫?三個月後,被迫推出「週年優惠」。自取首一公斤重量本來十二蚊,而家減到十蚊;續重係七個半,而家減到六蚊!減價後,生意額竟又再度增加,我先發現平價招有效,佢哋都獨食唔曬,大家各有各做!

其實諗真啲,又使乜驚。佢哋就好似超市,我哋就係士多,總有市場價值,彈性仲比佢哋大好多添。我哋可以三幾個客人,大家用唔同戶口買嘢,最後集合埋俾錢、送貨、收貨。而大型嘅速遞公司,唔容許客人咁做。客人鍾意我哋可以用現金俾錢,而淘寶嘅官方集運只可以用支付寶及八達通。好多客鍾意用自取服務,去我哋位於觀塘、旺角等五個地方取貨,同我哋嘅同事亦有傾有講。我哋七點半收工,有時客人打電話嚟,話要遲十分鐘先到,叫我哋等埋,同事得閒嘅話,都會等o架!聖誕節、新年呢啲日子,啲客趕住攞貨,我哋開到夜晚九點幾等大家。客人成日唔得閒嚟,我哋話就話貨件三十日後當廢件處理,其實我哋會放到六十日先掉,呢啲大公司又點會同你諗?最近聽番好多客人意見,話大公司僵化,好多熟客決定繼續幫襯我哋,令我哋好感動。

我的生存空間

現時仲有好多淘寶商戶,講明唔支持淘寶官方集運到外地。點解?佢哋話件貨去到香港、台灣等地,如貨件有損毀、貨不對辦等問題而退貨,商戶要負責部分或全部由外地運回國內的運費,令成本大增。我哋呢啲獨立於淘寶運作的集運公司,只係借個大陸地址出嚟。客人如要退貨,要自行想辦法送件返大陸,淘寶商戶就唔需要承受咁大運輸開支,所以「民間」集運就仍然有生存空間!當初做呢盤生意,都係因為我太太Agnes,佢係淘寶粉絲,佢話喺淘寶買嘢送嚟香港,運費隨時貴過件貨。如果呢間商舖買一件、嗰間買一件,運費就相當「揦脷」。那時她透過QQ、MSN與內地集運公司聯絡,把買好的貨件,送到他們的國內地址,收集好後再一次過運去香港,不但只須交一次跨境運費,愈多嘢一齊寄,運費就相對平。但人家小本經營,問佢件貨到咗未?幾時送?對方幾日先覆你,又要幾日先送到貨,效率低。我見香港無乜人做喎,決定開設「多寶網」,搵人寫programme,由入貨、存貨到出貨都完整記錄,客人可以喺網站自行查詢自己件貨去到邊,方便好多。

與太太打天下

我哋當時為咗喺國內搵倉,四圍撲!人生路不熟,喺經紀介紹下,在廣州天河以呎租四元租了八百呎的地方,生意開始兩個月,貨量愈來愈多,已經唔夠用。我唔想捱貴租,搵同事小威幫手搵倉,佢教我轉移陣地至東莞常平。佢幫我搵到呢個三萬呎貨倉,呎租都係個半港紙!相比天河,呢度鄉下地方,但做物流唔需要市中心,呢度近虎門物流中心,好多淘寶商戶送件嚟呢度仲快過去廣州。為了保持運作順利,每件貨件要即日清!每有貨車卸貨,工人就會即時把貨件條碼,用槍掃一掃,逐件磅重後,再把資料輸入,讓客人亦可即時透過網上查詢系統貨件是否到達。好多客都鍾意今日淘嚇,聽日淘嚇,要買齊嘢可能要一個星期,我哋設三十日免倉租期,等大家有足夠時間買嘢!客人一句「confirm」出貨,我哋就會將佢哋所有貨執好入箱,找外判的速遞公司,送貨去香港。喺好多人眼中,做集運好辛苦,工作苦悶,成日對住啲一箱箱貨,又唔可以拆開嚟睇嚇,八卦嚇。間中又會俾客人投訴,話外判車隊司機送貨態度唔好,早咗遲咗送貨去客人屋企,個客都會入我哋數,我哋又鬧邊個呢?不過相比以前做I.T.,開公司幫人寫網頁,不但生意難做,project又加唔起價,客人醃醃尖尖,而家可以同太太一齊開工打天下,感覺開心好多呢。

開業資料(10/12)租金$70,000#裝修$40,000集運電腦系統$150,000 雜費$50,000 總投資$310,000#二按一上營業資料(02/14)營業額$500,000租金$90,000#人工$80,000*運輸$250,000 雜費$10,000 盈利$70,000#香港五個自取點及大陸倉租*六名香港員工及十二名內地員工

一點意見

淘寶忠實粉絲Nicole其實作為客人,唔介意呢間平一蚊定兩蚊!反而係信心,呢樣嘢官方集運梗係俾到我哋。我哋喺淘寶買咗嘢,都想佢安安全全嚟到香港,如果民間集運公司俾我哋知道佢嘅倉都係咁乾淨企理,計埋人情味嘅因素,我係會考慮幫襯佢哋o架。

香港速遞協會會長吳江多寶網已經有咁多熟客,可發展增值服務,如網購、在自取點兼賣其他物品。因為開自取點要成本,而多數人拎貨都係某啲時段,如果人手、資源因增值服務而可靈活調動,有助節省成本。

淘寶 舔到 到盡 民間 集運 變陣
PermaLink: https://articles.zkiz.com/?id=93722

4吋長舌婦下爬至眼都舔到

1 : GS(14)@2015-05-10 23:38:44

美國密歇根州一名少女,可說是正宗「長舌婦」,因為她的舌頭足有4吋長,可以舔到自己的眼睛。18歲劉易斯(Adrianne Lewis)的舌頭有4吋長,足足等於一張撲克牌的長度,不但可以舔到鼻子、下顎、手肘,連眼睛都可碰到。她將照片放上網後,立即惹來關注。她已向《健力士世界紀錄大全》申請,希望挑戰現時全球最長舌紀錄保持者施特貝爾(Nick Stoeberl),現時的紀錄是3.9吋。她相信長舌來自遺傳,因為其母親、祖母和曾祖父都有很長的舌頭。兩年前她在YouTube開設自己的頻道,表演自己的長舌奇技,目前已有855個跟隨者。英國《每日郵報》





來源: http://hk.apple.nextmedia.com/international/art/20150510/19142528
長舌婦 長舌 下爬 爬至 至眼 眼都 都舔 舔到
PermaLink: https://articles.zkiz.com/?id=290239

【今日笑一笑】阿B光頭咩味道?喵星人舔到停唔到

1 : GS(14)@2017-03-03 00:54:35

有貓奴想主人來舔一下也難,但外國有嬰兒卻有這福氣。從家人放上網的片段看,喵星人前腳踏在頭髮稀疏的嬰兒頭頂上,不斷舔小貓奴的頭頂,舔得津津有味。嬰兒像被舔得癢癢,不時矇眼郁鼻,直至貓兒走開,嬰兒終露出笑容。
YouTube片段




來源: http://hk.apple.nextmedia.com/international/art/20170301/19943905
今日 笑一 一笑 光頭 味道 喵星 星人 人舔 舔到 到停 停唔 唔到
PermaLink: https://articles.zkiz.com/?id=327299

【今日笑一笑】喵星人好肉緊舔毛舔到對方忟

1 : GS(14)@2017-07-09 12:16:00

貓咪感情好起來,便會互抱互舔。居於南韓的這2隻喵星人便經常睡在一起,日前更肉緊地舔個不停,但太熱情會令對方吃不消,其中一隻貓咪可能被弄痛了,推又推不開,最後便像發脾氣般邊喵叫邊反擊。
newding2@instagram




來源: http://hk.apple.nextmedia.com/international/art/20170709/20083925
今日 笑一 一笑 喵星 人好 肉緊 緊舔 舔毛 毛舔 舔到 對方
PermaLink: https://articles.zkiz.com/?id=338729

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019