何傲兒明年出碟闖樂壇
1 :
GS(14)@2016-12-06 03:56:20何傲兒和胞姐何傲芝昨日在伊館參加慈善音樂會，兩姊妹會各自獻唱，傲兒透露明年將推出唱片做新人，傲芝都讚幾好聽。傲芝說：「阿妹成日作一、兩句歌畀我聽，如果佢作晒成首，我可以幫手填詞。」兩人試過一齊唱卡拉OK，問可會合唱？傲兒說：「都試過互相幫對方唱和音，家姐好鍾意黎明，我一年級已識晒Leon啲歌，家姐鍾意乜我就鍾意乜。」張家瑩亦現身撐場，她透露剛病癒：「我崇尚自然療法，所以冇睇醫生。」問到聖誕會否與男友J先生一起度過？她說：「聖誕會去旅行，避開香港咁凍地方，但唔係同呢位朋友去，佢去公幹。」採訪、攝影：盧妹
來源:
http://hk.apple.nextmedia.com/entertainment/art/20161205/19854995
被封「樂壇隱世高手」陳柏宇講到明唔想做天王
1 :
GS(14)@2016-12-07 07:41:14香港樂壇一直都有唔少出色嘅男歌手．好似前晚開騷嘅歌神張學友、好吹得嘅Eason陳奕迅，仲有一位蒼海遺珠嘅Jason陳柏宇。其實Jason喺06年出道，一口氣拎咗幾個新人王獎項，數下數下，原來今年佢已經出道10年。呢10年間，Jason有過唔少耳熟能詳嘅飲歌，《I Miss You》或者《你瞞我瞞》瞓着咗都哼得出。儲儲埋埋咁多飲歌，Jason當然開過唔少演唱會，但就喺未試過喺象徵地位嘅紅館開騷，被指係半紅不黑，而佢都曾經接受訪問仲講過：「我唔想最紅唔想做天王，太大壓力，冇晒私人時間。」結果就俾高登仔起咗個朵叫「樂壇隱世高手」。呢位高手，暗中有好多支持者㗎，連高登天后瓊姐都好撐佢，試過喺專頁入面連續3個月開post表態，覺得Jason應該有更高成就。之前有傳今年商台叱吒得獎名單流出，Jason好有機會爭男歌手金獎，瓊姐都出晒面話Jason一吐烏氣，開心到拍晒手掌，你就知道，樂壇隱世高手絕對唔可以睇小。
來源:
http://hk.apple.nextmedia.com/entertainment/art/20161206/19856732
慧嫻為學業暫別樂壇陳法拉棄大台到紐約讀戲劇
1 :
GS(14)@2016-12-10 03:45:29「民選港姐」朱千雪去年就同大台請假一年，去咗中大報讀企業傳播管理碩士，上月中千雪BB已經畢業喇！其實過往都有好多藝人，係佢事業方中嘅時候，毅然暫停五光十色嘅演藝事業，重拾書包，過回學子嘅生活。陳法拉法拉BB喺2013年，同大台約滿後，就走咗去紐約嘅茱莉亞學院（The Juilliard School）修讀戲劇碩士課程，呢間學校好巴閉㗎，已故喜劇巨匠羅賓威廉斯（Robin Williams）、金像影帝奇雲史帕西（Kevin Spacey）、已故「超人」基斯杜化李夫（Christopher Reeve）都係呢間名校嘅學生。今年法拉獲子華神召喚，返港演出舞台劇《前度》，之後法拉又返翻去讀書喇！徐子珊去年約滿大台後，子珊就話要專心供讀珠寶設計，去年年尾就為金星珠寶，設計其中一系列首飾，進軍設計師行例。今年佢就簽咗王祖藍嘅工作室，話工作室同佢傾緊啲電影、電視劇同真人騷節目喎！何超蓮貴為賭王千金嘅超蓮，除咗忙緊家族嘅澳洲搞酒店重建，前一排都見佢喺ig貼相「地盤妹」去視察酒店環境。日前仲俾《蘋果》見到超蓮BB，現身灣仔一間開辦會計課程嘅楷博教育(Kaplan)，據知超蓮在該處修讀ACCA，即係英國特許公認會計師公會嘅專業課程，一般都要花六、七年時間完成課程。陳慧嫻89年，慧嫻喺佢歌唱事業如日中天嘅時候，突然宣佈要暫別樂壇，到美國升到大學，95年完成學業後正式復出，推出大碟《Welcome Back》造出四白金（20萬張）的卓越成績。
來源:
http://hk.apple.nextmedia.com/entertainment/art/20161209/19860119
【樂壇詛咒】步大衞寶兒Prince後塵
1 :
GS(14)@2016-12-27 12:32:04大衞寶兒
2016年已被流行音樂界稱為「詛咒之年」，除了佐治米高，多位重量級歌手先後逝世。「樂壇變色龍」英國殿堂歌手大衞寶兒（David Bowie）於1月10日因癌症去世，兩周後美國殿堂級樂隊Eagles靈魂人物Glenn Frey，不敵類風濕關節炎、腸炎和肺炎併發的折磨而病逝。
Prince
美國流行樂巨星Prince於4月21日在美國明尼蘇達州寓所過量服藥猝逝。而加拿大傳奇詩人歌手Leonard Cohen於上月7日半夜跌倒，隨後在睡夢中逝世。
來源:
http://hk.apple.nextmedia.com/entertainment/art/20161227/19877664
欣宜逼爆現身《叱咤》Jan奪唱作人金獎：樂壇響喪鐘
1 :
GS(14)@2017-01-02 11:51:10■林海峰昨晚上台拿叱咤唱作人金獎，成為首位唱歌的歌手。
【叱咤頒獎禮】由商台主辦的《2016年度叱咤樂壇流行榜頒獎典禮》，昨晚假灣仔會議展覽中心舉行，今年大會主題是「忘我，不忘本」。一如去年，今年同樣頒發43個獎項。視像直播除了商台設有專頁作全晚直播外，ViuTV及愛奇藝亦分別獲得香港及內地直播權。
Wyman奪填詞人大獎
頒獎禮於昨晚8時20分正式開始，之前缺席新城頒獎禮的容祖兒、張敬軒和許志安都有出席，另外鄭欣宜身穿黑色貼身裙，逼爆上圍現身。三位司儀上台後，隨即宣佈黃偉文（Wyman）今年憑32首作品奪得叱咤樂壇填詞人大獎，Wyman表示這個獎對他而言比諾貝爾獎還重要，他說：「我係寫廣東歌，只要你繼續畀一支筆、一張紙、一個旋律，我都會寫出你要求司法覆核，DQ、 Bob Dylan。」至於叱咤樂壇作曲人大獎由Dear Jane結他手翁厚樑（Howie）奪得，編曲人大獎是馮翰銘（Alex Fung），監製大獎則由陳浩然（Edward Chan）奪得，他在台上更點名多謝鍾鎮濤。
■鄭欣宜穿了一條超貼身黑裙，逼爆上圍。
■之前缺席新城的（左起）薛凱琪、張敬軒、祖兒及許志安昨晚都有現身。
■黃偉文憑32首作品，昨晚獲頒填詞人大獎。
■周國賢四年沒上叱咤台，在台上說謝辭全程口震震，強忍淚水。
鄧小巧拎生力軍金獎
相比新城電台，昨晚頒獎禮流程算很快，未夠15分鐘已頒到第五個獎項叱咤樂壇唱作人，金獎、銀獎及銅獎分別由林海峰（Jan）、方皓玟及周國賢奪得。林海峰在台上笑說：「可以上台攞獎，證明樂壇已響起喪鐘！」他更成為全晚第一位在台上唱歌的歌手，唱出《頂硬上》。另外，叱咤樂壇生力軍金、銀、銅三獎，分別是鄧小巧、張美儀及陳明熹。採訪：馬建華、王連連攝影：陳俊強、仇志德
來源:
http://hk.apple.nextmedia.com/entertainment/art/20170102/19883790
陳慧嫻拎完大獎告別樂壇赴美攻讀心理學
1 :
GS(14)@2017-03-23 06:27:23曾經紅極一時嘅陳慧嫻，喺84年同陳樂敏、黎芷珊組成「少女雜誌」出道，有一隻同名大碟，但組合極速解散，淨番陳慧嫻一個喺樂壇拼搏。努力係有回報嘅，陳慧嫻喺80、90年代嘅金曲，數都數唔晒，《跳舞街》、《儍女》、《紅茶館》、《夜機》等等嘅歌，到o依家仲朗朗上口，成為咗寶麗金一姐。代表作中嘅代表，就肯定係89年嘅《千千闕歌》，呢首歌令佢獲得當屆叱吒我最喜愛歌曲大獎等樂壇大獎。最傳奇一刻喺翌年發生，陳慧嫻好似歌詞咁講「臨行臨別 才頓感哀傷的漂亮」，決定喺事業高峯期退出樂壇，到美國攻讀心理學。直至95年畢業返香港再戰樂壇，推出大碟《Welcome Back》造出四白金（20萬張）的卓越成績。
來源:
http://hk.apple.nextmedia.com/entertainment/art/20170322/19966339
《蘋果》專訪 拒走父親搞笑舊路八両仔攻樂壇：啲人讚我太過靚
1 :
GS(14)@2017-04-22 10:22:30■眼見八両仔有意做唱作歌手，爸爸八両金願意無限量支持。
現年63歲的八両金（原名葉競生）出道便行搞笑路線，他跟前妻「八両菜」Polly所生的囝囝「八両仔」葉小霆（Jacky），轉眼已22歲，八両仔對娛樂圈有憧憬，決心闖樂壇做唱作歌手。八両仔從小是老竇倒模，冬菇頭配父子裝，但近日他染了金毛頭，被指跟歌手方皓玟撞樣，也被指是「港版MJ」。八両仔卻堅持自己走意大利風，日前襯出三個造型在上環接受《蘋果》專訪，他chok爆行catwalk，無懼高溫穿皮褸、厚冷衫和透視裝，鏡頭後的八両金硬要囝囝送飛吻。
■八両金父兼母職湊大囝囝，從小把八両仔變成自己倒模。資料圖片
■途人野生捕獲八両金，紛紛上前要求集郵。
想似MJ好紅
恨做歌手的八両仔，更自學已故流行天王米高積遜（Michael Jackson）的moonwalk：「我睇下以後喺外國，可唔可以學佢咁接番啲演唱會，似佢好紅、好紅，我想將音樂帶畀觀眾。」八両金鼓勵囝囝做唱作歌手，推薦他唱內地電影《螺絲釘籃球隊》的主題曲《永遠永遠愛着你》，還打算斥資讓囝囝出碟：「只要唔行衰路，一定百分百支持，首先佢要創作啲歌。」八両金還給囝囝五、六位數字置裝。
女友唔使好靚
八両仔現沒拍拖，揀另一半必要交心：「佢要尊敬老人家，唔使好靚女。」採訪：陳杰攝影：陳俊強
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170420/19994969
復出樂壇 恨生B延遲出歌46歲李蕙敏試管嬰兒失敗
1 :
GS(14)@2017-06-16 01:47:45■46歲的李蕙敏近兩年來試過各樣生仔秘方，連試管嬰兒亦試過，可惜仍不成功。
從小被養父母湊大的李蕙敏（Amanda），4年前嫁給英籍老公Serge Micallef，做了人妻的她很想育有自己的兒女，現年46歲的Amanda已屆高齡產婦界線，兩夫婦試過接受IVF（試管嬰兒）醫學幫助，今年復出的她甚至為造人計劃延遲新歌推出，可惜越努力卻越失望，Amanda豁達面對懷孕失敗的打擊，重拾心情為新歌拍MV。
出道29年的李蕙敏憑絕世慘情歌《活得比你好》、《你沒有好結果》唱紅，曾被封為慘情歌后的她，現實中的身世亦很坎坷，20歲才知父母跟她沒血緣關係，被收養的Amanda曾跟養母關係不好，4年前Amanda嫁給英籍老公Serge Micallef，一直渴望家庭溫暖的她，很想育有自己的親生兒女，可惜婚後經過兩年努力，甚至尋求醫學幫助都未能如願。日前Amanda接受本報電話訪問慨嘆：「我哋都有睇醫生，試過一、兩次IVF，但唔成功！」
■回歸樂壇的李蕙敏狀態大勇，近日穿比堅尼拍新歌MV。
■李蕙敏邀健身教練Luke做MV男主角，她當然有向老公備案。
■李蕙敏以低沉嗓唱《活得比你好》爆紅，被封慘情歌后。資料圖片
■李蕙敏與英籍老公Serge結婚四年，二人都希望有自己的兒女。資料圖片
刻意增肥
Amanda今年再戰樂壇，坦言之前為了造人計劃，刻意增肥10磅，甚至延遲新歌《再度》的宣傳：「因為都過咗一段時間，連呢首歌都係為咗呢件事延遲plug，?家已經年中，冇辦法再等。」問到造人失敗是否很失望？她坦言：「當然希望有梗係好啲，但自己今年幾隨心，因為越緊張越難有。」由於Amanda已經46歲，明白自然受孕的機會較低，所以近兩年來，夫婦四出尋求生仔秘方，更向醫學方法求助：「我哋結婚4年，都係呢兩年開始造人，因為大家都忙，佢又要出trip，我哋都係上兩個月加緊（造人），自己仲將工作延後，我哋都有睇醫生，試過一、兩次IVF，但唔成功，我哋都好平常心，盡力而為，冇得心急冇得介意。」問到出碟是否要暫停造人計劃？她表示：「都唔係嘅，順其自然。」收拾心情的Amanda開始專注工作，為新歌《再度》破戒着火紅比堅尼拍MV，46歲的她風情萬種身形甚弗，她笑說：「出海着比堅尼好合理，但其實都有壓力，自己第一次着比堅尼拍嘢，喺一個禮拜內都有捱過吓餓，主要食雞肉同菜，唔食肉我會死，盡量6點後唔食嘢。」老公知道着比堅尼拍MV？Amanda表示：「佢知道我試衫，冇話批准，佢好文明仲興奮過我。」
猛男陪曬
Amanda更邀專拍同志電影的導演雲翔跟她聯合填詞，還請外籍猛男健身教練Luke做男主角，兩人坐遊艇出海依偎曬太陽嘆香檳，Amanda說：「呢首歌講情人知己，感覺有少少曖昧。」問到為何找雲翔一齊填詞？她說：「佢係導演，之前搵我客串過電影，佢知我出新歌有興趣寫，佢未試過填詞㗎。」採訪：皓騫
來源:
http://hk.apple.nextmedia.com/entertainment/art/20170614/20054742
Next Page