李思捷拉半醉彭湘淇上車
1 :
GS(14)@2016-08-11 06:08:33■經常媾女的李思捷,日前和彭湘淇在尖沙嘴撐枱腳。資料圖片
經常被影到媾女的李思捷,自從跟王寶寶甩拖後,似乎不再甘願為一棵樹放棄整個森林,日前又被雜誌影到他去「斬樹」,跟34D前歌手彭湘淇(Cory)在尖沙嘴撐枱腳。李思捷不停為女方斟酒飲,離去時飲到腳步浮浮的Cory,跟李思捷當街拉扯。報道指李思捷扶着帶有醉意的Cory搭的士,惟女方卻攬柱不肯走,李思捷又摸額頭又施冧功,終令Cory跟他坐的士回家。事後李思捷接受傳媒訪問時否認有拉扯:「女仔就成日有。」Cory於2月在社交網貼合照,她指兩人認識6、7年,知道對方女人緣好,自己不會加入戰場。撰文:皓騫
來源:
http://hk.apple.nextmedia.com/entertainment/art/20160811/19731159
【爆相爆片】Cory擒李彩華舊愛李思捷:冇感覺
1 :
GS(14)@2016-08-14 14:29:20【哄到勁埋】■李思捷新女Cory日前在紅磡一私竇黐實李彩華舊愛Thomas兼摸大髀。讀者提供圖片
李思捷被指是「媾女王」,身邊一直女伴不絕,上月他便被拍得與34D歌手彭湘淇(Cory)於尖沙嘴撐枱腳,二人當街拉扯後再齊齊坐的士返李思捷何文田寓所。不過事隔一個月,Cory卻被指背李思捷與異性親熱。讀者黃先生前日透過本報「爆相爆片」報料,指日前在紅磡一私竇碰見Cory向一名男士狂送秋波攬攬抱抱,表現親暱,又指該男士是曾跟李彩華傳緋聞的Thomas Lee。在黃先生提供的短片中,見Cory表現熱情頻向Thomas獻吻兼抱抱,對方表現欲拒還迎。其後Cory跟Thomas咬耳仔後,Thomas指一指Cory說:「成日都除㗎啦,好彩冇事。」記者向黃先生查問Cory是到私竇耍樂還是上班,黃先生表示不清楚:「肯定唔係朋友落去玩。再豪放啲都見過。」黃先生表示該私竇為娛樂公司老闆張林雄所有,記者翻查資料,曾有報道指該私竇專門招待金融界和娛樂圈中人,並有女藝人坐枱,收費不菲,唱K連酒水起碼要9,000元,不過事後遭張林雄否認,揚言該處只招呼朋友。
【箍頸狼擒】■Cory向Thomas攬抱大送秋波。讀者提供圖片
■Thomas是汽車美容及銷售店高層,曾跟李彩華傳緋聞。資料圖片
■李思捷上月被拍到帶Cory返寓所。微博圖片
「寧願同思捷一齊」
記者昨致電Cory了解,她說:「Thomas係我朋友,識咗好耐,嗰晚係幫我慶祝生日,嗰陣我係整蠱話好鍾意佢,搞到佢好驚咪猛避我。」是否向Thomas求愛?Cory說:「我梗係唔會鍾意佢,佢都唔係鍾意我嗰類型,我寧願同李思捷一齊,不過有冇機會發展真係唔知,了解吓先。」至於李思捷昨到香港仔為劇集宣傳,對於Cory指在Thomas與他之間寧願揀跟他在一起,他回應說︰「我同佢係認識咗六、七年嘅朋友,佢係好女仔,我視佢為妹妹,冇感覺就係冇感覺。」採訪:嵐山
來源:
http://hk.apple.nextmedia.com/entertainment/art/20160814/19735289
李思捷新女同郭富城網聊交換電話彭湘淇:賽車識嘅!
1 :
GS(14)@2016-08-14 14:29:20彭湘淇(Cory)同李思捷喺尖沙嘴食飯,仲醉到貓咗,俾周刊影到腳步浮浮喺街拉扯。其實 Cory今年先得20歲出頭,已經係慈善基金——「身心美慈善基金」副主席,仲喺13年推出過派台歌《變身》,又係一個業餘賽車手……唔知咁多身份,係咪特別容易傳緋聞?
Cory喺上年試過捲入郭富城網聊緋聞,當時有周刊報道話有o靚模周圍認叻,話同城城kiss過,而爆料人就將矛頭直招Cory。事後傳媒向Cory查詢,佢承認同城城喺賽車時認識,城城除咗關注佢Instagram,仲有交換過電話,但就冇聯絡過。
來源:
http://hk.apple.nextmedia.com/entertainment/art/20160814/19735715
【緋聞女王】當街攬啜李思捷
1 :
GS(14)@2017-02-12 13:52:32李思捷(左)
陳雅倫入行至今,緋聞不絕,但全部都未能開花結果,去年認識了吳彥祖的表哥Martin,兩人一撻即着,雞年更拉埋天窗。
官二代Sam
前年被拍到孖北京海軍軍官二代Sam在中環拍拖,濕平兼嘆咖啡,舉止親暱。
李思捷
2013年被拍到與年輕8歲的李思捷街上攬錫,男方被指撇甩女友「春卷」王寶寶,跟陳雅倫發展姊弟戀。
王瑞勳
與練馬師王登平兒子王瑞勳01年分手,半年情玩完,男方於2003年娶港姐冠軍楊婉儀。
黃尚偉
於1988年經蘇永康介紹認識音樂人黃尚偉,黃對她一見鍾情,更完成她的出碟夢,兩人拍拖十一年後分手。
陳庭威
1984年仍是模特兒的陳雅倫,與初出道的陳庭威拍拖,1988年分手,三年後陳庭威跳槽至亞視上位。
來源:
http://hk.apple.nextmedia.com/entertainment/art/20170212/19925560
李思欣開製作公司
1 :
GS(14)@2017-04-04 08:56:06離開無綫快三年的李思欣工作量大增,不但有搞珠寶生意,近日更獲老公范振鋒支持開製作公司,嘗試轉型。思欣透露加入天泰娛樂文化公司做董事總經理,昨在電話中說:「老闆仲畀咗少少股份我,我都想嘗試更多嘢,學吓搞製作,我哋公司有份搞林敏驄演唱會,遲啲又會投資拍電影。」為鼓勵思欣接受新挑戰,阿范近日請老婆去台北旅行,兩公婆在台北喪食,還放天燈祈福,思欣在天燈寫上:「全家開心美滿,保持年輕貌美,B仔精神爽利,掂!」並預計未來工作忙碌,生仔大計或要延遲,原定明年生狗B的她說:「真係想生狗B,但要睇吓開公司進度,順其自然。」採訪:楊定
來源:
http://hk.apple.nextmedia.com/entertainment/art/20170404/19979061
Next Page