ZKIZ Archives


壓力爆煲致荷爾蒙失調崔碧珈停經臉腫求醫

1 : GS(14)@2015-07-23 01:20:02

中環【臉腫又攰】■崔碧珈收起big爆上圍到中環睇醫生,素顏的她臉腫及一臉倦容。








現年27歲、擁有36E木瓜胸的崔碧珈,入行已打正旗號賣性感,從不吝嗇拋巨胸晒big爆身材。不過,她自5月底出席九展舉行的「華鼎獎頒獎典禮」後突然消失,甚至絕迹社交平台,慣常更新的Instagram亦有個多月沒有貼新相。本報日前發現口腫臉腫的崔碧珈,連續兩日去診所睇醫生,據悉她因為壓力爆煲出現情緒問題,加上荷爾蒙失調引致停經,惟有急急停工醫病。


崔碧珈自爆12歲已經有E-cup上圍,學歷不差的她,畢業於英國中央蘭開夏大學,擁有市場學大學學位,大前年簽約太陽娛樂文化前,本來在英國謝菲爾德大學攻讀工商管理研究生碩士學位,後因決定留港發展,讀了一年便放棄學業,可惜浮沉兩年,去年接拍《辣警霸王花》大拋木瓜胸才真正被留意,且被封新一代葉子楣,出席活動時例必大騷事業線晒身材,於早前上映的電影《壹獄壹世界》內更與王宗堯車震,越拍越激。



■崔碧珈大前年放棄學業由英國返港發展,一直都以巨胸作賣點。資料圖片

【身形圓潤】■崔碧珈失蹤個多月,原來因壓力爆煲出現停經,惟有停工休息。



臉頰脹似波

本報獲知情人爆料,指崔碧珈因為工作壓力出現情緒問題,生理也起了變化,失蹤個多月是為了醫病:「佢(崔碧珈)都有同朋友講過,入行都知自己賣點係乜,上圍一定係最大話題,但諗住講到夠都會將focus放番喺佢啲戲度,點知越拍越大膽,咁一定唔想俾人定型㗎喇,但有嘢冇理由唔做。」本報上周三及周四一連兩日發現崔碧珈由位於元朗洪水橋的寓所坐的士外出,周三當日約中午12時,崔碧珈頭戴cap帽再加一副似足卡通人物小雲的黑框眼鏡,由屋苑坐的士到尖沙嘴港晶中心一間診所睇醫生,素顏的她一臉倦容,臉腫如吹脹了,在診所等候期間全程低頭按電話,最後她在診所逗留了不足15分鐘便坐的士折返寓所,翌日差不多時間再出動,但目的地則改到診所林立的中環永安集團大廈。上周四天文台早預告會掛8號風球,崔碧珈當日下午4時左右離開中環時,在大廈繞了一個圈,又不停按電話,似想call的士,但最終她步行到香港站坐港鐵東涌綫,然後再轉西鐵向新界方向離開,估計她是回家。



尖沙嘴【診所求醫】■崔碧珈上周三到尖沙嘴港晶中心一間診所睇醫生,口罩幾乎連眼都遮埋。

【頭耷玩機】■上周四掛8號風球前,崔碧珈坐港鐵返家時戴上口罩免被人認出。


■除了性感造型,崔碧珈早前拍電影與王宗堯有多場激情及車震戲。劇照

停經逾半年

據知,崔碧珈拍罷《壹》片後情緒開始波動,加上電影上映後,不少朋友都勸她不要再拍這類電影,令她頓失方向,不知如何是好,知情者說:「佢係荷爾蒙失調,聽佢講話好耐冇嚟月經,至少都有半年,加上個人越來越腫,唔停工唔得。」本報昨日透過WhatsApp聯絡崔碧珈,了解她身體狀況及問她是否停工?她透過短訊回覆說:「你好,謝謝關心,不過可以搵番我公司呀,唔該晒!」再問她是否壓加很大?她便沒有再回覆。採訪、攝影:李察、黃曉程、羅德光



醫生話:患者易有抑鬱

崔碧珈疑因工作壓力,導致荷爾蒙失調,家庭醫生方玉輝表示,女性荷爾蒙失調,於年輕女性來說可能會出現停經、不孕,較年長的女性則可能會出現經血過多。方醫生說:「基本上,要先了解患者病發嘅原因,睇佢哋生活、工作上係咪受到情緒上影響。喺診斷過程中,會幫患者驗血了解邊方面嘅荷爾蒙出咗問題,如水腫、停經情況,就會驗吓佢哋嘅甲狀腺、肝腎嘅荷爾蒙等。」方醫生直言,因荷爾蒙失調引發的水腫,最壞的情況是有患者接受治療後,情況未有改善,而不開心至抑鬱,醫生有可能轉介相關其他專科,如婦科、內分泌科等跟進病情。





來源: http://hk.apple.nextmedia.com/entertainment/art/20150717/19221970
壓力 爆煲 煲致 荷爾蒙 荷爾 失調 崔碧 碧珈 停經 臉腫 求醫
PermaLink: https://articles.zkiz.com/?id=291674

崔碧珈賣快餐剝罩倒垃圾

1 : GS(14)@2016-02-04 17:24:31

■崔碧珈曾經喺英國讀工商管理,唔做藝人都可以從商。資料圖片








【元朗】邊個話胸大冇腦㗎!好似人稱「崔Big瓜」嘅崔碧珈,雖然入行打正旗號賣性感,但喺英國中央蘭開夏大學畢業,擁有市場學大學學位嘅佢,其實好有生意頭腦,舊年仲喺元朗開咗間快餐店,實行學以致用,從商為將來鋪路。據附近商戶同街坊消息,間舖開咗半年多啲,生意都唔錯,除咗賣一般快餐店食物,仲賣埋pancake、甜品,不過舖租就一啲都唔平,平時除咗有幾個員工睇檔,崔媽媽大部份時間都會喺舖頭,崔碧珈就多數喺夜晚先至出現,不過一定會戴晒口罩遮到實,收工冇人先會除罩透透氣。



【包冚開工】■崔碧珈上年喺元朗開咗間快餐店,唔使開工佢就落舖幫手。

【廚房打點】■唔想俾人認出,崔碧珈喺舖入面全程都戴口罩。

【除罩唞氣】■崔碧珈落手落腳倒完垃圾,之後先除口罩傾咗一陣電話。



留守廚房幫手

日前記者按報料去到位於元朗鳳攸南街嘅「Tata」快餐店,果然見到頭戴白色cap帽,着黑色羽絨同戴口罩嘅崔碧珈喺店入面幫手,可能嗰晚天氣寒冷,加上已經晚上10點幾,所以人流唔多,但崔碧珈都全程留喺開放式廚房入面幫手,好少行出嚟樓面,到客人走晒佢先明顯放下戒心,行出嚟同員工傾吓偈。貴為老闆娘,崔碧珈一啲都唔錫身,收舖前仲見佢親自將一袋袋大垃圾,用手推車推去附近垃圾房,不過就有啲雞手鴨腳,短短兩分鐘路程就出現多次翻車,搞到垃圾袋跌晒落地,要逐袋執翻上車,十分狼狽。而崔碧珈嗰晚丟完垃圾就終於除咗口罩,仲企喺街邊傾咗一陣電話,等埋店員關閘先一齊走,果然好有義氣喎!採訪、攝影:楊浩賢、吳耀輝





來源: http://hk.apple.nextmedia.com/entertainment/art/20160204/19477966
崔碧 碧珈 珈賣 快餐 剝罩 罩倒 垃圾
PermaLink: https://articles.zkiz.com/?id=295276

三點式海邊拍寫真 崔碧珈曬燶36G

1 : GS(14)@2016-07-09 07:02:10

■擁導彈胸的崔碧珈,首次推出寫真集大賣健康美。


書展又到喇!擁有36G魔鬼胸、有「崔big瓜」之稱的崔碧珈(Anita),今年首次推出寫真集胸戰一眾僆模。問平時出席活動或拍電影已有超性感演出的Anita,今次影寫真是否會破底線?她透露:「今次本書雖然都有三點式泳裝,但成個feel係想走運動風格同健康,希望畀人知道運動係健美最好方法。」跟眾僆模胸戰可有壓力?Anita則相信每個人都會有自己風格,會用平常心面對,又說今次拍攝都很順利,唯一是去海灘拍外景時,經常被蚊叮及曬傷了皮膚。



■崔碧珈的寫真集包括沙灘系列,她自爆拍攝這輯相後手腳曬甩皮。

■崔碧珈表示將來最想出關於運動及烹飪的書籍。



望推出不同書籍


除了身材出眾,畢業於英國中央蘭開夏大學(University of Central Lancashire),擁市場學大學學位的Anita,可有考慮將來在書展推出其他書籍?她即表現興奮,笑說:「我本身有健身教練牌,其他運動好似行山、跑步、打排球都鍾意,仲有係煮飯畀自己食,所以如果將來有機會,我都想出關於呢啲類型嘅書。」另外,同樣首次出寫真,今年21歲的姚紫茵(Bonnie),昨日於銅鑼灣舉行寫真發佈會,為其半裸無露點的寫真集造勢,同場還有黃榕、趙哲妤、程芷渝等人。


■有男粉絲昨日上台讓姚紫茵餵食熱狗。

姚紫茵唔想太膠

Bonnie昨日以一身性感造型出現,餵現場男粉絲食熱狗。Bonnie受訪時更自爆影寫真後去了做整形手術,包括割雙眼皮及修眼袋,她說:「同以前個樣係唔同咗,不過冇開刀,亦冇乜地方想執,唔想太硬膠,今次影呢本寫真係希望各界多關注乳癌,會將部份收益捐畀乳癌基金會。」採訪:張俊銘攝影:陳志嵐





來源: http://hk.apple.nextmedia.com/entertainment/art/20160709/19687181
三點式 海邊 寫真 崔碧 碧珈 珈曬 36G
PermaLink: https://articles.zkiz.com/?id=303132

崔碧珈拒抱抱粉絲

1 : GS(14)@2016-07-17 16:01:37

■崔碧珈透露將來再出寫真時,未必會挑戰更激界線。





■崔碧珈昨日宣傳寫真,獲一班粉絲撐場。


崔碧珈、何洛沂、張永歆和8位FFG教練等,昨日在深水埗宣傳寫真,崔碧珈將簽名寫真集贈男粉絲,姚紫茵有落選港男小智撐場,小智坦言愛身材好的女子,有買日本女藝人寫真集。崔碧珈透露寫真相經過不同高層關卡才挑選出來,之後再出寫真時未必挑戰更激界線。問到會否舉行抱抱會答謝粉絲,她說:「掂到唔係太好,如果畀啲其他部位佢哋掂,但又未必係想既位置又冇意義。」採訪:王連連攝影:仇志德





來源: http://hk.apple.nextmedia.com/entertainment/art/20160717/19697953
崔碧 碧珈 珈拒 抱抱 粉絲
PermaLink: https://articles.zkiz.com/?id=304067

崔碧珈收安全套冇用

1 : GS(14)@2016-08-07 02:13:48

崔碧珈(Anita)昨日在旺角行人專用區為安全套品牌宣傳,Anita穿上一身黑色馬甲、頭戴機師帽,同時谷胸晒身材,吸引大批男士圍觀。Anita指馬甲雖然好窄,但已經做足安全措施,不擔心走光。問她為安全套宣傳會否感到尷尬?她說:「好正常啫,大家都係成年人,冇乜問題。」
Anita單身,她強調會專注工作,不擔心亦不心急拍拖。今次活動大會是否贈送安全套?她說:「都係㗎。」但是未有男友的日子,如何處理這些安全套?她說:「咪留起佢,遲啲先用,應該冇咁快過期嘅。」採訪:曹家誠攝影:沈健程





來源: http://hk.apple.nextmedia.com/entertainment/art/20160806/19724587
崔碧 碧珈 珈收 安全套 安全 冇用
PermaLink: https://articles.zkiz.com/?id=304699

崔碧珈束胸待發

1 : GS(14)@2016-09-06 04:42:20

崔碧珈及鄧穎芝昨日在油塘為耐力賽擔任表演嘉賓,封胸現身的崔碧珈近日積極練體操,準備稍後宣傳電影《辣警霸王花》時一顯身手,問豐滿上圍會否阻礙武打動作?她說:「可以着束胸衫,加上今次演打戲時(胸部)有戲份需要,好似我做攀爬動作時,上圍會阻礙我。」提到她有胸戲時,她笑指不懂得回答,但不用時會收起。已單身兩年的鄧穎芝表示不急於拍拖,雖然有男仔追求,部份更較她年輕,但她希望觀察多點時間,因為想覓到結婚對象。最近練拳教練主動邀請她做拳賽助手,問到教練是否追求者?她笑說:「我問下佢。」採訪、攝影:馬建華




來源: http://hk.apple.nextmedia.com/entertainment/art/20160905/19759953
崔碧 碧珈 珈束 束胸 待發
PermaLink: https://articles.zkiz.com/?id=307661

崔碧珈事業線吸睛

1 : GS(14)@2016-09-28 05:04:34

崔碧珈、周秀娜、古天樂、莊思敏及張建聲等,前晚在金鐘出席「香港影視界慶祝國慶晚宴」,娜姐透露將與鄭丹瑞(旦哥)在新戲《小男人周記3》中合演情侶:「我哋演情侶,有床上戲、駌鴦泡泡浴,唔會尷尬,旦哥高大、大隻。」



■周秀娜透露在新戲中與鄭丹瑞有床上戲。

谷胸上陣的崔碧珈與一名女伴現身,她應記者要求除去白色外套,露出超強事業線,現場即嘩聲四起。以低胸裝及鏟青新造型現身的莊思敏,表示為了這個電影角色造型,喪失跟宋仲基合作拍攝韓國服裝廣告機會。提到莊端兒和諸葛紫岐的是非,曾任莊端兒經理人的莊思敏說:「諸葛紫岐幫佢好多,做經理人要面對好多困難同壓力,莊端兒開記者會講得好含糊,令外界對諸葛紫岐有好多誤會。」莊思敏又踢爆莊端兒愛低胸:「低胸得嚟好盡,唔知佢有咁多底線。佢一直話自己單身。」採訪:張俊銘攝影:沈健程




來源: http://hk.apple.nextmedia.com/entertainment/art/20160928/19783721
崔碧 碧珈 事業 線吸 吸睛
PermaLink: https://articles.zkiz.com/?id=310449

崔碧珈巨胸被踩到變形

1 : GS(14)@2016-10-10 00:43:50

■崔碧珈擁有36E逼爆上圍,以背心示人格外搶鏡。



錢國偉執導新戲《辣警霸王花》是一套以女性為主題的電影,錢導鏡頭下,當然加入不少性感元素,清一色女角,有岑麗香、崔碧珈、何佩瑜(Jeana)、鄭欣宜、蔡潔和何佩珉,她們飾演進入學堂的女警,其中一場戲全部穿上背心短褲在浮台上演女子搏擊。早前大隊往馬來西亞取景,擁有36E逼爆上圍的崔碧珈穿上背心相當搶鏡,她在浮台上被其他女學員圍毆,其間更被踩胸至變形,她說:「嗰兩個扮反派嘅女仔踩住我上半身,一人一腳,但其實佢哋需要平衡,我哋係手捉住手拍呢場戲,不過成個過程拍得好開心。」撰文:非非



■崔碧珈(中)在浮台上遭圍毆,巨胸慘被踩至變形。





來源: http://hk.apple.nextmedia.com/entertainment/art/20161008/19794308
崔碧 碧珈 珈巨 巨胸 胸被 被踩 踩到 變形
PermaLink: https://articles.zkiz.com/?id=311178

【澳門直擊】崔碧珈踩胸戲NG十次

1 : GS(14)@2016-10-10 16:14:32

■岑麗香昨晚騷香肩現身澳門首映禮。

崔碧珈、何佩瑜(Jeana)和岑麗香等主演的《辣警霸王花》昨晚在澳門舉行首映,該片導演錢國偉與監製黃柏高均有出席,電影以88年錢昇偉執導的《霸王花》為藍本。問Jeana在片中是否很性感?她表示:「其實只係海報拍得性感,戲中就唔係,我個角色都好正面同勵志。舊作我有睇過,據我所知吳君如以前個角色係由鄭欣宜嚟演,葉子楣角色係崔碧珈演,我覺得佢身材勁過葉子楣,目測佢身材係堅料。」36E崔碧珈被指身材勁過葉子楣,她笑言:「唔可以咁比較,戲入面我都有唔少動作戲要拍,其中一場係俾兩個女仔用腳踩我個胸,NG咗成十次,踩到個胸好痛呀!」採訪、攝影:黃曉妍




來源: http://hk.apple.nextmedia.com/entertainment/art/20161010/19795880
澳門 直擊 崔碧 碧珈 珈踩 踩胸 胸戲 NG 十次
PermaLink: https://articles.zkiz.com/?id=311386

同Coffee夏尉喻做實驗崔碧珈花言巧乳 呃男人

1 : GS(14)@2017-01-31 16:02:00

【《蘋果》專訪】擁36G上圍的崔碧珈、34D的林芊妤(Coffee)和36G夏尉喻(Barbie),最近合作幫ViuTV拍攝全新整蠱節目《胸X計》,顧名思義是由她們三位身材有料之人,度計仔去整蠱人,透過節目去考究俚語「胸大無腦」是否屬實。日前她們晒事業線於銅鑼灣受訪,今次是三人首度合作,她們覺得以身材作話題,但事實上是考驗演技、急才和合拍性,該節目共有8集,被整蠱的嘉賓如陳柏宇、游學修等,大部份未曾見過面。



■崔碧珈笑言拍攝期間要扮受傷害呃同情心,途中已喊到失魂。

■Coffee自爆讀書時期曾被同學整蠱。

■夏尉喻指節目講求三人之間的默契。


度橋遭白眼

每集籌拍前崔碧珈三女會先與團隊開會擬定內容,ViuTV找來整蠱專家Kevin Boy(KB)任軍師,Coffee表示每次開會都任由她們不停講,其間屢遭開會人士白眼,崔碧珈說:「當KB聽到我哋諗咗好多橋同計出嚟,佢成日都會話唔得,我哋就要再不停掟橋,由於太多聲音,每次開會都開好耐。」埋位開拍時,她們笑指有時好迷失,究竟是自己整蠱人還是被整蠱。第一集被整蠱的是陳柏宇,崔碧珈拍攝過程中要扮受傷害呃同情心,笑言途中已喊到失魂。Barbie指每次拍攝都有預計以外的事情發生,所以極需要三人之間默契。


被同學整蠱

崔碧珈三女認為智商高低與男女及樣貌身材沒關係,但明顯男性同情心較強易中計,問她們在節目中能否推翻胸大無腦說法?她們滿有自信說:「咁要睇節目先知。」怎料當問到現實生活中被整蠱經歷時,Coffee指讀書時曾關心一位瘦身材但肚凸凸同學,對方告知已懷孕,直至數月後才承認說笑。怎料崔碧珈問:「你個同學係男定女?」隨即發現自己問了儍問題。採訪:馬建華場地提供:權八居酒屋




來源: http://hk.apple.nextmedia.com/entertainment/art/20170131/19913196
Coffee 夏尉 尉喻 喻做 實驗 崔碧 碧珈 珈花 花言 言巧 巧乳 男人
PermaLink: https://articles.zkiz.com/?id=324828

拍《反黑》瞌眼瞓崔碧珈甩Paco試新嘢

1 : GS(14)@2017-02-19 13:59:44

■崔碧珈擁36G豐滿上圍,之前更曾拍性感寫真。資料圖片



崔碧珈(Anita)現年28歲、擁36G豐滿上圍,五年前放棄學業,由英國返香港簽約太陽娛樂拍戲。由於身材出眾,入行已打正旗號賣性感,更有「崔big瓜」之稱。雖然有大公司做靠山,但《蘋果》收到消息,Anita上個月已跟太陽娛樂約滿,更決定暫時不簽公司,自己做經理人,本報致電向Anita了解,她亦承認與太陽娛樂已完約。據知,Anita決意離巢,最大原因是崔媽媽一直認為女兒學歷高,畢業於英國中央蘭開夏大學,擁有市場學大學學位,如果當年不是簽約太陽娛樂,於英國謝菲爾德大學讀工商管理的她,現在已經碩士畢業。



■崔碧珈(左)等了個多小時才埋位,其間忍不住「放蚊」。

■崔碧珈(左)前晚着皮褸短裙拍電影,打扮較以前保守。

Paco 資料圖片

■(左起)陳小春、李璨琛及陳國坤前晚在九龍城拍電影《反黑》。

有健身教練牌

事實上,Anita入行以來拍的電影全部要性感騷胸,前年曾試過壓力爆煲致荷爾蒙失調。Anita身邊人透露:「佢媽咪唔係唔支持,只係覺得個女可以向好多方面發展,好似佢已經有健身教練牌,可以做其他嘢。」報料人續謂:「本來佢媽咪要佢離開呢行,但Anita話自由身再試吓,佢媽咪先應承。」
Anita前日接受《蘋果》電話訪問說:「係冇續約,英國返嚟呢幾年,好多謝Paco同公司對我呵護備至,又好畀機會我,但公司都了解咗我,知我想試多啲唔同嘅嘢,所以暫時係自己做住嘢先,但唔排除將來會再有合作。」是否崔媽媽不贊成留娛樂圈發展?Anita謂:「屋企人一直都好錫我,尤其媽咪,我返嚟做電影佢都冇反對,但始終覺得可以試吓多啲唔同嘅嘢。」


等埋位篤電話

另外,Anita前晚與陳小春、陳國坤、李璨琛於九龍城拍電影《反黑》,吸引大批酒店旅客圍觀。未埋位時Anita全程篤電話,陳小春則主要拍一個鏡頭,逗留個多小時便離開,其間與兩位老友陳國坤和李璨琛傾偈表現雀躍。採訪、攝影:梁繼光、羅德光




來源: http://hk.apple.nextmedia.com/entertainment/art/20170219/19932729
反黑 瞌眼 崔碧 碧珈 珈甩 Paco 試新
PermaLink: https://articles.zkiz.com/?id=327024

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019