📖 ZKIZ Archives

四叔貓紙回歸 仲有好多嘢未爆！

1 : GS(14)@2012-06-13 01:21:03

http://hk.apple.nextmedia.com/financeestate/art/20120612/16418216

唔少人都知，人稱四叔嘅恒地（012）主席李兆基對傳媒講嘢一向都準備十足，以便應付記者千奇百怪嘅問題，所以只係得財經版頭條講四叔，有啲到喉唔到肺。作為《蘋果》財經版讀者嘅你，今次有福喇，我哋將噚日記者會上四叔未完嘅故事，呈獻畀大家！
話說四叔失蹤咗一排嘅貓紙，噚日喺股東會之後嘅記者會上再度重出江湖，醒目嘅攝記哥哥二話不說，即刻影低咗，有圖有真相，呢個證據令華華可以將四叔講唔晒嘅重點，攞出嚟同大家分享。不過分享之前，事先聲明，四叔嘅貓紙係用密碼寫，有解碼嘅需要。
論特首　希臘唔掂香港掂
攝記捕捉到嘅，相信係貓紙嘅第二頁，第一句係「舊樓重建，我多過市建局」，呢句記者會都有講。尚未曝光嘅內容，係雷曼事件，根據貓紙內容，「好多樣都是香港最好（歐美不如），假如在希臘做特首好唔掂，香港就好掂。（香港）環境特殊，得天獨厚，曆（歷）年都有盈餘。」四叔大概想講：經歷咁多風雨，香港仍然係最好，包括個特首囉！
貓紙另一個題目係新畢業大學生買樓，話「迫他做業主及勤於工作」。之不過家啲樓貴到無倫，想上車都唔易，呢條橋未必行得通。仲有一部份貓紙連華華都睇唔明，有相為證，大家可以自行參詳一下，或者等下次四叔自己解密啦！
李華華

---

【打工仔必備】似爆未爆粗之間　三個女生黐膠紙

1 : GS(14)@2015-10-30 07:45:11

為保飯碗，阿Tam、阿花與阿卜不便上鏡，只好用膠紙自我打格。


老細腦細，總係講過唔記得；部門阿頭識少少，硬係扮晒代表。辦公室小人幫，是血管天敵，惟有幽默感才能疏通疏通，免卻爆裂之危。三個自稱文青，訛稱非麻甩系的女生（好似係），設計了四款好治癒的粗口諧音膠紙，遇上谷鬼氣之事攞出來左黐右貼，怒氣速速退，難怪一周已賣出過千卷。記者：葉青霞　攝影：許先煜、伍慶泉



四句分別是一堆「雕」的同音字與諧音字、戇99、柒少陣當幫忙及訓醒未李露眉。

品牌叫「丟那星」(Diu le sing)，也是玩粗口諧音。膠紙一套四卷$95，一卷$25。



返工條氣唔順，十常八九，跟同事笑吓呻吓，乃上班時間必備環節。阿花、阿卜與阿Tam在同一家公司任職平面設計師，工作壓力達十級，覺得齋用口罵已不足以洩憤，於是決定出埋雙手打……字，創作怨氣膠紙。阿卜說：「工作上遇到好多火滾事，呢四句幾乎日日都要講。」Lunch time的吹水說笑，竟然越搞越認真，做埋設計，兼找來有設計膠紙的台灣朋友找廠訂製。原本心聲膠紙只是自用送人，後來放上facebook試試反應，搞了個叫Diu Le Sing的品牌，啲like竟然多到個心離一離。阿花笑說：「第一日好快已經有過千like，定單可以話係湧入嚟，證明香港打工仔真係好大壓力。」超乎預期的反應，令膠紙再度加印仍然供不應求。阿花：「有啲人訂好多卷，估計係集合成個部門同事一齊訂。」自問爛口，覺得遇上同道中人。她們竟然笑着否認，不與我為伍，嗚呀。「我收放自如嘅。」、「其實我哋都係文青」、「本人真係好斯文，點嬲都講唔出嗰啲字。」真實接觸，的確覺得有人斯文，有人對粗口open。膠紙上寫的是粗口諧音，徘徊在似爆粗與未爆之間，其實只為發洩得幽默一點。阿花：「廣東話粗口係抵死嘅，但直接寫冇咁多想像空間，唔使事事畫公仔畫出腸嘅。」所以facebook有人留言提議她們做真粗口膠紙，她們都暫不考慮。



專頁有這樣的介紹：「膠紙經過特別處理，字上面都會有一點凹凸感，讓你怒火中燒時甩一甩，都可以作寧神定驚之用！」笑了。

圍住仇人公轉，用膠紙纏住佢個頭，諗吓都大快人心呀！



對付小人貼咗當講咗

膠紙得手後，到底要唔要有特別的使用技巧？阿Tam:「你鍾意點用就點用，可以喺自己本notebook係咁貼，貼咗當講咗。」阿卜補充：「或者趁嗰個你好憎嘅同事放假，偷偷哋黏滿佢個mon、佢張枱。」我覺得對付小人要think big……幻想嗰陣。「咁我哋都諗過貼落佢塊面，再圍住佢個頭係咁黐，再綁住佢個身嘅。」嘩，光想就覺得心涼了。她們認為膠紙除適用於辦公室，各行各業都要有一套。阿卜：「香港每個人都要有。」的確只要你與人接觸，就有可能遇上氣頂之事，出門必備也。膠紙設計，模仿了小時候寫的習字字帖，刻意勾起童年回憶。阿花笑謂：「寫大字感覺好正經，但我哋偏偏寫啲唔正經嘅詞語。」膠紙有濃烈本土味，廣東話粗口諧音，廣東道上的人未必懂，親切的共鳴感正是賣點。阿卜：「呢幾年大家追捧台灣小清新，但我哋覺得香港有好多本土文化都好值得大家鍾意。」係囉，如果啲膠紙寫×你娘，你買唔買先？





來源: http://hk.apple.nextmedia.com/su ... t/20151030/19352698

---

財經評論：港股為何還未爆？

1 : GS(14)@2017-12-04 23:47:31

港股今年表現出眾，截至上星期五，恒指狂飆約35.75%，跑贏納指、標普500、南韓KOSPI、富時100等多個主要指數。上星期，有資深財經評論員指港股已累積一定升幅，明年隨時「爆煲」。筆者非專家，難知大市何時轉勢，但就希望借此機會思考為何港股在錄得凌厲升勢下，至今仍未「爆煲」。今年來，不論基金經理還是大行策略師，都強調港股企業盈利增長佳。據彭博數據顯示，現時恒指市盈率僅約13.8倍，與近20年平均值接近，較2007年10月30日大市走上歷史點數高位（31958點）的21.7倍仍有一大段距離。恒指未來12個月預測市盈率則約12.6倍，泡沫不但未現，更看似有不少價值重估空間。北水入市理性亦是一大主因。今年北水持續湧入，並奪得部份股份定價權，但據市場觀察，相關資金主要來自機構投資者，入市上相對理性，只會買前景樂觀或業績不俗的優質股，不會盲追，令市場氣氛至今未致亢奮。截至周一，本月主板日均成交額只得1,169億元，遠未及2007年10月的1,654億元及2015年4月「港股大時代」的1,981億元。順帶一提，在牛市「爆煲」前，港交所（388）往往表現強勢並領漲大市，該股2007年大漲165%、2015年4月單月則錄56.1%升幅，惟截至周一，港交所本年僅升34.5%，遠遜昔日表現。不過，心水清的投資者想必留意到，自眾安（6060）、閱文（772）等焦點新股掛牌後，散戶投入程度明顯提高，甚至連主打「師奶」的電視節目都市閒情亦開始邀請股評人到來分享，截至上周五，下月期指未平倉合約更高達6.2萬張，雖筆者未知港股何時「爆煲」，但可肯定指數往後波幅勢必加大。記者：莫亦熙



來源: https://hk.finance.appledaily.co ... e/20171128/20228259

---