ZKIZ Archives


無綫咪神離巢陳潔玲:可能佢哋覺得你想走呀?走囉!

1 : GS(14)@2017-05-18 01:10:52

「我的離開也是愛……」許廷鏗就咁樣唱,至於前港姐「咪神」陳潔玲離開大台又因為乜呢?佢昨日接受《蘋果》電話訪問時,咁樣形容同大台嘅「分手」:「都係和平結束賓主關係」。由參加港姐至今,差不多五年,陳潔玲坦言最唔捨得同事:「尤其係訓練班嗰啲,好多幕後同事對我好好,雖然啲人話公司冇咩人情味。」陳潔玲表示半年前已開始動念想走,沒有代表作亦是原因之一,於是佢走咗去問訓練班教過佢嘅阿旦鄭丹瑞:「佢好知道我性格,佢話:『你走啦,你牛皮氣,你留喺TVB咪又係又痕又怕痛,繼續留喺到又係囉囉攣,不如0依家走啦』。」咁啱五月份死約完咗,就決定離開。至於大台可有挽留?陳潔玲稱:「又冇喎!(由你走?)係呀!(咁都得?)我又冇諗呢樣嘢喎,可能佢哋覺得『你想走呀?走囉!』我都有啲驚,其實我計過我有半年冇返公司,可能爭公司一啲show,驚公司叫我還show,佢淨係話『你返嚟填番啲文件,搞番啲手續就ok』。」「當初入嚟係想見識下心態,做耐咗就發現,公司太大,太多部門,架構太複雜,好多時佢冇可能照顧每個需求,喺入面好被動,真係要等機會,唔知要等幾耐。喺大機構工作,大家都明要做好多門面嘢,要比較卑躬屈膝啲,但我自己有個堅持,我係想做演員,唔想為咗得到機會而磨平自己啲棱角,如果咁就冇咗自己character。」她補充:「我以前係仲倔,TVB已經成長咗好多。」0依家咁多平台,陳潔玲自言想試多啲嘢,會嘗試拍電影,例如網絡電影咁;至於簽經理人,佢話暫時想自由身先。




來源: http://hk.apple.nextmedia.com/entertainment/art/20170517/20024199
咪神 神離 離巢 巢陳 陳潔 潔玲 可能 覺得 你想 想走 走呀 走囉
PermaLink: https://articles.zkiz.com/?id=333154

陳潔玲尺度大:變態都得

1 : GS(14)@2017-06-11 16:09:16

■陳潔玲表示只要角色有得發揮,不會抗拒任何角色。互聯網圖片



陳潔玲2012年港姐出身,上月離開無綫後,跟麥子樂拍電影《私人會所》,上星期電影公司發放宣傳片中有大膽裸露鏡頭,不足24小時被下架。飾演媽媽生的陳潔玲,戲中有穿內衣跟飾演富二代的麥子樂激咀。開鏡時麥子樂說:「有場親熱戲,由街頭去到屋企一個鏡頭直落,非常有火,幾吃力!」最初擔心應付不到的陳潔玲,接受《蘋果》訪問時透露:「作為一個演員,係唔應該有包袱,我唔會因為自己接受唔到啲嘢而去抗拒任何角色,總之係劇本同角色有得發揮,就算係尺度大、性感,甚至係變態嘅角色,我唔會框住自己,反而好願意去試!」採訪:唐琛悠




來源: http://hk.apple.nextmedia.com/entertainment/art/20170611/20051661
陳潔 潔玲 尺度 變態 都得
PermaLink: https://articles.zkiz.com/?id=335329

【馮仁昭四圍超】陳潔玲情慾戲打孖上

1 : GS(14)@2017-08-18 07:54:31

落選港姐陳潔玲(Christy)噚日喺商台接受訪問,離開無綫之後Christy就接咗部三級電影《私人會所》,而且仲演咗兩場情慾戲,可以話係佢入行以嚟最大膽嘅一次。
Christy話:「之後唔會超越到咁大膽,因為我覺得性感路線唔屬於我,今次只係角色需要。」嚟緊Christy除咗繼續拍戲,佢仲投資百萬開婚紗店同play room做老闆娘。撰文:馮仁昭




來源: http://hk.apple.nextmedia.com/entertainment/art/20170818/20124585
馮仁 仁昭 四圍 陳潔 潔玲 情慾 戲打 打孖 孖上
PermaLink: https://articles.zkiz.com/?id=340142


ZKIZ Archives @ 2019