ZKIZ Archives


中環在線:彤叔乖孫米蘭「獵艷」 李華華

彤叔乖孫、新世界百貨(825)執董鄭志剛(Adrian)下個禮拜會飛去意大利睇名牌。金牌運動員啱啱先嚟香港掃名牌,華華心諗,做得香港富豪第三代,要掃名牌梗係去米蘭啦,吓嘩!

香港頭炮唔衰得

不 過問多句,原來Adrian飛意大利係為檔生意。因為尖沙嘴河內道發展項目個商場K11由Adrian擔大旗,雖然佢喺內地負責過一啲項目,但呢個 project話晒係佢喺香港嘅處男作,自然想有好表現。Adrian噚日向傳媒介紹佢呢個項目嘅發展大計,記招之後,呢位水造嘅男人連灌兩杯水,跟住先 同大家講嘢。原來佢諗頭多多,話要搵啲有生活品味嘅租戶,又話宣傳要搞藝術提高文化,目的都係希望將個場打造成「精品式商場」,所以下個禮拜咪親自飛去意 大利同潛在租客斟生意囉。咁親力親為,可以話係2字頭嘅人辦,難怪阿爺咁錫佢!之但係,精品式酒店就聽得多啫,精品式商場即係點?Adrian解釋,就係 商場嘅品牌要有「lifestyle concept」(生活品味概念)、要有生活態度,佢最希望搵到啲有創造力兼領導市場嘅品牌,仲要係香港未出現過嘅新品牌,咁先畀到人新鮮感,所以佢會同 嚟自意大利及法國嘅品牌代表傾吓……果然有要求噃!

精品商場要揀客

除咗租戶要有態度、宣傳活動亦要有品味,一向鍾意藝術嘅 Adrian話,會安排本土藝術團體,喺個場度搞活動,實行將藝術融入購物文化咁話。咁高格調,怕唔怕同附近舊建築、購物點格格不入呢?佢就唔多擔心,話 新舊對照好吖,紐約都係咁。李華華電郵:LiWaWa@AppleDaily.com
中環 在線 彤叔 叔乖 乖孫 米蘭 獵艷 華華
PermaLink: https://articles.zkiz.com/?id=2004

趙世曾選美獵艷港女同居唔俾嘴

2013-11-28  NM  
 

 

出名風流,自言曾與過萬女人約會的卓能集團主席趙世曾,近十年只鍾情北方佳麗,而且全是散拖形式幾個月就換畫。年屆七十七的他人老心不老,前幾年贊助首屆中國小姐選舉,在趙苑舉行比賽,名正言順目及女。

食髓知味,今年他又贊助國際旅遊小姐選美,還極速中十九歲的港女Givanna,二人一拍即合,唔使一個禮拜,港女更搬埋入趙苑同居,與趙世曾另一強國女友Dora兩女侍一男。

只不過趙世曾如意算盤打不響,據知每次趙公子想濕吻,港女都借機閃開,唔多聽話囉。一拍即合

呢位十九歲、中文名叫鄧寶怡的Givanna,本來跟其餘九位港女一齊比賽,「三星期前,趙生見過班女仔,傾過偈,佢話Givanna幾乖巧溫柔,想要栽培佢。」過幾日,Givanna已從選美行列中脫籍,跟住趙世曾出席他的山頂樓盤活動,趙生仲向傳媒介紹:「佢係公司的公關小姐,負責搞今次旅遊小姐的項目。」

不過這種掛名職位,其實是趙世曾安置女友的伎倆,由以前馬慧、鄔仁,到目前所謂深圳寫字樓市場部經理Dora,都話在卓能集團打工,問她實質做乜?她先支吾以對,繼然走人,避免露出馬腳。

而港女Givanna就高中畢業,來自單親家庭,跟母親住奧海城,之前曾選過中華文化小姐,今次又參加國際旅遊小姐,終於未選先得米。表面上唔多出聲的她,其實不知幾主動,向趙世曾撒嬌話想搬屋,從而搬入趙苑,「趙生同Dora住主人房,Givanna不介意,更好天真話住得入屋就當她是家人。」爆料人更話︰「趙生真係帶佢同家人食飯,Givanna開口埋口叫趙博士,又主動夾餸,同Dora又唔爭寵,令趙生好開心,總之話有初戀的感覺。

唔肯open

雖然趙生讚她斯文,但亦開始嫌她不夠open。據知同住一屋的Givanna,遲遲不肯俾趙世曾嘴嘴,「有次趙生想法式濕吻,佢就用手擋,之後每次見對方趙香口膠,Givanna都敬而遠之。」上週六,趙世曾提供遊艇、直升機俾著住比堅尼的旅遊小姐上天下海,陪坐的國產Dora好識做,一上船就除褸露事業線,任由趙生攬實,反觀Givanna守身如玉,全程著住外套,短裙下仲要著對黑絲襪打底,就算趙世曾多次叫她除褸,她都扮聾,最後知趣讓步,亦不過只係將領口拉開少少咁多。記者問趙世曾是否跟Givanna同居?他笑話:「我哋趙苑好多地方,咁佢做項目,會容易招呼人,又唔係同我住埋一齊。(唔肯俾你錫喎)吓?邊有呢啲嘢?你搞錯。」而Givanna亦辯稱:「我哋有幾個女仔住得遠,係方便做嘢先暫住(趙苑),做完個活動我哋會搬走,趙生已經有女朋友Dora啦。」

趙世 世曾 選美 獵艷 港女 同居 唔俾 俾嘴
PermaLink: https://articles.zkiz.com/?id=83451

回教徒澳洲留學網上獵艷姦6女一港女逃脫

1 : GS(14)@2016-03-09 16:25:01

一名埃及留學生去年涉嫌透過約會網站騙愛,兩個月內在澳洲墨爾本連環強姦6名女子,一名剛到澳洲工作假期的香港女子,則成功逃脫。28歲被告奈化迪(Adel Nafady)被控44項罪名,包括對6名女性的21項強暴罪,以及被控襲擊另一名剛到澳洲的香港女子。奈化迪去年2月到澳洲修讀碩士,抵步後數周便利用「OkCupid」、「Plenty of Fish」及「Meetme」等約會網站獵女。控方指,他在2月至5月期間曾聯結72名女士,但對以上7名女性的襲擊,則發生在3月至5月。7名受害者年齡介乎19至36歲,其中有3人是澳洲人,另3人是來自哥倫比亞、越南和印尼的留學生,至於逃脫的香港女子,受襲時剛到澳洲兩日展開工作假期。控方指奈化迪企圖把她擄到其公寓,幸她成功逃走。其中一名受害人據悉曾被奈化迪強暴6次,另有3人合共被偷取370澳元(2,128港元)。他目前被關押在移民拘留所,他的爸爸亦由埃及飛到澳州現身聽證會。澳洲《時代報》





來源: http://hk.apple.nextmedia.com/international/art/20160309/19522373
回教徒 回教 澳洲 留學 網上 獵艷 女一 一港 港女 逃脫
PermaLink: https://articles.zkiz.com/?id=297348

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019