中環在線：邢李『火原』造福鄉親 李華華
| |
| |
一場金融海嘯令唔少富豪身家大縮水，不過思捷（330）前主席邢李『火原』就好好彩，喺《福布斯》香港富豪排行榜，佢由舊年嘅第12位升上今年第8位，排名升咗信心自然勁啦，就連愛心都一樣係多到爆晒棚！
捐4000萬醫白內障
華 華噚日喺新華網睇到，話本身係海南文昌人嘅邢李『火原』，以愛女名字命名同設立嘅言愛基金，出資4000萬人仔，幫海南市嘅鄉親消除白內障。唔講唔知，原 來海南省地處熱帶，加上日照時間長同紫外線強，成為眼疾發病高風險區，特別係白內障致盲者更佔大多數。話晒眼睛係靈魂之窗，邢李『火原』今次真係造福鄉 親！華華仲打聽到，言愛基金近年喺海南市嘅基礎教育投入大量資金，起咗10幾間思源學校，更喺舊年健康快車逗留海南期間，資助完成約600宗白內障手術。 唔知佢下一步會支持邊類慈善活動呢？
|
Next Page