ZKIZ Archives


大陸熱錢炒爆香港


2009-05-14  Nextmagazine


深 圳 樓 市 亦 有 復 甦 跡 象 , 在 深 圳 福 田 區 一 帶 的 地 產 鋪 , 門 外 聚 了 一 些 深 圳 居 民 , 經 紀 們 也 忙 着 招 呼 他 們 視 察 樓 盤 , 但 氣 氛 仍 遠 遠 未 及 ○ 七 年 瘋 狂 。 ( 林 志 謙 攝 )



中 央 又 再 「 送 大 禮 」 。 內 地 放 寬 銀 行 新 增 貸 款 四 萬 億 元 人 民 幣 , 加 上 「 一 簽 多 行 」 政 策 出 台 , 一 股 由 內 地 而 來 的 購 買 力 , 霎 時 間 來 勢 洶 洶 湧 到 本 港 。
由 今 年 二 、 三 月 開 始 , 九 龍 站 新 盤 天 璽 、 大 角 咀 海 桃 灣 、 何 文 田 半 山 壹 號 , 以 至 新 蒲 崗 譽 ‧ 港 灣 及 南 區 貝 沙 灣 , 都 出 現 內 地 買 家 掃 貨 的 足 跡 , 而 且 比 本 地 客 更 狠 , 迅 即 推 高 樓 市 , 同 時 把 恒 指 谷 上 萬 七 點 。







熱 錢 殺 入 的 魔 力 , 令 一 眾 股 民 生 猛 起 來 , 除 了 一 眾 大 藍 籌 發 力 上 升 ; 就 連 二 、 三 線 股 在 一 日 之 間 急 升 兩 、 三 成 亦 多 的 是 , 揸 樓 的 業 主 就 封 盤 反 價 , 一 時 之 間 , 金 融 海 嘯 的 陰 霾 隨 之 驅 散 得 乾 乾 淨 淨 。 最 近 中 國 銀 監 會 主 席 劉 明 康 再 保 證 , 溫 總 所 言 的 「 四 萬 億 」 新 增 貸 款 , 並 不 是 上 限 , 這 就 等 於 中 央 繼 續 容 許 銀 行 放 水 。
拍 賣 的 這 幅 地 位 於 上 水 石 湖 墟 , 湯 君 明 指 自 由 行 往 上 水 十 分 方 便 , 將 興 建 一 個 吸 引 自 由 行 購 物 的 商 廈 。 他 預 期 , 每 年 可 收 取 六 百 萬 元 租 金 , 有 八 釐 回 報 。 ( 關 永 浩 攝 )



上 週 二 , 是 本 港 今 年 首 次 賣 地 , 最 後 被 科 達 地 產 主 席 湯 君 明 ( 左 ) 以 六 千 一 百 萬 元 投 得 , 較 勾 地 價 貴 一 倍 。 用 盡 地 積 比 率 , 可 建 樓 面 面 積 達 二 萬 多 平 方 呎 , 每 呎 樓 面 地 價 二 千 七 百 多 元 。 ( 廖 健 昌 攝 )



深 圳 重 現 小 陽 春
消 息 刺 激 , 內 地 樓 股 皆 升 , 呈 現 小 陽 春 , 其 中 與 香 港 一 河 之 隔 的 深 圳 , 樓 市 隨 着 春 天 來 臨 回 暖 。
記 者 本 週 一 走 訪 深 圳 福 田 區 多 間 地 產 代 理 , 見 一 大 型 地 產 商 門 外 已 聚 集 五 、 六 名 該 區 居 民 , 準 備 相 約 經 紀 睇 盤 。 有 經 紀 表 示 三 、 四 月 開 始 , 該 區 中 價 住 宅 交 投 開 始 「 回 暖 」 , 成 交 宗 數 約 一 萬 二 千 多 宗 。 「 深 圳 樓 市 淡 靜 咗 近 十 八 個 月 , 之 前 有 啲 投 資 者 潛 咗 水 , 最 近 都 開 始 蒲 番 頭 。 」 該 經 紀 興 奮 地 說 , 並 謂 現 時 每 位 經 紀 每 日 均 有 帶 客 睇 樓 , 較 去 年 年 尾 時 留 在 鋪 內 「 拍 烏 蠅 」 好 。 他 指 現 時 用 家 與 投 資 者 於 市 場 中 各 半 , 投 資 者 當 中 有 兩 成 是 較 具 實 力 的 商 家 , 當 中 也 有 香 港 人 , 其 餘 則 是 該 區 的 師 奶 , 「 最 近 香 港 投 資 者 多 咗 一 成 , 通 常 買 一 、 兩 層 樓 租 出 去 , 都 係 睇 長 線 投 資 , 佢 哋 預 期 年 尾 樓 價 會 升 約 百 分 之 八 。 」 由 於 先 前 深 圳 樓 炒 風 過 熱 , ○ 六 年 起 曾 實 施 港 澳 台 居 民 只 能 買 一 套 房 的 「 限 外 令 」 , 但 廣 東 省 政 府 已 於 三 月 取 消 該 規 定 , 故 港 人 亦 有 重 投 深 圳 樓 市 的 跡 象 。
港 人 劉 小 姐 , 本 週 一 亦 替 家 人 當 跑 腿 , 到 深 圳 簽 約 買 樓 , 「 屋 企 人 向 來 有 買 一 、 兩 個 深 圳 單 位 作 投 資 用 , 早 排 金 融 海 嘯 就 停 咗 , 最 近 一 個 月 又 開 始 買 番 , 等 多 幾 個 月 樓 價 就 應 該 會 升 番 ! 」
自 實 施 一 簽 多 行 政 策 後 , 多 了 自 由 行 來 香 港 , 有 的 甚 至 搞 投 資 移 民 , 連 經 紀 都 要 宣 傳 , 吼 實 這 班 客 人 。 ( 于 港 民 攝 )







忍 足 多 年   出 擊 投 地
香 港 人 去 大 陸 投 資 , 反 之 內 地 有 更 多 人 來 港 購 物 買 樓 , 資 深 投 資 者 科 達 地 產 老 闆 湯 君 明 便 睇 中 這 點 。 他 在 上 週 二 , 本 年 度 的 首 次 賣 地 中 成 功 投 得 位 於 上 水 石 湖 墟 一 幅 佔 地 三 千 二 百 平 方 呎 , 勾 地 價 三 千 萬 元 的 地 皮 。 這 塊 蚊 型 地 竟 有 十 一 家 小 型 發 展 商 出 價 競 投 , 結 果 經 過 九 十 口 承 價 後 , 由 科 達 地 產 以 六 千 一 百 萬 元 投 得 , 高 出 勾 地 價 逾 一 倍 。
科 達 地 產 的 老 闆 湯 君 明 , 是 首 次 成 功 投 地 ; 他 行 事 一 向 謹 慎 , 信 奉 的 是 「 等 、 忍 、 狠 」 的 投 資 理 念 , 為 了 一 個 好 的 投 資 機 會 , 他 可 以 「 等 」 及 「 忍 」 足 十 數 年 ; 如 他 八 五 年 以 三 千 萬 元 購 入 尖 沙 咀 彌 敦 道 金 冠 大 廈 六 層 商 業 樓 面 , 投 資 二 十 年 , 才 於 ○ 五 年 以 六 億 三 千 萬 元 賣 予 渣 打 銀 行 , 一 鋪 賺 六 億 。 湯 君 明 說 , 這 次 他 扑 槌 競 投 上 水 地 皮 , 全 因 睇 中 內 地 自 由 行 的 資 金 會 殺 入 香 港 , 故 「 狠 狠 」 出 手 。
「 你 去 上 水 行 一 轉 , 就 會 發 現 全 部 都 係 表 叔 , 當 地 商 鋪 都 係 賣 奶 粉 、 藥 油 , 或 是 參 茸 及 金 飾 , 全 部 都 是 做 自 由 行 生 意 。 最 近 經 濟 差 , 上 水 廣 場 一 樣 加 租 ! 啲 自 由 行 而 家 唔 出 市 區 掃 貨 㗎 嘞 , 坐 咁 耐 車 出 市 區 咩 , 『 籮 柚 』 都 痛 啦 ! 」 湯 君 明 亦 仔 細 研 究 過 , 附 近 粉 嶺 、 大 埔 墟 等 火 車 站 , 要 轉 乘 小 巴 才 能 到 達 市 中 心 , 而 上 水 則 只 要 步 行 數 分 鐘 , 更 有 地 利 之 便 。 他 投 得 的 地 皮 , 會 純 作 商 業 用 途 , 地 下 建 鋪 位 , 樓 上 作 寫 字 樓 , 預 計 總 投 資 九 千 萬 元 , 出 租 回 報 可 有 八 釐 。 據 他 所 知 , 其 他 有 興 趣 出 價 的 發 展 商 , 都 是 看 中 自 由 行 概 念 , 如 曾 出 價 競 投 的 新 界 鄉 紳 張 人 龍 之 子 張 德 熙 , 有 意 投 地 建 大 型 證 券 中 心 , 方 便 內 地 人 買 股 。 而 收 樓 大 王 楊 世 杭 , 亦 在 上 水 有 一 萬 三 千 呎 地 皮 , 等 待 發 展 。
由 於 對 競 投 地 皮 志 在 必 得 , 湯 君 明 笑 言 : 「 我 早 已 經 搽 定 印 度 神 油 , 一 定 會 『 舉 』 , 而 且 唔 會 好 似 其 他 人 咁 無 力 。 就 算 個 價 去 到 六 千 三 百 萬 元 , 我 都 會 舉 到 㗎 ! 」
上 月 , 新 地 開 售 位 於 新 蒲 崗 的 譽 ‧ 港 灣 , 平 均 呎 價 要 七 千 元 , 但 仍 吸 引 不 少 人 購 買 , 至 今 已 賣 出 六 百 五 十 伙 , 發 展 商 套 現 四 十 五 億 。 ( 于 港 民 攝 )



盈 大 發 展 的 貝 沙 灣 六 期 , ○ 七 年 時 全 幢 售 予 韓 國 基 金 Mirae Asset , 最 近 基 金 把 二 十 一 個 單 位 蝕 讓 出 售 , 當 中 一 半 客 人 是 內 地 買 家 。 ( 廖 健 昌 攝 )



廠 佬 蒲 頭 買 貨
除 了 上 水 , 內 地 資 金 其 實 早 已 殺 入 市 區 ; 掃 的 不 是 奶 粉 等 日 用 品 , 而 是 一 棟 棟 的 樓 。 最 近 的 新 盤 , 如 九 龍 站 天 璽 、 大 角 咀 海 桃 灣 等 , 不 斷 見 內 地 人 掃 貨 。 其 中 如 今 年 二 月 , 由 韓 資 基 金 Mirae Asset 放 售 的 薄 扶 林 貝 沙 灣 六 期 六 座 , 沽 出 的 二 十 一 伙 , 逾 半 數 買 家 為 內 地 客 ; 而 正 推 售 的 何 文 田 半 山 壹 號 二 期 , 發 展 商 長 實 甚 至 斥 資 逾 億 , 到 北 京 、 上 海 、 深 圳 等 城 市 進 行 大 規 模 路 演 , 向 內 地 富 家 進 行 「 全 方 位 」 宣 傳 。
原 來 自 今 年 二 、 三 月 開 始 , 有 一 批 內 地 資 金 湧 入 香 港 掃 樓 , 推 高 香 港 樓 市 。 一 名 專 做 內 地 客 生 意 的 地 產 代 理 說 : 「 買 九 龍 站 天 璽 的 , 六 成 都 是 內 地 人 , 大 多 來 自 上 海 , 都 是 第 一 次 買 香 港 樓 的 , 主 要 買 來 「 擺 」 ( 等 升 值 ) ; 而 港 島 南 區 的 物 業 , 則 多 數 為 買 house 自 住 ; 不 過 去 年 主 要 買 家 是 做 金 融 、 科 技 的 上 市 公 司 老 闆 , 例 如 買 入 中 半 山 Branksome Crest 的 阿 里 巴 巴 主 席 馬 雲 , 及 購 入 名 門 複 式 的 騰 訊 主 席 馬 化 騰 。 現 時 買 豪 宅 的 則 是 做 民 生 用 品 的 內 地 廠 佬 , 但 都 是 不 知 名 的 。 」
本 身 從 事 花 旗 參 貿 易 , 在 內 地 有 農 場 並 發 展 房 地 產 的 恒 發 參 茸 行 老 闆 楊 永 仁 , 亦 感 受 到 內 地 資 金 的 「 來 勢 洶 洶 」 。 他 上 月 尾 以 兩 億 元 掃 入 三 十 伙 新 地 的 新 蒲 崗 新 盤 譽 ‧ 港 灣 , 作 投 資 之 用 ; 他 說 : 「 據 知 譽 ‧ 港 灣 有 三 成 買 家 都 是 內 地 同 胞 , 幾 犀 利 ! 做 生 意 的 , 做 公 職 的 , 都 來 掃 貨 , 有 國 內 朋 友 甚 至 問 我 , 來 香 港 玩 唔 想 住 酒 店 , 買 邊 度 好 呢 ? 」
雖 然 香 港 經 濟 表 面 有 復 甦 的 跡 象 , 但 一 班 做 實 業 的 廠 佬 仍 然 叫 苦 連 天 , 未 有 受 惠 。 生 意 慘 淡 , 裁 員 及 要 求 員 工 放 無 薪 假 的 措 施 將 要 繼 續 。 ( 于 港 民 )



有 「 洋 參 大 王 」 之 稱 的 恒 發 參 茸 行 董 事 楊 永 仁 , 稱 看 好 啟 德 郵 輪 概 念 , 於 上 月 尾 以 二 億 元 購 入 三 十 二 伙 譽 ‧ 港 灣 , 作 長 線 投 資 。 ( 《 蘋 果 日 報 》 圖 片 )



政 策 自 由   掃 貨 關 鍵
據 在 內 地 做 生 意 數 十 年 , 在 國 內 人 脈 廣 博 的 楊 永 仁 分 析 , 內 地 放 寬 銀 根 , 是 內 地 資 金 最 近 殺 入 香 港 掃 貨 的 主 因 。 五 大 國 有 銀 行 第 一 季 的 新 增 貸 款 , 都 較 去 年 第 四 季 多 出 一 成 至 兩 成 。 「 內 地 有 好 多 有 錢 人 , 他 們 有 錢 要 投 資 樓 市 , 都 首 選 香 港 。 最 主 要 原 因 是 香 港 地 產 不 受 政 策 影 響 , 而 國 內 政 策 卻 常 變 , 一 變 就 影 響 樓 宇 價 格 , 難 以 掌 握 。 」
雖 然 世 界 各 地 的 投 資 機 會 選 擇 多 的 是 , 但 楊 永 仁 說 其 他 地 方 , 就 算 新 加 坡 , 對 內 地 同 胞 來 說 也 是 太 遠 , 「 佢 哋 就 算 揀 樓 盤 , 亦 要 揀 知 名 的 , 經 常 賣 廣 告 又 或 常 在 內 地 做 軟 銷 的 , 就 啱 心 意 。 」
事 實 上 , 近 月 港 元 勢 強 , 從 三 月 底 開 始 , 金 管 局 一 共 三 十 三 次 沽 出 港 元 ; 截 至 本 週 二 , 銀 行 體 系 結 餘 暴 增 至 二 千 四 百 二 十 二 億 元 , 反 映 流 入 香 港 的 資 金 源 源 不 絕 。 這 批 熱 錢 , 在 投 資 界 被 形 容 為 「 遠 洋 飛 彈 」 ; 攻 入 股 市 令 恒 指 在 短 短 兩 星 期 間 由 萬 五 點 直 攀 上 萬 七 點 水 平 。 去 年 曾 沾 手 accumulator , 以 十 二 元 接 交 通 銀 行 的 廠 家 毛 先 生 , 在 今 年 一 月 港 交 所 跌 至 八 十 元 掃 貨 , 眼 見 股 價 今 年 三 月 初 曾 跌 至 五 十 五 元 水 位 甚 為 觸 目 驚 心 , 一 直 等 待 至 本 週 一 才 以 一 百 二 十 四 元 出 貨 , 並 說 : 「 梗 係 賣 啦 , 呢 啲 時 候 係 短 炒 就 可 以 。 」 說 罷 即 相 約 朋 友 , 高 高 興 興 到 屯 門 容 龍 酒 家 吃 海 鮮 。
廠 佬 仍 然 叫 苦
雖 然 熱 錢 帶 起 了 樓 市 及 股 市 , 令 部 分 投 資 者 在 這 一 浪 中 乘 勢 搵 到 快 錢 , 但 做 實 業 的 一 班 廠 商 仍 然 「 叫 救 命 」 , 如 出 口 成 衣 到 歐 洲 國 家 的 百 達 製 衣 老 闆 蔡 衍 濤 就 呻 : 「 唔 覺 得 經 濟 有 好 到 , 生 意 繼 續 無 增 長 , 啲 客 一 樣 係 好 保 守 , 唔 肯 買 貨 住 。 由 金 融 海 嘯 到 而 家 , 少 咗 一 半 訂 單 。 」
主 要 出 口 歐 美 的 東 莞 誠 興 五 金 製 造 廠 , 其 董 事 長 徐 炳 光 指 他 們 製 造 螺 絲 , 是 每 個 行 業 的 必 需 品 , 其 業 務 的 好 壞 其 實 是 整 個 經 濟 的 寒 暑 表 , 他 說 : 「 股 市 好 、 樓 市 好 都 係 人 為 , 我 都 唔 覺 得 我 哋 生 意 有 好 到 。 金 融 海 嘯 之 後 , 少 咗 百 分 之 四 十 的 訂 單 , 已 經 比 其 他 廠 家 叻 喇 。 表 面 上 , 呢 個 月 好 似 多 咗 少 少 訂 單 咁 , 其 實 係 之 前 太 多 廠 執 咗 笠 , 我 哋 接 咗 人 哋 嘅 嘢 嚟 做 咋 。 」 他 指 出 , 歐 美 方 面 的 客 人 知 道 他 們 「 渴 求 」 生 意 , 因 此 不 斷 壓 價 , 「 佢 哋 一 壓 就 百 分 之 三 十 , 但 又 真 係 無 得 揀 , 你 要 生 存 , 就 要 接 呢 單 生 意 。 」 他 認 為 股 樓 皆 升 , 加 上 國 家 推 出 的 四 萬 億 救 市 方 案 , 經 濟 的 「 小 陽 春 」 反 而 令 他 們 經 營 更 加 辛 苦 : 「 表 面 上 個 市 好 好 , 所 以 原 材 料 嘅 價 格 就 係 咁 升 , 咁 就 死 喇 , 賺 就 少 , 成 本 又 多 咗 。 」 加 上 , 人 民 幣 持 續 上 升 , 徐 炳 光 指 他 們 只 能 「 硬 食 」 : 「 有 錢 就 話 做 對 沖 啫 , 而 家 個 個 月 蝕 緊 錢 啊 , 唔 通 問 銀 行 借 錢 咩 ? 」
五 大 國 有 銀 行 貸 款 淨 額 ( 人 民 幣 )



恒 指 連 升 七 天 , 但 本 週 一 低 開 後 , 下 午 再 跌 三 百 點 , 至 本 週 二 仍 在 一 萬 七 千 點 水 平 徘 徊 。 ( 嚴 寶 權 攝 )



訂 單 繼 續 縮
由 於 一 、 二 月 份 都 屬 廠 商 的 傳 統 淡 季 , 至 三 、 四 月 份 , 買 家 的 存 貨 都 用 盡 , 故 要 補 貨 。 因 此 , 現 在 廠 商 的 訂 單 比 上 兩 月 上 升 , 亦 只 屬 周 期 性 升 幅 。 而 香 港 工 業 總 會 副 主 席 劉 展 灝 指 出 今 年 度 的 升 幅 比 去 年 同 期 的 升 幅 實 在 少 得 多 , 而 實 際 上 的 出 口 數 字 不 斷 下 跌 : 「 三 月 買 家 開 始 翻 單 , 不 過 個 量 就 比 以 前 少 咗 好 多 。 以 前 一 個 月 翻 一 千 隻 錶 , 而 家 只 翻 五 百 隻 。 譬 如 說 , 以 前 預 備 喺 六 月 份 訂 嘅 貨 , 佢 哋 三 、 四 個 月 前 會 落 單 , 而 家 唔 到 最 後 嗰 分 鐘 都 唔 落 單 , 變 相 我 哋 交 貨 期 縮 短 咗 , 成 本 上 升 咗 。 」 他 指 出 , 現 在 廠 家 多 做 翻 單 生 意 , 客 人 根 本 未 敢 推 出 新 產 品 : 「 明 明 舊 年 講 好 係 ○ 九 年 上 半 年 推 出 , 而 家 都 要 延 遲 到 下 半 年 。 成 個 市 場 氣 氛 欠 缺 活 力 , 客 人 仲 未 恢 復 番 信 心 。 」 因 此 , 他 指 很 多 行 家 仍 要 以 裁 員 或 放 無 薪 假 以 降 低 成 本 。
生 意 額 未 恢 復 , 劉 展 灝 指 銀 行 對 廠 家 的 態 度 雖 然 比 之 前 寬 鬆 點 , 仍 感 覺 他 們 不 肯 冒 險 , 因 此 借 錢 都 只 是 借 給 一 些 相 熟 的 廠 家 , 但 也 要 求 他 們 出 示 手 上 有 幾 多 客 、 幾 多 單 等 證 據 , 態 度 十 分 保 守 : 「 而 家 班 廠 家 好 似 大 病 一 場 , 叫 好 番 啲 , 不 過 起 碼 仲 要 一 年 半 載 去 療 養 。 」
內 地 富 豪 大 多 追 捧 歐 美 及 英 國 品 牌 , 來 自 英 國 的 Princess 是 他 們 的 心 頭 好 之 一 。 ( 李 育 明 攝 )



經 濟 假 復 甦
事 實 上 , 本 港 主 要 出 入 口 數 據 持 續 向 下 , 政 府 公 布 第 一 季 的 商 品 整 體 出 口 貨 值 較 去 年 同 期 下 跌 百 分 之 二 十 二 , 當 中 成 衣 製 品 業 更 有 達 百 分 之 七 十 的 跌 幅 。 廠 佬 元 氣 大 傷 , 難 以 於 短 期 完 全 復 元 。 加 上 , 失 業 率 及 破 產 宗 數 持 續 上 升 等 , 種 種 的 經 濟 數 據 與 股 市 樓 市 表 現 背 道 而 馳 , 而 縱 觀 過 去 香 港 多 次 較 長 久 的 樓 股 升 市 , 都 是 由 廠 家 、 即 經 濟 因 素 帶 動 , 否 則 一 閃 即 過 。
早 前 , 國 務 院 副 總 理 王 岐 山 曾 在 英 國 《 金 融 時 報 》 發 表 文 章 預 警 , 國 際 金 融 危 機 仍 在 蔓 延 , 世 界 經 濟 衰 退 尚 未 見 底 , 形 勢 嚴 峻 。 前 中 大 經 濟 系 教 授 關 焯 照 指 , 今 個 星 期 將 會 公 布 香 港 第 一 季 本 地 生 產 總 值 , 他 預 計 會 是 負 百 分 之 四 至 五 , 而 第 二 季 至 第 三 季 都 會 有 負 增 長 , 故 現 階 段 並 非 真 正 復 甦 : 「 股 市 升 得 急 係 因 為 投 資 者 都 係 炒 緊 復 甦 概 念 , 股 市 的 升 幅 通 常 走 得 快 過 經 濟 真 正 升 幅 一 至 二 季 。 而 家 嘅 情 況 有 啲 似 九 九 年 的 經 濟 復 甦 , 突 然 間 有 好 多 熱 錢 流 入 。 不 過 嗰 次 嘅 復 甦 直 至 ○ 一 年 尾 跌 番 落 嚟 , 投 資 者 要 引 以 為 鑑 。 」
雖 然 香 港 有 熱 錢 流 入 , 推 高 了 資 產 價 格 和 股 市 , 但 本 地 經 濟 未 有 實 質 改 善 , 樓 股 無 人 接 棒 , 便 容 易 出 現 斷 層 , 難 以 接 力 再 上 , 故 投 資 者 仍 要 小 心 為 上 。 假 如 股 市 熱 錢 大 舉 撤 走 , 此 時 入 市 「 炒 一 轉 」 的 投 資 者 分 分 鐘 接 火 棒 。
胡 先 生 一 家 三 口 專 程 由 四 川 來 港 購 買 「 玩 具 」 , 更 已 鎖 定 價 值 三 百 多 萬 元 的 Princess 。 ( 李 育 明 攝 )



內 地 客 帶 旺 遊 艇 市 場
「 在 內 地 買 遊 艇 要 百 分 之 四 十 的 關 稅 , 我 倒 不 如 買 了 留 在 香 港 玩 , 省 下 的 百 多 萬 , 還 可 以 在 香 港 買 樓 房 。 」 來 自 四 川 的 胡 先 生 , 週 日 與 太 太 及 女 兒 , 專 程 跑 到 一 連 三 日 在 屯 門 黃 金 海 岸 舉 行 的 遊 艇 展 ; 甫 入 場 , 他 已 經 鎖 定 價 值 三 百 八 十 萬 的 英 國 名 牌 公 主 號 ( 型 號 Princess42 ) 。
胡 在 內 地 經 營 化 工 生 意 , 他 說 金 融 海 嘯 對 他 無 甚 影 響 , 眼 見 不 少 內 地 朋 友 開 始 玩 遊 艇 , 他 亦 加 入 行 列 。 對 遊 艇 是 門 外 漢 的 他 , 原 來 不 知 道 在 內 地 買 艇 的 進 口 關 稅 高 達 百 分 之 四 十 , 若 他 決 定 購 買 Princess42 , 運 回 內 地 , 便 要 多 付 152 萬 元 人 民 幣 關 稅 ; 他 惟 有 即 時 改 變 主 意 , 將 這 新 玩 具 泊 在 香 港 , 逢 週 末 及 假 期 才 來 香 港 度 假 。
Princess 的 香 港 代 理 陳 志 宏 指 , 近 一 兩 年 內 地 不 少 富 豪 興 起 玩 遊 艇 , 並 將 這 「 玩 具 」 停 泊 在 香 港 , 「 佢 哋 可 以 打 個 電 話 過 嚟 , 只 係 睇 過 catalog , 未 見 過 隻 艇 就 落 單 ! 」 他 說 , 現 時 英 鎊 低 迷 , 無 形 中 令 遊 艇 降 價 , 現 時 公 司 生 意 額 兩 成 來 自 內 地 客 。 另 一 英 國 名 牌 Sunseeker 的 香 港 代 理 , 甚 至 表 示 海 嘯 後 三 成 客 源 來 自 內 地 。
內 地 富 豪 在 港 泊 艇 也 所 費 不 菲 , 以 黃 金 海 岸 鄉 村 俱 樂 部 遊 艇 會 為 例 , 先 要 付 三 十 多 萬 元 買 入 遊 艇 會 籍 , 然 後 付 出 七 千 多 元 的 每 月 泊 位 費 , 而 且 以 月 薪 萬 多 元 聘 請 船 夫 , 為 他 們 打 理 這 件 富 豪 玩 具 。
據 了 解 , 為 了 吸 納 內 地 客 源 , 有 遊 艇 代 理 更 計 劃 向 內 地 政 府 爭 取 發 行 兩 地 適 用 的 遊 艇 牌 照 , 屆 時 , 內 地 富 豪 的 遊 艇 像 中 港 車 一 樣 , 馳 騁 中 港 水 域 之 餘 , 又 可 泊 在 香 港 避 稅 , 遊 艇 銷 情 相 信 更 上 一 層 樓 。

大陸 熱錢 炒爆 香港
PermaLink: https://articles.zkiz.com/?id=8036

炒爆QE3

2012-09-23  NM



○八年金融海嘯席捲全球,美國推出兩輪「量化寬鬆」(QE)政策,把利率推至接近零的邊緣。到上週五,美國聯儲局主席伯南克,再宣布推出QE3, 講到明放水「無限期」;此招引發的超低息循環,就如在水深火熱的香港樓市背後,狠狠的再推一把。香港樓,早已陷入乾升「困局」;全港十八區,區區癲價。山 頂豪宅六萬蚊呎,太古城呎價萬四,街坊區如將軍澳及屯門,新屋苑呎價已經過萬。由於放盤少,成交縮,雖然樓價癲升,但不是個個地產經紀都「有肉食」,連發 展商亦大呻資金難回籠;加上買家怕買貴,業主怕賣錯,置身這場樓市困局,人人都在問:「樓價升到幾時?」

上週五美國推QE3後, 各區業主即時反價百分之三至五,但準買家已略見「疲態」,令樓價乾炒的局面更明顯。「而家啲叫價係癲的,放盤少,肯承接嘅買家亦唔多,令到價就好高,但成 交量就好少。」一名經紀說。就如黃埔花園,呎價已去到九千;上週末的睇樓客有一百六十枱,不過真正成交就只有一宗,而黃埔附近一帶的地產經紀,少說也有上 百個!點夠分?上週末十大屋苑的成交,雖較前週大升七成,但其實只是由二十多宗增加到三十多宗而已,一名剛離職經紀便爆料:「我啲同事,部分做咗成年都未 發過市,只係賺五千蚊底薪,有無成交真係講彩數。」幸運遇着炒家Terry的,可能已成為「Top Sales」。Terry一向活躍於炒賣粉嶺屋苑,兩週前以二百七十萬元,買入粉嶺名都一個約六百呎的單位收租。他說:「舊年同類型單位,我二百四十萬元 賣走咗,而家用二百七十萬先買得番。」他早已向各大代理下指令,只要粉嶺有三百萬樓下的細價樓放盤,他毫不考慮即掃,然而至今只買到一個單位,「根本無放 盤!而且以前我哋啲炒家優勢係夠快,唔使睇樓即扑槌,但而家連用家都可以唔睇即買,同我哋搶到底!」Terry在近年QE1至QE2期間,已掃入粉嶺十多個單位,今次是為QE3又 再出山:「呢個風都吹咗好耐,加上我感覺到CY嘅『梁十招』無料到,個樓市有排唔會跌啦﹗」他計晒數說:「這個單位我要俾六成首期,之後每月供四千蚊,但 可以租到一萬蚊。嘩,有人幫我供樓,仲有錢落袋,幾開心呀!」他認為低息環境維持到二○一五年,為他與樓市打了一支強心針,「即係起碼一五年六月之前,我 都唔會放呀!」

一二手輪住炒

業主寧持貨收租,搏升值兼抗通脹,是現時盤源極少的主因。上述的黃埔花園,放盤量聲稱有三百多個,但俗稱「firm賣盤」、即貼近現實價的放盤,其實只有 九十個。最誇張是東涌映灣園,三百個放盤,只有十個「firm賣」。代理解釋,很多放盤其實都連租約,「連租約嘅係投資者,佢哋覺得賣咗又買唔番,咪隨意 放吓盤試吓價囉。」由於一盤難求,上週本刊曾寫有一個黃姓投資者,肯放售手上的元朗單幢樓金馬大廈連天台單位,並於前週三以二百一十萬元成交。報導一出 街,她即被同區經紀追蹤到身份,並找上門力勸她撻訂,表示有人肯出價二百二十萬元。不過黃小姐耍手擰頭道:「賣仔莫摸頭,唔搞咁多嘢了!」二手價貴又缺 貨,經紀及用家都轉到一手碰運氣。屯門瓏門,幾乎個個單位過千萬元,都沽出六十多個;而由恒基牽頭發展的馬鞍山迎海,上週五在國金一期開售,平均呎價「只 是」八千八百元。較屯門樓更平,又怎會無人搶?當日下午四時,三百名準買家已聚集於國際金融中心排隊,人龍更罕見地在商場內打蛇餅延至商場外的天橋,首十 五分鐘便沽逾一百伙。購入低層兩房單位的雷小姐,未決定單位用途,只決定「買咗先講」,她說:「唔知收租定自住,但QE3印銀紙,銀紙貶值,錢放在銀行又無息收,我先考慮買樓投資,梗係買磚頭較穩陣。」迎海至今已累售超過三百伙。

止瀉良方變毒藥

構成現時香港樓價狂升的原因,並非單單是QE1、2或帶 來的超低利息加氾濫資金;香港樓早已存在結構性失衡的問題,這要由十年前的「孫九招」開始講起。二○○二年九月,香港樓價每況愈下,港府決定「無限期」暫 停賣地;同年十一月,時任房屋及規劃地政局局長的孫明揚推出「孫九招」,包括停勾地及兩鐵項目、停建居屋、停賣公屋等,總之落重藥大減供應,從而為樓價 「止瀉」。這招止瀉劑偏偏巧遇○三年沙士後的自由行,樓價谷底回升。只是政府一直未有按樓市轉勢而對症下藥,使「良方」變成今日的「毒藥」。一般而言,由 賣地至新樓落成,要三至五年時間,所以孫九招的威力,在○五年後開始浮現。從屋宇署的數字可見,○五年起,供應量比之前大減一半。其中○九年的落成量更創 七二年以來的三十七年新低,僅得七千餘伙,不足當年一手成交數目的一半。今年截至七月的數字更為嚇人,供應僅得二千四百多伙。事實上,發展商早在○四年已 高呼「供應有斷層」,記者本週一致電發展商會德豐(20)副主席梁志堅,他炮轟道:「政府後知後覺,一○年林鄭才恢復推地,但攞到地至批 consent(預售樓花同意書),點都要兩年半,即最快明年初才有供應。」他希望「梁十招」中:「地政總署加快審批售樓紙」,真的可以實行,據以往經 驗,平均七至九個月攞到consent,加快可縮短一至兩個月。

政策再拖慢供應

從事建築業三十年的利基控股(240)主席單偉彪,還大呻政府部門在審批起樓流程上矯枉過正,拖慢供應,「而家環保條例好嚴格,申請斬一棵細樹要五六個 月,斬一棵大樹要成年!又要評估係咪古樹,又要評估係咪健康。如果係保護百年古樹,梗係合理,但而家十年八年嘅樹都要寫好多報告。」就如卓能地產的荃灣樓 盤「一號九龍山頂」,被指斬了七十棵樹而不獲地政署批出售樓紙,結果發展商要賠償一千五百萬元,另加補種樹木方案,結果拖足四年半都未賣得。單偉彪繼續炮 轟:「建築署程序又係耐,同時代脫晒節,好似簡單入則鋪電線,永遠係法定審批日期最後一日先覆。根本政府官員人人都怕錯怕被批評,個個只管自己範圍,唔溝 通!」他認為在起樓程序及起樓速度上,要取得平衡。一個銀有兩面,中小型發展商裕泰興的董事總經理羅守耀大吐苦水稱,現時樓價高,但建築及所需時間成本亦 高,令他們不太願起樓,供應上形成惡性循環。「呢個係『打死狗』格局!大家唔好忘記,我哋都要有錢賺先起樓o架!而家市區樓地價要六七千元一呎,建築成本 亦由十年前的每呎千二,加到而家三千;成本每呎八九千,樓價最低就係咁,唔係我哋就蝕本。然而樓價定得高,客又承接唔到,成交比之前疏落,我哋資金好難回 籠!」他指賣樓還要計及未來樓價風險,故現時索性將物業轉為收租,增加資金流,再投資到外匯及股票市場,「地產商唔係炒家,樓價乾升係對我哋無着數o 架!」

治亂價用重典

面對這個樓市「死症」,梁志堅與羅守耀不約而同表示,要由審批程序落手。梁志堅說:「要加強政府與發展商之間的互動,以前港英政府時代,同發展商好多互 動,漏咗乜文件,要補咩資料,各部門都會主動call發展商,快手搞掂。但呢幾年,無晒呢啲嘢,個個都驚利益輸送,又怕孭鑊!」羅守耀則指:「之前政府嘅 政策錯晒!呢個係惡性通脹,唔應該壓樓價而應該壓通脹,例如減慢基建,減運輸費,間接將我哋建築成本減低。」城大建築科技學部高級講師潘永祥,則認為在施 政上,要「治亂價用重典」,「現時的樓價上升明顯不是由實體經濟帶動,上週推出QE3, 市民更深信熱錢將會入市,樓價會繼續升,這些都只是『預期』,但若果政府真係唔做任何嘢,樓價升五成都有可能!」他謂,除非政府狠下重藥,「如開徵增值 稅,賣樓後要分一半俾政府;又或不論用家定投資者,劃一只可造五成按揭。」他提醒,現時買樓應做更強的風險管理,「不要貪現時息低就借到盡,首期三成是最 基本,手頭還要有額外六個月的供樓『後備錢』。若要買樓收租,除非是打算持有十幾廿年,否則樓市跌就得不償失。最緊要睇實自己份工,因為樓價跌往往與失 業、減薪等如影隨形。」

樓太貴三招抗通脹

樓價愈炒愈瘋癲,小市民無力買「磚頭」,未能從中分一杯羮,但在新一輪「QE無限」刺激下,通脹「狂牛」勢抬頭。銀紙愈來愈「唔見使」,要保住荷包對抗通脹,專家建議以下三招自救術。

第一招︰買地產股 曲線揸磚頭

樓價愈升愈有,本地「磚頭」股獲睇高一線。豐盛金融資產管理董事黃國英直言,歐美央行齊「放水」,市民拿着現金「好搵笨」,「銀紙將會愈嚟愈貶值,啲人寧 願買有形資產defend(捍衞)財富,而且聯儲局將低息周期延長至二○一五年,絕對利好樓市。香港大型發展商管治水平高,賣樓收入穩定,股價又長期出現 折讓,值得睇好。」

新地、恒基「貨如輪轉」

黃國英推介下半年的「賣樓王」新鴻基(16)及恒基(12)。近月,受貪污醜聞困擾的新地,股價回勇,重返今年三月底聯席主席郭炳江及郭炳聯被廉署拘捕前 的水平。黃國英指新地已逐漸走出貪污案的陰霾,「新地擁有強勁嘅管理團隊,好多程序已經係流水作業,降低官司嘅負面影響。」事實上,年初至今並未開售任何 大型新盤的新地,近月開始「發力」,剛推售的屯門瓏門只是「頭炮」,未來半年至九個月更有多個新盤「搶灘」,包括將軍澳天晉二期等,可謂「貨如輪轉」,利 好股價。至於恒基,下半年計劃推出六個新盤,涉及逾三千八百伙。除發售中的烏溪沙迎海一期,還有元朗大棠項目等。「恒基樓盤主打大眾市場,以中小單位為主 導,有一定用家基礎。」黃國英說。恒地現時每股淨資產值對比股價的折讓達三成二,高於過去平均的兩成。事實上,大股東李兆基近期密密增持恒基股份,最新持 股量達62.64%。

嘉華收入有保證

另外,中型發展商嘉華國際(173) 今年的表現亦令人眼前一亮,中期盈利增長強勁,核心純利「爆升」五倍至二十三億元,年頭已唱好嘉華的黃國英,繼續支持說﹕「政府公布將會增加發展區供應, 以及拆細地皮招標,中小型發展商容易上位。嘉華主打豪宅市場,建立咗好好嘅brand name,銷情有保證。」事實上,嘉華已進入收成期,大部分香港項目有望於下半年入賬,包括御金‧國峯及天賦海灣等,為全年業績打了一支強心針。

第二招︰捕捉金價升浪

除了「磚頭」升值,早前一直徘徊在一千五百多至一千六百多美元(每盎司,下同)的金價,亦應聲衝上至一千七百七十多美元,走勢凌厲。敦沛金融環球產品服務部業務總監周燕珊認為,金價愈升愈有,「第四季係傳統金屬需求旺季,南非礦場由八月中一直罷工到依家,美國又推QE3, 令好多人追入。」她估計,金價下一步可高見一千九百美元,「投資者買黃金ETF最直接,入場費同手續費都好低,而且流動性高,買賣方便。相反實物黃金買賣 差價就好大。」周燕珊說。自○五年買入黃金、「金甲蟲之路」網誌網主阿祖認為,美元會持續疲弱,長線看好黃金,七年來只買不賣,現持有的黃金市值過百萬 元,佔總資產約六成,他解釋﹕「根據我嘅經驗,就算資產泡沫爆煲,如樓價大跌,黃金都係跌得最少嘅,甚至會上升。」

基建增利銅價

另外,周燕珊認為QE3釋 放的資金,亦會催旺其他金屬市場,「美元持續弱勢,通脹上升,好多人會買貴金屬做對沖。」另外,銅價亦會受中國需求帶動,周燕珊睇好中國會放水﹕「中國力 谷基建推動經濟,十八大順利換屆後,因中國要保GDP有7.5%增長,預期中央會放鬆銀根,減存款準備金率,銅價有機會升至每噸九千美元以上。」

第三招︰收息保本

說到抗通脹,即想到政府之前推出的兩輪通脹掛鈎債券iBond。不過,星展香港財資市場部高級副總裁王良享表示,買入二手iBond並不划算。「第二輪推 出嘅iBond債價已升至一百零五元,就算通脹令息率上升,多咗需求都會令債價繼續升,個價都係太貴。」王良享估計,明年全年通脹率約為4%,如果政府再 推新一批iBond的話,就可積極買入。「QE嘅影響要下年年初先見到,所以iBond的派息要到下年年中先會比較吸引。」他表示。

人幣定存息高

要賺息,王良享推介本港人民幣定存,「香港銀行積極預備推RFDI(人民幣外商直接投資),加上人民幣升值放緩,銀行需要用高息吸引人民幣資金,唔少銀行 人幣定存已高達三釐。」但王良享指出,隨着中央放鬆銀根,內地信貸環境改善的話,可能令香港高息不再,到時可轉投企業債,他表示﹕「部分高質素嘅企業債券 都有超過五釐息,回報不俗。」此外,較進取的還可購買高息股。耀才證券研究部副經理植耀輝推介置富產業信託(778),「置富旗下商場主力做街坊生意,賣 生活必需品為主,租金收入增長穩定,盈利能見度高,股息四釐左右,算吸引。」另外,防守性高的公用股,例如中電﹙2﹚、煤氣﹙3﹚亦是抗通脹的「避風塘」,兼可以做「對沖」,建議趁低吸納,「雖然派息唔係特別高,但假如燃料成本上升,呢啲公用機構隨時加價,賺取嘅股息可以當係補貼。」植耀輝解釋。

炒爆 QE3
PermaLink: https://articles.zkiz.com/?id=37725

經濟分析(31):遲早炒爆話Bitcoin 笨發

http://notcomment.com/wp/?p=9130

bitcoin

 

筆者沒有技術背景, 然而最近比特幣Bitcoin狂升 (直迫美金千二元), 卻引發了筆者的好奇心, 想預言一下比特幣的發展。

比特幣的背景資料極詳細,建議讀者先看一看維基
http://zh.wikipedia.org/wiki/%E6%AF%94%E7%89%B9%E5%B8%81

比特幣是2009年由黑客「中本聰」創建的一種網路虛擬貨幣。 它基於一套密碼編碼、 通過複雜演算法產生, 這一規則不受任何個人或組織干擾, 去中心化; 任何人都可以下載並運行比特幣客戶端而參與制造比特幣;比特幣利用電子簽名的方式來實現流通,通過P2P分散式網路來核查重複消費。每一塊比特幣的產生、消費都會通過P2P分散式網路記錄並告知全網,理論上不存在偽造的可能。

然而,比特幣有幾個關鍵的大前題

1. 供應有限,至2140年極限供應為2100萬個,所以沒有通漲風險

2. 認受性隨著越來越多人參與而提高,德國什至將其列為認可貨幣

3. 暫時沒有龐大的黑客行為

然而,即使貨幣本身不能造假(先假設真的不能被破解),交易平台或電子錢包的保安卻可以是漏洞。所謂「殺頭生意有人做」,當投機行為令比特幣短期去到一萬美元,那自然會有人不惜犯險去用各種保安漏洞設計假的交易平台去騙取比特幣,令持有比特幣出現重大保安風險。

另一方面,以比特幣做交易,亦會有potential稅務及洗黑錢風險,何解?

1. 假設比特幣勁到可以用黎買賣樓,在設有captial gain tax的地區(如中國日本美國什至香港)的地區理論上需要就你的獲利去繳稅,因為帳面真係有賺/蝕,只要稍一不慎便可以出現逃稅行為,而逃稅在多數國家或地區都是刑事問題。

2. 假設你交易的對家利用比特幣進行犯眾活動,其後再與你用比特幣做正常交易,你已可能不自覺參與了洗黑錢活動。

再附加了流行的陰謀論,美國是不會容許有任何貨幣挑戰其美元霸權的地位。

所以筆者大膽預言,很有可能在一年半載內便會有人因逃稅/洗黑錢原因而被美國政府拘捕,到時擁有比特幣便可能變成擁有刑事炸彈,一夜之間被大量拋空,最後重歸於零。

 

bitcoin-chart

經濟 分析 31 遲早 炒爆 爆話 Bitcoin 笨發
PermaLink: https://articles.zkiz.com/?id=84874

中信泰富案愈揭愈多 庭審爆高層早知炒爆

1 : GS(14)@2012-09-01 14:53:14

http://www.mpfinance.com/htm/Finance/20120901/News/ea_eaa1.htm

證監會起訴中信泰富前財務部助理董事崔永年內幕交易的案件,於8月27日在東區法院開審,為期7日,中信泰富前主席兼股東榮智健,於8月22日大手減持近8000萬股公司股票,持股量降至須披露界線的5%以下。
榮智健不斷減持 持股低於5%
中信泰富股價則於8月24日起連跌6個交易日,尤其以昨日跌勢最急,單日跌7.1%至9.49元,以全日低位收市,亦為2009年4月以來新低。
高層曾發電郵:已失控
根據控方即證監的陳辭,中信泰富前財務總監周志賢於2008年8月28日已獲悉炒輸外匯,覑當時的副董事總經理張立憲與崔永年一同跟進公司的外匯虧蝕情,張立憲於同月30日向崔發電郵則指「情已失控」。
不過,中信泰富於同年10月20日始發盈警,披露炒輸逾百億元外匯Accumulator,通告指董事局於9月7日知悉事件,該說法明顯與證監的調查結果有出入。
有法律界人士認為,倘若證監會在這宗案件勝訴,中信泰富隨時被追究,包括事件是否涉及發放虛假或誤導通告等,亦有機會面臨小股東的索償。
早於2009年已質疑中信泰富管理層發放誤導通告的Webb昨日表示,仍在等待司法部門作出起訴個別人士的決定。
Webb:政府愈遲行動 愈惹人疑竇
他續稱,政府現在是時候決定做些什麼,如政府浪費太多時間,不及早行動,到正式向個別人士提出起訴時,被告可能會因為年代久遠推搪「不記得」。
此外,Webb認為公眾等待的時間愈長,愈會令政府看來不想起訴一些很高級的人──包括前中國國家副主席榮毅仁之子榮智健,以及前行政會議成員范鴻齡。
事實上,立法會超級區議會候選人涂謹申今年5月曾代表部分中信泰富小股東,於股東會上質疑公司,就「炒踎」外匯事件上訴要求禁止警方解封部分文件,是利用小股東資金掩護前高層過失,並促請律政司上訴至終審庭,要求中信泰富放棄保密權,但上訴期限已過,未見律政司行動。其餘超級區議會候選人包括陳婉嫻、何俊仁、馮檢基、劉江華、白韻及李慧垰。
2 : GS(14)@2012-09-01 14:54:42

http://www.mpfinance.com/htm/Finance/20120901/News/ea_eaa2.htm


【明報專訊】中信泰富(0267)管理層涉嫌刻意延遲公布重大負面消息,香港投資者學會主席譚紹興指出,若證監會在此次內幕交易案中成功起訴中信泰富前管理層,即成案例,投資者可以此案例索償。

譚紹興說,由於香港沒有集體訴訟權,小股東普遍而言極難向上市公司索償。以年前的亞洲果業(0073)事件為例,小股東到小額錢債審裁處索償,但被告否認控罪,案件即會轉到區域法院甚至高院,小股東根本沒有本錢與上市公司對簿公堂。

港缺集體訴訟機制 增索償難度

不過,就中信泰富是次有可能發放虛假或誤導通告,證監會已循內幕交易起訴個別高層,法院一旦接納證監的指控內容,即可成為有力佐證,供執法機關追究公司責任,以及該小股東作為案例,向法庭申請索償。
中信 泰富 案愈 愈揭 揭愈 愈多 庭審 高層 早知 炒爆
PermaLink: https://articles.zkiz.com/?id=281342

車位熱炒 掀拆售潮 四新盤推近千個 小心盲搶炒爆

1 : GS(14)@2016-11-18 17:20:10

【本報訊】政府加辣後,二手交投死寂,新盤售樓處「拍烏蠅」,地產商變陣谷車位跑數。短期內最少四個新盤排隊拆售車位,涉逾900個,當中以東涌昇薈規模最大,可售車位近700個,售價低至75萬元,平過同區二手。二手車位更癲,觀塘麗港城炒到「兩球」,北角和富中心升破「三球」。全港又再盲搶車位,十足2012年翻版,小心炒爆。記者:朱連峰 程俊華



繼長實(1113)將軍澳峻瀅後,南豐的東涌昇薈、會德豐的將軍澳Savannah,以及永泰(369)與南豐合作紅磡何文田山畔準備短期內拆售車位,四盤涉約931個車位。


昇薈車位75萬入場

入伙大半年的昇薈涉及車位數量最多,共有697個車位,料分批推出。南豐日前已向業主發出車位認購通知書,每個車位售價75萬至85萬元,只供業主認購,明天至下周三(23日)接受認購登記,下周六(26日)發售。昇薈車位定價未算進取,甚至平過二手。同區藍天海岸及東堤灣畔,近期二手車位造價逾100萬元,映灣園亦要80萬元,惟昇薈位置較偏遠。將軍澳Savannah則於下月17日發售117個車位及14個電單車位。車位售價175萬至200萬元,電單車車位7萬元一個。何文田山畔短期內拆售53個車位,售價288萬至318萬元。東九龍指標屋苑觀塘麗港城,車位造價短短半月內搶貴兩成,剛誕下首個「兩球」車位。代理指出,地下雙號A車位,剛以200萬元成交,刷新屋苑歷來最貴車位紀錄。根據土地註冊處資料顯示,原業主2014年1月僅以110萬元買入該車位,持貨短短兩年多,升值82%,賬面獲利90萬元。



■近期二手車位被炒高,其中海逸豪園一個雙號車位3個月內賣貴逾40萬元。 邱仲權攝

海逸3個月獲利20%

代理指,政府加辣後,麗港城本月至今只錄得兩宗住宅買賣,但車位成交已有十多宗,並越炒越貴,由168萬元炒到200萬元。另紅磡海逸豪園B1層雙號車位,投資者今年7月以226.8萬買入,10月以270萬元沽出,3個月賺43.2萬元或近兩成。亞洲地產梁添昌表示,北角和富中心車位升破300萬元,UG層車位以310萬元易手,創屋苑歷史新高。原業主去年7月以257.5萬元買入,持貨1年多賺52.5萬元。車位再錄大手買賣。消息指出,九龍塘嘉林邊道30號地庫停車場,剛以2,800萬元易手。上述物業停車場共有21個車位,以成交價計算,平均每個車位作價133萬元。現時租予停車場公司作時租及月租車位,月租收入共5萬元,回報率約2.1厘。不過,由於該停車場每個車位都已分契,料日後可拆售。該停車場原業主為新龍移動(1362)執行董事林家名及有關人士,於2004年以500萬元購入,持貨12年大幅獲利2,300萬元,升值4.6倍。




來源: http://hk.apple.nextmedia.com/financeestate/art/20161118/19837539
車位 熱炒 掀拆 拆售 售潮 四新 盤推 推近 近千 千個 小心 盲搶 搶炒 炒爆
PermaLink: https://articles.zkiz.com/?id=316050

車位小心炒爆

1 : GS(14)@2017-01-02 11:24:33

加辣打擊住宅市場,資金轉投非住宅市場,尤其是銀碼細的車位,結果短短一個月,車位成交急升近千宗,料按月增加逾三成,而且車位價屢創新高,小心炒爆煲。


拆售後陸續錄蝕讓

車位入場費低,就算支付雙倍印花稅,200萬元以下也不過是1.5%。多名業界人士忠告投資者,部份屋苑車位不足,租金有支持,車位價才得以保值。其中紀惠集團行政總裁湯文亮就不只一次提醒車位投資者,住宅與車位的黃金比例是5比1,即一萬個單位,車位僅二千個,車位承租力強,租金獲支持。事實上不少停車場拆售後頻見蝕讓,屯門兆麟苑年內錄逾10宗蝕讓。多名業界人士提醒車位買家,買車位宜自用或收租,短炒風險大,隨時摩不出。部份住戶與車位比例較低的屋苑,租金回報率偏低,易接蟹貨。預期發展商來年會繼續拆售新盤車位,至於投資者可供拆售的停車場已拆得七七八八。




來源: http://hk.apple.nextmedia.com/financeestate/art/20170102/19883685
車位 小心 炒爆
PermaLink: https://articles.zkiz.com/?id=321012

對沖人生:「炒爆專家」的下場

1 : GS(14)@2017-05-19 05:39:59

操盤絕對是科學兼藝術的混合體。出色的操盤人或對沖基金經理,唯一可以做到減低自家風險,就是要有幾個組合把單一風險減低。索羅斯「那些年」的左右手Victor Niederhoffer,專注索羅斯旗下外滙槓桿投資部位。上世紀80年代,他為索羅斯坐盤而聞名,他另一出名之處,是近乎炒爆自己戶口的經驗(跌50%或更多)。炒爆戶口,又怎翻身?聽落覺得好恐怖,Niederhoffer賣古董、把房屋一按再按去炒作,甚有賭徒性格。50%的虧損,理論上沒翻身之力。
Niederhoffer的操作策略名為數量套利策略(statistical arbitrage),這位芝加哥大學博士畢業生兼教授級人馬,為證實自己的理論是對,大槓桿操作難以令人理解。他也把自己炒爆戶口的經驗寫下來,給投資人最好的反面教財。《Practical Speculation》是他的暢銷作品,所收到的版稅一萬年也填不滿他在市場上的真正虧損,good grief!
Niederhoffer算已修心養性,專注即日短線投機的可能性。Dailyspeculations.com就是他的傑作,包含政治經濟哲學的網站blog,娛樂自己兼提供資訊給普羅大眾。他會抽象地講不同的投資部位。


沽期權損失慘重

舉例,如果北美市場連續兩個交易日下跌,期權到期日的時候,即第三個禮拜的星期五,通常大市的變化會如何?他本人蝕得最要命的一次,就是在1997年尾段亞洲金融風暴時,沽出認沽S&P500期權,結果損失慘重。2007年,他管理的對沖基金組合因金價回落得到嚴重虧損,個人身家只剩10球美金。你在半山有兩個一千呎單位,隨時有錢過他。槓桿買賣,並非每個人那杯茶。知名雜誌《The New Yorker》給Niederhoffer的「美譽」是The Blow Up Artist,炒爆專家。在此呼籲一句,要做市場贏家,不是炒爆專家。人生下半場的「上場」,應是一生人中的黃金歲月。一個正常打工仔,積聚財富是必然的(除非你槓桿大賭或經常過大海豪賭)。Bob Buford的《Half Time》寫盡了從追求「成功」到轉為追求「價值」與「意義」的個人道理。我大力推薦大家作中場檢討,細心反思自己的人生。由上半場到中場、下半場,不是指歲月,很多時是指心境,從追求成功到追求價值。性格決定命運,用更易的方法理財或投資,是否更適宜?Happy Trading!



錢志健資深對沖基金經理
mailto:mdehedgecenter@gmail.com本欄逢周五刊出




來源: http://hk.apple.nextmedia.com/financeestate/art/20170519/20025852
對沖 人生 炒爆 專家 下場
PermaLink: https://articles.zkiz.com/?id=333607

Can Bank:新股炒爆四指標

1 : GS(14)@2017-11-05 15:43:52

近期新股市場熱鬧,先有三馬概念的眾安(6060),至於騰訊(700)親生仔閱文(772)仲誇張,散子身邊唔少朋友都孖展成球成球咁入,有唔係炒開股票嘅朋友都孖展五球,大家對閱文掛牌後升幅零懸念。嚟緊焦點新股就係超人概念電競股雷蛇(1337),雖未有盈利,但概念嘅嘢,盈利一向唔係指標,熾熱度相信都唔會太弱。新股短炒一向只睇供求,不過,熱潮幾時炒爆,有啲指標就要留意一下。第一:加價!尤其是已經公開晒招股價範圍嘅新股,即係突然要延遲上市日期,上調招股價範圍,方便cap更多水。根據過往經驗,呢樣都唔係好兆頭。第二:做傳統行業新股PE奇高!公司上市就係為集資,如果大家同期上市,唔少公司都會參考吓其他定價如何,咁就難免會出現「佢個定價定到咁高,點解我間公司唔得」嘅情況,結果就會有傳統行業股都有70-80倍PE。金融海潚時就有一間內房股以逾70倍PE定價,你問佢點解會定咁高,佢一定係話盈利係未來,下年嘅PE降到xx倍,但結果係隻內房股咁多年來都未浮過上水面。第三:大市有見頂迹象!尤其是環球經濟已經有迹象轉差,大市衝極都衝唔上,但新股市場氣氛仍然熱烈。第四:《蘋果》A1!呢樣大家《蘋果》讀者都明,唔使花時間講。散子



來源: https://hk.finance.appledaily.co ... e/20171031/20199999
Can Bank 新股 炒爆 爆四 指標
PermaLink: https://articles.zkiz.com/?id=343727

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019