| ||||||
金融海嘯衝擊各行業，從事藥物研究嘅生物科技公司亦不能倖免，情況仲慘過01年科網股泡沫爆破。彭博有段新聞，話過去一個月，至少有5家生物科技公司向法庭申請破產保護令，聽講仲陸續有嚟。 裁一半員工保命 過 去生物科技公司好少話會破產，財政唔掂通常都會透過合併或者一齊合作搞掂，但金融海嘯，銀行閂水喉唔願借錢，生物科技公司想話藉收購合併解決資金困難都唔 得。未致於破產嘅公司惟有大裁員，好似喺美國就有一家專門研究老人癡呆同柏金遜症嘅藥物公司Peptimmune，裁咗一半人，仲有大office搬細 office，兼放慢研究，減少無謂嘅開支，搞咁多嘢都係為咗保住條命。今年生物科技公司冇錢做研究，截至9月底，只係籌到97億美金（約757億港 銀），比舊年同期少咗54%。今年暫時只得一家生物科技公司成功上市，但只係集資580萬美金（4524萬港銀），相反舊年就有28家上市，集資額高達 17億美金（約133億港銀）。唔知佢哋可唔可以研究一隻可以自救嘅藥呢？ | ||||||
| 今天生果日報有一段不起眼的東西: | ||
▲法庭資料顯示，百營環球（761）主席施展望被位於西安的Xian Karkiu Electric Power Limited Company入稟高等法院，申請其破產，但並無披露原因。 之前話自己賺好多錢，結果收購失敗，股價暴跌。 http://realblog.zkiz.com/viewpage.php?tid=1619 http://www.hkexnews.hk/listedco/listconews/sehk/20090212/LTN20090212366_C.pdf 本公司董事（「董事」）會（「董事會」）已獲施博士告知，於香港高等法院於二零零九年一月十三日發出之令狀（「令狀」）後，當時該令狀之內容為香港高等法院駁回施博士有關中國公司發出之法定要求償債書作廢之申請，中國公司於二零零九年二月十日已呈交針對其之破產呈請。董事會自施博士得知，彼已就該令狀提起上訴，並將申請暫緩執行破產程序，以待上訴判決。 | ||
| ||||||
| 正所謂「人怕出名豬怕肥」，尤其係當你有名又有利嗰時，都真係會帶嚟唔少煩惱o架！好似被本地網民譽為「少年股神」嘅火燎森咁，年紀輕輕已經擁有千萬資產，寫Blog寫到喺互聯網世界打出名堂，仲得到書商賞識，進軍文化界，結果反而成為網民「眾矢之的」。 費事日後唔覆當默認 華 華早幾日上香港討論區，見到一個主題寫住「傳火XX破產」，根據上文下理推斷，好容易令人聯想起網民講緊嘅就係火燎森喇！不過，成篇主題都冇講消息來源。 既然冇人有真憑實據，不如就直接問當事人，睇吓到底係真有其事，定係大整蠱啦。火燎森同華華講，話華華絕對有能力分辨到網上言論嘅真確性，不過，佢就講明 唔會對今次事件作出回應，原因係怕日後再有排山倒海嘅傳聞，萬一貴人事忙覆漏咗，俾人當佢默認就唔好喎。講到尾，究竟火燎森有冇破到產呢？由於佢冇正式回 應，華華又唔知火燎森嘅真名，暫時未能查證，所以答案仲係一個謎。李華華[email protected] | ||||||
| ||||||
| 近日為「淫照事件」作供及新片《神鎗手》宣傳而再度活躍的陳冠希，繼月中接到子彈恐嚇信後，其姊陳見飛於本週一（三月二十三日），主動踢爆多年來常被入稟追數，債台高築的父親陳澤民，將在今個星期申請破產。 金融海嘯令銀行收緊信貸，陳澤民被銀行多次入稟追近三千萬欠債，加上開賭廳、炒燶股及炒燶樓而未被公開追收的欠款，估計過億，令他走投無路。 至於多年來一直有經濟支持父親的Edison，去年爆出「淫照事件」令工作收入近乎零，對父親申請破產一事，他非常無奈：我真係撐唔住！入行還債 陳冠希○○年出道以千萬身價簽約英皇娛樂，被打造為富家子弟形象，全身名牌，出入有司機同名車接送，租住羅便臣道三千呎豪宅，但其時父親陳澤民的公司已開始欠債，靠數冚數撐住。 「陳澤民當時係上市公司主席（駿雷國際現已改名為海王國際），搞企業融資，但其實只係表面風光；到Edison入行，頭三年就拍咗十幾部戲，有能力幫老豆，嗰陣陳澤民都好多搞作，諗住翻身。」知情者說。 其後，陳澤民多次帶住已離婚的老婆、Edison及兩女兒出席公司與其他中資機構合作的記者會造勢，可惜全部合作最後都不了了之，五年內公司多次進行上落過億的集資、配售新股及供股，最終仍是捱不住，陳澤民更於○六年六月辭去前駿雷國際執行董事兼董事會主席職務。 曾擁有多部名車包括法拉利（左圖）的陳澤民現仍持有四部座駕。出入的Jaguar房車，由馬姓友人持有；其餘兩部分別是紅色（右圖）及灰黑色勞斯萊斯，以及灰色平治S320L，全是其名下持有，破產後有可能被變賣還債。 欠債纍纍 陳澤民過去炒燶樓蝕近三千萬，炒燶股票、搞賭廳及在北京開經理人公司等生意亦瓣瓣蝕，多年來被入稟追債三千萬，相信只是冰山一角。 1/03前駿雷國際遭中環中心入稟追討租金、雜費連利息。$97萬 5/03前駿雷國際遭朗盈證券入稟追討孖展欠賬，但後來原訴撤銷訴訟。$648萬 10/03Shine Faith Limited入稟向陳澤民追討欠款及利息。$300萬 9/04被指開出空頭支票，遭 Karfoon Limited入稟索償。$100萬 同月前駿雷國際被指為附屬公司Great Well Global Ltd.做擔保人租用中環中心單位，惟對方違反租約，被The Center Ltd.入稟追討。$320萬 7/08陳擔任董事及貸款擔保人的Skillion Properties Ltd.（陳用作炒樓），被中銀（香港）入稟高院追欠款。$1,938萬 賣衫賺到 與 此同時，Edison因不與英皇續約而被雪藏，及後轉會東亞娛樂，Edison得新老闆林建岳泵水支持，開設多媒體公司Clot Media Division做CEO，除簽約農夫為旗下藝人，Clot品牌分別與Neighborhood、A Bathing Ape、Levi's及Nike等名牌合作出潮服，旗下的Juice分店更到上海開鋪。 Edison有生意人頭腦，可惜其父的財政危機卻愈 來愈嚴重，尤其是○二年仙股除牌風暴，令陳澤民手頭股份大縮水，賬面唔見一億；公司（前駿雷國際）○三年被入稟追收欠租，並遭證券公司入稟追討孖展欠 賬；○四年，又曾開出空頭支票遭入稟索償，去年他任董事及貸款擔保人的Skillion Properties Ltd.亦遭中銀（香港）入稟追數。 公司資不抵債，投資亦同告失利。由八九年至今炒賣六個單位，其中西環單位變銀主盤。 於九六至九七年樓市高峰期購入四個灣仔會景閣單位，亦於○二年全部出售，當中兩賺兩蝕，炒樓合共蝕近三千萬。 一味靠充 陳冠希出道以來，衣食住行樣樣豪，但老豆陳澤民十個煲得七個蓋，終於破產收場。 衣：西裝骨骨的陳澤民，衣著打扮離不開LV、Versace；而陳冠希自出道亦一身潮爆打扮，由早期的bathing ape、限量版Nike波鞋，到近日以comme des garcons恤衫在新加坡接受電視台訪問，件件唔貴唔著。 食：好景時，陳澤民屋企僱有四位廚師，經常宴請親朋。 住：陳冠希入行後，陳澤民以八萬租住羅便臣道三千呎大屋，作為一家三口的安樂窩，及後陳冠希越住越豪，以十七萬租住山頂馬己仙峽道，而老豆亦以超過十萬租住加多利山獨立屋。 行：高峰期陳澤民有九架靚車，包括兩部勞斯萊斯、兩部Benz、一架寶馬Z3及法拉利，車牌全是「369」，單是車牌費用已經過百萬。 玩：上等人自然要有上等人玩意，陳澤民先後在港澳、星馬及英國飼養馬匹，每匹馬每月平均使費高達百二萬，不過○一年其愛駒「駿驊」退役後，他便無再買馬。 點都死頂 十煲七蓋，陳澤民○六年辭退上市公司職銜，自此甚少在金融界露面，生活變得低調的他自稱在內地及美國做生意，有指他在澳門經營的賭廳生意，去年亦告結束。 「其實佢（陳澤民）一路都有還錢，亦有同銀行研究點樣重組債務，但自從金融海嘯，銀行全面性逼倉，好多做生意嘅人都唔掂。」知情者說。 頭頭碰着黑，Edison去年初爆出「淫照事件」，演藝工作全面停頓，兩父子同陷困境，陳澤民終頂唔住申請破產。 「Edison 舊年無做嘢收入少，幫唔到老豆，佢覺得係因為自己做錯（淫照事件）牽連太大。就算有新戲上又接到恐嚇，隨時會影響到傾緊嘅工作都無埋。而家佢老豆破 產，Edison好自責，但自己現階段真係撐唔住，但佢話點都會盡力搞好時裝生意，頂住過呢關！」Edison友人說。 生活無變 除 了下月初會到新加坡出席《神鎗手》首映禮，Edison亦正與在東南亞各地有近百間分店、有意於上海開店的Carl's Jr漢堡包店洽談做代言人。對此，Edison所屬的東亞發言人說：「之前已經擔心子彈恐嚇會有影響，點都好，我哋會努力幫佢傾嘢。（會否全面復出？）暫 時未有呢個計劃，只係傾緊海外工作。」 至於陳澤民，在週一晚坐住司機駕駛的銀色Jaguar座駕，離開加多利山寓所到銅鑼灣利苑晚膳。面臨破產，生活依舊的他接受訪問時說：「希望我呢個決定唔會影響到我個仔，作為一個父親，我已經將實情告知仔女， 相信若然仔女有能力，應該會照顧我日後嘅生活。」 做賭起家 與 妻子離婚多年、現年五十六歲的陳澤民除了兒子陳冠希，還有兩女（麗華及見飛），在加拿大讀商業管理的他，曾做過廣告燈箱及茶葉生意，後來靠經營澳門賭廳起 家。九十年代初，陳澤民曾任「街市偉」（吳偉）財務顧問，後返港發展，並於九三年開設金融公司，大量投資物業，後因樓市爆煲，身家大縮水。 ○一年，陳澤民購入上市公司德智股權，後改名為駿雷集團，出任主席，主要經營電器生產及證券買賣等生意。任職主席期間，他又成立了經理人公司「北京世紀元素」，簽下黃曉明及閻清等藝人。○六年，陳澤民辭去主席一職，轉到內地從商，更有傳他因在澳門賭廳投資失利而欠下大量街數。 | ||||||
| ||||||
| 吉 利汽車（175）主席李書福7年前預言美國通用汽車（GM）會破產。話說02年佢喺北京一個汽車高峯論壇上，好多人睇死吉利唔掂，李總唔忿氣，話全球經濟 自由化，汽車製造業會轉移陣地，通用都有機會倒閉，點知可能不幸言中，呢幾日傳緊GM會申請破產保護，真係危危乎，哀哉！ 傳吉利鯨吞Volvo 另 外，李書福噚日嚟咗香港見記者，吉利汽車打算買起富豪汽車（Volvo）呢個傳聞，都已經傳咗好幾個月，李書福噚日有啲唔耐煩，話畀好多人問咗好多次，大 家不停喺度傳，幾乎所有內地汽車企業嘅名都傳勻晒，但係佢話吉利只會喺金融危機下，根據實際情況而做決定喎！之不過，咁嘅答案似乎行咗啲，李總為咗等記者 朋友好交差，終於拋出「神秘少女論」。呢位內地汽車界狂人形容，Volvo係一個好神秘，又好亮麗嘅女仔，o依家亭亭玉立咁展示喺全世界行家面前，大家都 喺度睇住呢個靚女，但又唔敢靠近。咁唔通所有人都係怕醜仔？ 神秘少女論解圍 李書福哈哈笑咗幾聲，解釋話皆因唔知道個女仔諗緊 乜，亦唔知道黐埋去會有乜嘢後果。佢仲語帶雙關咁話，呢個女仔係百年企業，內裏好複雜，唔了解，亦唔理解，惟有等個女仔自揭面紗咁話！講到尾，大家都係自 行領會李總嘅百年神秘「少女」論喇！[email protected] | ||||||
| ||||||
| 到四季酒店參加財務N公子之婚宴，遇到不少香港、台灣、日本商界名人，財務N在消費性貸款行業，屬教父級數，佢娶新抱，自然冠蓋滿「四季」，財務N介紹左丁山與一位台灣大亨握手，問我識唔識Jeffrey Koo，邊度敢話唔識呀，大名鼎鼎，十幾年前到台灣訪問，呢位大亨就請過我吃晚飯，見過面。 原來財務N之新抱乃台灣名門之後，故此辜先生親自來港參加婚宴。同席之中，位位老友，當然十分好傾，退休校長L之先生係外省人，雖然在香港讀書、長大，但外省口音不改，L先生突然間問：「你點睇大市呀？『廣豐行』睇得好好。」「廣豐行」？入口米商呀？還是經紀行呀？在座朋友聽到一頭霧水。 L先生話：「成日講中國投資、救市，好出名位廣先生呀？」哎，即刻知道佢係講J.P摩根大通位龔方雄。龔先生梗係醒啦，好似有天地線o忝。不過今時今日，預測市道，言人人殊，各有不同睇法，好似四月二十日之《華爾街日報》就報導，兩派分析師睇同一批美國經濟數據，樂觀派基金經理就話見底咯，標普五百會繼續升，悲觀派基金經理就話標普市盈率（現在係13倍）會跌到單位數字！ 一般投資者可以信邊一派？因而想到法官有權威，可以講私有化價錢太低，好似獨立顧問份報告係廢紙一張。如果法庭可以指點私有化如何定價，以後投資銀行唔使做咯，讀甚麼CAPM或者Discounted Cash flow或者專業估值呀？左丁山仲以為先進社會講求專業分工o忝，原來法官除講法律，仲可以講埋資產定價與外國公司控制權，認真學問高深。如果龔方雄係法官話，佢睇好中資股觀點，可能更具權威性！回應番L先生問題，其實左丁山唔識睇，目前市場狀況甚為怪異，舉例而言，報紙兩條標題：「差過911沙士，國泰推高層無薪假期」，「港人破產申請，創下五年新高」，睇到，問你驚未，但另外兩條標題：「新盤銷逾500伙，海嘯後新高」，「樓市08大旺價重現」，兩種互相矛盾情景，同時出現，睇好還是睇淡？不如請法官大人一錘定音。 | ||||||