ZKIZ Archives


卓韻芝誇口棟篤唔笑自淋鏹水

1 : GS(14)@2016-08-16 06:28:08

■卓韻芝日前接受本報專訪時,直言未試過在旺角麥花臣開騷。



【《蘋果》專訪】卓韻芝將於月底舉行的第七個「One Night Stand」棟篤笑,以「風大雨大」命名,阿芝日前在銅鑼灣接受本報專訪,她笑說:「我未試過去旺角麥花臣度做,地址係奶路臣街吖嘛,奶路臣街,風大『乳』大,幾易記!」棟篤笑雖以生活為主,但生活離不開政治,內容總會觸碰到社會議題,阿芝一本正經說:「我城真係風大雨大,好似外面都好多不可抗力。但我覺得香港人有一種精神,無論幾風大雨大,佢哋都迎面抵抗。」除了抵抗狂風暴雨,港人也懂得苦中作樂,阿芝認為在最風雨飄搖的年代,也是搞棟篤笑的最適當時機:「你越躁就越要入去,咁大家就可以將個情感爆出嚟。我只要講共同敵人個名,大家就一齊嗌,好爽㗎!」



「觀眾可以入場」

咩事令到阿芝咁緊張?

阿芝話平時都會睇唔同笑匠嘅棟篤笑。


今個月底阿芝會舉行棟篤笑《風大雨大One Night Stand》。

為咗講好一個GAG,阿芝拗腰演出。

到底阿芝估唔估到邊個GAG係出自邊位笑匠?


自拍度Gag

一個成功的棟篤笑,度gag必定是最花時間的一環。阿芝平時又怎樣度gag?她說:「我覺得每一個做棟篤笑嘅呢,都應該經歷過呢個精神病階段,我估黃子華同林海峰都係咁!就係自己對住部電腦講囉,自己拍住自己,講完之後播番嚟睇,好似幾好笑喎呢個,然之後改啲稿囉!」阿芝形容棟篤笑是最殘忍的,因為觀眾反應可直接反映演出的成敗。為免表演時出現尷尬情況,她開騷前會先找好友做「白老鼠」:「我同班朋友飲嘢,然後突然企起身,屈佢哋聽囉!」而事實上,在舉行過六次棟篤笑後,阿芝也大概掌握到那些gag好笑:「如果唔中嘅話,我就淋自己鏹水算!」採訪:倩宜攝影:馮峰、Neo場地提供:Soi18 Thai髮型:Sam Pan of La Mod Salon化妝:Micky Choy of such a good...服裝:Claudie Pierlot、Jimmy Choo


■月底再做棟篤笑的卓韻芝,將為香港人發聲。

■林海峰上月的棟篤笑,跟阿芝一樣都提及民生問題。資料圖片



來源: http://hk.apple.nextmedia.com/entertainment/art/20160816/19737453
卓韻 韻芝 誇口 棟篤 篤唔 唔笑 笑自 自淋 鏹水
PermaLink: https://articles.zkiz.com/?id=306102


ZKIZ Archives @ 2019