ZKIZ Archives


黑藥房瘋現油尖旺 掩眼法劏客

1 : GS(14)@2011-11-20 12:03:46

http://hk.apple.nextmedia.com/te ... 104&art_id=15817511









想請教呢D貨點取回來的?

記者隨機到旺角四間藥房放蛇,購買多款甚受內地旅客歡迎的知名中成藥,結果「成功受騙」,在兩間藥房買到山寨貨。位於豉油街的創興中西大藥房,記者向店員以普通話表明要買黃道益活絡油,同時向店員遞上寫有貨品名稱的紙條。

...

記者其後到位於山東街的聯鋒大藥房,以同樣方法,向店員表示想購買喇叭牌正露丸。結果,店員亦只是拿出包裝近似的山寨貨,之後同樣以 30元的價錢牌蓋着品牌名稱,收據亦只寫上正露丸。兩款藥物的售價與正牌貨相若。記者回去拆開包裝,發現山寨貨是金牌道益活絡油及爵士牌正露丸。
兩間藥房均位於旺角遊客區,又是註明有註冊藥劑師的藥房,並掛上大個招牌標明是政府註冊(其實並無任何法定意思),故吸引大批內地客光顧,中招者不少。
記者翻查公司註冊紀錄,發現創興去年 10月才成立,今年 4月轉由一名叫蕭麗華的人擔任董事;另一間聯鋒則在 07年開業,現時擁有人名為張育栽。
2 : GS(14)@2011-11-20 12:05:07

旅客換貨慘遭粗口指罵
http://hk.apple.nextmedia.com/te ... 104&art_id=15817512




龐先生表示,光顧創興時表明要買黃道益活絡油、法國雙飛人藥水及斧標驅風油,店員隨即用花紙包好,七樽合共約 200元,另外用 440元買了兩罐新西蘭 Karicare奶粉。他們返回廣州,始發現「黃道益變咗金牌道益,法國雙飛人係一隻法國藥水,斧標就變咗斧頭標,全部用價錢牌遮住個名,包裝同正牌好似」。他隨即打長途電話到藥房要求換貨,店方亦答應。
由於其 BB喝了一次 Karicare奶粉後,即嘔吐大作,他懷疑有問題,故昨日專程來港要求一併退回奶粉或更換,但店員只肯換中成藥,更撕爛單據,又用粗口指罵。「我冇理由花錢仲要受氣」,他報警求助,警員到場後只調停了事。店方始終不肯退換奶粉,龐先生指會再向本港海關及消委會投訴。
3 : KENLIN(17685)@2011-11-20 12:22:13

又係我個範, 唔好逼我爆行家D搵食嘢!
4 : GS(14)@2011-11-20 13:13:33

3樓提及
又係我個範, 唔好逼我爆行家D搵食嘢!


擺明睇你食啦
5 : 龍生(798)@2011-11-21 01:51:44

我都俾人呃過...
6 : 費根(9475)@2011-11-21 06:35:55

仲有白花油變了百花油
7 : 肥B(18468)@2011-11-21 11:59:34

我就試過好多次啦, 我有個B, 成日要買「花士令」同佢搽 PAT PAT 用, 買開的藥房哥哥仔都認得我, 不過, 礙於佢老細 (藥房可以話事的其中一人, 可以開工時坐在櫃檯前開IPAD睇野的中年潮漢)成日在場打點, 佢都唔會同我混得好熟....

「花士令」的A貨係用舊包裝的, 同真貨舊裝的外型完全一樣, 係D紙唔係好同. 我好明顯係「街坊」, 我通常都自動波埋去門口個架度自己拿去俾錢的, 佢地將D真野同A貨放埋一格, 一個唔覺意就會拿錯左....我試過見無真野, 就攞住個A貨問阿「話事人」, 問:「有無凡事林呀?」, 答曰:「你攞住那個咪係囉~」, 我心想:「自己友都唔放過?!」而開口說:「啊, 咁唔買住啦.....」 從此之後, 我再問過房藥中人的「意見」了, 有就買, 無就問幾時返, 唔會問有無其他介紹....

昨日見人入去話買「保嬰丹」, 個四眼「掌櫃」就拿了一盒山寨野出黎話好多人買架, 個男人好似唔多信, 有D猶豫, 再指指四眼「掌櫃」身後個櫃, 那盒山寨貨旁邊的鐵盒真野, 問曰:「O個好似都係?」個四眼「掌櫃」唔知係真係睇錯 / 或意會錯定 /扮無知, 攞左鐵盒真野(另外一邊)隔離的B貨俾個男人睇, 再話:「呢隻都好多人買架~」.....我差D想當場出聲:「轉彎有間位完堂呀阿生」......

大家自己睇路啦....
8 : 肥B(18468)@2011-11-21 12:14:56

同區另一間係我BLACKLIST 左的, 佢最吸引我去幫襯係佢D 先頭水呀, X威寶廚房浴室用品等等都係平過行家1或2蚊, 但佢地做生意的態度就好似唔憂做咁....櫃檯可以錢的那個「阿叔」, 無論說話同咀臉都係想打佢一身, 同唔好似唔多著緊你買唔買咁....

最經典係我問:「我D鼻敏感好嚴重, 想買盒林淦生試下」,答日:「呢隻我地無賣喎」(但櫃頂明明有個盒向度), 輚身就拿了另一隻話:「林淦生唔得架, SIDE錢架咋, 試下呢隻啦, 我好多客都用呢隻, 個個都返頭買架!」(但呢隻個包裝好山那種...), 我話:「咁幾錢呀?」答曰:「$XXX一盒」(仲比林淦生貴一D, 而且個份量仲細一D), 我於是話:「咁唔駛住啦, 我淨係要呢得啦!」, 之全程黑面, 找錢時那種不屑的態度, 簡直令我差D想瀑粗....之後, 無論佢D野點平都好, 行多個街口同俾多一兩蚊都唔再幫襯佢!!!!
9 : 龍生(798)@2011-11-21 14:49:02

肥B兄不吝指教, 搞到我都想講,
先立論,
軒尼詩道全線藥房都係搵笨七的, 無一例外
先開名, 這間又係無名氏, 位置在友光大廈, 軒尼詩道段, 不難找
話說我早年去買咳必靈
個阿姐拎的藥丸出黎, 名都無, 話呢隻就係,
我話: 下? 藥水黎架喎, 水劑架喎
跟手佢拎盒寫滿英文, 粉紅色既野出黎, 又話呢隻係

我話...咁唔駛啦, 算啦
跟手佢先係櫃入面拎枝真既咳必靈出黎
後黎我發覺仲要貴過出面...

死未

有段小插曲, 話說佢拎枝真既咳必靈出黎個陣, 唔小心打爛左,
跟住先再拎多枝, 我個心不知幾涼....
10 : 龍生(798)@2011-11-21 14:49:25

自此我就BLACKLIST 所有藥房了,

只幫襯萬記同屈記....
11 : 龍生(798)@2011-11-21 15:00:43

後來我死心不息, 到其他地方藥房都買過野

都係假貨居多,

例如胃仙U...俾盒差唔多樣的我, 仲搵花紙包...

我番去換, 佢居然唔俾我換, 話貨物出門, 恕不退換

結果我等佢有客個陣大聲同佢嘈, 佢先屈服, 但話要補錢

好, 我照補俾佢, 但係拎到貨銀兩乾後, 大聲道,

真係估唔到你地會賣假貨喎

結果佢好嬲咁啤我, 但我無理佢, 仲回望仲一陣, 哈哈
12 : 龍生(798)@2011-11-21 15:01:35

呢間係金鵝商業大廈地下

都唔難找的, 雖然轉過幾次手, 改左幾次名,

但裝修都無轉, 我懷疑都係個個老世
13 : GS(14)@2011-11-21 22:37:03

真是慣犯
藥房 瘋現 現油 油尖 尖旺 掩眼法
PermaLink: https://articles.zkiz.com/?id=276648


ZKIZ Archives @ 2019