ZKIZ Archives


財務智商(13):銀行尊貴客戶這名份是咁樣用的 梁隼

http://notcomment.com/wp/6483

假如你認為, 成為銀行尊貴客戶只係為左唔駛排長龍兼有帝皇式享受的話, 那未免太浪費了, 因為躋身高階客戶, 係可以有好多著數, 好好利用的話, 甚至幫倒你儲錢、理財, 實現人生夢想。

首先大家一定有疑問, 要成為尊貴客戶, 無幾十萬存款都唔駛諗啦, 我擺得幾十萬係銀行的話, 仲駛貪呢D小恩小惠? 不過大家又知唔知其實銀行依家為爭客, 好多時都會借意 free upgrade, 例如你係按揭客戶, 或者係自動轉賬出糧, 有間銀行仲過份到 MPF 結餘都當係銀行結存一部份, 呢個都解釋到點解有 D 銀行的 MPF 表現咁差但係仍然係市場一哥。

咁成為尊貴客戶, 好多時都會有一張尊貴信用卡, 信用額仲要係幾高下的, 咁大家又會問, 信用額高有咩野用?唔駛還嗎? 首先筆者要強調, 借銀行錢一定要還, 仲要千祈千祈千祈, 準時準時準時, 為的是一個好的信貸紀錄, 當有齊咁優質的信用額同埋信貸紀錄之後, 就係可以用逆向思維儲錢了。

原理很簡單, 就係首富成日用的借錢買平貨。 說實在我地又無本事買起成間電廠或者超市, 但五、六厘股息的優質收息股也不難吧, 只要能夠低過五厘借番黎, 保守點就可以賺息差, 進取點就 buy low sell high, 財富就是這樣煉成的。

就算回報和利息只係打過和,對於平時無儲蓄習慣的人來講都係賺左,因為儲錢可以有好多理由推搪,無人會話你,但係唔還錢就唔係咁講,輕則銀行會溫馨提示,重則法庭頒令破產,點都唔係一件好事。只要將借番黎既錢好好處理,例如做下人仔定期或買收息股,再從人工度扣起部份黎還錢,咁就可以變成強制儲蓄了。

所以,作為銀行尊貴客戶,並不需要為左被冷落或者大排長龍而唔開心,與其無病呻吟,不如諗下點屈銀行機好過。


財務 智商 13 銀行 尊貴 客戶 這名 名份 份是 是咁 咁樣 樣用 用的 梁隼
PermaLink: https://articles.zkiz.com/?id=80475

【任天堂起跌33年】紅白機個咪原來咁樣用 Switch要接力做黑馬?

1 : GS(14)@2017-03-04 10:19:55

紅白機在1983年推出,任天堂在遊戲界已有超過33年歷史。



任天堂新機Switch開賣,相信很多資深機迷都是由紅白機或者超任開始打機之路,趁新機推出之際,不如回顧一下33年來任天堂的家用機歷史。不計手提遊戲機,在Switch之前任天堂共推出過6部家用機,分別是任天堂紅白機、超級任天堂、N64、GameCube、Wii和Wii U。



最經典的紅白機Family Computer於1983年面世,一直到2007年才停產,有不少趣聞廣為流傳。有玩過的朋友都應該記得1P和2P手掣是不同的,2P多了一個麥克風,當年對着它來唱歌可以在電視出聲。其實這個咪還有遊玩上的作用,有幾款遊戲可以靠它來過關,例如《薩爾達傳說》(The Legend of Zelda)有種叫Pols Voice的大耳怪,只要2P手掣的咪收到聲音就能把它們消滅。出名難度高到近乎愚弄玩家的《北野武挑戰狀》也有需要對着咪唱歌來過關。紅白機之前不是沒有遊戲機,但不是價格太貴,就是遊戲質素平平未受人留意,紅白機是首部大受市場歡迎的家用機。到了80年代後期,Sega的Mega Drive和NEC的PC Engine以更強的機能得到不少支持,任天堂在1990年推出後繼機超級任天堂迎戰。傳說超任在日本推出第一天就賣出全數30萬部存貨,因為太多人放假買機,日本政府此後要求遊戲廠商要在星期六出新機。再看看近年PS4和WiiU的發售日,前者是2014年12月22日,後者是2012年12月8日,又真的是星期六。對香港機迷來說,印象最深的是它的遊戲卡帶極為昂貴,90年代賣至500、600元一盒,年紀輕的學生機迷難以負擔,加上當時對知識版權又不夠重視,翻版磁碟機在當時相當盛行,抄碟舖開至成行成市。其實大家都知遊戲卡帶昂貴,Sony在超任未推出之時已和任天堂合作,開發超任用的CD光碟機,當時代號也是叫Playstation,甚至在1991年有展出過實機。不過計劃最終胎死腹中,有說當年任天堂社長山內溥詳細研究過雙方簽訂的協議,覺得主導權在Sony一方,日後是想開發自家遊戲機搶奪任天堂的game界江山,所以中途叫停。另外任天堂也認為CD不適宜用作打機,讀取時間慢又容易有盜版,所以1996年推出的新機N64仍然採用卡帶。另一邊廂,任天堂割席後,Sony獨自開發出Playstation。當年超任仍然強勢,N64比Playstation和Saturn兩名對手姍姍來遲遲了近兩年之多,這段時間對手已吸納了不少友好產商;再加上卡帶成本高、容量過小的問題在多邊形世代更顯嚴重。最終導致任天堂在這次主機大戰中敗給了Playstation。平心而論,N64還是有很多劃時代設計,比同期對手早一步採用64位元處理器,手掣設計新穎,中間有一個360度類比控桿配合後方的Z-Trigger掣,啟發了手掣玩立體遊戲、fps遊戲的新操作方法,PS也在N64推出一年後推出「雙菇」Dualshock手掣。
N64之後是2001年推出的GameCube,顧名思義主機也是四方體設計。這代終於肯順應主流改用CD,用的是一款特製的小型CD。這個時期對手PS2如日方中,還有後起之秀XBox加入戰團,家道中落的任天堂沒有得到第三廠太多支援,相對其他任天堂主機而言GC的亮點較少。反而2006年推出的Wii卻以黑馬姿態震驚遊戲界,當年有很多人讀做「will」,但其實名字是來自we的意思,是希望大家一起玩。據孖寶之父宮本茂訪問時所言,希望能做到一款遊戲機,任何人一拿上手也玩得到,當年去朋友家打《Wii Sport》的確人人識玩。而2012年推出的Wii U就大不如前了,大大落後對手的機能加上體感遊戲熱潮已過,其他遊戲廠商都不太支持,推出以來都數不出甚麼代表作。今年年頭正式宣告停產,享年不過五歲,成為任天堂史上最短命家用主機。回顧任天堂歷史,一直也如同紅白機的英文Family Computer一樣,堅持走合家歡輕度玩家路線,Switch也是一樣,但現在遊戲業界以靚畫面大作為主,第三廠並沒有多餘資源為Switch的獨特玩法度身訂做遊戲,想複製Wii的方式黑馬跑出,難度不少。記者:司徒港燊2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


超級任天堂一推出已經大賣,但也因為稱霸太久,令後繼者N64遲了上場。

N64的手掣在當時算是劃時代計設。

GameCube並沒有留下太大的亮點。


Wii令到任天堂中興,體感遊戲成為一時熱話。

Wii U可說是任天堂最失敗的家用遊戲主機。



來源: http://hk.apple.nextmedia.com/su ... t/20170304/19946694
任天堂 起跌 33 紅白 白機 機個 個咪 原來 咁樣 樣用 Switch 接力 黑馬
PermaLink: https://articles.zkiz.com/?id=327794

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019