ZKIZ Archives


【DJ二代】林泳清純少女味

1 : GS(14)@2016-08-07 01:48:19

林泳(左)、彭羚(右)


阿葛的靚仔兒子Jabez擁迷人電眼,其他明星DJ林海峰、森美及少爺占等的子女遺傳基因亦零舍出眾,顏值甚高。



林海峰

阿葛的好兄弟林海峰(Jan)98年與彭羚結婚,育有兩名千金林泳和林清。現年16歲的林泳,早前與彭羚齊齊撐Jan的紅館talk騷,亭亭玉立的她長髮及肩,散發清純少女味。




森美

與太太育有一對子女,多年來因太太陳雅嫻不喜歡上鏡,甚少結伴出席公開場合,惟大前年被本報拍到二人拖一對子女遊迪士尼,子女手長腳長,遺傳父母的優質基因。




少爺占

06年與青梅竹馬的冼燕珍秘密結婚,到前年太太誕下囝囝甄和天(Timmy)後,才逐步「地面化」。冼燕珍身形高䠷,打扮簡約有型,兩歲的Timmy亦同樣是小潮人。




林珊珊

林珊珊的兩個女兒李澄(西瓜)、李怡(野人),同樣擁有珊珊的青春童顏,而且甚有異性緣,西瓜近年更加入商台做DJ,又不時為活動擔任司儀,發展不俗。




鄭丹瑞

鄭丹瑞(旦哥)與太太「沙律」育有兩名女兒24歲的鄭瑤及23歲的鄭珉,不時與旦哥結伴看電影首映,已大個女的她們鼻高高加上身形纖瘦,燦爛的甜美笑容更加非常吸睛。





來源: http://hk.apple.nextmedia.com/entertainment/art/20160804/19722010
DJ 二代 林泳 清純 少女
PermaLink: https://articles.zkiz.com/?id=304475

【新女胸降】32C林泳淘《東張》真空

1 : GS(14)@2016-08-07 02:03:45

無綫收視每況愈下,《東張西望》貴為資訊性節目,都要大換血轉sell身材。專做戶外主持、2012年落選港姐林泳淘,日前8號風球下穿白色背心採訪Pokémon GO玩家,32C上圍加上22吋小蠻腰,激凸身材即成網民熱話。她前日在電話中透露原本穿風褸,但身水身汗才逼於無奈除剩打底衫,被指疑似真空,她說:「有運動bra,包得好好唔走光就OK,之前都着過,可能打風多人留意啦。」還有朱智賢、利穎怡、李旻芳也很受觀眾注視。





來源: http://hk.apple.nextmedia.com/entertainment/art/20160805/19723025
新女 女胸 胸降 32C 林泳 泳淘 東張 真空
PermaLink: https://articles.zkiz.com/?id=304574

林泳見狗即攬

1 : GS(14)@2017-02-09 23:44:14

■(右起)彭羚負責看管財物,讓大女及細女玩狗。



彭羚嫁林海峰後便退出樂壇當全職媽媽,對上一次公開獻聲,已是2012年現身黃偉文作品展。不過,彭羚亦樂於做林師奶,日前《蘋果》在數碼港發現她帶兩位女兒去放狗。



■林泳放狗像極跳舞。

當日下午4時多,三母女帶同兩隻貴婦狗與一名男友人同行,素顏的彭羚在草地鋪坐墊後坐着,主要職責是看手袋,兩個女兒則與狗仔周圍跑,大女林泳除了跟自己的狗狗玩,又不時逗玩公園其他狗,見到有外傭拖着兩隻西摩犬,林泳都會撲過去又摸又攬,十分開心。一家人最後玩到黃昏6時多,看日落後便坐七人車離開,男友人則自己駕車走。採訪、攝影:孔志豪、徐錦池




來源: http://hk.apple.nextmedia.com/entertainment/art/20170209/19922060
林泳 泳見 見狗 狗即 即攬
PermaLink: https://articles.zkiz.com/?id=326120

林泳着Converse布鞋夠貼地散發清新少女味

1 : GS(14)@2017-02-11 18:37:59

婚後相夫教女的彭羚樂做林師奶,日前帶兩個女去數碼港放狗,兩個女玩同狗狗都玩得好開心,16歲的大女林泳穿上粉色毛衣和skinny jeans配Converse布鞋,打扮有型又貼地,散發純純的少女味,雖然是星二代,但母親彭羚就沒有把女兒寵壞,大女沒有特別穿戴身名牌,感覺更可愛樸實。




來源: http://hk.apple.nextmedia.com/entertainment/art/20170210/19923218
林泳 泳著 Converse 布鞋 夠貼 貼地 散發 清新 少女
PermaLink: https://articles.zkiz.com/?id=326299

似彭羚唱得 英皇東亞打主意 林海峰禁17歲索女林泳入行

1 : GS(14)@2017-02-12 15:40:21

2017-02-02 NM
屋企一屋女人的林海峰,老婆彭羚雖然已屆47歲,但保養得宜,依然見得人,五年前破例為Wyman作品展演出,好評如潮,惹來不少演唱會主辦商拍門,掟錢誘復出,但林狗一句唔俾!彭羚立即投降,棄船唔唱,繼續做煮飯婆日日湊女。眨吓眼,大女林泳已經17歲,生得又索又高。去年中,她跟媽咪去睇騷,即被英皇、東亞睇中,要簽林泳入行,但同彭羚下場一樣,都過唔到專制老豆嗰關,唔好發夢!搵林珊珊幫口

當年同王菲Sammi不相上下的彭羚,○○年誕下大女林泳後,便逐步封咪,全職相夫教女。轉眼林泳就滿17歲,已經高過媽咪,婷婷玉立兼有一張省鏡明星臉。

去年中,林海峰舉行「是但噏」,尾場妻女到齊捧場,見到當時剛將長髮剪到膊頭的林泳,唱片公司包括英皇同東亞都流晒口水,紛紛向林狗埋手,要簽林泳入行。

「女大十八變,林泳真係愈大愈靚,嗰次出嚟就即刻俾英皇同東亞啲人睇中,追住問阿Jan(林海峰)想唔想個女入行,但阿Jan一嚟已經落晒閘,當時都有人搵埋林珊珊想佢幫口,但珊珊知細佬性格,叫大家諗都唔使諗!」知情者說。

帶兩女會戰友

專制林狗禁入行,似媽咪唱得的林泳,繼續學校生活。早個月,全職湊女的彭羚就陪住兩個女林泳林清,同到數碼港公園玩。下午五時多,彭羚先放低兩個女去公園,自己再去泊車。當日彭羚約埋昔日唱片公司的戰友敍舊,友人還帶了兩隻poodle狗狗一齊到,林泳林清開心到癲,不停同狗狗追來追去。兩女初長成,彭羚望住兩個女,笑得十分滿足。細女林清大部分時間黐住媽咪,玩完一陣,就會返番彭羚身邊,甚至伏在媽咪大髀詐嬌。

得父母真傳

至於keep住及肩微曲髮的林泳,近一年再標高,十七歲已經高過媽咪大半個頭,牛仔褲衞衣打扮青春逼人,兩年前箍咗牙的她,輪廓清秀,雖然未至於索爆,但相當討人喜歡,難怪咁多行內人打佢主意。十七歲精力充沛,林泳追住狗狗氹氹轉,玩得勁開心,彭羚主動攞起手機,拍低女兒開心表情。林泳得父母真傳,唱歌好聽,讀書亦叻,是學校高材生。「阿Jan原本想個女繼續讀女拔,但Cass(彭羚)唔想個女讀書太大壓力,兩年前安排林泳轉咗去漢基讀國際學校,遲啲就會送個女去英國繼續讀書。不過林泳好鍾意唱歌,亦似足媽咪咁唱得!」玩了差不多一小時,彭羚起身執嘢準備離開;兩姊妹意猶未盡,一人拖一隻狗,繼續喪跑。至於同舊同事邊行邊傾的彭羚,雖然退隱多年,但同昔日幾位並肩作戰的唱片公司同事,一直保持聯絡,十分念舊。

似姊妹冇代溝

同友人say bye後,三母女攬住一齊行去攞車,其間經過麥記,兩個女先去買薯條,彭羚在外等,之後一同返回南灣寓所。「Cass好錫兩個女,每日都一定湊女返學放學,同大女更加好似姊妹咁,兩母女行街會拖住手,因為彭羚同兩個女一齊成長,所以佢哋冇代溝,林泳咁大個女,但有乜心事都會同媽咪講!」退居家庭十幾年的彭羚,一二年因為黃偉文,破例復出唱,即引來製作公司打主意,利誘復出開騷,甚至出到百五萬一場,但老公一句唔俾,彭羚即刻唔唱。老婆言聽計從,林海峰去年在演出中公開多謝彭羚,表示當年在TVB化妝間,第一眼見到她,就知道呢個就係嘞!又聲言有彭羚才有他,冧到老婆在台下喊爆。咪睇細細粒林海峰是但噏,骨子裡是大男人主義者,對妻女採取保護政策。老公話晒事,但結婚多年,兩公婆仲係好恩愛,不時撇低兩個女二人世界,早前,林狗同老婆去淺水灣拍拖食雪糕,發現鏡頭後,即由左邊企到右邊,試圖用身體遮擋鏡頭免素顏彭羚上鏡。有林海峰把關,落閘放狗,想打佢屋企啲女人主意,難!

搶手星二代

圈中不少星二代都遺傳父母優質基因,天生一副明星相,冇得輸。

譚曉風

譚詠麟與紅顏知己Wendy的獨生子譚曉風,高大靚仔,是牛津拔尖高材生外,更能文能武,一直有不少唱片公司向佢招手。

苗彤

二十五歲的苗彤(Pheobe),身材高『身兆』又愛曬得一身古銅膚色,盡得苗僑偉和戚美珍遺傳的她,不時於IG大晒噴血泳衣照,更多次傳被邀參選港姐,是最索星二代之一。

Nikkie & Chloe

梁家輝與江嘉年一對索爆孖女Nikkie(梁穎晨)和細孖Chloe(梁靜禧)樣靚身材正,非常吸睛,大受網民關注,孖女雖有意闖娛樂圈,但老豆梁家輝卻極力阻止。

撰文、攝影、攝錄:娛樂組
似彭 彭羚 羚唱 唱得 英皇 東亞 打主意 林海峰 林海 17 歲索 索女 女林 林泳 泳入 入行
PermaLink: https://articles.zkiz.com/?id=326599


ZKIZ Archives @ 2019