ZKIZ Archives


中門大開:愛港賊

1 : GS(14)@2012-09-07 12:45:00

http://hk.apple.nextmedia.com/financeestate/art/20120907/18010067
細個阿媽話「食豬紅會屙黑屎」,萬試萬靈。
左派親共之言論,亦如食豬紅原理,凡有大型群眾運動,都係有外力介入。03年7.1大遊行,超過50萬人上街,老左質問一定有幕後黑手,一定有英美外國勢力介入。7.1之後包圍立法會,老左又質問「電從何來?」一定有盤據中環之英資幕後協助,又係有外國勢力介入。
今次反國教運動,為何不遲不早,偏偏在美日與中國關係緊張時發生,又偏偏選在9月9日立法會選舉前爆發。行會成員張志剛質疑學民思潮中學生,何來資源組織反國教大集會,背後定有勢力出錢出力策動。
由於左佬們偽戰略高度思維,在他們眼中,任何群眾運動總係有不可告人目的,總有外國勢力、反對派出資出力,既然要同國際反華勢力鬥爭,自然一步也不能讓,一退,香港就重回殖民主義者懷抱。
認清面目 投神聖一票
都係鄧小平睇得通,「警惕右,但主要防左」,左毒對中國遺害之大,非筆墨所能形容。香港未來形勢如何發展,主要也在防左。左來自兩方面︰政府中人要明白,梁營人士左毒甚深,鬥爭思維上腦,你一邊降溫,佢哋另一邊撥火,慌死中產主流未夠火滾,當年23條已上演了一次,今次反國教又再重演。「左」猶如癬,揮之不去,因為他們「用心良苦」,即使好心做壞事,也是出於挺梁一片苦心啊!出事後中央又怎忍心出言苛責呢,點都係一家人嘛。內地人吃透了這些左嘴愛國憤青,稱之為「愛國賊」。
另一左毒,就一開口就指摘人賣港,煽風點火,自己先最純潔冇私心只為香港利益,實際係害香港,呢類同樣係「愛港賊」。要分辨愛港賊十分容易,用眼不用耳,睇清楚佢哋所作所為,客觀效果會點,對乜嘢人有利,用一般常識去推斷便已足夠。
呢兩日,靜一靜,諗一諗,認清「愛港賊」面目,才投下神聖一票。
添馬男
2 : barryruger(14987)@2012-09-07 14:10:58

呢個term幾好喎, 負面得黎又比番小小位人走, "你都係好心做壞事姐, 下次唔好喇"smiley
中門 大開 愛港 港賊
PermaLink: https://articles.zkiz.com/?id=281456

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019