ZKIZ Archives


博士化粧師 左丁山



2011-4-7  AD




 

獅子山學會嘅皮 蛋王係一位近似八十後,話佢係七十後就好似太老、八十後又太年青,個樣子又幾嫩口喎,似足大學生。皮蛋王近日對新聞報導指有九百名大專畢業生因失業而領取 綜援,大為不滿,尤其是港大著名社工教授周永新被引述講:周永新不諱言,青少年失業人士與四五十歲中年失業者不同,後者在經濟差時最易被裁走,或因而要領 綜援支持生活,但當經濟改善便會很快返回職場,但現下年輕人普遍也有中五以上學歷,雖然職場確有很多工,但不合他們要求,他們寧可不做,他們找工是以理想 和興趣行先,講求滿足感,要有發揮空間,甚至會寧以綜援過活,換取有創意的生活空間,或去做義工。「這個社會現象會維持下去,無可改變!」(明報,三月二 十八日)就更加氣頂,攞綜援來追求「有創意的生活空間」,匪夷所思,邊一位唔想享受一啲「有創意的生活空間」吖,只不過自己要養妻活兒或養夫活女,唯有搵 份工去捱,邊度可以有咁奢侈嘅幻想空間呀。

左丁山曾有不少幻想、理想,最終不敵要拼命脫離冷巷碌架床生活嘅現實,一味咁做,已經冇晒創意生 活空間咯。呢日翻閱最新一期「中大校友」(二○一一年三月號),有一篇好文章介紹中大新人類之「馬穎芝」小姐,馬小姐係一九九九年崇基食品及營養科學系畢 業生,跟住讀埋中大生物碩士,○八年得中大生物學哲學博士學位,咁嘅資歷,加上高考成績3A,成個讀書人預備做助理教授咁款,從事教學科研生涯。點知唔 係,馬小姐自幼受做時裝製衣行業嘅父母影響,鍾意替同學扮靚,走咗去巴黎讀化粧課程及日本進修舞台、電影特技化粧及人體彩繪,回港後現在從事舞台製作、形 象設計,作品有「女帝奇英傳」之頭飾及服裝、「科學怪人」之特技化粧、「無生」之人體彩繪,對記者講以後希望可以替弱勢社群分享化粧技巧,「扮靚非只是一 般人的專利」!

在香港從事舞台製作,有的是辛苦,少的是報酬,有人批評馬小姐:「讀完博士都係做化粧師咋。」當然係淺薄之言,馬小姐其實係憑佢嘅聰穎與苦讀,先至可以走出自己道路,享受有創意的生活空間,並非攞綜援空口講白話。


博士 化粧 粧師 左丁 丁山
PermaLink: https://articles.zkiz.com/?id=24282


ZKIZ Archives @ 2019