ZKIZ Archives


異動空間:全方位收水拆局

1 : GS(14)@2017-06-25 10:09:54

大陸狂印銀紙多年,銀行濫借形成信貸泡沫,家陣終於要全方位收水,5月M2增速史上最低,人行仲補多句「呢個將會係常態」,即係不會鬆手。印少咗錢之餘,仲要減低現有銀行的槓桿,以免一爆不可收拾,中銀監叫銀行清查巨企貸款,就係方法之一。海航、萬達、復星、安邦近年四圍收購,錢從何來?咪又係借。樂觀去諗,信貸危機軟着陸,長遠當然係好事,但短期巨企要「縮表」,唔少項目一定on hold,對盈利總有影響,估值下調也是自然的事。落場炒開的戰友相信一定同意,個市越來越少股票炒,巨企也被收水,中小型民企的貸款成本必然更高,導致盈利放緩、減慢擴張步伐。嚴打走資,想買殼都唔易。剩番極少數「大到不能倒」的怪獸(例如騰訊,700),一係就派高息、「定過抬油」的霸權股,如港鐵(066)、領展(823),近期炒到大折讓資產股,連麗新系也不放過,某程度上也是反映「無股好炒」,並非好現象。半年結在即,大戶似在頂指數出貨,以恒大(3333)為例,成個頭肩頂形態出晒嚟,長汽(2333)也是一棍大陽燭後就開始派,有貨宜減持。魏力
http://www.fb.com/2012jason本欄逢周一、五刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170623/20065317
異動 空間 全方位 收水 水拆 拆局
PermaLink: https://articles.zkiz.com/?id=336855

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019