ZKIZ Archives


中環在線:邢李『火原』「Esprit is fun!」 李華華


2008-12-12  AppleDaily


 

「What does Esprit mean to you(思捷對你有乜意義)?」已完全脫離「後邢李『火原』」時代嘅思捷環球(330)出咗本40周年特刊,裏面就印咗呢條問題,仲走訪咗40年嚟對思捷 發展舉足輕重嘅重要人物,前主席邢李『火原』梗唔少得,連突然劈炮唔撈嘅前副主席潘祖明都有份。

 

好似創辦人之一嘅Doug Tompkins就話,係一種態度而唔係年齡。主席高漢思就認為,喺思捷工作令人自豪,呢個亦係佢嘅工作動力喎。潘祖明就官腔啲,話思捷畀到佢最好嘅自由 度,講到好懷念咁。經已喺100元股價樓上全身而退嘅邢李『火原』又點呢?得3個字「Esprit is fun!」睇番佢o依家嘅股價,華華都好認同。
中環 在線 邢李 火原 Esprit is fun 華華
PermaLink: https://articles.zkiz.com/?id=4579

中環在線:邢李『火原』造福鄉親 李華華

2009-02-23  AppleDaily
 
 
 

 

一場金融海嘯令唔少富豪身家大縮水,不過思捷(330)前主席邢李『火原』就好好彩,喺《福布斯》香港富豪排行榜,佢由舊年嘅第12位升上今年第8位,排名升咗信心自然勁啦,就連愛心都一樣係多到爆晒棚!

捐4000萬醫白內障

華 華噚日喺新華網睇到,話本身係海南文昌人嘅邢李『火原』,以愛女名字命名同設立嘅言愛基金,出資4000萬人仔,幫海南市嘅鄉親消除白內障。唔講唔知,原 來海南省地處熱帶,加上日照時間長同紫外線強,成為眼疾發病高風險區,特別係白內障致盲者更佔大多數。話晒眼睛係靈魂之窗,邢李『火原』今次真係造福鄉 親!華華仲打聽到,言愛基金近年喺海南市嘅基礎教育投入大量資金,起咗10幾間思源學校,更喺舊年健康快車逗留海南期間,資助完成約600宗白內障手術。 唔知佢下一步會支持邊類慈善活動呢?
中環 在線 邢李 火原 造福 鄉親 華華
PermaLink: https://articles.zkiz.com/?id=6200

傳分11億邢李『火原』發火林青霞親證冇離婚

2012-08-09 NM




結婚十八年的林青霞和邢李『火 原』,近幾年不時傳出婚姻亮紅燈,幾經澄清仍未能釋疑;數月前,婚變傳聞再起,有內地女作家爆林青霞前年與丈夫離婚,並分得十一億財產。本週一,林青霞帶 同兩名女兒往韓國度假,面對婚變傳言,記者四度追問,她依然三緘其口,直到第五次,林青霞才開口否認說:「唔係!」至於邢李『火原』,回應傳言時更黑面爆 火,即時指示保鏢攔截,阻記者繼續影相。微博爆離婚

月前,有內地女作家王亭亭在個人微博內爆料,指林青霞因為未能為邢家生個慈姑椗繼後香燈,結果老公在上海包養小三,王亭亭更言之鑿鑿,聲稱消息來自林家在美國的鄰居云云。

該傳聞指,自林青霞婚後未有為邢家添丁,身為億萬富豪的邢李『火原』對延續香火的傳統思想根深蒂固,夫妻感情因而受影響,文中更指邢李『火原』在上海,與 育有一子的女子有來往。婚變傳聞自○六年開始,從未間絕,邢李『火原』更一度出動名下公司公關出面澄清,可惜傳聞愈演愈烈。

傳復出拍戲

最近,再傳出另一版本的婚變傳聞,指林青霞離婚後,分得丈夫十一億財產及飛鵝山大宅,又指兩人早於四、五年前已經分房瞓。「青霞因為同老公嘅感情唔好,搞 到有抑鬱,今年初仲有去中環睇醫生,仲由兩個禮拜一次,變到一星期兩次。」消息人士聲稱。除屢傳婚變外,亦不時傳出林青霞會復出幕前。早前有傳她接拍大陸 導演張藝謀新片《龍吻》,據了解林青霞一直游說復出的,還有老拍檔徐克,當年他一手為對方打造的《東方不敗》,令她的事業再創高峰。「徐克同施南生都係青 霞嘅老友,近半年大家經常約出嚟食飯或者喺文華東方飲下午茶,大家想佢出番嚟拍戲,都係等佢可以有番啲寄託。」上月中,林青霞原本計劃好,約埋好友陶敏明 等到上海散心,後來突然取消行程,留在香港陪伴兩女愛林和言愛。

保鏢趕記者

上週六(八月四日),本刊記者向邢李『火原』求證,他最初面露微笑保持友善,直至記者問及婚變傳聞,便立即爆火,並指示保鏢驅趕記者。

壹:聽聞青霞復出拍戲?

邢(面露微笑):唔清楚,唔知道!

壹:最近又傳你同青霞離咗婚喎!

邢(不出一秒即黑面):唔好再影相!

壹:唔係嘅話,可以講幾句澄清嗎?

邢(攤開雙手):冇嘢好講!

此時邢李『火原』身邊的保鏢已走上前,攔阻記者鏡頭,邢李『火原』亦指向記者說:「你哋唔好再影!」

韓國放暑假

本週一(六日)林青霞與兩名女兒、施南生出發往韓國首爾,中午十二時四十五分,一行人乘坐兩部七人車,離開大宅出發往機場。抵達機場後,林青霞由助手代為 check in,直到臨近最後入閘時間,始見她施施然單拖現身機場,滿面笑容的她,似乎未受婚變傳聞影響。壹:青霞,聽聞你打算復出?林:唔係!唔會!壹:有傳聞指 你同邢生離咗婚?微笑不答,記者三度提問,林青霞依然保持微笑。壹:青霞,不如講幾句澄清吓喇?林(語氣拉長):唔係……,唔好亂寫,隔完一陣又傳一次。 隨後林青霞急步入閘,未有進一步回應。

美人情路

有大美人之稱的林青霞,17歲拍《窗外》一舉成名,是八十年代文藝片女王,片中拍檔不是秦祥林便是秦漢,她亦先後跟兩男譜戀曲,卻未能開花結果。

避到美國與台灣當紅小生秦漢經常合作,兩人日久生情,可惜當時男方早已結婚生子,而且未能承諾離婚;備受外界指責兼受情傷的林青霞,最後離開台灣逃情往美國。

四角混戀一直有心追求的秦祥林,赴美陪伴林青霞,終感動大美人,二人宣布訂婚。消息傳出後,有指秦漢大受打擊,經常借酒消愁,不久便與太太離婚。林青霞和秦祥林訂婚四年後分手,回復自由身的林青霞翻撻秦漢,但兩人最終也未有結婚。

情歸邢家94年,林青霞在上海拍戲病倒,秦漢未有現身,反而是邢李『火原』體貼照顧,令她大受感動;同年6月二人結婚,青霞淡出娛圈並為丈夫產下兩女,邢李『火原』為兩女兒命名愛林和言愛,以示對林青霞之心。

百億神話

有份創立思捷環球時裝王國的邢李『火原』,當年成功將品牌推廣至全世界,早於03年已進身福布斯全球五百大富豪榜,身家18億美元,位列310名。在他統 領下的思捷環球亦進身藍籌股,股價更飆升至百元,成為傳奇紅底股。08年,邢李『火原』辭任公司職務,並陸續減持股份,直到10年,套現近214億元,完 全退出思捷環球,而品牌股價亦從此風光不再。

傳分 11 億邢 邢李 火原 發火 林青霞 親證 證冇 離婚
PermaLink: https://articles.zkiz.com/?id=35905

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019