ZKIZ Archives


減存款準備金率有乜用?

1 : GS(14)@2012-02-20 22:29:10

http://www.sharpdaily.hk/article/index/15307/20120220/55939
星期六晚,約朋友食晚飯,窗口外做完幻彩詠香江無幾耐,手機就響。原來人行出聲明,減存款準備金率(RRR)50點。即刻上《利字當頭》facebook留個言,諗住將消息報告畀讀者知,原來《Money Cafe》個facebook都有即時發布呢個訊息,且已經有觀眾留言。星期六晚都繼續關心財經大事,呢班讀者同觀眾既可愛又可敬。
我對減RRR即時評語:「祝君好運」。讀者唔明,我解釋:「成件事,對大眾嚟講,根本完全無技術成份可言,唯一取決因素就只有或然率。」呢刻我相信最多人關注嘅係:「減RRR,對A股同大陸樓市有無幫助?」另一個就問題係:「o依家形勢,究竟似2007年定係2009年?」
降貨幣流速作用有限

分析減RRR有乜嘢影響前,先要明白點解全世界咁多國家央行,只有人行用調整準備金去調控物價。大家有無留意,廣義嘅人幣供應每年以十幾巴仙增長,從來無停過;充其量,只有增速放緩。「無所謂啦,大陸經濟強勁嘛!」
就算因出口增長,新發行嘅錢,最終都要回流,變成中國境內資金池一部份。越來越多錢,追逐無乜增加過嘅貨物,就係通貨膨脹。要去減少不斷增長嘅錢對物價嘅壓力,人行用佛利民一條數式:MV=PQ
呢條式,簡單易明:M係錢嘅總額,P係物價,Q係社會出產總量。佛利民開創嘅貨幣學派認為,社會出產總量(Q)短期內難有大改變,所以錢嘅總額增加減少,直接影響物價上落。
人行無法控制M,因為大型國有銀行以下,有好多大型國企等錢用。所以M一定要不斷增加。要調控物價,人行唯一變數就係V。V係乜?V就係錢嘅流轉速度。V越高,物價越高,反之亦然。太平盛世,V好穩定。不過兵荒馬亂,V可以大上大落。最重要一點,V並唔係簡單調整RRR就可以。事實上,之前減RRR,V並無跌,只不過錢由枱面走去枱底。今次人行減RRR,正面諗係陽光政策,慢慢鼓勵枱底錢回流正規系統。不過,對放大信貸就無乜用;對內銀股應該有少少好處,對宏觀經濟無乜意義。究竟o依家似07年定09年?我會話:It is different every time。

利世民
存款 準備金 準備 率有 有乜 乜用
PermaLink: https://articles.zkiz.com/?id=277835

器官捐贈率有幾低?有數得睇

1 : GS(14)@2015-10-19 07:24:07

十九歲少女勞美蘭,苦等屍肺移植半個月,惜無結果,結果於十月七日離世。事件再次喚起全城對器官捐贈率長期偏低的關注。其實現時有二千多人在等候不同器官,其中腎臟佔近1900個。但翻查去年數據,全港捐贈的活腎及屍腎合共只有七十九個。輪候人數遠多於捐贈數字,結果腎病病人快則要等一年,慢則要等三十年。捐贈率低固然與宣傳教育不足有關,但還有其他因素影響。以現時香港的醫療技術,只有肝和腎可作活體移植,捐贈者亦必須為十八歲以上。而遺體捐贈,只有腦幹死亡人士合資格,心臟停頓死者則不適合,因為器官缺乏血液和氧會迅速衰竭,故他們只能夠捐贈組織,例如皮膚和眼角膜。固此,每年適合遺體器官移植的個案只有80至120宗,當中四至五成死者家屬又反對移植,令捐贈率再打折扣。此外,現時香港有十七萬七千人登記了器官捐贈名冊,只佔全港人口百分之二點五。但根據衛生署調查,有超過六成半受訪者願意捐贈器官。換言之,不少市民其實有意捐贈,但沒做登記,也沒有通知家人。一旦過身,家人因不知道死者生前意願,可能反對捐贈,結果便錯失救人機會。





來源: http://hk.apple.nextmedia.com/news/art/20151018/19338136
器官 捐贈 率有 有幾 幾低 數得
PermaLink: https://articles.zkiz.com/?id=293339

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019