ZKIZ Archives


洗米嫂挺7個月巨肚 乖女傍實

1 : GS(14)@2015-04-10 09:15:35

■洗米嫂昨晚穿粉紅色長裙,頭上配襯閃爆鑽飾,與囡囡現身仁愛堂晚宴。


混血女模Mandy Lieu自去年被爆做澳門賭業猛人周焯華(洗米華)肉墊後,即與洗米華正印陳慧玲輪流發功晒幸福,但隨着Mandy疑似流產,陳慧玲與洗米華、女兒及老爺齊齊遊日本,再加上月洗米華向老婆陳慧玲派定心丸,一句「我最愛老婆!」Mandy即時輸到影都冇,大獲全勝的陳慧玲則越來越風騷,昨挺巨肚出席仁愛堂活動,全程笑騎騎,女兒則傍到實。



留港剖腹產子

昨午陳慧玲先以仁愛堂第十二副主席身份,出席在尖沙嘴舉行的交代就職典禮,心情大好的她戴鑽石錶現身,行頭十足,記者問她身上鑽飾是否都是周生所送?陳慧玲即笑住答:「梗係啦!」雖然陳慧玲表明不想講私人事,身邊又有工作人員為她擋駕,阻記者埋身,但她見到記者仍十分友善,還主動說:「其實想講番主題嘅嘢,因為今日做慈善。」不過問到預產期時,她即按奈不住喜悅:「6月係預產期呀!」懷胎7個多月的她透露會在港剖腹生B,醫院亦已選定,問BB性別是男是女時,她即大賣關子:「你哋估吓啦!遲啲話你哋知!」



■洗米華雖多次被影到約會Mandy,但早前公開說最愛老婆,洗米嫂即時贏晒。資料圖片

■Mandy Lieu被傳流產後,一直未有出席公開活動。資料圖片


■洗米嫂在fb晒比堅尼相。互聯網圖片

fb晒事業線

昨晚約7時,陳慧玲換上粉紅色性感裙出席晚宴,頭上戴閃爆鑽飾的她,由女兒全程伴在左右,同行更有5人貼身保護。問到她將來生了,會否帶小朋友一齊參加探訪活動?陳慧玲說:「一定會帶。」至於會否叫老公也一同參與?陳慧玲即甜到漏表示:「會,一定會。」另外,陳慧玲日前在facebook貼了多張跟女兒、洗米華跟前妻所生兒子柏豪的合照,當中她穿藍色比堅尼,狂晒深長事業線的照片,不過昨日黃昏卻把相片鏟走,只保留她於上周上載、穿上跑步look的照片,有朋友留言問她:「你仲跑步?」陳慧玲回應說只是慢行,還反問:「我而家點跑呀?」採訪:羅慧敏、盧妹攝影:沈健程





來源: http://hk.apple.nextmedia.com/entertainment/art/20150410/19106744
洗米 米嫂 嫂挺 個月 月巨 巨肚 乖女 女傍 傍實
PermaLink: https://articles.zkiz.com/?id=289441

洗米嫂老蘭出動

1 : GS(14)@2016-02-08 03:00:10

■Heidi攞起巨型香檳同友人影相,心情唔錯。讀者提供圖片


【爆相爆片】澳門賭業猛人周焯華(洗米華)自去年高調拖Mandy Lieu後,正印洗米嫂陳慧玲(Heidi)冇眼睇決定離婚,「搶米戰」塵埃落定。無後顧之憂嘅Mandy,經常巧合地遭傳媒拍到同洗米華周遊列國嘆世界。日前二人又被影到帶囡囡到泰國布吉度假。
Mandy擺出高姿態,與洗米華風流快活,而正與洗米華辦離婚手續嘅Heidi,近日亦拋開婚姻破裂陰霾,不時相約朋友聚會。前晚有讀者程小姐透過本報「爆相爆片」,提供四張Heidi喺中環蘭桂坊一新開酒吧,出席朋友生日聚會嘅照片。相中只見成嘴蛋糕cream嘅Heidi嘟起嘴拍照,而另一張相,Heidi又攞起巨型香檳同友人影相,Heidi嗰晚仲成為集郵對象,心情唔錯嘅佢就任影唔嬲!撰文:王梓嫚





來源: http://hk.apple.nextmedia.com/entertainment/art/20160205/19479989
洗米 米嫂 嫂老 老蘭 出動
PermaLink: https://articles.zkiz.com/?id=295407

合唱《愛我別走》攬實老婆洗米華:得一個周太 整喊洗米嫂

1 : GS(14)@2016-06-21 07:39:05

■洗米嫂前晚在澳門帶大女出席生日派對,兩母女齊騷長腿十分吸睛。



澳門賭業猛人周焯華(洗米華)為享齊人福,引爆正印陳慧玲(Heidi)和小三Mandy Lieu的激戰,原本隨着Mandy懷第二胎兒子,洗米嫂心死嗌離婚落幕,然而,前晚洗米華出席生日飯局,深情攬實洗米嫂高唱《愛我別走》,當眾許諾:「我只得一個周太!」台下賓客吶喊起哄,洗米嫂感動到爆喊,不過,據知洗米嫂依然企硬離婚,不肯原諒出軌老公。


混血名模Mandy Lieu懶理小三之名,介入周焯華和老婆陳慧玲的婚姻之中,糾纏兩年的「爭米戰」好戲連場,隨着去年尾洗米華高調跟Mandy十指緊扣現身,洗米嫂終於死心搞離婚,而Mandy亦傳出為洗米華懷有第二胎兒子,正當大家以為小三Mandy有望坐正之時,卻傳出洗米華一直未肯簽紙離婚,前晚更驚爆一場正印反擊戰,洗米華在派對上緊箍老婆求復合,Mandy入宮做周太危危乎!



股東起哄嗌復合

據知,前晚洗米華在澳門出席旗下太陽城的某位股東生日派對,洗米嫂及兩人所生的大女周梓潼亦在場,當時洗米華在台上唱張震嶽的歌曲《愛我別走》,成班股東都推洗米嫂去老公身邊,拿着咪的洗米嫂尷尬合唱,朋友起哄大叫:「復合有望」、「好嘢,冇事啦」、「破鏡重圓」,洗米華更借勢兩手攬實洗米嫂,一面陶醉地唱歌,還當眾大大聲講:「我只得一個周太!」全場拍爛手掌,半醉的洗米華以為箍掂老婆high到跌低,台下大叫:「扶起你老公!」洗米嫂即澄清:「係朋友。」洗米嫂挨着老公的肩膊激動爆喊,洗米華緊擁着她風騷唱歌。據有份出席派對的知情者透露,當兩人落台後,在場多位董事太太都圍着洗米嫂,紛紛勸她不要離婚,不過,洗米嫂卻沒有答應,她的閨中好友向本報表示:「洗米嫂話堅持要離婚,因為呢個傷害太大,只會當佢係囡囡嘅爸爸,家人看待。洗米嫂噚晚喺洗米華懷抱爆喊,並唔係原諒咗出軌老公,而係因為現場好多朋友都撐佢,當時台上台下好多人都大嗌:『我哋只係認一個周太,就係你!』」





【獻唱冧妻】■洗米華攬實老婆唱《愛我別走》,洗米嫂挨着老公爆喊,洗米華滿面風騷唱情歌。





Bob:群情好洶湧

而擔任派對司儀的林盛斌(Bob)昨接受本報電話訪問時表示:「有朋友拉Heidi上台,當時華哥唱緊《愛我別走》,大家嘻嘻哈哈好開心,朋友仲叫佢哋合唱。」問到洗米嫂是否激動到喊?Bob說:「我見唔到喎,佢可能有少少尷尬,當時華哥都有少少醉意。Heidi都有一齊唱歌,張耀揚都喺度,呢首係張耀揚嘅飲歌,大家搞氣氛,群情都好洶湧。」洗米華和Heidi是否同枱而坐?Bob說:「見到唔喺一枱,但佢哋返落台後,都有坐低飲杯嘢,希望佢哋好好處理番,現場賓客都想佢哋喺番一齊。」不過,昨日記者問洗米嫂會否原諒老公出軌,心軟答應復合不離婚?洗米嫂只表示:「唔回應。」採訪:鍾國仁、皓騫、唐如



■洗米嫂頻頻以手拭淚,擔任司儀的Bob(左)出聲慰問。

■太陽城一班股東前晚在派對上,出盡力替洗米華(右二)氹老婆。讀者提供圖片



來源: http://hk.apple.nextmedia.com/entertainment/art/20160621/19662327
合唱 愛我 我別 別走 攬實 老婆 洗米 米華 一個 周太 整喊 喊洗 米嫂
PermaLink: https://articles.zkiz.com/?id=302372

【爭米】洗米嫂Mandy過招

1 : GS(14)@2016-06-21 07:39:05

16/12/2014【Mandy】作嘔求醫





16/12/2014【洗米嫂】蹺夫去Ball


Mandy跟洗米嫂搏鬥兩年,暫以洗米嫂世紀合唱領先,買定花生等睇Mandy出招還擊。



 



18/12/15【Mandy】世紀一拖

18/12/15【洗米嫂】分手自強



 



15/2/16【Mandy】抱女遊泰

23/2/16【洗米嫂】與夫春茗



 



6/6/16【Mandy】迎B派對

29/5/16【洗米嫂】為女慶生



來源: http://hk.apple.nextmedia.com/entertainment/art/20160621/19662346
爭米 洗米 米嫂 Mandy 過招
PermaLink: https://articles.zkiz.com/?id=302373

澳門貼心陪洗米嫂 賭枱兩個樣洗米華兇阿叻賭百家樂

1 : GS(14)@2016-09-17 17:52:52

■阿叻(左)笑容牽強,與洗米華對賭手風似乎不太順。互聯網圖片



澳門賭業猛人兼太陽娛樂文化老闆周焯華(洗米華),與洗米嫂陳慧玲及女友Mandy Lieu的感情糾纏不清,成為不少花生友茶餘飯後話題。最近有兩段疑似偷拍片在網上瘋傳,見到洗米華與陳百祥(阿叻)一齊坐賭枱玩百家樂,似是贏家的洗米華十分豪氣,拿着骰盅大大聲對阿叻說︰「輸咗飲兩杯,贏咗有十萬!」賭枱上未見有籌碼的阿叻就笑容牽強,未知是否輸掉很多?而這兩段片在WeChat已有不少人share。據本報收到消息,前日中秋人月兩團圓之時,洗米華選擇留在澳門,與老婆洗米嫂及家人一齊做節;而剛為周家誕下一子的Mandy,則在遙遠的倫敦湊B。



■洗米華與阿叻賭枱上玩百家樂,洗米華豪氣說:「贏咗有十萬!」互聯網圖片

■中秋佳節,洗米華選擇與洗米嫂和家人在澳門過節。資料圖片

■Mandy Lieu獨自留在倫敦湊B。資料圖片

Mandy留曼徹斯特


據了解,洗米華和洗米嫂雖然仍在辦理離婚,但周家上下合力發功箍實洗米嫂,洗米華又一直不肯簽紙,雙方仍在拖拉中。洗米華用盡銀彈和誠意攻勢希望氹回洗米嫂,包括在台上唱《愛我別走》冧老婆,又攬實洗米嫂揚言:「我只得一個周太!」上月中,兩人又同場,洗米華向洗米嫂送權杖、獎座和鮮花,另外之前盛傳洗米華送她逾億別墅和價值七千萬的舖,似乎已開始打動洗米嫂。至於剛在今年6月誕下小公子的Mandy,定居地點亦傳出多個版本,有指Mandy希望帶兩個小朋友一齊返香港,有傳洗米華想拿兩億買獨立屋予三母子住,但Mandy不想洗米華花太多錢,寧願以九千多萬放售舊居珒然,再換過第二間屋。而第二個版本就有傳洗米華在英國曼徹斯特買了一間四千呎獨立屋予Mandy,讓囡囡和囝囝可以留在當地讀書。不過,Mandy與兩個BB仍留在倫敦,未知洗米華心目中是否還有個plan C?採訪:鍾國仁




來源: http://hk.apple.nextmedia.com/entertainment/art/20160917/19772821
澳門 貼心 陪洗 洗米 米嫂 兩個 樣洗 米華 華兇 兇阿 阿叻 叻賭 賭百 家樂
PermaLink: https://articles.zkiz.com/?id=309454

小米女做中間人洗米嫂笑迎洗米華 任女主人

1 : GS(14)@2016-09-27 08:02:17

■洗米嫂和洗米華昨日合體出席剪綵儀式。



太陽娛樂老闆周焯華(洗米華)周旋於洗米嫂陳慧玲和女友Mandy Lieu身邊,香港、澳門、英國飛不停,洗米華近日被讀者爆相爆片在倫敦陪Mandy食雪糕兼濕平,可是合體幾天,洗米華昨日又在上環信德中心孖洗米嫂出席澳門廣場開幕禮,同場還有鄺美雲(Cally)、賈曉晨(JJ)、莊思敏、劉威煌、前組合EO2成員彭懷安(Eddie)和陳百祥(阿叻)等。



■二人最初沒交流,後來洗米華不停撩傾偈,洗米嫂終展微笑。

■小米女不停飛吻,十分活潑。


穿黑色情侶裝

洗米華和洗米嫂合拍地以黑色情侶裝打扮撐場,洗米嫂還帶了1歲多的「小米女」周善潼(Damiana)到場,一家三口當然成焦點,洗米華胞姊全程抱着小米女Damiana跟洗米華爸爸企後面,萌爆的Damiana更作狀飛吻,十分活潑。洗米華和洗米嫂要出席剪綵,但兩人不時轉身逗囡囡玩,他們最初站在一齊表現尷尬,洗米嫂顯得冷淡,笑容欠奉,其後洗米華主動開口撩傾偈,看完醒獅表演,洗米嫂有微笑。當洗米華胞姊發現傳媒狂影小米女,即伸手為姪女遮臉。阿叻在台上跟司儀訪問時,揶揄洗米華:「你風頭勁過晒我哋,大家嚟都係影你相賣紙,而家華哥好出名,希望呢度有好成績。」洗米華聽後失笑,司儀請他講話,洗米華表示:「冇嘢講。」



■賈曉晨表示忙在內地開劇,越忙越開心。

JJ護夫冇欠債

JJ表示近日忙於在內地開工,對於老公樊少皇早前被爆欠債200萬港元遭上門追數事件,她再解釋:「我哋出咗律師信,我哋財政冇問題,朋友利用佢身份證借錢做擔保,佢朋友還晒嗰筆,但私下仲問佢借咗300萬港元就未還,少皇借咗我先知,我叫佢以後唔好再借錢畀人,搵錢好辛苦。」同場的Eddie否認跟朱慧敏復合,他說:「隨緣,大家各有各忙。」採訪:羅慧敏攝影:沈健程




來源: http://hk.apple.nextmedia.com/entertainment/art/20160927/19782678
小米 女做 中間人 中間 洗米 米嫂 嫂笑 笑迎 迎洗 米華 女主人
PermaLink: https://articles.zkiz.com/?id=310269

冷對洗米華洗米嫂黑面配VB副線性感小黑裙

1 : GS(14)@2016-09-27 08:02:21

太陽娛樂老闆周焯華(洗米華)早前陪「唯一周太」陳慧玲(洗米嫂)在澳門過中秋,之後飛英國陪女友Mandy Lieu食雪糕兼shopping,昨日又現身上環信德中心,與正印洗米嫂主持澳門廣場開幕禮。洗米嫂起初黑面冇笑容,冷對洗米華,加上選穿衣櫃必備的小黑裙,感覺相當cool。連身裙屬碧咸嫂品牌副線Victoria, Victoria Beckham今個秋冬出品,肩位、胸前至腰位飾具份量的百褶,設計可愛與優雅兼備,又不失小性感,V領剪裁能谷胸騷事業線,mini dress裙長又能盡騷雙腿。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160927/19783212
冷對 對洗 洗米 米華 華洗 米嫂 黑面 VB 副線 性感 小黑 黑裙
PermaLink: https://articles.zkiz.com/?id=310284

洗米嫂放全家福宣示主權老爺比like笑晒

1 : GS(14)@2016-09-28 05:04:27

Mandy Lieu同洗米嫂(陳慧玲)嘅「搶米戰」歷時年幾,至今未分勝負。一直想享齊人福嘅周焯華(洗米華),呢頭同完「唯一」周太陳慧玲合體,轉過頭又會做空中飛人,飛去英國陪Mandy Lieu,真係好鬼忙!前日洗米華同洗米嫂又一齊出席活動,同行仲帶咗1歲多嘅「小米女」周善潼(Damiana)到場。洗米華同洗米嫂企埋一齊剪綵,最初洗米嫂都冇乜笑容,當洗米華主動開口撩傾偈,先笑兩吓,氣氛都有啲啲尷尬。其實二人傳出離婚後,洗米嫂對洗米華嘅殷勤態度,一直唔多領情,只係洗米華一直唔肯離婚,所以一直拖住。不過今日洗米嫂喺ig,罕有貼咗兩張自己同洗米華,唔知喺前日活動前定活動後影嘅大合照,相中仲有洗米華爸爸同大仔周柏豪。睇番洗米華同洗米嫂,相中兩個笑容都好燦爛,其中一張相,抱住「小米女」嘅洗米華,仲同洗米嫂貼實企埋一齊。「一家三口」終於企定定影合照。洗米嫂ig忽然放閃主動出擊,唔知遲兩日,又會唔會輪到進擊之Mandy發功呢?




來源: http://hk.apple.nextmedia.com/entertainment/art/20160928/19783862
洗米 米嫂 嫂放 全家福 全家 宣示 主權 老爺 like 笑曬
PermaLink: https://articles.zkiz.com/?id=310430

Pink洗米嫂不愁寂寞猛男傍實騷香肩

1 : GS(14)@2016-10-20 08:05:37

澳門賭業猛人周焯華(洗米華)與洗米嫂Heidi,因Mandy Lieu而鬧婚變,事件糾纏多時,Heidi繼續活得精采,不愁寂寞,日前在IG連po出席珠寶店活動的新相。見穿露肩裝的她,春風滿面,獲兩位外籍型男傍實影相。
Heidi一身粉紅,隱約見到高踭鞋都是粉紅色。泡泡袖露肩上衣及闊褲都來自美牌Rosie Assoulin,闊褲是粉紅V形幼條子,pink得來不會太over。靚媽陳慧琳早前都穿過同一件pink top騷香肩,襯牛仔褲及平底涼鞋,走街頭型格風。




來源: http://hk.apple.nextmedia.com/entertainment/art/20161020/19806357
Pink 洗米 米嫂 嫂不 不愁 寂寞 猛男 傍實 實騷 騷香 香肩
PermaLink: https://articles.zkiz.com/?id=312892

颱風天倫樂 洗米嫂Heidi白裙抱女去Ball

1 : GS(14)@2016-10-22 22:28:56

洗米嫂陳慧玲(Heidi)旗下的慈善組織君慧慈善會,前晚在澳門舉行年度慈善ball。一向愛白裙的Heidi,着了一套兩件頭白色吊帶晚裝,露出纖腰。當日周家全家出動撐場,周父、洗米華大仔周柏豪、大女等,而一歲多識行的洗米B女就同樣着了白裙,和媽咪母女裝。洗米嫂手持嘅粉紅clutch,係來自意牌Bottega Veneta,價值約一萬多元。




來源: http://hk.apple.nextmedia.com/entertainment/art/20161022/19809014
颱風 天倫 洗米 米嫂 Heidi 白裙 裙抱 抱女 女去 Ball
PermaLink: https://articles.zkiz.com/?id=313162

洗米嫂湊女行善

1 : GS(14)@2016-10-24 06:12:23

周焯華(洗米華)老婆陳慧玲昨日以仁愛堂副主席身份,帶同兩女兒到奧海城出席「仁愛堂小跳豆慈善騷」活動,嘉賓趙頌茹(阿Yu)亦帶同細女到場。洗米嫂於活動前,帶了囡囡到附近的蘋果專賣店購物,三母女有講有笑好歡樂。活動上,洗米嫂上台時,細女活潑地向媽媽揮手,大女見狀就用手機拍下妹妹可愛樣,洗米嫂亦興奮地向細女揮手。日前黑色暴雨,阿Yu透露湊女放學時相當狼狽,她說:「我唔想佢濕到,帶晒雨褸,前面孭書包,後面孭住個女。行過啲路好似水浸變咗河咁,嗰一刻覺得母愛好偉大,好似超人。」採訪,攝影:王連連




來源: http://hk.apple.nextmedia.com/entertainment/art/20161024/19810169
洗米 米嫂 嫂湊 湊女 行善
PermaLink: https://articles.zkiz.com/?id=313442

洗米嫂頻食生日飯

1 : GS(14)@2016-11-08 05:45:50

■洗米嫂(右四)交遊廣闊,生日飯局食足一星期仍未結束。互聯網圖片



澳門賭業猛人兼太陽娛樂公司老闆周焯華(洗米華)於上周二晚為老婆陳慧玲慶祝36歲生日,周家下上和親友都有出席,現場人士報料指兩人關係看來不錯,真的不像要搞離婚的夫妻。而接連幾天,不少朋友都爭相約洗米嫂食生日飯,在facebook或朋友圈放了與她慶祝的相片,洗米嫂相當風騷。上周幾乎每晚都食生日飯的洗米嫂,看來人緣不錯,聽她的好友透露:「佢最唔開心嗰段時間已經過咗,而家個人想通晒,就算冇老公,生活一樣要繼續,將來佢都係以照顧兩個囡囡為目標,對周家嘅人會當親人看待。」撰文:鍾國仁




來源: http://hk.apple.nextmedia.com/entertainment/art/20161108/19825996
洗米 米嫂 嫂頻 頻食 生日
PermaLink: https://articles.zkiz.com/?id=314445

拎Hermès Kelly clutch36歲洗米嫂繼續風騷

1 : GS(14)@2016-11-10 07:39:51

「洗米嫂」陳慧玲(Heidi)日前36歲生日,老公洗米華周焯華、家人及朋友連環為她慶生。她日前post了出席晚宴新相,愛上穿黑與白的Heidi一身黑白晚裝,露出性感單肩,手拎濶太愛用的Hermès Kelly clutch。不過試搶鏡,應該是身上巨型的五行鑽石頸鍊及耳環,行頭強勁。




來源: http://hk.apple.nextmedia.com/entertainment/art/20161109/19827465
Herm Kelly clutch 36 歲洗 洗米 米嫂 繼續 風騷
PermaLink: https://articles.zkiz.com/?id=314730

洗米嫂訪北川地震遺址

1 : GS(14)@2016-12-03 05:12:33

■洗米嫂(左)日前聯同慈善團體探訪四川。互聯網圖片



洗米嫂陳慧玲(Heidi)因丈夫周焯華(洗米華)搭上Mandy Lieu,單方面申請離婚,但洗米華一直不肯簽紙,二人現處於分居狀態。洗米嫂已慢慢適應沒老公在身邊的日子,日前代表仁愛堂聯同仁濟、博愛等慈善團體去四川做探訪,還去了北川地震遺址獻花,之後她放照片上網,並留言:「今次訪川團來到北川地震遺址,告慰地震罹難同胞。」



■北川地震發生後,至今仍未完成重建。互聯網圖片

洗米嫂平時除了在澳門湊兩個女外,近年經常做公益事務,據其閨蜜爆料:「雖然Heidi婚姻唔如意,但佢都諗通咗,希望其他生活可以過得充實,想做多啲公益事務,慢慢建立自己事業。」採訪:鍾國仁




來源: http://hk.apple.nextmedia.com/entertainment/art/20161202/19851959
洗米 米嫂 嫂訪 北川 地震 遺址
PermaLink: https://articles.zkiz.com/?id=318096

復合未?洗米嫂$11,400超長靴 風騷性感

1 : GS(14)@2016-12-06 03:56:19

太陽娛樂老闆周焯華(洗米華),和太太洗米嫂陳慧玲(Heidi)之前鬧離婚,但近月卻似乎復合有望,兩人多次同場出現。太陽娛樂上周五晚舉辦聖誕派對,兩人又合體,洗米華在敬酒時間,更拉住老婆一齊去敬酒,又不時企在老婆身邊。洗米嫂去ball去Party,向來著得性感,前晚亦著了bling bling的銀色珠片披肩、性感黑色迷你裙,露出長腿,全晚和女兒風騷四圍影相。銀色及metallic items今季大熱,而黑色迷你貼身裙Versus Versace亦有不少出品。洗米嫂的一對超長閃石靴最為搶鏡,來自英牌Charlotte Olympia的有趣出品,名為「Infinity and Beyond」的閃石黑絲絨長靴,玩味40年代復古風。至於洗米女的閃片top,上面counting stars(數星星)字樣,則來自平價連鎖品牌Bershka,估計300元有找。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161205/19855701
復合 洗米 米嫂 11 400 超長 風騷 性感
PermaLink: https://articles.zkiz.com/?id=318348

洗米嫂洗米華為老爺賀壽

1 : GS(14)@2016-12-07 08:01:02

互聯網圖片



太陽娛樂上周在港搞聖誕派對,老闆洗米華周焯華和太太陳慧玲(右二)都有出席,更一起敬酒,態度親密,有說兩人復合有望。前晚兩人又一起在澳門出席洗米爸生日宴,洗米嫂又放照片上Instagram,今年出席老爺生日宴,洗米嫂百般滋味在心頭,因去年參加完老爺生日宴,老公急急腳去香港會情人Mandy Lieu,更公然來一個世紀拖手,氣得洗米嫂單方面申請離婚。撰文:鍾國仁




來源: http://hk.apple.nextmedia.com/entertainment/art/20161207/19857206
洗米 米嫂 嫂洗 華為 老爺 賀壽
PermaLink: https://articles.zkiz.com/?id=318628

洗米嫂開P賀生意好

1 : GS(14)@2017-01-02 11:51:11

■洗米嫂(中)新一年積極開創事業。



澳門賭業猛人周焯華(洗米華)聖誕節與洗米嫂陳慧玲及兩個囡囡去了馬爾代夫旅行,陪完家人過聖誕,日前他又飛了去英國會合女友Mandy Lieu,據悉他倆一起歡度除夕和元旦。另一邊廂,洗米嫂前晚就單拖出席旗下一個購物網的除夕倒數派對,原來她與幾位朋友合資經營了一個專賣服裝和名牌袋的購物網,生意不錯。據知洗米華不肯簽紙離婚,但洗米嫂好堅決,將感情轉化為親人,為了老爺和大姑奶及兩個女兒,將來縱使正式離婚,她都希望盡量與洗米華保持良好關係。而踏入新一年,她似乎很積極開創事業,為自己新生找出路。撰文:鍾國仁




來源: http://hk.apple.nextmedia.com/entertainment/art/20170102/19883821
洗米 米嫂 嫂開 生意
PermaLink: https://articles.zkiz.com/?id=321057

全力進軍商界洗米嫂做埋model宣傳品牌

1 : GS(14)@2017-01-06 02:07:52

女人,都係靠自己最實際!洗米嫂陳慧玲(Heidi)15年底決定同老公周焯華(洗米華)軌纜後,逐漸開創自己嘅人生,先後開過果汁店、美容舖,仲有指佢大手掃商場舖,磨拳擦掌做女強人。冇咗婚姻,都可以有自己嘅事業!喺啱啱過去嘅除夕,洗米嫂同朋友搞嘅網站「Ladycode」開Party,而呢個網站原來已經開咗幾個月,係專賣高級訂製時裝同名牌手袋。事事親力親為嘅洗米嫂,為咗宣傳公司,呢幾個月仲親自着公司嘅時裝,做埋model放上自己Ig宣傳。有老闆娘親自做示範,難怪網站生意聽講做得唔錯啦!




來源: http://hk.apple.nextmedia.com/entertainment/art/20170105/19886814
全力 進軍 商界 洗米 米嫂 嫂做 做埋 model 宣傳 品牌
PermaLink: https://articles.zkiz.com/?id=321507

洗米嫂預告賣珠寶

1 : GS(14)@2017-01-07 07:08:10

■洗米嫂前晚透露時裝生意剛起步,成績不錯。



正與周焯華(洗米華)辦離婚的陳慧玲(洗米嫂),前晚在洲際酒店出席仁愛堂慈善舞會,身為副主席的她全程風騷與賓客合照。對於近日搞時裝生意,洗米嫂稱生意剛起步,元旦後收到不少定單,並透露八個女仔合資生意,由她負責做宣傳,她說:「遲啲會做錶、珠寶,亦考慮男裝同護膚品。」問到洗米華是否支持?她說:「呢啲我自己生意。」同場還有馬德鐘夫婦,透露一家人會留港度歲。最近馬德鐘與朋友夾份做馬主,他希望稍後獨資再養一隻。馬德鐘多在內地發展,他說:「係有啲嘢拍,年中返香港,?家傾緊一套劇,邵氏出品,暫名係《飛虎激戰》。」採訪:曹家誠攝影:沈健程




來源: http://hk.apple.nextmedia.com/entertainment/art/20170107/19888757
洗米 米嫂 預告 珠寶
PermaLink: https://articles.zkiz.com/?id=321772

洗米嫂著cutout露腰裙晒紋身

1 : GS(14)@2017-01-22 02:17:16

洗米嫂陳慧玲(Heidi)去年開展新生活,和朋友搞生意、開設慈善基金,做女強人,她近日忙著去ball應籌,忙得開心。去ball定必盛裝出席的洗米嫂,大前晚出席澳門舉行的美容業界晚宴,就穿藍色透視釘珠晚裝裙,騷S型線條,襯最愛的Giuseppe Zanotti超高platform高踭鞋;而前日她就出席另一VIP活動,就揀穿cut-out的貼身黑裙,不經意地騷了腰部的紋身,襯Stuart Weitzman米色tight high長靴,雖然洗米嫂之前同老公鬧離婚,不過生活依然多姿彩。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170121/19904466
洗米 米嫂 嫂著 cutout 露腰 腰裙 裙曬 紋身
PermaLink: https://articles.zkiz.com/?id=323567

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019