被封「樂壇隱世高手」陳柏宇講到明唔想做天王
1 :
GS(14)@2016-12-07 07:41:14香港樂壇一直都有唔少出色嘅男歌手．好似前晚開騷嘅歌神張學友、好吹得嘅Eason陳奕迅，仲有一位蒼海遺珠嘅Jason陳柏宇。其實Jason喺06年出道，一口氣拎咗幾個新人王獎項，數下數下，原來今年佢已經出道10年。呢10年間，Jason有過唔少耳熟能詳嘅飲歌，《I Miss You》或者《你瞞我瞞》瞓着咗都哼得出。儲儲埋埋咁多飲歌，Jason當然開過唔少演唱會，但就喺未試過喺象徵地位嘅紅館開騷，被指係半紅不黑，而佢都曾經接受訪問仲講過：「我唔想最紅唔想做天王，太大壓力，冇晒私人時間。」結果就俾高登仔起咗個朵叫「樂壇隱世高手」。呢位高手，暗中有好多支持者㗎，連高登天后瓊姐都好撐佢，試過喺專頁入面連續3個月開post表態，覺得Jason應該有更高成就。之前有傳今年商台叱吒得獎名單流出，Jason好有機會爭男歌手金獎，瓊姐都出晒面話Jason一吐烏氣，開心到拍晒手掌，你就知道，樂壇隱世高手絕對唔可以睇小。
來源:
http://hk.apple.nextmedia.com/entertainment/art/20161206/19856732