ZKIZ Archives


何猷君當街攬錫


2013-08-22  NM
 
 

 

今年十八歲的賭王四太仔何猷君,以前得閒都會陪阿媽去保良局活動,但依家大個仔當然唔跟阿媽,反而日日黐實西班牙籍女友Francesca。

本週日凌晨,佢哋就拖手落蘭桂坊蒲天光,而曾自誇「我把口都夠甜」嘅猷君,情到濃時亦不顧身份,當街嘴爛醉女友,sweet晒!

飛甩阿媽

以前放暑假都會黐住四太的何猷君,有女就少陪阿媽,上週二四太單拖出席保良局活動,自英國返港的猷君,連續數星期都落老蘭夜蒲。本週日晚凌晨,猷君拖埋女友一齊落蘭桂坊玩足四粒鐘,飲到啤啤夫的Francesca連企都企唔穩,要猷君和友人攬住離場,飲大個膽,兩人仲喺街頭濕吻。由於飲得太醉,車又未到,Francesca開始撒嬌醉到坐街,猷君唯有攬實女友陪佢踎街休息。

正牌蒲精

何猷君其實早在未成年時已愛夜蒲,經常孖住阿哥猷亨或家姐超盈一齊搏懵入場,猷君又鍾意請人飲香檳扮大佬,依家攞正牌可以同班friend clubbing,仲唔玩番夠本咩!

 
何猷 猷君 當街 攬錫
PermaLink: https://articles.zkiz.com/?id=73954

【馮仁昭四圍超】一日飛三轉穿梭歐美 猷君速遞見公主

1 : GS(14)@2016-02-11 10:21:25

■猷君同Kimmy拍拖短短時間,幾乎喺全球每個角落都搵到佢哋嘅蹤迹。互聯網圖片








賭王四房孻仔何猷君同新加坡富商、西甲華倫西亞班主林榮福千金Kimmy Lim(林慧俐)拍拖個幾月,已經蜜遊澳門、新加坡同香港。由於猷君要返波士頓麻省理工開學,而Kimmy就返新加坡,搞到猷君要捱眼瞓,半夜起身同女友玩facetime,校啱新加坡時間5點20分打去,冧爆女友。



Kimmy空中傳情

猷君今個農曆年飛咗去拉斯維加斯同班朋友過年,不過浪漫嘅佢原來已經計劃咗點同Kimmy過首個情人節。佢噚日喺Ig貼圖,騷咗一張由波士頓出發,到巴黎轉飛華倫西亞嘅機票,原來佢約咗女友去西班牙拍拖,相信平時咁鍾意睇波嘅佢,應該會去睇華倫西亞主場嘅比賽過節。



■猷君貼咗張機票相,仲話自己係一日連飛三程搵女友,相當甜蜜。互聯網圖片

■Kimmy喺飛機上面拍片,睇嚟係飛緊去蜜會男友。互聯網圖片


■猷君新年飛咗去賭城拉斯維加斯,話咁快又起程飛去西班牙。


其實猷君已經開咗學,為咗兼顧學業同拍拖花盡心思,佢喺Ig以「公主」、「The One」形容女友,更留言此行原來係一日飛足三轉:「我的周二:早上從拉斯維加斯飛回波士頓,上幾節課,把這周所有剩下的功課做完,然後飛往巴黎轉機去瓦倫西亞(華倫西亞)找公主殿下。」同一時間,Kimmy亦喺snapchat上放咗一條坐飛機嘅視頻,更笑言so tired,估計佢飛緊去西班牙同男友會合。撰文:馮仁昭





來源: http://hk.apple.nextmedia.com/entertainment/art/20160211/19486124
馮仁 仁昭 四圍 一日 飛三 三轉 穿梭 歐美 猷君 速遞 公主
PermaLink: https://articles.zkiz.com/?id=295825

猷君陪女友睇西甲

1 : GS(14)@2016-02-15 18:03:45

賭王四房孻仔猷君月前爆出新戀情,與西甲球會華倫西亞班主千金Kimmy Lim拍拖。為能與Kimmy過第一個情人節,他日前趕夜車做完功課即刻飛往西班牙,昨日香港時間凌晨時分,兩人欣賞華倫西亞主場對愛斯賓奴的西甲賽事,穿上華倫主場波衫撐場的猷君表現興奮,但Kimmy似乎心情麻麻,原來Kimmy是緊張球隊聯賽12不勝後能否贏波,最終球隊以2:1擊敗對手,完場後Kimmy即刻放鬆在梳化休息,猷君則賣口乖指二人為球隊帶來幸運。





來源: http://hk.apple.nextmedia.com/entertainment/art/20160215/19491896
猷君 君陪 女友 西甲
PermaLink: https://articles.zkiz.com/?id=296004

史上最年輕考入金融碩士課程21歲猷君破麻省紀錄

1 : GS(14)@2016-03-09 16:25:56

■超盈笑言叫細佬猷君(中)賺錢送手袋給她。互聯網圖片


賭王何鴻燊四房公子何猷君認真叻仔,就讀麻省理工(MIT)的他僅以21歲55日之齡,破紀錄成為史上最年輕考入麻省金融碩士課程的學生,昨日他在社交網公告喜訊,又影相又拍片大肆慶祝。猷君更着上印有「GENIUS(天才)」字樣tee,興奮到在校園頂尖跳起大叫,高呼自己是genius。從小已是數學天才的猷君,讀小學時連續兩年在「世界數學測試」邀請賽中贏獎,當年還獲賭王爸爸親自頒獎。今次猷君更以史上最年輕之齡獲錄取,他在社交網用中英文雙語驕傲宣告:「今天很開心想告訴大家,我考進了MIT的金融碩士課程!而且還破紀錄成為史上最年輕考進這課程的學生。」



■猷君穿「GENIUS」字樣tee,爬上校園建築物的頂部,又跳又大叫自己做天才。互聯網圖片

■猷君表示爬上去頂部是校內傳統。



幾千人報考收百人

身在美國的猷君昨在電話回覆本報表示:「爬上去有特別意思,MIT有個傳統係學生偷偷爬上去捉弄學校,很少人成功,你可以上網看看。有人最厲害試過把一輛警察車放在頂尖,爬上去超級危險。」這個課程要讀一年,猷君說:「照我所知係有幾千人去考,今次收咗大概一百人讀。」問到這科收生門檻是否很高?他說:「分數冇話要到幾多分,但當然係收最頂尖學生啦!MIT課程咁難,佢哋多數收做完嘢有工作經驗嘅學生,所以係破咗紀錄。」



■雖然猷君與女友打得火熱,但未有影響學業。資料圖片

■猷君小時候曾勝出「世界數學測試」,並由爸爸頒獎。資料圖片



掛住家人返港創業

問到畢業後會否留在美國工作?還是回來幫手打理家族生意?他說:「唔知道,應該會返香港創業,我12歲就出外國讀書,去咗好耐,好掛住屋企人。」家姐超盈亦為弟弟感驕傲,昨在社交網貼祝酒相,抵死留言吩咐猷君:「搵多啲錢買Hermès birkin手袋畀我,都可以買一個畀你嘅女友Kimmy。」採訪:唐如





來源: http://hk.apple.nextmedia.com/entertainment/art/20160309/19521356
史上 上最 年輕 考入 金融 碩士 課程 21 歲猷 猷君 君破 麻省 紀錄
PermaLink: https://articles.zkiz.com/?id=297361

猷君傷手縫12針 超盈心痛

1 : GS(14)@2016-05-21 17:49:40

■猷君昨日在Ig上載傷後照片,其血迹相當矚目。


賭王何鴻燊四房孻仔何猷君近日多意外,早前在美國坐Uber遇上交通意外撞傷眼角,昨日他在Instagram貼了一張在醫院接受治療的圖片,其中右手被白色紗布紮住,他的左手雖着舉着V,但滿手沾血,條褲亦有血迹。猷君留言交代傷勢,他指傷了3隻手指,並要縫12針,但言詞依然頑皮:「我又回到我第二個家啦!快熟到可以請醫生護士們吃飯了,哈哈。聽醫生說我暈過去之前說的最後一句話是『糟糕,我一個月不能玩PS4了,怎麼辦?」


■超盈(右)前日在康城開工,與楊紫瓊在電影《Julieta》的紅地毯上合照。


原來猷君在醫院有致電身在康城的超盈,她昨日回覆本報:「佢而嘩鬼叫話勁痛,同我講切親手指流好多血,我呢邊係朝早9點,佢一路同我講住電話一路縫針,聽到都幾心罨,應該幾嚴重,佢話好彩考晒試,唔使揸筆,之後要做手術,佢有個朋友陪住。」身在澳門開會的四太昨日表示:「佢整親即打畀我講情況,都好擔心。」撰文:唐如





來源: http://hk.apple.nextmedia.com/entertainment/art/20160519/19617622
猷君 君傷 手縫 12 超盈 心痛
PermaLink: https://articles.zkiz.com/?id=300729

猷君醫手指:切走肌腱

1 : GS(14)@2016-05-21 18:29:48

賭王何鴻燊四房孻仔猷君身在美國留學,日前不慎切傷右手3隻手指要到醫院求診。本報昨日聯絡猷君,他交代傷勢:「準備返嚟咪開始執箱,開箱講緊電話,就斬到手指。做咗個好細手術,好似切走咗啲tendon(肌腱),個幾禮拜後返去拆線。」之前他戲言傷勢令他冇得打機,他說:「一隻手指都打得,不過冇咁勁。」對於四太指他是「容易受傷的男人」,猷君笑言:「我係慣常傷殘人士,我細個隻右手甩過骹、斷過兩次骨、又試過骨折,所以我隻左手係可以揸筷子,乜都可以左手做,除咗寫字。」採訪:唐如





來源: http://hk.apple.nextmedia.com/entertainment/art/20160520/19619614
猷君 君醫 手指 切走 肌腱
PermaLink: https://articles.zkiz.com/?id=300863

四太三代同堂捧畢業禮猷君三年拎麻省理學士 趕住創業

1 : GS(14)@2016-06-06 03:17:40

【全家慶祝】■賭王四房孻仔猷君昨日於美國麻省理工大學畢業,四太梁安琪罕有地率領母親、胞兄禤偉祺夫婦現身觀禮。



【《蘋果》越洋專訪】賭王四房幼子何猷君自小被封數學天才,昨日在世界排名第一的麻省理工大學理學士畢業,可謂人生勝利組,四太梁安琪率領三代成員撐愛子場。猷君透露自己以三年時間完成四年的學士課程,是希望可以早一年畢業返港展開創業大計。


賭王何鴻燊的子女,事業上各有成就,二房長女超瓊是香港女首富、兒子猷龍是澳門小賭王,四房近年勢頭勁,大女超盈開藝術拍賣行躋身《福布斯》榜注目新生代,而21歲孻仔猷君自小被封為數學天才,學業成績超卓,昨日更於世界排名第一的美國麻省理工大學(MIT)畢業,絕對是尖子。



已獲取錄金融碩士

猷君昨日於香港時間凌晨在波士頓出席畢業禮,四房一家總動員現身支持,四太率領母親、甚少露面的兄長禤偉祺與太太、子女超盈、猷亨及超欣一同前往,連一手湊大猷君的老工人珍姐都有飛去見證,可見四房對猷君畢業十分重視。猷君行完禮後,全家興奮拍照留念,他更向阿媽送上肉嘴,又攬實妹妹超欣合照。能在MIT縮減一年時間完成理學學士課程,連大學校長也笑猷君破壞了宇宙最難入的大學形象。猷君透露其實早前已獲取錄金融碩士,他現考慮繼續進修或返港創業,去年他已小試牛刀以利是錢創業搞夜店app。本報昨日越洋致電猷君做獨家專訪,談到三年苦讀終見成果,他自言興奮亦辛苦:「平時一個學期係讀四、五堂,我就喺第二年每個學期讀八堂,即係一年讀兩年嘅堂,因為想返去屋企創業,想努力快少少,早一年畢業,上八堂搞到冇時間食飯,忙到唔知幾時交功課,所以用咗三年汗水趕呢個畢業禮,係好興奮,好感動,排隊上台嗰時諗,三年幾艱難,喺呢度真係唔容易,好多謝朋友精神上同功課上支持。」賭王的子女,大部份都是大學畢業生,猷君更是從世界排名第一學府MIT畢業,學術成績超班,他謙虛表示:「咁多家姐、阿哥都非常優秀,大家都咁叻。」猷君在香港讀傳統小學時,已參加世界數學測試邀請賽,獲獎兩次被傳媒封為數學天才,他自言榮幸:「我細細個你哋叫到而家,由攞獎、考會考、A-Level,入MIT到畢業都好榮幸,係唔係天才?梗唔係愛因斯坦,講吓笑就OK,不過由細到大都多咗個責任,一定要數學考得好。」



【興奮舉V】■猷君戴上四方帽,等待上台攞證書時已甚感興奮。

【數學天才】■猷君小學時代已參加世界數學測試獲獎兩次,被傳媒封為數學天才。資料圖片



「一年讀兩年嘅堂」

父母出名做生意叻,相信猷君亦遺傳了他們的基因,他表示:「爸爸成日講笑,我數學好係遺傳阿媽數口好,聽爸爸同媽媽朋友講,爸爸細個對數字已好敏感,一個電話簿所有電話都識背番出嚟,可能有少少遺傳,天才又好、愛因斯坦又好、愛丁堡又好,我覺得係80%努力,20%係天賦。」數學天才的他雖未試過考試不合格,但自言讀書也曾遇上困難:「細細個去英國讀中學,嗰時英文唔好,覺得讀歷史好難。」賭王父親與四太理所當然成為猷君的偶像及學習對象,他表示:「從爸爸身上,學到永遠對no係say no,好有毅力嘅性格。喺媽咪身上學到好謹慎,佢好多嘢似望一望就決定,其實佢喺個腦入面,個思維兜咗好多次。仲有Iron Man都係我偶像,個角色都係MIT畢業。」採訪:唐如



■猷君(左)以NBA球員流行的Dab方式,與校長握手。

■親友訂做MIT立體蛋糕賀猷君畢業。



來源: http://hk.apple.nextmedia.com/entertainment/art/20160605/19641674
四太 三代 同堂 畢業 禮猷 猷君 君三 三年 年拎 麻省 理學士 理學 趕住 創業
PermaLink: https://articles.zkiz.com/?id=302046

猷君睇波唱葡萄牙國歌

1 : GS(14)@2016-07-12 22:08:16

熱愛足球的何猷君日前飛到法國,現場觀賞葡萄牙對法國的歐國盃決賽,結果葡萄牙加時以1:0擊敗法國,首奪歐國盃,猷君隨即在Instagram分享睇比賽時的照片,在場內唱葡萄牙國歌的他留言:「從小就會唱的葡萄牙國歌,終於有機會唱啦!」他並晒出一張和前曼聯CEO David Gill的合照,感謝對方當年帶C朗入曼聯。」名模琦琦也在場睇歐國盃,她昨日接受訪問說:「我捧德國隊,可惜冇入到決賽,睇到C朗受傷有啲遺憾,法國呢次輸係欠運氣。」此外,舒淇和黃心穎昨日亦分別在ig貼圖,舒淇讚葡萄牙是燃燒的火燄。採訪:陳杰





來源: http://hk.apple.nextmedia.com/entertainment/art/20160712/19690599
猷君 君睇 睇波 波唱 葡萄牙 葡萄 國歌
PermaLink: https://articles.zkiz.com/?id=303433

【馮仁昭四圍超】CoCo廢坐購物車 討猷君歡心

1 : GS(14)@2016-11-10 07:39:49

■CoCo畀猷君推住去買嘢,笑話男友將自己寵成廢人。互聯網圖片





賭王何鴻燊四房公子何猷君同新歡袁紫僑(CoCo)愛得癡纏,CoCo呢幾日上咗北京開工,唔知係咪受唔住相思之苦,噚日CoCo喺社交網貼合照思男友,佢坐喺購物車畀猷君推住行IKEA,被當正女王咁服侍,好得戚豎起V字勝利手勢,sweet到爆。沐浴喺愛河之中嘅CoCo寫道:「人家說愛一個人就要把她當女兒寵,可是我的寶貝把我寵成了一個廢人。」句尾仲附上心形圖案,甜蜜滿瀉!問到被男友寵成廢人羨慕死人,CoCo透過短訊回覆:「意思係……佢已經超越咗網上講話好男友嘅標準:『將女朋友寵成女兒』,因為各方面都好體貼,所以我冇乜嘢需要擔憂,有個咁錫我嘅男朋友好開心,佢係模範男友。」

■猷君早前同朋友去行超市,一樣要坐上購物車。資料圖片


愛坐購物車

CoCo嘅屋企人都喺上海,問係咪帶男友見家長?CoCo表示:「我在北京工作,沒有見家長啦!他在上海工作。」家人贊成佢同猷君拍拖嗎?CoCo話:「屋企人不會評論我的私人事情。」咁男友係咪支持你做藝人?佢坦言:「我們互相都很支持對方的工作。」原來CoCo同猷君都有鋪坐購物車癮,上月猷君喺社交網貼坐購物車相,留言:「我的王子病就只有一種。」睇嚟佢都想寵到女友有公主病!撰文:馮仁昭




來源: http://hk.apple.nextmedia.com/entertainment/art/20161109/19827145
馮仁 仁昭 四圍 CoCo 廢坐 購物車 購物 討猷 猷君 歡心
PermaLink: https://articles.zkiz.com/?id=314727

CoCo孭港女最愛手袋同猷君甜蜜拍拖

1 : GS(14)@2016-11-10 08:02:43

賭王何鴻燊四房細仔何猷君同新歡袁紫僑(CoCo)愛得黐纏,日前女友CoCo於社交網貼合照晒幸福,當日CoCo身穿黑衣襯大熱百摺裙行街,孭了港女最愛的Chanel今年秋冬最新的Boy Chanel皮拼tweed手袋行街,成$29,400元,未知是否男友送的包包?




來源: http://hk.apple.nextmedia.com/entertainment/art/20161110/19828362
CoCo 港女 最愛 手袋 同猷 猷君 甜蜜 拍拖
PermaLink: https://articles.zkiz.com/?id=314912

CoCo買聖誕禮物畀猷君

1 : GS(14)@2016-11-27 14:27:50

少女標本昨日在荔枝角一個商場擔任模特兒,她們表示聖誕節要工作。成員CoCo與何猷君拍拖後過首個聖誕節,她期望天氣能冷一點讓節日更有感覺,希望能更甜蜜,她說:「都想抽時間見面,但好忙,我已準備咗一份男仔鍾意嘅禮物。」對方送甚麼,她則重視心意,至於會否見家長,她承認平時有見面食飯:「我哋冇乜所謂嘅,本身大家都喺外國長大,冇呢個習慣。」




來源: http://hk.apple.nextmedia.com/entertainment/art/20161127/19846603
CoCo 聖誕 禮物 畀猷 猷君
PermaLink: https://articles.zkiz.com/?id=317237

【馮仁昭四圍超】猷君約食飯CoCo見四太勁驚 狂拍心口

1 : GS(14)@2016-12-30 02:58:06

【轉場】■猷君帶CoCo見過媽咪後,立即趕下場睇戲輕鬆吓。





【跑馬地】巳現年21歲嘅賭王四房細仔何猷君,今年萬聖節孖住25歲女子組合「少女標本」成員袁紫僑(CoCo)去海洋公園狂歡,令戀情曝光。拍拖消息通天,當然係時候見家長,猷君日前就帶CoCo去跑馬地正斗同媽咪梁安琪開餐。上月初,四太被問見過猷君新歡未時,佢即反問:「邊個CoCo?」當時四太話喺適當時候會見面,睇嚟?家啱晒時機。當日CoCo收起狂野,着純白連身裙襯白鞋,刻意打扮成清純少女,席間CoCo更純如羔羊,坐到直一直。食完飯離開嗰陣,霸氣嘅四太凌厲眼神望咗CoCo一下,口噏噏似訓話,猷君即護女友幫佢解圍。猷君孖CoCo送四太上車,四太又再擰轉身同CoCo講嘢,猷君緊張望實女友。最後四太先走,CoCo恭敬揮手,成功送走四太,CoCo轉身即唞大氣兼拍心口定驚。猷君同CoCo緊接到數碼港睇電影《死亡筆t記:照亮新世紀》,睇完戲就拍拖返南灣嘅豪宅。



【飯後】■猷君孖CoCo去咗跑馬地正斗,同四太(右)飯敍。

【訓話】■四太臨上車都不停向CoCo訓話,佢耷頭細聽。

【定驚】■CoCo送完四太上車,轉身即唞大氣兼拍心口定驚,身邊嘅猷君都忍唔住笑。


「唔係第一次見」

CoCo見四太時被影到肚凸凸,佢日前以微信回覆:「睇嚟我要減吓肥。」猷君亦以短訊回覆:「正常吃飯,你們拍攝角度有問題,沒有喜!」至於CoCo表現驚青,佢就避答,睇嚟四太嘅霸氣,真係收服咗寸嘴CoCo。四太噚日講起見CoCo,佢話:「唔係第一次見。」CoCo拍心口定驚,四太笑話有乜好驚。對CoCo肚凸凸係咪有喜?四太話:「我同佢食飯,佢坐喺度,我睇唔到,阿仔都答咗你哋。」




來源: http://hk.apple.nextmedia.com/entertainment/art/20161229/19879656
馮仁 仁昭 四圍 猷君 君約 約食 食飯 CoCo 見四 四太 太勁 勁驚 狂拍 心口
PermaLink: https://articles.zkiz.com/?id=320509

CoCo未想與猷君同居

1 : GS(14)@2017-01-02 01:06:36

韓星高庚杓、王君馨、吳業坤與少女標本等昨午到銅鑼灣參與除夕派對,高庚杓親民跟粉絲擁抱,活動後趕返韓國出席頒獎禮。少女標本成員袁紫僑(CoCo)日前跟男友何猷君食飯兼見四太,她說:「拍心口只係同男友傾無聊嘢小動作。」講到發福,CoCo笑住摸雙下巴指是不動產,又稱與男友感情穩定,但未發展到同居。採訪、攝影:馬建華




來源: http://hk.apple.nextmedia.com/entertainment/art/20170101/19883020
CoCo 未想 想與 與猷 猷君 同居
PermaLink: https://articles.zkiz.com/?id=320944

猷君攬透視CoCo被隊酒

1 : GS(14)@2017-01-02 11:51:09

【拖到實】■猷君昨凌晨夜蒲時全程拖着CoCo,CoCo當時身穿透視背心,相當誘人。DV圖片




【蘭桂坊】踏入2017,全城狂歡迎接。賭王四房孻仔何猷君與少女標本成員袁紫僑(CoCo)拍拖數月,昨凌晨二人夜蒲蘭桂坊慶祝元旦。CoCo一身bra top透視裝上陣,令猷君全晚愛不釋手,就算被友人隊酒,都要拖實女友,寸步不離。CoCo聞到猷君上衣有陣味,更大動作揈手話臭,猷君一點尷尬都沒有,繼續笑笑口跳舞。同場還有陳加玲攬實外籍男友,跳住舞慶祝。



賭王何鴻燊四房孻仔何猷君有數學天才之稱,讀書叻,追女仔更叻。月前他與少女標本成員袁紫僑撻着,經常連體嬰拍拖,早前更帶女友去見四太梁安琪,見家長過程雖然戰戰兢兢,但總算有驚無險。前晚,猷君和CoCo共度拍拖後首個除夕,他先帶女友過澳門與家人倒數,之後二人再與胞兄猷亨返港夜蒲中環。昨凌晨約1時,三人現身dragon-i,同場還有林建岳大仔林孝賢及林孝能。場內,猷君與CoCo形影不離,猷亨就自己顧自己。而入到室內,CoCo脫剩一件透視背心,清晰見到bra top,相當有戰鬥格。



【攬女友】■一臉醉意的猷君笑笑口,攬實CoCo跳舞。

【聞臭衫】■CoCo忽然扯起猷君的上衣,聞完後示意好臭。

【黐住跳】■猷君全晚與CoCo如連體嬰,攬住跳舞。


被嫌有臭味

猷君全晚與CoCo寸步不離,跳舞時攬實女友及搭膊頭,玩得相當high的他,就算被友人隊酒時,都要與CoCo十指緊扣。隔了一會,CoCo坐上梳化邊休息,猷君依然活力十足,企在CoCo前面繼續手舞足蹈,更捉住女友雙手,CoCo忽然拉起猷君的上衣,在胸口位置聞一聞,又叫猷君自己聞,然後大動作揈手示意臭。猷君未有介意被女友嫌臭,繼續笑笑口high爆跳舞,兩人最後玩到凌晨3時走人,離開時再被朋友隊足3、4杯酒。昨日猷君回覆本報說:「我哋屋企每年嘅傳統,先同媽咪、兄弟姊妹、婆婆同八姑媽倒數先自由活動。」對於被女友指好臭,他表示:「我朋友唔小心將紅牛倒落我件衫度。」
CoCo昨午與少女標本隊員出席銅鑼灣的商場活動,眾人要男歌迷有互動遊戲,她顯得有點尷尬,CoCo直言拍拖後玩這類遊戲自然會避忌一點。提到昨凌晨夜蒲時,男友猷君被指丟低猷亨與她滿場飛,CoCo表示:「係咩?其實派對入面好多人。」CoCo承認玩得好開心,至於是否享受二人世界?她怕醜說:「不如問吓其他人啦!」採訪:楊浩賢、陳辰、王連連攝影:畢紹基、孔志豪、仇志德


■猷君前晚先在澳門與家人倒數,女友CoCo亦有在場。互聯網圖片

■雖然CoCo(中)玩到凌晨3時,但昨午就與少女標本兩位成員開工。



來源: http://hk.apple.nextmedia.com/entertainment/art/20170102/19883918
猷君 君攬 透視 CoCo 被隊 隊酒
PermaLink: https://articles.zkiz.com/?id=321049

CoCo讚猷君專一

1 : GS(14)@2017-01-27 07:40:41

賭王何鴻燊四房孻仔何猷君(Mario)一年換三個女朋友,新任女友、少女標本成員袁紫僑(CoCo)極速獲安排見家長。CoCo昨受訪時承認最初擔心公開戀情後有壓力,更大讚男友專一:「以我認識嘅佢,唔係之前報道嗰啲人(多緋聞),佢會喺生活中畀到驚喜對方,係幾開心嘅。」問到CoCo用「我的狗」稱呼猷君,她解釋:「我男友屬狗,佢身邊好多friend都係咁叫佢暱稱,好似屬豬叫豬豬、小豬咁,但我平時唔會叫,只係覺得emoji好得意。」問到猷君是否結婚對象?她說:「?家拍拖幾開心,但我屋企人未見過佢,父母喺江蘇。」採訪:嵐山攝影:林德雄化妝:King Yip@Kings MAKEUP髮型:Daniel Cheng




來源: http://hk.apple.nextmedia.com/entertainment/art/20170127/19909905
CoCo 讚猷 猷君 專一
PermaLink: https://articles.zkiz.com/?id=324439

與猷君女友合作拍劇劉愷威最怕對方講爛gag

1 : GS(14)@2017-03-03 00:54:40

為搵奶粉錢,劉愷威與楊冪女兒小糯米真係想見父母一面都有難度,早前劉丹就透露孫女每晚都會同父母視像見面,最開心見到爸爸,聽落都幾陰公豬。近日劉愷威同何猷君女友袁紫僑(CoCo)為湖南衞視拍攝新劇《周未父母》,新劇中劉愷威飾演CoCo上司,而CoCo就係一位刁蠻任性富二代。富二代角色似乎係為CoCo度身訂造,CoCo大讚劉愷威係一位好前輩﹕「佢經常指導我哋,分享演戲經驗,每次拍完都會約埋一大班演員一齊吃飯,真係拍得非常開心。」CoCo仲自爆自己做「歡樂小姐」﹕「因為我好鍾意講笑話,我當然覺得好笑,一班演員同劉愷威都有讚,但佢哋聽我講得多,都想阻止我講落去。」




來源: http://hk.apple.nextmedia.com/entertainment/art/20170301/19943551
與猷 猷君 女友 合作 拍劇 劇劉 劉愷 愷威 威最 最怕 對方 講爛 gag
PermaLink: https://articles.zkiz.com/?id=327326

猷君送歌抱四太

1 : GS(14)@2017-03-24 17:08:07

賭王何鴻燊四太梁安琪前日生日,子女猷君、猷亨、超盈和超欣在餐廳為媽咪舉行派對慶祝,廣邀親友到賀。之前在網上討伐香港航空獲網友力讚的猷君,前晚自彈自唱《月亮代表我的心》祝媽咪生日快樂,兩母子溫馨抱抱,四太流下感動眼淚,而賭王口中最靚的超欣,越大越似家姐超盈,兩姊妹餅印一樣。



猷君(左)、四太

猷君將短片貼社交網並留言:「全世界最親愛的母親,生日快樂!希望被我改編歌詞的《月亮代表我的心》,你會喜歡,也希望父親聽了不會想要揍我,最後,感謝秘密培訓我的李雲迪老師。」李雲迪都留言讚:「哈哈!棒棒噠!」猷君即回覆謝謝。撰文:皓騫




來源: http://hk.apple.nextmedia.com/entertainment/art/20170324/19967799
猷君 君送 送歌 歌抱 抱四 四太
PermaLink: https://articles.zkiz.com/?id=328667

拖女友貼地逼經濟艙猷君癡纏瞓CoCo心口

1 : GS(14)@2017-05-21 13:16:13

【激嬲女友】■賭王四房孻仔猷君日前與女友CoCo搭早機逼經濟艙飛上海,未瞓醒的猷君與面露不悅的CoCo在機上耍花槍。讀者提供圖片



【爆相爆片】賭王四房孻仔何猷君今年3月聲討香港航空,指職員因他是「賭王仔」有特權而大感處事不公,航空公司事後輕佻「還原」事件掀起「關公災難」,令猷君嬲爆誓言不會再幫襯。日前,猷君真的坐言起行,飛上海時乘搭港龍航空,拖女友袁紫僑(CoCo)貼地逼經濟艙,更公然親熱,一時頭貼頭大覺瞓,他更將女友心口當枕頭,認真癡纏。



賭王何鴻燊與四太梁安琪所生的孻仔何猷君,自去年在美國麻省理工畢業後,經常往返上海創業搞初企。猷君日前與女友袁紫僑飛上海公幹,被本報讀者盧先生透過「爆相爆片」,直擊二人乘搭港龍航空早機去上海浦東,猷君依舊貼地與CoCo逼經濟艙,更公然在機艙親熱。



【公然親熱】■坐經濟艙的猷君懶理他人目光,將頭瞓在CoCo心口當枕頭。讀者提供圖片

【貼頭勁瞓】■用毛氈由頭冚到腳包到實的CoCo,與猷君頭貼頭大覺瞓。讀者提供圖片

【十指緊扣】■替女友拿着粉紅色外套的猷君,拖實女友行去過關。讀者提供圖片


機艙親熱耍花槍

盧先生向本報透露認得猷君是香港航空事件男主角:「佢哋一上機食翠華,開始起飛就開始瞓,瞓吓醒吓,之後猷君動作都幾過火,有攬住女友,仲將個頭瞓咗喺女友心口。上次印象係佢同生意夥伴出差,今次見佢同女朋友喺機艙咁親熱都估唔到,佢哋後一行坐咗三個細路仔,同埋空姐都有見到佢哋。」其後二人時而頭貼頭瞓覺,時而CoCo挨着猷君瞓,猷君間中亦有起身玩手機,其後CoCo索性將毛氈由頭冚到落腳大覺瞓。相片中的猷君樣子不太精神,盧先生表示對方應該不太舒服:「見佢好似有啲鼻水係咁呻,隔籬個女仔冇乜理佢。」飛機差不多抵達時,戴着口罩的CoCo似乎與猷君耍花槍,見到她樣子有點嬲爆爆,更用手推了男友一下。二人落機坐接駁巴士時,揹着電腦袋的猷君,一手挽着女友的粉紅色外套,另一隻手就攬着CoCo腰?她,認真殷勤好服侍,落巴士後就十指緊扣拖實女友入大堂過海關。



■CoCo不時伴猷君飛返上海做跟得女友。

■猷君去年12月曾帶CoCo見四太。資料圖片


CoCo:影到我咁肥

本報記者昨日聯絡猷君,他於截稿時未有回覆,而CoCo就以微信講笑說:「次次都影到人哋咁肥。」CoCo強調拍拖要低調,問會否介意被偷拍,她就大方表示:「唔嬲,情侶一齊坐飛機再普通不過,早班機大家都好攰,下次有時間都係自己用嚟瞓覺,唔好影人哋瞓覺喇!」此外,猷君前日在微博貼圖,透露自己患上感冒,更留言:「天氣變化太快,一不小心有感冒,難受到爆,然而並不能停工,大概我對工作是真愛吧。」其實猷君一向貼地乘經濟艙,今年3月他與生意拍檔乘搭香港航空經濟艙去上海,落機後因友人遺失護照在機艙,他向香港航空求助不遂,要通宵瞓機場陪對方,誰知翌日早上因有地勤認得他是何鴻燊兒子而令事件迅速解決,事後猷君力斥航空公司處事不公,香港航空卻以輕佻文字「還原」事件,令猷君聲言:「不該使用你們的服務。」事件惹起中港台三地關注這件「關公災難」事件,不少網民一面倒撐猷君指出航空公司勢利不公,大讚他夠貼地。採訪:陳杰、唐如




來源: http://hk.apple.nextmedia.com/entertainment/art/20170521/20027887
女友 貼地 地逼 經濟艙 經濟 猷君 君癡 癡纏 CoCo 心口
PermaLink: https://articles.zkiz.com/?id=333875

猷君舊愛Kimmy未婚誕B仔

1 : GS(14)@2017-07-29 03:23:54

■猷君(左)與Kimmy分手一年多,據知她剛為新歡誕B,明年3月結婚。資料圖片



現年22歲賭王四房孻仔何猷君,前年與新加坡富商、西甲球隊華倫西亞班主林榮福(Peter Lim)的愛女林慧俐(Kimmy)拍拖。惜戀情維持不到半年便閃分,猷君亦火速投入新戀情,戀上袁紫僑(CoCo)。



■Kimmy與未婚夫無名指均戴上戒指。互聯網圖片

■Kimmy在Ig貼了三款有3個尺寸的鞋包括BB鞋,友人留言恭喜。互聯網圖片


網上公佈喜訊

而現年25歲的Kimmy亦傳來好消息,據新加坡傳媒報道,Kimmy將於明年3月23日出嫁,日前更為男友誕下兒子,球星C朗都有去醫院探望。
Kimmy日前在Instagram上載一段短片,並寫上「save the date,2018年3月23日」。不少朋友即送上祝福,指BB好幸運,有個靚媽咪及好好DNA。昨日她再貼一張有三款不同尺寸的鞋。《蘋果》昨日曾聯絡猷君,欲問他關於前度女友生BB的事,但他表示不作回應。採訪:唐如




來源: http://hk.apple.nextmedia.com/entertainment/art/20170727/20102476
猷君 舊愛 Kimmy 未婚
PermaLink: https://articles.zkiz.com/?id=338922

與四太會樂逗高層猷君傾生意 搞人工智能

1 : GS(14)@2017-07-29 03:40:54

■猷君日前在母親梁安琪陪伴下,相約樂逗遊戲兩位重要人物午飯,洽談合作事宜。





【金鐘】賭王四房孻仔何猷君,去年在麻省理工畢業後,返大陸發展科技生意。難得返港,日前他陪母親梁安琪(四太)在金鐘太古廣場食午飯,同枱還有兩位男士。當日下午一時多,《蘋果》先發現猷君和母親抵達,兩位男士之後到來,本報翻查資料,這兩位男士原來大有來頭,黑tee男是市值6億美金的大陸樂逗遊戲CEO陳湘宇,而穿紅藍恤衫的是高煉惇,亦是公司創辦人。



■午餐時,猷君講到手舞足蹈,其後接受本報訪問則表示不想披露太多。

■猷君去年在麻省理工畢業後,在內地發展科技生意。資料圖片

■賭王和四太孻仔猷君自細被封「數學天才」,10歲及11歲時連續兩年在世界數學測試邀請賽中得獎。資料圖片


「都係成就」

四太接受《蘋果》訪問表示:「呢兩個後生仔犀利,佢哋係樂逗嘅老闆,今次好勁,佢哋睇啱阿君,搵佢做合夥人發展人工智能。」四太又謂,自己不懂甚麼是人工智能,只知道這間公司在美國上過市:「Angry Birds我都識玩嘅,佢喺MIT讀呢啲,有呢啲天份,搵到互相認同、共同理念嘅人,都係好事。」問四太是否鼓勵猷君向外闖,四太坦言:「?家唔使問我意見,佢哋細路有佢哋自己喜歡嘅嘢,唔通叫佢做醫生咩,佢個人比較有創意,佢哋鍾意做,當然鼓勵,佢咁細就可以有咁嘅機會,都係一個成就。」


洽談合作

猷君回覆本報則不願透露太多,但承認跟樂逗洽談合作中。他說:「公司消息我就唔應該透露太多,不過係有同佢哋傾緊嘢,我阿媽都講咗啦。」問他是否有興趣外闖?他表示:「佢係咁大間公司,喺國內係數一數二,係一個好好opportunity,同埋搵相同理念、創新思維做新科技嘅,搵到呢啲人係幾好嘅!」採訪:唐如攝影:黃曉程、梁繼光




來源: http://hk.apple.nextmedia.com/entertainment/art/20170728/20103611
與四 四太 太會 會樂 樂逗 高層 猷君 君傾 生意 人工 智能
PermaLink: https://articles.zkiz.com/?id=339061

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019